همسات انثويه

🤲 أدعية قصيرة ومصورة ليو۾ الجمعة 🕌👇
https://t.me/fwayiid/19076

🥗أطباقي(طبخات ؏ قد الإيد)🌮👇🏻
t.me/addlist/y7-gqrFqVsczZmM0

ليكى أكتر من دور بس بالدور 👌

ربنا خص المرأة بصفة خاصة جدًا و هى قدرتها على عمل أكتر من مهمة فى حياتها. و دا عشان طبيعة دورها فى الحياة هو رعاية أطراف كتير كل منهم فى مرحلة عمرية مختلفة و إحتياجات متباينة.

🔹مثال: فى بيت واحد هى بتراعى طفل و زوج و أحد الأجداد أو كلهم. كل منهم له إحتياجاته و اسلوب تواصل مختلف، و هى تقدو بجدارة و كفاءة تدير مشاعر و أفكار الثلاثة من غير سحرو لا شعوذة😎.
بقدراتها الخاصة اللى ربنا خلقها built in عندها.

فضلت سنين المرأة من بداية رحلتها على الأرض، تستغل قدراتها على نطاق أسرتها و دايرتها الأولى.
لغاية ما بعد الربع الأول من القرن الماضى ظهرت حركات تحرير المرأة و مساعدتها تخرج و تتعلم و تشتغل و تشارك فى دوائر أخرى.

جميل و عظيم … لأن التعليم فرق كتير فى شخصية المرأة. بدل ما كان كل هدفها و هدف أهلها من سن ١٣-١٤ سنة ، إنتظار مين هيجى يأخدها لييت تانى ، عشان يتغير دورها كن ابنة و أخت لزوجة و أم.
هى دى الأدوار فقط اللى كانت بتلعبها.
كان لازم يكون فى راجل مسئول عنها أب، أخ، زوج …

فى البداية لما بدأت تتعلم… حست بالفخر تقول اسمها لوحده.. " أنا اسمى … وتقول اسمها الأول "
و بدأت ثقتها تزيد مع السنين ، ممكن يكون ليه دور زيى زى اخويا و ابويا و زوجى.

مش هتكلم عن فئة حواء اللى تطرفت فى التفكير و حادوا عن إحساس الأنوثة الطبيعى و رغبتها يكون لها أسرة و معاها شريك حياة و أولاد و قررت تكون سترونج انديندت و تخلت عن ومان.

كلامى تحديدًا و بتركيز عشان اللى بيقرأ لا يتشتت.
كلامى عن المرأة السوية نفسيًا اللى عايزة تجرب و تعيش أدوار مختلفة فى حياتها بس محتارة و متلخبطة و عايزة كله مرة واحدة مع بعضه.

اكون زوجة و أم و شخص ناجح فى شغله جدًا و ليه تأثير مع أسرتى و أصحابى و كل دايرة أنا فيها🤓🤓🤩

جميل الطموح بس الحكمة فى التطبيق.
كل الادوار ممكنة … بس الوعى و العقل فى ترتيب الأولويات…

✅✅✅" كل دور لازم يجى وقته بالدور"

تانى و تالت و عاشر بصوت عالى
" كل دور لازم يجى وقته بالدور"

حقيقة علمية Multitasking is a Myth
فكرة قدرة العقل أنه يقدر يعمل أكتر من مهمة فى نفس الوقت دا خرافة و غير حقيقية.

العقل بيعمل عمل واحد و عشان يعمل حاجة تانية هيفصل و ينتقل للمهمة الأخرى و بعدين يرجع تانى.
و طبيعى بين الوقتين ممكن حاجات تقع و تضيع. 😂

✅ممكن نعمل حاجتين فيهم بساطة شديدة مع بعض
زى انى بسمع حاجة و أنا بسوق العربية.
" لأن سماع شيىء مش هيلهينى عن مهمة السواقة و التركيز فى الطريق
بس ما ينفعش أقرأ كتاب و أنا سايق🥹
أكيد دا ممكن يتسبب فى كارثة ازاى أقرأ و مش هكون شايف الطريق 🤔

نفس الفكرة فى حياتنا، فى أوقات لازم نعمل pause لبعض الأدوار لأن فى أدوار لها أهمية أكبر فى المرحلة دى فى حياتنا. و مممكن نقلل من قدر أدوار عشان نعلى الأهتمام أدوار أخرى فى حياتنا.

✅✅✅ قصة من الواقع أحداثها حقيقية :

بنوتة جميلة اسمها رشيدة أتخرجت من الجامعة، قررت تشتغل و تجتهد و تثبت ذاتها، قابلت ابن الحلال منير اللى ارتاحت له و هو ارتاح لها. قرروا يتزوجوا..
لحد كده كلام جميل و كلام معقول. كملت تشتغل و كانت لحد كبير قادرة توفق بين الدورين.
لغاية ما ربنا رزقهم بطفل جميل اسمه أمير بس محتاجة رعاية كتير 🤔.
رشيدة فكرت .. تعمل ايه مع أمير دا تركه بدون رعاية أمر خطير . و اكيد هو محتاج لها فو رعايته أكتر من منير🤔.

رشيدة العاقلة كان لازم تفكر و تحدد اولوياتها و تقييم احتياجاتهم و مكانها فى اى دور فى المرحلة دى أهم. وجدت رشيدة أن مرتبها مش لأساسيات البيت. و أن وجودها مع أمير هيوفر مصاريف و توهان و لخبطة كتير عليها هى و منير.
قررت تأخد فترة بريك من الشغل حتى لو هتضطر تستقيل ، هى عارفة بشاطرتها و قدرتها هتقدر تلاقى البديل.

قعدت رشيدة فى البيت مع أمير، تراعيه و تتمتع فترة بدور الست البيتوتة و الأم العسولة اللى بتربى بدون ضغط الوقت و العمل اللى كان من الساعة ٨ص ل ٨ بالليل .
و لما أمير كبر شوية وبقى عندها وقت، بدأت تفكر تشتغل اونلاين. وًلما وصل أمير ٣ سنين بقت بتوديه ايام معينة لساعات معقولة و تروح مكتب بتشتغل فيه part time تحضر اجتماع أو تستلم أو تسلم شغل.
و جدت الاستقرار مش فى التخلى كليا عن أدوارها و طموحها . إنما فى تحديد الأولويات فى حياتها .
كل دور بالدور.
رشيدة مكملة رحلتها فى الحياة كإنسانة و زوجة و أم ، و مع كل مرحلة هتختار لها دور يناسب رؤيتها وفقا لأولوياتها فى كل مرحلة"

و دى كانت قصة رشيدة الرشيدة🤓
الرسالة فى مضمون القصة👌

ريهام سمير

#امرأة_متميزة

كنت باسمع حاجة ع الساوند كلاود ... فالمحاضر كان بيتكلم عن [الإنهزام الرحيم ]

الانهزام الرحيم ... هو انك تسيب اللي قدامك يهزمك في نقطة معينة ....مش ضعف منك ولا قلة حيلة .... ولكن رحمة بيه.

المعنى ده مهم يكون موجود في بيوتنا

عادي جدا ... إن انت كزوج ... انك تسيب زوجتك تغلبك في الكلام في خناقة معينة ... وتعتذرلها .... مش لأنك غلطان او ضعيف الحجة ... ولكن رحمة بها ... عشان لو زنقتها أكتر هتتكسر .

وعادي كزوجة ...انك في وسط الخناقة تسكتي وتسيبيه يخرج الزعل اللي جواه من غير ما تكوني حريصة انك تثبتيله انه غلطان .. وتطيبي بخاطره بعدها وتقوليله [هذه يدي في يدك لا أذوق غمضا حتى ترضى ]... مش من باب الضعف ولكن من باب الرحمة بيه وبشعور حرقة الدم اللي حاسس بيه .

مش صح اننا ندخل كل مناقشة وكل خناقة بنفسية اننا عاوزين نعلم على بعض و نقلب الترابيزة في وش بعض .. و نبرر وندافع و نحط النقط على الحروف ونثبت موقف.... ده بيحول البيت من سكن لساحة حرب

لا تستقيم البيوت الا بوجود خلق التغافل والانهزام الرحيم .

وزي ما بانصح الأزواج دايما .... مهم في المشاكل إن الطرف الأكثر إتزانا يحتوي الطرف الأكثر إحتراقا .... وبشكل متبادل

ساعتها هانقدر نتجاوز كتير من مشاكلنا من غير ما نكسر بعض او نجرح بعض جرح عميق

#دفا_البيوت
#محمد_فتحي
#همسات_زوجيه

سيدة جميلة سنها يقترب من السبعين .
بتحكى فى قعدة سيدات ، سيدات فى منتصف العمر و زوجات لسه شابات فى بداية الزواج و فتيات لسه لم يتزوجن.

لاحظت كثرة الشكوى من الأولاد.. و الكلام عن الحياة و مسئولياتها و كله ماديات فى ماديات.
اختارت بذكاء الوقت المناسب و لما كان معاها قيادة الحديث فى وقت ما الحضور بيسألوها عن تربيتها لأولادها اللى كلهم ما شاء الله لهم شأن و احترام و سط الحضور.

حولت الحديث لمحور تانى بذكاء قالت" من قبل ما اتجوز زوجى الحبيب ، و احنا مخطوبين ، قالى مرة و احنا مع بعض ، عايزين نتفق على حاجة و نحاول مع بعض نطبقها لما نتجوز و نبدأ مع بعض حياتنا.
أنا عارف أن تحديات الحياة كتيرة و صعبة و هيجى و قت أنا مركز علطول فى الشغل و أنت مع البيت و الاولاد.
مش عايز ننسى وقتنا مع بعض . محتاجين نركز أنا و أنتِ نبنى رصيد ينفعنا لو لنا نصيب و مكملين مع بعض الرحلة بعد ما أولادنا يكبروا و كل منهم يكون له حياة.
احنا بنبدأ مع بعض رحلتنا دلوقتى بحب وعشان نكمل رحلتنا حتى النهاية بحب، محتاجين نبنى ذكريات تخصنا فى كل محطة فى حياتنا. كلام زوجى كان زى عهد بنا.
بدأنا نخطط يوم فى الشهر لنا لوحدنا ، نرتبه بطرق مختلفة. خروجه كام ساعة فى اى مكان من غير الأولاد. نسافر كل ما يكون فى مساحة و امكانية و لو يوم واحد لوحدنا و اترك الأولاد مع الأجداد أو مع خالات أو عمات.

كل يوم كان لينا من ٣٠-٤٥ دقيقة فى آخر اليوم بعد ما الأولاد يناموا نتفرج على حاجة بنحبها و نتابعها مع بعض. مسلسل قديم أو جديد نتابعه مع بعض.
عدى على زواجنا ٤٥ سنة و احنا مع بعض، مروا حلم جميل رغم كل الصعوبات و التحديات اللى واجهناها مع بعض.

كل ما كنا نضايق من ظروف أو نختلف، نفكر بعض بشريط الذكريات. نرجع لألبومات الصور الكتير عندنا و نضحك.
فى عيد زواجنا ال ٤٠، ابنى عمل لنا مفاجأة كبيرة.
جمع صور و عملها scan و عمل لنا فيديو عن كل مرحلة فى حياتنا. فيديو الخطوبة ، فيديو صور الفرح، فيديو له معاناو فيديو لكل واحد من اخواته الاثنين ، و فيديو لذكرياتنا أنا و زوجى فى خروجاتنا و مناسبتنا لوحدنا.
الفيديو الأخير دا أثر فينا…. شريط كامل من الذكريات على مر ٤٠ سنة . شكلنا اتغير بس قلوبنا زى ما هى بالعكس زادت غلاوة و معزة بنا. بدأنا بالحب اللى ممكن تتغير ملامحه و اتجاهاته و مكملين مع بعض بالمودة و الرحمة و العش الطيبة اللى بتدوم و تولد روابط أقوى من الحب "

الكل كان بيسمع السيدة الجميلة دى بتركيز… ساد صمت بس معاه وعى و إنصات.

ابتسمت السيدة الجميلة بعد ما خلصت كلامها و قالت.
كلامى دا نصيحة لكل اللى قاعدين معايا … الزواج مش فرحة شكلية مؤقته … و لا هدفه الوحيد بناء عيلة ووجود أولاد. الزواج رحلة بتبدأ باثنين قرروا يكونوا شركاء فى كل تفاصيل الحياة الحلو ة و الصعبة.

✅ الخلاصة:

🔹المودة و الرحمة أقوى من الحب
🔹ذكريات الأمس وقود الاستمرار للغد
🔹الأولاد هينزلوا فى محطات و اللى مكملين مع بعض هم الزوجين

يومكم مودة و رحمة 🥰#همسات_زوجيه

قالت : هل لو حسيت بالونس فى الوحدة انا كدة مش هبعد عن الناس ؟

محدش قال كدة

أنا دايما بتكلم عن طريقة تفكير خاطئة منتشرة طريقة ( يا إما كذا يا إما عكسها )

و دى طريقة بتخنقنا فى طريقة واحدة بس صح فى الحياة

و بتلخبطنا هو احنا المفروض نكون ازاى ؟

الونس مع النفس و انك تقدر تقعد لوحدك و انت مش خايف و مطمن دى مهارة

و انك تقدر تقعد مع الناس و تتواصل معاهم بشكل جيد دى مهارة تانية

و دى مش هتبوظ التانية
و لا دى عكس دى

انت لما بتكتسب المهارتين بتكون عندك مرونة عالية فى تقبل ظروف حياتك

انت لوحدك مبسوط و حالتك النفسية كويسة
و انت مع الناس مبسوط برده و حالتك النفسية كويسة

لكن هتلاقى كل واحد فينا يميل الى جانب معين بشكل فطرى و دا طبيعى

انت بتاكل الارز
و بتاكل المكرونة

لكن فيه حد بيفضل الرز و حد تانى بيفضل المكرونة و مفيش تعارض او تضارب بينهم

احنا اتعودنا و اتدربنا للاسف على ان فيه صح واحد بس و التانى غلط

و دى طريقة هتتعبنا فى حياتنا لو تبنيناها

الحياة محتاجة مرونة فى قبول الاختلافات
و الصح مش الى انت بتتبناه فقط

#دعاء_راجح
#همسات

اللي حابب يشارك كصدقه جاريه له🖍🖍🖍


أن شاء الله هنفتح مقراة لتحفيظ القرآن الكريم لكن تحتاج إلى صيانة
وهذه الصيانة تحتاج إلى مصاريف
فإن استطعت ان تساهم فى هذه المصاريف سواء مادية او عينية فجزاك الله خيرا وربنا يخلف عليك

٠١١٢٩٦١٤٤٥٥ كاش إتصالات

حساب بنكى
Eg410029006800000068427526100

للتواصل ومزيد من التفاصيل


٠١١٢٩٦١٤٤٥٥

مصر