أسرتي سر سعادتي

💗 لكل قلبٍ حكاية… ولكل شعورٍ كلمة..
اقتباسات جميلة وصور راقية
قد تجد بينها ما يشبهك🔽
t.me/addlist/pDiVtgkdxvszM2Jk

👨‍👦🧕شرح متن الجزرية مع الإجازة
🙂 شرح تحفة الأطفال للكبار والصغار👇👇
t.me/AleayidunElaAllah/36724

🔥 لا تضيع هذه المواضع التي ترفع درجاتك بدعاء الملائكة لك…تعرف عليها الآن 👇🏼
https://t.me/fwayiid/20120

🎀 أربعة تجلب ‎الرزق🕊️👇🏻
t.me/Darbalnagah/549414

💯للدعم @Al_foursan

من اكتر البرامج والكورسات اللى بحب اشترك معاك فيها

بجد انت بتقدمي محتوى غير اى حد والله

مش عشان هنا فى الجروب بس انا جربت

كورسات مع ناس تانية كل الحاجات نظرية

مش عارفة تطبقى

بس معاك بفضل الله المعلومات سهلة
التطبيق

بس احنا اللى بنبقى عايزين حد ماسك لنا العصاية ويجرى ورانا😂😂


#اراء

السلام عليكم ورحمة الله وبركاته..
حياك الله دكتورتنا الغاليه..
انا الاء دخلت معك كم دوره وانا استفدت كتيير من دوراتك حتي بتكون لي زي مرجع اذا احتجت لي اي شي برجع لدوراتك ...
وجزاك الله خير الجزاء علي حرصك علينا واهتمامك بنا..
وانا بحبك في الله ...
وربنا يوفقك ويسعدك دنيا وآخره زي م بتسعدينا بكلامك الجميييل.

#اراء

انا نهلة... تحدي الشرب جربته اكثر من طريقة واكثر حاجة كانت مناسبة معايا انه يكون معايا جزازة المياه الخاصه بي واعرف لو عبيتها بعدد معين بتدي الكمية المطلوبة في اليوم... وبتكون معايا مثلا دخلت اشتغل في غرفه وانا خارجه اشرب شوية وانتقل بيها لمكان تاني شغالة فيه... اكثر مكانين في البيت بستهلك او اشرب اكثر في وقت الكوي والطبخ... ولمن اكون خارجه بره البيت كل كم اشارة ببل ريقي

اشهد الله اني بحبك في الله
وكنت بسمع حضرتك في التسجيلات وتشرفت بالدخول معكي نفع الله بكي اينما حللتي وجعلكي الله سبب لتغيرنا للافضل اللهم امين🌹😘❤️

السلام عليكم ورحمة الله وبركاته
حياكي الله دكتورتنا الغاليه
جزاكي الله خيراً عن الدور المجانيه كتب الله اجرك يارب وربنا ينفعنا بما نتعلم يارب
مع حضرتك
أم عبدالله
هو حضرتك معلمه في معهد عبيده بن الجراح

#اراء

اجمل الريفيوهات علي الجروب

واسألى الطفل وخليه بجاوب عليكى بصراحة 👇
أكتر حاجة بتضيع وقتك إيه؟
📱 الموبايل؟
🎮 الألعاب؟
😅 ولا التأجيل نفسه؟

🛑 "قوم خلص اللي وراك!"
"هو فاضلك إيه؟"
"الساعة بقت كام؟!"
"يعني هتفتكر الواجب دلوقتي؟!"
لو عندك طفل من 8 لـ 16سنة
غالبًا الجمل دي بتتقال في بيتك كل يوم 😅
الطفل قاعد عادي جدًا…
يلعب شوية ويتفرج شوية ويقوم يعمل حاجة تانية خالص
وبعدها فجأة نكتشف إن:
الواجب لسه ما اتعملش
الشنطة ما اتجهزتش
المذاكرة ما بدأتش
ونلاقي نفسنا بنقول:
"إنت ليه دايمًا بتسيب كل حاجة لآخر لحظة؟!"
بس خلينا نفهم حاجة مهمة…
المشكلة هنا غالبًا
مش كسل.
المشكلة إن الطفل
لسه ما اتعلمش يعني إيه وقت أصلاً.
إحنا الكبار
شايفين الوقت قدامنا وشايفين الساعة
وشايفين المسؤوليات
وعارفين إن اليوم بيجري.
لكن الطفل مخه
مش شايف الوقت بالطريقة دي.
بالنسبة له
اليوم طويل جدًا.
ولما نقوله:
"عندك وقت."
هو بيفهمها حرفيًا:
"لسه بدري." 😅
ولما نقوله:
"لسه قدامك ساعة."
هو أصلًا
مش حاسس الساعة دي يعني إيه.
علشان كده
الأطفال كتير منهم عندهم مشكلة في:
التسويف
التأجيل
ضياع الوقت
مش لأنهم مش مسؤولين…
لكن لأنهم لسه ما اتعلموش يديروا الوقت.
وزي ما علمناه:
يمسك القلم ....يقرأ......يكتب
لازم كمان نعلمه يدير وقته.

🎯 طيب نعمل إيه عملي؟
مش هنقعد نعمل محاضرة عن قيمة الوقت…
الطفل مش هيفهمها كده.

خطوات عملية بتفرق جدًا:
1️⃣ خلي الوقت مرئي وملموس
إحنا الكبار شايفين الوقت قدامنا.
لكن الأطفال غالبًا ما بيحسوش بيه بنفس الطريقة.
عشان كده لما نقول:
"يلا وقت اللعب خلص."
هو فعلاً مش حاسس إن الوقت خلص.
خصوصًا الأطفال اللي عندهم تشتت انتباه أو اندفاعية.
الحل؟
خلي الوقت قدامه بعينه.
مثلاً:
ساعة رملية
تايمر
عداد للدقائق
لما يشوف الدقائق وهي بتعدي قدامه
بيبدأ يفهم إن الوقت بيتحرك فعلًا.

2️⃣ قسم المهمة
لما نقول للطفل:
"روح ذاكر."
هو بيسمعها كأننا بنقوله:
"ذاكر كل اللي وراك."
المهمة هنا بتبقى ضخمة في دماغه
فيبدأ يؤجلها…
وده اللي بنسميه التسويف.
الحل بسيط:
قسم المهمة.
بدل "ذاكر"
نقول:
عندك صفحتين كذا....
حل مسألتين في ال math
راجع درس كذا
العقل لما يشوف المهمة صغيرة
بيبقى مستعد يبدأ فيها.

3️⃣ قاعدة الـ10 دقايق
دي قاعدة سحرية مع الأطفال اللي بيقاوموا البداية.
قول له:
"خلينا نشتغل 10 دقايق بس."
غالبًا بعد ما يبدأ هيكمل.
لأن أصعب لحظة في أي مهمة
هي لحظة البداية.

4️⃣ الجداول
الجداول من أقوى الأدوات اللي بتعلم الطفل إدارة الوقت.
لكن المهم هنا:
خلي الطفل يشارك في عمل الجدول.
يعني نسأله:
الهوم ورك ده ممكن ياخد قد إيه؟
هو ممكن يقول:
ربع ساعة.
خليه يجرب.
لو أخد نص ساعة
المرة الجاية هيتعلم يحط وقت أدق.
كده الطفل بيتعلم:
إحساس الوقت
التخطيط
المسؤولية

5️⃣ خلي الطفل يحس بالسيطرة
من أهم الحاجات في إدارة الوقت
إن الطفل يحس إنه هو المتحكم.
يعني:
هو اللي يختار يبدأ بأي مادة
هو اللي يشارك في الجدول
هو اللي يقيم نفسه
لأن الشعور بالاستقلالية
بيرفع الثقة بالنفس جدًا.

6️⃣ البريك والمكافآت
العقل محتاج راحة.
فممكن نعمل:
20 دقيقة مذاكرة
5 دقايق بريك
لكن مهم جدًا:
خلي الشاشات في الآخر
مش في النص.
لأن أغلب الأطفال
هيصعب عليهم يرجعوا للمذاكرة بعدها.

7️⃣ القدوة
الأطفال بيتعلموا بالنموذج.
لو البيت كله فوضوي في الوقت
صعب نطلب من الطفل يبقى منظم.
الروتين البسيط اليومي
(وقت مذاكرة – وقت لعب – وقت نوم)
بيساعد الطفل يفهم شكل اليوم.

وأخيرًا…
مش معنى إن الطفل فشل مرة
إنه مش هيعرف يتعلم.
إدارة الوقت مهارة بتتبني خطوة خطوة.
ومع التدريب
هتلاقي الطفل بدأ يتحول فعلًا إلى
شخص قادر يدير وقته بنفسه.

وجربى معاه في الأول مثلاً
اختاري مهمة بسيطة
زي الواجب مثلًا.
واسألي الطفل:
"إنت شايف الواجب ده هياخد منك قد إيه؟"
خليه يتوقع.
هيقول مثلًا:
10 دقايق.
بعدها شغلي تايمر
وخليه يشتغل فعلًا.
ولما يخلص
اسأليه:
"خد قد إيه بجد؟"
غالبًا هتلاقيه خد
30 دقيقة مثلًا.
التمرين ده بسيط
لكن بيعمل حاجة مهمة جدًا.
بيخلي الطفل يبدأ
يحس بالوقت الحقيقي.

ملحوظة/ خلى في الأول مهام قليلة يعنى مثلا
قاعدة 3 مهام بس
كتير من الأطفال بيتلخبطوا
لأن المطلوب منهم كتير.
فبدل ما تقولي:
ذاكر
رتب
اعمل الواجب
جهز الشنطة
اقرأ
اكتبي معاه:
3 مهام بس لليوم.
ولما يخلص واحدة
يشطبها بنفسه.
الإحساس بالإنجاز
بيخلي الطفل يتحمس يكمل.

🎯 اللعبة اللي الأطفال بتحبها جدًا
اسمها:
"سباق الساعة" ودى مناسبه للسن الصغير اكتر
قولي له:
"نشوف هنخلص الواجب ده قبل ما التايمر يرن؟"
خلي الموضوع
تحدي او لعبة مش أوامر
الأطفال بيتفاعلوا جدًا
مع فكرة التحدي.

🎯 أهم حاجة لازم نعرفها
الطفل مش هيتعلم إدارة الوقت
من الكلام.
لكن من التدريب.
ومش مرة واحدة.
مرات كتير.
مرة
واتنين
وعشرة.
زي ما اتعلم يربط الجزمة
بعد محاولات كتير
❤️ وأهم سؤال تسأليه لنفسك كأم:
هل أنا نفسي
منظمة في وقتي قدامه؟
لأن الأطفال
بيتعلموا بالمشاهدة
أكتر من الكلام.

https://www.facebook.com/share/v/1cNKpcSrR1/


ازاي ترفضي طلب لاولادك بطريقه تربويه سليمة

د.عماد حجازي