رحلة أمومة🌸

حالات المشيمة الملتصقة (اللي تحتاج غالبا ازالة الرحم كاملا بعد استخراج الجنين) في الولايات المتحدة الامريكية اصبح اربع اضعاف ما كان عليه منذ 1980 الى حد 2016.
و باينة هذا الرقم اصبح اعلى بكثير في 2025 نظرا لتزايد سقف القيصريات في العالم بأكمله...
هذا في بلاد وين حوالي ثلث الامهات راهم يولدو قيصريات و في بلاد وين الاحصائيات كاينة مش كيما في بلادنا الحبيبة، وين رانا نحاربو في هذي الظاهرة بأنو ما يكونش عندنا اصلا احصائيات حولها 😌
استفزني تعليق ما في يوم ما لام تجيب أخرى انو هذي الحالات نااادرة حوالي 1% برك 😅😅 و اللي حيرني هو انها ظنت أن 1% هو عدد قليل او نادر اول شيء معناها نهزو مثلا ولاية باتنة و نحسبو عدد الولادات اللي حدثت فيها في 24 ساعة راح يتجاوز المئة ولادة، سما هذي الام تبالها في كل 24 ساعة عندنا حالة ولادة مشيمة ملتصقة طبعا مش كامل حالات المشيمة الملتصقة رايحين يعيشو... خاصة بالنظر لحالة العيادات الجوارية.. ومع ذلك جاتها قليل... جاتها عادي... جاتها عادي و انه خطر يمكن تحمله، المهم نولدو النسا كامل قيصريات مادام قاعات الولادة يخدمو فيهم قابلات شريرات غير انسانيات غير مسلمات باه ما نقولش كلمة اخرى و انو ظروف الولادة مزرية كثيرا...عادي تموت امرأة واحدة يوميا في ولاية صغيرة كيما تاعنا برك بلا ما نقيسو على المستوى الوطني...
عادي المهم الباقي يولدو قيصري و ما يتألموش و ما يتمرمدوش حسبها و ما يعيطوش عليهم...
هذا الكلام قالاتو لانها لم تقف يوما أمام امرأة لتعلن لها تشخيصا مثل هذا و تشرح لها مخاطر العملية و ترى الدموع و الخوف و الحيرة و كل مراحل الصدمة في عينيها، لم تضطر لشرح الامر لزوجها من اجل الحصول على امضاءه بأنه يعلم المخاطر المحتملة و ان شريكة حياته تدخل لعملية جد صعبة و ثقيلة، عن بكاء امها و اختها و ابنتها، لم تحضر يوما مشهدا مماثلا، وين يخرج الاطباء يبكيو لأنهم عجزو عن انقاذها لأن النزيف كان بزااف خاطف، مشهدا آخر وين الاطباء يخرجو فرحانين بأنهم قدرو ينقذو الأم طبعا كلفهم ذلك رحمها و الكثير من المجهودات مع المثانة...
لأنو لو حضرت يوما موقفا مشابها سوف تعرف ان حتى نسبة 0.0001% تستدعي أن يتم تحذير الامهات منها...لأن ذلك الواحد بعد عدة اصفار هو إمرأة تستحق أن تعيش بكامل صحتها دون ان يعرضها أحد لخطر كان من الممكن تجنبه.

#منال🌸

منقول عن صفحة the apple of m'y eye

السلام عليكم
باه نقفلو علينا موضوع الحليب مليح ماش مليح لي كل مرة يجي عليه أسئلة كثيرة ركزوا معايا

الحليب تاع البقر من الأغذية المذكورة في القرآن" لبنا سائغا للشاربين " و مالاشك فيه انه في حالته الطبيعية جيد جدا كغذاء للكبار و الصغار ابتداءا من عمر السنة
أما أقل من سنة لازم حليب الأم و اذا تعذر الأمر حليب بقر المعالج للأطفال اي حليب علب الأطفال لانه يخفف من حدة البروتينات لي فيه باه تكون مناسبة لجهازه الهضمي و ماديرش مشاكل

هكا متفاهمين 👍

أما بعد عمر السنة يقدر الطفل يشربو عادي فقط الكمية لا تزيد عن 500ملل يوميا حتى لا يعتمد فقط على الحليب دون الأغذية الأخرى

بالنسبة للفطور بالحليب المشكل ليس في الحليب اذا كان طبيعي بل في طريقة فطورنا يعني حليب و سكر و قهوة و قاطو و هذا هو المشكل أما لي يشرب حليب طبيعي مع طرف كسرة تاع قمح و لا احسن

قد مانفطرو بحاجة مالحة أو غير حلوة قد ما نبقاو شبعانين لوقت أطول لماذا ؟

لأننا اذا كلينا حاجة حلوة مافيهاش الياف رايحة تهضم بسرعة بعد ساعتين يطلع الأنسولين إلى مستويات عالية و تكون الوجبة تهضمت و بالتالي الأنسولين يطلب السكر و رايحين تجوعو بسرعة و تحسو برغبة في تناول حاجة حلوة و هكذا و مع الوقت تجي مقاومة الأنسولين و مشاكلها

نروحوا للنقطة الثانية intolérance au lactose أو الناس لي يوجعها الحليب كي تشربو هاذوك فئة قليلة و هو مرض وين انزيم اللاكتاز لي يهضم الحليب قليل في الجسم و بالتالي يديرلهم مشاكل هضم و لازمهم ينقصوا استهلاك الحليب و مشتقاتو فقط ماش لازم يمنعوهم عكس حساسية الحليب لي يكون عند الأطفال و نادرا عند الكبار وين ماياكلوش مشتقات الحليب تماما و طبعا يبقى مرض عند البعض فقط و ليس كل الناس

النقطة الثالثة الدراسات الحديثة لي تمنع تماما شرب حليب الحيوانات و استبداله بحليب اللوز و النباتات على أنه مضر انا ضدها لأنها سبق و منعت شحوم الحيوانات باه الناس تتجه للدهون النباتية و بالتالي يقوى مرض الكولسترول و يزيدو من بيع الأدوية يعني أمر تجاري
و يروجون ايضا لأن يكون الإنسان نباتي احسن وهو أمر ضد الطبيعة و ضد ماجاء في الكتاب و السنة و الحمد لله نحن مسلمون

أما كون الحليب الحالي ماشي طبيعي و الأبقار تاكل هرمونات هنا اكيد فيه كلام و لكن بهذا المفهوم مارايحين ناكلو والو لانو كل شيء غير طبيعي 100% من دجاج و سمك و بيض و خضار فيها اسمدة و اكل علب وووووو

الله غالب هذا حالنا لأننا لا ننتج غذائنا و نحن نستهلك فقط

يعني حليب البقر نشريوه نغليوه مليح للتخلص من امرين
الأول بكتيريا brucellose اذا كانت الأبقار غير ملقحة
والثاني تفكير بعض الهرمونات و البروتينات الكبيرة صعبة الهضم و اشربوه بالصحة والراحة

فقط كي تشريوه تحراو لي يبيعو منين يجيبو باه تجيبو احسن نوعية ممكنة من ابقار تاكل الحشيش

ان شاء الله تكون الفكرة وصلت و لي يقدر ينشرها يفعل ذلك باه الناس كامل تتضح لها الفكرة

الدكتورة رقاد جميلة 🩺🇩🇿

إذا مرض إبني وأخذته للطبيب ،واش لازم علي نسقسي الطبيب ؟
.
.

١- هل فحص ابني جيد أم لا؟

#مثال

ابنك فحصه جيد
ولا يعاني من أعراض ميكروب في المخ، أو أعراض جفاف على حسب الحالة

حتى ولو كنت أنت تحس بأنو ماهوش مليح، يهمنا فحص الطبيب

٢- هل مشكل الحمى ظهر أم لا؟

#مثال

ابنك عنده التهاب في الحلق والأنف
أو ابنك عنده حمى فقط ربما يكون فيروس ،وربما تسنين على حسب تطور المرض

٣- هل هو حالة مستعجلة أم لا؟

#مثال :

ابنك فحصه جيد ولاتوجد حالة مستعجلة
حتى ولو كانت حمى 40 درجة
حتى ولو كان قيء ميحبسش ..

الطبيب الذي يُحدد الحالة المستعجلة ولست أنت

٣- هل لازم عليّا نبدأ الدواء في الحين أم ننتظر ؟

#مثال:

إذا كان عندو التهاب في الأنف والحلق نقدر ننتظر 72 ساعة
إذا ماراحت الحمى تبدا المضاد الحيوي

٤- وشي الأعراض لي لازم نعسهم ونخاف كون يظهرو عندو وليدي؟

#مثال :

إذا مارحتش الحمى بعد 72 ساعة تعاود ترجعلي
إذا ظهرو أعراض جدد :طفح جلدي ،أعراض جفاف ،ضيق في التنفس …تعاود ترجع
إذا غاب الطفل عن الوعي تعاود ترجع

٥- وقتاه نقول بأنّ وليدي تحسن ؟

#مثال :

إذا راحت الحمى ،يعني وليدك تحسن
حتى كون يبقى السعال ،الفشل ، فقدان الشهية….
عادي

٦- إذا متحسنش بالدواء ، وقتاه نرجعو ؟

#مثال :

إذا بدأ المضاد الحيوي لازم اليوم الثالث تروح الحمى
إذا مارحتش تعاود ترجعلي الطفل

طبعا هاذي كلها أمثلة فقط
وكل مرض عندو الخصائص تاعو

#كخلاصة:

ماكنش هاذي تاع وليدي نعرفو خرمن الطبيب
وليدي كون متعطيهش أونتيبيوتيك ميتحسنش
وليدي موالف تحكمو الحمى مطولش هك
قالولي هاذ الحاجة ماش مليحة ….

هاذ الأشياء ليست مرجع طبي
بل فوضى كبيرة لازم نقضوا عليها

راح تتعب و تعب معاك الطبيب

لازم نكونو واعيين ،
نعرفو وش نسقسو
نعرفو كيفاه نعس وليدي …

ورانا نحاولو مع زملائنا الأطباء نصحو هاذ الأفكار

————————————————————

🛑🛑 تذكييير 👇👇

◀️حجم الثدي ليس له علاقة بكمية إنتاج الحليب ، والاعتقاد أن الام التي تمتلك ثدي صغير حليبها قليل هو اعتقاد خاطئ..
🔶️حجم الثدي يعكس السعة التخزينية للحليب ، والسعة التخزينية تشير إلى كمية الحليب التي يمكن الاحتفاظ بها داخل الثدي بين الرضعات وليس كمية الحليب التي يتم إنتاجها ،
💫السعة التخزينية تختلف بين الامهات.
▪️فالأم ذات السعة التخزينية المنخفضة ( أي تمتلك ثدي صغير) يمتلئ ثديها أسرع من الأم ذات السعة التخزينية العالية، وبالتالي يجب عليها ان ترضع طفلها عدد مرات أكثر كي تشبع احتياجاته الغذائية وحتى تتجنب احتقان الثدي . أما الام الي تمتلك سعة تخزينية عالية، يتمكن طفلها من زيادة الفترة بين الرضعات بدون أي يتأثر انتاج الحليب .

💟 لذلك لازم كل أم تطمن ، جسمها قادر على انتاج الكميات المناسبة والكافية من الحليب لرضيعها