لالا أنا مشي قلوقية بصح...
جاتني مرا 40 اسبوع عندها سكري الحمل بدون انسولين نديرلها في الدوسي و نشايخو و تقولي ايييه الحمد لله طحت فيك عاقلة و كنت خايفة قالولي تاع الماتارنيتي قباح و هاكي عارفة حنا زوج ارواح و نخافو و ما شابه من الكلام المبتذل تاع الاحكام المسبقة...لا علينا، يخي بالريجيم برك مشي بالانسولين؟
ناضت تضحك، وش نقولك لا ريجيم لا انسولين، قلتلها كفاه؟
قاتلي يا ختي ما قدرتش الله غالب، نسخف !! و زاد دخل رمضان و انا من الطاجين لحلو لقلب اللوز للزلابية ها القاطو رمضان ما يصلحش فيه الريجيم ختي!! و انا ما نقدرش الله غالب!! مع العلم ماراهيش مامبا تصوم.
مشي هذاوين كنتي تقوليلي بغيتي تولدي طبيعي و بغيتيني نولدك انا و بدون شق عجان و تحلمي باه الولادة تكون مثالية؟
وش درتيلها؟؟ بقات تخزر 🙄
درتي مساج للعجان؟ ما درتش ما نقدرش يا ختي هذيك البلاصة صعيبة...
درتي سبور؟ ما عنديش الجهد ليهليه نتعب، عندي لانيمي.
الريجيم هاكي ما درتيش،
التحضير للولادة مكانش طول،
عمبالي ممكن كي يسهلك ربي حتى لو تجتمع كل الاسباب المعرقلة فيك يسهلك سبحانو، بصح الانسان يدفع بالاسباب، مشي نتي ما حبيتي ديري حتى مجهود على نفسك، و طامعة في القابلة ولا الطبيبة يولدوك ولادة مثالية، مساكن نسا غيرك راهم يديرو كلش و يدعيو ربي يوفقهم فما بالك يا ختي بالقعاد هذا، البيبي طبعا سمين و مستحيل يعطولها فرصة تولد طبيعي بما انو حملها الاول، و الحمد لله كي جات هكذا ولا اكثر، يكون جنين عملاق و تفوتي قيصري خيرمن تضربي عليه تلقايه توفى في الرحم من ارتفاع سكري الدم!!
كلام صعب لكنه حقيقة!! الريجيم مهوش تجويع، ماراهمش يطلبو منكم الطبا حاجة مستحيلة، بصح الانسان يتنازل شوية، ندير اللي عليا و نطلب من الفريق الطبا شوي و نتلاقاو في نص الطريق.
المهم، لالا أنا مشي قلوقية بصح قلقت.
#منال🌸
#منقوول
جاتني مرا 40 اسبوع عندها سكري الحمل بدون انسولين نديرلها في الدوسي و نشايخو و تقولي ايييه الحمد لله طحت فيك عاقلة و كنت خايفة قالولي تاع الماتارنيتي قباح و هاكي عارفة حنا زوج ارواح و نخافو و ما شابه من الكلام المبتذل تاع الاحكام المسبقة...لا علينا، يخي بالريجيم برك مشي بالانسولين؟
ناضت تضحك، وش نقولك لا ريجيم لا انسولين، قلتلها كفاه؟
قاتلي يا ختي ما قدرتش الله غالب، نسخف !! و زاد دخل رمضان و انا من الطاجين لحلو لقلب اللوز للزلابية ها القاطو رمضان ما يصلحش فيه الريجيم ختي!! و انا ما نقدرش الله غالب!! مع العلم ماراهيش مامبا تصوم.
مشي هذاوين كنتي تقوليلي بغيتي تولدي طبيعي و بغيتيني نولدك انا و بدون شق عجان و تحلمي باه الولادة تكون مثالية؟
وش درتيلها؟؟ بقات تخزر 🙄
درتي مساج للعجان؟ ما درتش ما نقدرش يا ختي هذيك البلاصة صعيبة...
درتي سبور؟ ما عنديش الجهد ليهليه نتعب، عندي لانيمي.
الريجيم هاكي ما درتيش،
التحضير للولادة مكانش طول،
عمبالي ممكن كي يسهلك ربي حتى لو تجتمع كل الاسباب المعرقلة فيك يسهلك سبحانو، بصح الانسان يدفع بالاسباب، مشي نتي ما حبيتي ديري حتى مجهود على نفسك، و طامعة في القابلة ولا الطبيبة يولدوك ولادة مثالية، مساكن نسا غيرك راهم يديرو كلش و يدعيو ربي يوفقهم فما بالك يا ختي بالقعاد هذا، البيبي طبعا سمين و مستحيل يعطولها فرصة تولد طبيعي بما انو حملها الاول، و الحمد لله كي جات هكذا ولا اكثر، يكون جنين عملاق و تفوتي قيصري خيرمن تضربي عليه تلقايه توفى في الرحم من ارتفاع سكري الدم!!
كلام صعب لكنه حقيقة!! الريجيم مهوش تجويع، ماراهمش يطلبو منكم الطبا حاجة مستحيلة، بصح الانسان يتنازل شوية، ندير اللي عليا و نطلب من الفريق الطبا شوي و نتلاقاو في نص الطريق.
المهم، لالا أنا مشي قلوقية بصح قلقت.
#منال🌸
#منقوول