ربي سبحانو كي خلق الرحم مدلو قدرة على التوسع باه يلائم حجم الجنين وهذي حاجة كاااامل نعرفوها...
في بعض الحالات الجنين يكون خارج الرحم يعني في بلاصة ماتساعدوش على النمو وهنا نهدرو على الحمل خارج الرحم GEU
الحمل خارج الرحم عادة يكون في قناة فالوب...وهي قناة ضيقة بطبيعة الحال وماتتوسعش ومهيش مكان مثالي لنمو الجنين... وين كي يكبر شوي فقط في الاشهر الاولى تاعو يتحشر في هذي القناة ويمد أعراض معينة لي دل على الحمل خارج الرحم...مي وشنو هذي الأعراض؟
⭕ ساهلة تبع معايا...
مادام الجنين راه في قناة فالوب وضغط عليها يعني راح يمد آلام في المنطقة هذيك... وضغطو المتواصل عليها راح يخلي الشعيرات الدموية تتقطع وتمد إفرازات دموية نسموهم métrorragie...
✅ بالمختصر...
douleur unilatéral + métrorragies f le T1 ➡️ il faut penser au GEU
⭕ هنا واش نحتاجو باه نكونفارميوه؟!...
بكل بساطة بما أنو حمل فهرمون الحمل beta HCG يكون طالع ونزيدو نديرو echo باه نعرفو بلي الرحم راه فارغ vide
⭕ والعلاج باينة جراحي
#MNE