شعر استاد شهریار با عنوان «تورکیه‌یه خیالی سفر» شامل مضامینی از استاد با محتوای تاکید بر هویت تورکی خود و هم‌زبانانش در تورکیه، یادی از شخصیت‌های برجسته‌ای چون آتاتورک، فیکرت، عاکیف، اشاره به تکه‌تکه شدن سرزمین تورکها، حاوی نکات تاریخی مختلفی چون اشاره به خواسته‌ی قلبی نادرشاه مبنی بر اتحاد تورکان و... است:
گلمیشم نازلی هیلال اؤلکه‌سینه
فیکرتین اینجه خیال اؤلکه‌سینه
عاکیفین مارشی یاشاردیب گوزومو
باخیرام یحیی کمال اؤلکه‌سینه
اوت ایسلام اوجاقی تورکیادیر
بیر مصلی‌سی ایاصوفیادیر
بوردا رومی گیبی عاریف‌لر وار
صوفی‌لر عابده‌سی قونیادیر
گؤرونور پرده‌سین آچدیقچا خیال
باشدا فیکرت‌له دوروب یحیی کمال
سون ادیب‌لر صفی‌دیر باخ نه جمال
شهریاردان نه آغیر ایستیقبال!
بیر هیلال پارلایاراق اولدو گونش
بیر ساچاقلی گونش، احلام آدلی
قول قانات آچدی گئنیش بیر مولکه
"امپراطوریِ اسلام آدلی"
دنیزی قالدیریب آلمیش بئلینه
سانکی سیمرغ خیالیم اوجالیر
لکن اولدوقدا داها مست جمال
تیتره‌ییر حملینی اگدیکده جالیر
باخیشیم قول قانات آچدیقجا اوچور
گؤز دئییر قوی هله باخدیقجا باخیم
بو افق‌لرده سئوینجک قاریشیب
شفقین آرخینا آخدیقجا آخیم
دئییرم عاکیف‌ایله گاه جوماییم
افقون جیلوه‌ی ماوییتینه
گاه آتام‌دان قول آلیب یوکسه‌له‌ییم
باخاییم فیکرتین علوییتینه
طومار آچدیقجا خیال فیلم‌لری
جالانیب بوردا آغیر بیر تاریخ
توزلو قانلی بوغونوق توفانلار
سانکی گوزلر دومان ایچره مرّیخ
هر یئرین توپراغی بیر شئی بسلر
بورادا دوغروسو "غیرت" کانی‌دیر
بوردا داشدان چوخ ایگیت لر سوموگو
چشمه‌دن بوللو شهیدلر قانی‌دیر
گؤرورم فاتح'ی ائتمکده هجوم
اوخونوب فاتحه‌ی" دولت روم"
شانلی داغلار اوجالیقلار گؤرورم
یئنه بیر چوخ دره‌لر،چوخ اوچوروم
گؤرورم بیر ابدی عزت و شان
گله‌جک فخری اولان بیر گئچه‌جک
یوخ بو میللت بو حقیقت اؤلمز
چاتاجاق خضرینه جامین ایچه‌جک
دوزولوپ سانکی بو بالکن‌لاردا
گینه شاهلار تاجی بی‌لر فسی‌دیر
قولاق آسسان بو افق‌لرده هنوز
پاشالار نعره‌سی عسگر سسی‌دیر
او گؤزل‌لر گؤزلی "ایستانبول"
او دنیزلر قیزی دریا گلینی
سانکی دریا چیچگی"نیلوفر"
قول آچیب ساحله آتمیش الینی
بوردا سون بیر مدنیت یارانیب
نه بنالار یاپیلیب اللر وار
نه جلالت نه صلابت عَلَمی
"آتاتورک"لر گیبی هیکل‌لر وار
شرقی غربی مدنیت قاووشوب
بیر اصیل نسلی بو توپراقدا دوغور
معرفت‌دن قول آلیب عزت نفس
جهلی فقری، دوغولان یئرده بوغور
غربت احساس ائله‌مم من بورادا
سانکی اؤز دوغما دیاریم‌دی منیم
نره‌ده واردی قارینداشلاریمیز
آنایوردومدور حصاریمدی منیم
من ده تبریز بالاسی تورک اوغلو
قوناغام دوغما قارینداشلاریما
دئمیشم آیری دوشن لشگریمی
گئده‌ییم وصل ائده‌ییم باشلاریما
"دیلی، دینی، قانی" بیر قارداشیدیق
سؤزو بیر دینله‌سه آغلار تاریخ
ایشده محکوم ائده‌رک باشچیلاری
قارا میللت‌لری داغلار تاریخ
بیز ده سیز تک دینه لاقید اولالی
گئتدی یئرلر، بیزه گؤیلر قالدی
شاققالاندیق! هره بیر تایدا دوشوب!
بیر کسیک باش گیبی سؤیلر قالدی
گل سیخاق بیر کره قارداشلیق الین
لعن ائده‌ک ناخلف اسلافیمیزه
بونو"نادر" ده او واقت دویموش ایدی
قوی محبت قالا اخلافیمیزه
آتاتورک هئیکلینه گؤز تیکه‌رک
بیردن آلقیشلاییرام ژن تورکی
گؤز اؤنونده نه تناسب بیله‌مم
بیر ده تصویر ائدیرم ژان‌دارکی
اوبالار شاعیری‌یم دردیمیزی
دویورام چوخ دا درین دویقودو بو
باش توتا توتمایا اؤز دویقوملا
اویورام چوخ‌دا شیرین اویقودو بو
گؤرورم آی نازلی هیلالیم، سانجاق
پارلاسین گئت گئده بو سؤنمز اوجاق
دئمیرم بیز قول ائده‌ک دونیانی!
دونیا آرتیق بیزی انسان ساناجاق
@TurkUygarligi
گلمیشم نازلی هیلال اؤلکه‌سینه
فیکرتین اینجه خیال اؤلکه‌سینه
عاکیفین مارشی یاشاردیب گوزومو
باخیرام یحیی کمال اؤلکه‌سینه
اوت ایسلام اوجاقی تورکیادیر
بیر مصلی‌سی ایاصوفیادیر
بوردا رومی گیبی عاریف‌لر وار
صوفی‌لر عابده‌سی قونیادیر
گؤرونور پرده‌سین آچدیقچا خیال
باشدا فیکرت‌له دوروب یحیی کمال
سون ادیب‌لر صفی‌دیر باخ نه جمال
شهریاردان نه آغیر ایستیقبال!
بیر هیلال پارلایاراق اولدو گونش
بیر ساچاقلی گونش، احلام آدلی
قول قانات آچدی گئنیش بیر مولکه
"امپراطوریِ اسلام آدلی"
دنیزی قالدیریب آلمیش بئلینه
سانکی سیمرغ خیالیم اوجالیر
لکن اولدوقدا داها مست جمال
تیتره‌ییر حملینی اگدیکده جالیر
باخیشیم قول قانات آچدیقجا اوچور
گؤز دئییر قوی هله باخدیقجا باخیم
بو افق‌لرده سئوینجک قاریشیب
شفقین آرخینا آخدیقجا آخیم
دئییرم عاکیف‌ایله گاه جوماییم
افقون جیلوه‌ی ماوییتینه
گاه آتام‌دان قول آلیب یوکسه‌له‌ییم
باخاییم فیکرتین علوییتینه
طومار آچدیقجا خیال فیلم‌لری
جالانیب بوردا آغیر بیر تاریخ
توزلو قانلی بوغونوق توفانلار
سانکی گوزلر دومان ایچره مرّیخ
هر یئرین توپراغی بیر شئی بسلر
بورادا دوغروسو "غیرت" کانی‌دیر
بوردا داشدان چوخ ایگیت لر سوموگو
چشمه‌دن بوللو شهیدلر قانی‌دیر
گؤرورم فاتح'ی ائتمکده هجوم
اوخونوب فاتحه‌ی" دولت روم"
شانلی داغلار اوجالیقلار گؤرورم
یئنه بیر چوخ دره‌لر،چوخ اوچوروم
گؤرورم بیر ابدی عزت و شان
گله‌جک فخری اولان بیر گئچه‌جک
یوخ بو میللت بو حقیقت اؤلمز
چاتاجاق خضرینه جامین ایچه‌جک
دوزولوپ سانکی بو بالکن‌لاردا
گینه شاهلار تاجی بی‌لر فسی‌دیر
قولاق آسسان بو افق‌لرده هنوز
پاشالار نعره‌سی عسگر سسی‌دیر
او گؤزل‌لر گؤزلی "ایستانبول"
او دنیزلر قیزی دریا گلینی
سانکی دریا چیچگی"نیلوفر"
قول آچیب ساحله آتمیش الینی
بوردا سون بیر مدنیت یارانیب
نه بنالار یاپیلیب اللر وار
نه جلالت نه صلابت عَلَمی
"آتاتورک"لر گیبی هیکل‌لر وار
شرقی غربی مدنیت قاووشوب
بیر اصیل نسلی بو توپراقدا دوغور
معرفت‌دن قول آلیب عزت نفس
جهلی فقری، دوغولان یئرده بوغور
غربت احساس ائله‌مم من بورادا
سانکی اؤز دوغما دیاریم‌دی منیم
نره‌ده واردی قارینداشلاریمیز
آنایوردومدور حصاریمدی منیم
من ده تبریز بالاسی تورک اوغلو
قوناغام دوغما قارینداشلاریما
دئمیشم آیری دوشن لشگریمی
گئده‌ییم وصل ائده‌ییم باشلاریما
"دیلی، دینی، قانی" بیر قارداشیدیق
سؤزو بیر دینله‌سه آغلار تاریخ
ایشده محکوم ائده‌رک باشچیلاری
قارا میللت‌لری داغلار تاریخ
بیز ده سیز تک دینه لاقید اولالی
گئتدی یئرلر، بیزه گؤیلر قالدی
شاققالاندیق! هره بیر تایدا دوشوب!
بیر کسیک باش گیبی سؤیلر قالدی
گل سیخاق بیر کره قارداشلیق الین
لعن ائده‌ک ناخلف اسلافیمیزه
بونو"نادر" ده او واقت دویموش ایدی
قوی محبت قالا اخلافیمیزه
آتاتورک هئیکلینه گؤز تیکه‌رک
بیردن آلقیشلاییرام ژن تورکی
گؤز اؤنونده نه تناسب بیله‌مم
بیر ده تصویر ائدیرم ژان‌دارکی
اوبالار شاعیری‌یم دردیمیزی
دویورام چوخ دا درین دویقودو بو
باش توتا توتمایا اؤز دویقوملا
اویورام چوخ‌دا شیرین اویقودو بو
گؤرورم آی نازلی هیلالیم، سانجاق
پارلاسین گئت گئده بو سؤنمز اوجاق
دئمیرم بیز قول ائده‌ک دونیانی!
دونیا آرتیق بیزی انسان ساناجاق
@TurkUygarligi