أسرتي سر سعادتي

💥أحب الأعمال إلى الله في شهر رجب 👇
https://t.me/fwayiid/20936

🍃 روائع الصوتيات والمرئيات 📟👇🏻
t.me/addlist/pDiVtgkdxvszM2Jk

🌙القوارير في رمضان(لرمضان استعد)👇🏻
https://t.me/resal/194413

الموضوع بسيط جدا
الكحة عرض مش مرض
لازم نحدد السبب ونعالجه
حساسية الانف
ولا
حساسية الصدر
ولا
ارتجاع المرئ
ولا نزله شعبية حاده
ولا إلتهاب رؤي
ولا
الافرازات الخلفية للانف

أولًا لو في افرازات للانف ولازم نعالجه؛

👈أفضل طريقة لغسيل الانف عمل جلسة بخار بي ٥ سم محلول ملح ثلاثي اللي هو في الصيدلية تركيز ٣ ٪؜
ممكن كل ٤ ساعات عادي لحد ما الكتمه و الرشح تروح

👈نعمل غسيل للأنف باستخدام محلول الملح او بخاخ ماء البحر زى سينومارين بخاخه ماء البحر أو Beegu spray وتنظيف الانف بقطعة قطن او شفاط للأنف قبل النوم مساءا ..

👈ثانيا لو اعراض الانف مزمنة (بتطول او الطفل متشخص حساسية جيوب انفية) ننضف الانف زى ما قولنا كده ونمشى على بخاخ للحساسية زى
Nasoflatin spray
أو
Nasonex nasal spray
او
Avamys nasal spray
او
Flix nasal spray
بخاخ للأنف صباحا ومساءا لمدة ٣ شهور

ثالثا افضل علاج شراب هو أدوية ضد الهستامين التي لا تسبب النعاس مثل زيرتك أو الليربان أو تيلفاست أو الليجوليبر شراب ربع سم لكل كيلو يوميا مساء
#صحة_اسرتي

من أكتر الحاجات اللي هتضغطك كمُربي (سواء أب أو أم) ... إنك تعتبر نفسك مسؤول عن السواء النفسي لأولادك ...

إنك تبقى متخيل إنك انت السبب الرئيسي أو الوحيد في أي تغيرات أو عقبات نفسية ممكن أولادك يواجهوها في المستقبل ... وإن لو أولادك مروا بأي نوع من عدم السواء النفسي، يبقى انت كده مربي فاشل ...

وده هيضغطك لأنه هيخليك تتعامل معاهم بطريقة فيها قدر كبير من المثالية أو الـ Perfectionism ... وهتبقى بتدقق في كل تفصيلة مهما كانت صغيرة، لأنك خايف لا تكون التفصيلة الصغيرة دي هي اللي هتبوظلهم سواءهم النفسي في المستقبل! ...

وده بخلاف إنه هيخليك انت مضغوط بشكل رهيب، وبتحمل نفسك بمهام لا يمكنك تحملها ... فانت كذلك هتضغط عليهم وهتبان بشكل الأب المتسلط أو الأم المتسلطة ... وده هيجيب نتايج عكسية، وهيكون فعلا سبب وجيه لمشاكل نفسية ممكن تواجههم في المستقبل ...

والعلاج إنك تفهم إن أولادك كيان متكامل مستقل ... عندهم القدرة على التفاعل والتأثر بالواقع ... وفيه مؤثرات غيرك أكبر بكتير جدا بتأثر في تفكيرهم وسلوكياتهم واختياراتهم في الحياة ... سواء من الميديا أو المدرسة أو الزملاء والأصدقاء أو أو إلخ ... وإنك مستحيل تقدر تسيطر على كل المؤثرات دي وإلا هتخنق أولادك نفسهم وهتنفرهم منك وهتخسرهم ...

وإنك مفيش بإيدك غير إنك تحاول توفر اللي تقدر عليه من بيئة صالحة وتوجيه ودعاء ... ولكن النتائج النهائية فهي شيء غير مضمون تماما ...

سيدنا نوح كان من أولي العزم من الرسل، ومع ذلك ابنه كفر وربنا قال له "إنه ليس من أهلك" ... وسيدنا يعقوب أولاده حاولوا يقتلوا أخوهم (سيدنا يوسف) ... تخيل دول أنبياء وأولاد أنبياء، ومع ذلك كانت دي النتيجة! ...

فالخلاصة ... إنك ركز على حدود مسؤولياتك، وعلى حدود سلطتك، وعلى المنطقة اللي تقدر تأثر فيها بدون مبالغة ... وسيب النتيجة لربنا سبحانه وتعالى، لأنه هو لوحده اللي بإيده النتيجة ...

وبس كده، لو وصلت قوللنا أكتر حاجة لفتت نظرك في الكلام عشان نثري النقاش :)

سمعت نصيحه ست كبيره في السن
قالتلي خديها نصيحه هتبعد عنك اي اذي باذن الله حطي مع غسيلك شويه ملح وهتشوفي السعاده الهتبقي فيها وبيتك وحياتك هتتغير ازاي

وغسيل الشتا لما تلميه من ع الحبال بيكون ساقع ودا راجع للندي اللي في الجو فلازم لما نلمه نسيبه شويه قبل تطبيقه ودخوله الدولاب عشان مايعملش ريحه

وقبل ما تحطي غسيل في الغساله اقلبيه ع ظهره

انقعي الملابس البيضه ليله أو حتي ساعتين تلاته هتفرق جدا في النظافه وهتشيل اي بقع

لو عندك جينزات جديده قبل ماتغسليها انقعيها الاول في مياه بخل عشان تثبت لونها

لو في زراير في فستان او حاجه افتحيها قبل ماتغسليه عشان فتحات الزارير ماتوسعش

لو عندك هدوم بيبي صغير جمعيهم واغسليهم لوحده مش مع غسيلكم لأن بشرته حساسه فنحافظ عليها علي قد ما نقدر

- وقالتلى كمان ملح الليمون وبيكربونات بتأثر سلبا علي عمر الغسالة.-ممنوع منعا باتا مسحوق عادى مع الاوتوماتيك.

-كنت أنا بجري بالتايمر كدة حذرتنى جدا من الحركة دى وقالي تمشي تكة تكة..

-بلاش زيادة المسحوق مش بينضف ده بيعمل مع الوقت تحميل ع الاكس . كوب إلا ربع كفايه جدا

-غلط الخل بكثرة.. لانى كنت بحط منه مع المسحوق.. قالى الحمض ده لو كل شوية بتأثر ف الحلة.

-بعد الغسلة تنشفى الاطار الكاوتش إللى جوة ده بالراحة جدا..

-ولما تيجي تخرجي الهدوم متشيديهاش كدة زى ما بنعمل لاء حطى ايدك تحت على الكاوتش ده ومن فوقها بقى شدى الهدوم.

-قالتلى كمان تفتشي كويس اوى ف الهدوم حتى لو اكسسوار ولا دبوس ممكن يخرم الكاوتش.

-شرابات الاطفال والعادية كمان تشترى الكيس بتاعهم لانه بيقولى كتير بيدخل بين الحلتين عند ناس كتير وتتعطل الغسالة برضة.

-بعد ما تخلصي هويها سيبيها مفتوحة عشر دقايق بس لو فى اطفال بلااااش

-دورة الخل بقى دى كل 6 شهور.

-كثرة الداونى والمنعمات والمعطرات بتعمل على المدى البعيد ريحة وحشة جدااا ف الغسالة

-ممنوع تشغيل الغسالة أثناء النوم أو واحنا برة..علشان لما الميه تقل.. او تقطع .. ده غلط غلط.

-الغسيل عموما لو يوم مرتين يبقى إللى بعده مرة بس. يعنى غسلتين ف يوم واليوم إللى بعده غسلة واحدة. ولما تمليها افتحي ايدك شبر فوق الغسيل يبقى فاضي

-دورة الخل زجاجة كاملة خل فى درج المسحوق ونشغلها علي 90 درجة. ودة كل 6 شهور.

ولو استفادتو من المعلوم شيروهاه متنسوش تصلو علي رسولنا الكريم وشفيعنا يوم القيامه @اللهمَﷺ🕌🕋صَلِّﷺ🕌🕋وسَـــلِّمْﷺ🕌🕋وَبَارِكﷺْ🕌علىﷺنَبِيِّنَـــ-♥️

#لاجلك