صحتي هي حياتي

🕌وقت صلاة المرأة الظهرَ يوم الجمعة👇🏻
https://t.me/Alrahmn/33439

🚨المصحف المرتل لمشاهير_القراء🎤👇🏻
https://t.me/krannnn/50994

أكبر جريمة ممكن تعملها في حق نفسك، او حتى في حق اولادك، انك آخر ساعة في اليوم تكون مع الموبيل والريلز والمحتوى التافه إلا أن تنام. هذه عادة مهلكة وبتهدر بيها أعظم وقت يساهم في بناء وعيك ويقوي ذاكرتك ومعارفك، هذا ليس كلامي، هذا بناءً على أهم بحوث الأعصاب بأرقى الجامعات بالعالم!!

في دراسة نُشرت في مجلة Nature Neuroscience، وسأضع رابطها في التعليقات وهي واحدة من أبرز المجلات العلمية في مجال علوم الأعصاب، واللي بتوضح ان أهم وسيلة لتقوية الذاكرة وتحسين التعلم وجمع المعرفة هو اثناء النوم العميق والكافي حيث يتم ما يلي

✅ في مرحلة النوم العميق (Slow-Wave Sleep)، يقوم الدماغ بنقل المعلومات من الذاكرة قصيرة المدى إلى الذاكرة طويلة المدى. هذه العملية تُعرف بـ توحيد الذاكرة (Memory Consolidation). فلو ابنك راجع اي حاجه قبل النوم، المخ بيعتبر المعلومات دي "مهمة" وبيعطيها الأولوية في التخزين أثناء عملية التوحيد.

يعني ببساطة، المعلومات اللي هتتذاكر قبل النوم هتثبت في ذهن الطفل أسرع وأسهل، وهيقدر يفتكرها بسهولة في اليوم اللي بعده..

العلماء كمان وجدوا إن المخ مش بس بيخزن المعلومات، لكنه كمان بيعمل إعادة تنظيم وتحليل لها أثناء النوم، فممكن الطفل يصحى الصبح فاهم النقطة اللي مكنش فاهمها قبل ما ينام!

✅ موجات الدماغ تعمل معًا:

🔹 الموجات البطيئة: تنظم المعلومات.
🔹 مغازل النوم: تقوي الذكريات المهمة وتُهمل غير الضروري.
🔹 تموجات الحُصين: تعيد تشغيل الذكريات لمساعدتك على تذكرها لاحقًا.

من الآخر، العقل قبل النوم لازم يكون أقل عرضة للمشتتات مقارنةً بالنهار، وبيكون أكثر استعدادًا لاستيعاب المعلومات الجديدة أو تثبيتها.. تخيلوا إن المخ بيكون مثل "الإسفنجة" اللي بتمتص كل حاجة بسهولة.

نصيحتي: لما يكون ابنك ضعيف في مادة معينة او محتاج يتعلم لغة جديدة، أفضل وقت تذاكروا معاه المادة دي هي الساعة اللي قبل النوم مباشرة. واتجنبوا اي مشاعر سلبية او صياح ونكد قبل النوم.

ولو طفلك سنتين فيما فوق، احكي له قصص قبل النوم وحكايات باللغة العربية الفصحى، يكون فيها رسالة وتعدل بها سلوكياته، ويكون صوتك او صوت امه آخر صوت يسمعه في الدنيا قبل ماينام، هيكون له أثر كبير في تقوية علاقتك به، ومخه هيخزن عدد اكبر من الكلمات والجمل اللي حضرتك بتحكيها وهيفضل فاكرلك دا طول العمر!!

وانت لو شاب ونفسك تلتزم بالقراءة وتحبها، ضع كتب جنب سريرك، وكل يوم خد 10 او 20 صفحة ونام على الكتاب وهتدعيلي واستخدم إضاءة مناسبة تسقط على ورق الكتاب، ولو عايز تتعلم اي لغة بسرعة جدا، اختم بممارسة نشاط متعلق بهذه اللغة كل يوم ساعه قبل النوم!!

بحبكم ❤️

#صحتي_حياتي
#صحة_اسرتي

الفترة اللي فاتت الاورام الخبيثة انتشرت بشكل كبير ..و اورام القولون والشرج بشكل خاص..

الوقاية مهمة جدا.... وان العادات الغذائية السيئة سبب رئيسي في انتشار أورام القولون بشكل كبير..

الملاحظات اللي جاية دي مهمة جدا جدا ليك ولاولادكم و لأهاليكم..

١- جوع كتير.. صوم .. الجسم بعد صيام مدة طويلة بياكل الخلايا الوحشة .. البحث ده خد نوبل السنة اللي فاتت..

٢- قل بسم الله الرحمن الرحيم قبل أي أكل او شرب.

٣- قلل سكرك علي قد ما تقدر.. العادة خلتنا ننسي طعم الحاجة وبنشرب وبناكل سكر لأنه الخلايا السرطانية بتتغذي علي السكر.

٤- حاولي علي قدماتقدري ما تاكليش برة نهائيا ..اعملي اكل برة جوة البيت.. علي قد ماتقدري.

٥- كل فاكهة .. كل خضار كتير.. اغسلهم كويس بمياة والخل .

٦- إشرب مية نضيفة معدنية من شركة محترمة او فلتر كويس وتابع صيانته بإستمرار.

٧- حاولي علي قد ماتقدري تقللي استخدام الميكروييف ...خلي اكلك طازة احسن.

٨- الزيت اللي تقلي بيه مرة ارمية.. وماتستخدمهوش تاني.. خليكي كريمة مع اهل بيتك ونفسك. وبالله عليكي ماتحطيش البطاطس والطعمية المقلية علي ورق .. هاتي مناديل.

٩- لو بتدخن ..بطل دلوقتي .. ولو مش بتدخن احمد ربنا علي النعمة دي وحافظ عليها.

١٠- لو بتقدر تجري اجري لومش بتقدر امشي كتير.. روح جيم ..العب تمارين في البيت ..الحياة حركة.

١١- نام كويس خالص.. نام كتير .. نام بدري.

١٢- متشربيش عصير معلب ابدا ..اعملي عصير فريش اشربيه انتي واولادك.

١٣- بلاش مياة غازية بالله عليكم ..تخلص من العادة دي فورا .. مش هتستفيد حاجة وهتخسر كتير.

١٤- ماتحطش الفتلة ولا الكيس بتاعهافي المية السخنة .. فضيها جوة المج وضيف عليها المية السخنة.

١٥- اوعي تشرب حاجةسخنة في كباية بلاستيك .. البلاستيك بيتفاعل مع الميةالسخنة والنتيجة مش هترضيك .. الموضوع منتشر جدا في القطر و المواصلات والمؤتمرات.

١٦- إشرب قهوة .. بلاش نسكافية..بلاش كريمر.. انت مش عارف تصنيعه ازاي.

١٧- لو معدتك مفيهاش مشاكل.. إبلع قرصين ثوم كل يوم.. قبل الأكل اوبعده مش فارقة كتير..الثوم من مضادات الأكسدة القوية جدا.

١٨- ماتحطيش المياة في الثلاجة في زجاجات بلاستيك .. حطيها في زجاج .. ولو مفيش اتأكدي ان رقم 5 مرسوم علي البلاستيك ..ده اكتر بلاستيك آمن.

١٩- ابعدي عن اللحوم المصنعة خالص..سوسيس .. برجر .. لانشون .. بسطرمة.. ولحمة مفرومة ..
هاتي لحمة من الجزار وخليه يفرمها ..انتي مش عارفة ايه اللي مستخبي جوا كل مكسبات الطعم دي.

٢٠- حاول ماتاكلش بعد المغرب اكلات ثقيلة .. الأيض الغذائي بيقل بالليل ..كل فاكهة .. كل زبادي .. كل جبنة قريش.

ختام.. احمي نفسك وعيلتك .. المرض وحش .. وحش جدا ..
إستمتع بالأكل والشرب.. بس كل اكل صحي وإشرب شراب صحي .

عافانا الله وإياكم من كل سوء 🤲🤲🤲

#صحتي_حياتي

كوبايه الحلبه ..اكتر مشروب تخسيس مظلوم ومحدش فاهمه ولا حاسس بيه 😉🤩
الناس كلها طالعالي في الشاي الاخضر والقهوة والجنزبيل والقرفه ..🤨🤨
وسايبين الحلبه ولا حد بيجيب سيرتها.....🤔

🔵الحلبه بتقفل الشهيه وبتخليك تتحكم حلو اوي في كميه الاكل وخصوصا الشراهه للحلويات

🔵رهيبه في تظبيط سكر الدم وبتحسن جدا من مقاومه الأنسولين

🔵ولو مشيت عليها شهرين بشكل يومي وحللت تراكمي هتلاقيه نزل بشكل ملحوظ

🔵وكمان بتظبط الكوليسترول

🛑والغريب في الحلبه انها مفيده للرجاله والستات مع بعض
👈🏼يعني لو ست بترضع هتزود كميه اللبن وهتساعدها في التخسيس 💪🏼
🛑ولو راجل هتزوده هرمون الذكوره يعني كمان حلوه لو
👈🏼بتروح جيم وبتبني عضلات وتزود الرغبه والقوه والقدره

🔴وممكن تشربها لو عندك حموضه 😉

🔴كل ده وكمان مليانه فيتامينات ومعادن وألياف 💪🏼

👈🏼👈🏼اما عن الريحه 🙊
اللي ممكن تعملها عند بعض الأشخاص فدي نسبيه جدا👌🏼 وعموما زيت الجوز الهند موجود لإنقاذ الموقف✔️👏🏼

#رشاقة