ابوذيات للزهراء
ورثها
اريد انعى على الزهره وارثها
غصب غصبو فدك منها ورثها
الصحابي الباب يشعلها ورثها
بحطب وتعده عالزهره الزجيه
🏴🏴🏴🏴
يمرها
ريت اليوم هادينه يمرها
يطفي النار بعتابج يمرها
ليالي الهضم مصعبها يمرها
علكم من يمرن عالزجيه

🏴🏴🏴🏴🏴
مرهم
انه خلاف الحنينه ابد مرهم
ما ينفع دوه ولانفع مرهم
يهادي لليتامه اليوم مرهم
وشوف شلون ناحو هالمسيه
🏴🏴🏴🏴🏴
مثل روح الحمامه الزهره حامت
بالباب الحجاب اليوم حامت
صاحت فضه لحكيلي احا مات
المحسن سكط عالعتبه امن اديه
🏴🏴🏴🏴
محسن الها
الزهره اليوم محد محسن الها
عجب ماكو النصرها محسن الها
وكع عالعتبه منها محسن الها
اوولوها الكوم ياسيد البريه
🏴🏴🏴🏴🏴
يحامل نعش امي ونه بيها
كلها اليوم زينب ونه بيها
يريت النعش لييه وانه بيها
ويصير اتبادل اوياها المنيه
🏴🏴🏴🏴🏴
🏴 🏴🏴🏴
يارن
مصايب عالزجيه هواي يارن
وحده باثر وحده شلون يارن
دموعي اعله المصيبه اليوم يارن
وادك للضلع والطم هالمسيه
🏴🏴🏴🏴🏴
بل اسباب
محد كال يالزهره بل اسباب
ضلمو فاطمه البضعه بلا اسباب
شتم طاحو على الحره بل اسباب
يشتمون النبي كوم الدعييه
🏴🏴🏴🏴🏴
تمت بحمد الله وتوفيقه بقلمي الشاعره الحاجه ام حسين العسكري ناصريه يحرم الحذف والتلاعب ونسالكم الدعاء
🏴🏴🏴🏴
https://t.me/ssaakknn/2505

https://youtube.com/channel/UCA1CzWpMSQTLjMSbtPmOx-A


https://t.me/Vvb313/335