قصيده حزينه للزهراء ع

*قصيده حزينه الزهراء*

اليوم غسلها الزجيه وشاف كسر اضلوعها
وزينب تنادي يبويه وتجري لمها ادموعها
........................
اليوم غسلها. الزجيه والدمع يتجاره
صاح يم حسين ناري بالگلب وجاره
شلون اشوف اعيون زينب تبجي ومحتاره
التموا وصاحوا يزهره گعدي شوفي لوعها
...............
زينب تنادي.ييمه للحضن مشتاكه
گومي اشبگيني يزهره بعد ما نتلاگه
نارچ بگلبي سريه تچوي وحراگه
گعدي وحاچي العقيله بلكي يهده منها روعها
...............
گعدي وحاچي العقيله والحسن وحسينچ
فتحي ايدچ يالحنينه ولدچ امتانينچ
حاني اضلوعي مصابچ بأذني ضل اونينچ
سمعت الصوت الحنينه واشرت لضلوعها
.................
فتحت اچفان المنيه وحضنت حسين وحسن
وزينب وفضه عليها صاحن ويتناحبن
اوونت الأملاك كلها والعرش الها حزن
نگعت اچفان الزچيه تبللت بدموعها
................
صاح حيدر ودعوها امكم أمن الليله
هذا اخر يوم الكم دمع عينه ايسيله
شلون حاله من دفنها والتراب ايهيله
أيحيير ومحتار بأمره صاح الي موضوعها
. .... .........
بقلمي الشاعره الحاجه ام حسين العسكري ناصريه يحرم الحذف والتلاعب ونسالكم الدعاء

https://t.me/ssaakknn/2500
قناتنه الاولى☝️☝️☝️☝️☝️



https://youtube.com/channel/UCA1CzWpMSQTLjMSbtPmOx-A


قناة اليوتيوب ☝️☝️☝️☝️



https://t.me/Vvb313/335


قناة الثانيه تلكرام ام حسين☝️☝️☝️☝️ العسكري ناصريه