_ محد يحب كلكم جذابين ذاك ابويه امي الله يرحمها جانت تكول مات حتى ياخذني تالي ماتت من ورا قهره
هز راسه بـ اي و عافني سكتت من حسيت ع روحي شنو حجيت ماعرف شلون گلت هذا الكلام بس احس من ورا ابويه صارتلي عقده،، گعدت ع جربايه وهو فتح الشباك يدخن

گمت لبست حجابي و صايتي

رايه :- وديني لـ ولي الله

التفت الي هز راسه اي و طفى الجكاره طلع واني ورا الدنيا تمطر هسه منو الزعلان اني لو هو وكفت يم باب الحوش

_ لا بطلت ما اروح كبرت اني فشله ع صغيره و جبيره اروح لاخويه مو ؟؟

هز راسه بـ اي يطلع جكاره يدخن

حمزه :- اي صح

ضليت واگفه حايره احسه اخذ ع خاطره من كلامي

رايه :- هسه انت زعلت مني مو

ابتسم بوجهي

_ لا ما ازعل اني منج

تقرب يمي حضني و حجه بهدوء

_ ما زعلت منج بس كعدت اراجع نفسي بتصرفاتي اكول بشنو غلطت وياها حتى تشوف ابوها بيّ

كلامه زاد ندمي أكثر

_ مستحيل اشوف ابويه بيك والله اصلا انت وابويه ما تجمعون بنفس الگفه بس ماعرف شلون حجيت هيج

ضحك لمني لحضنه و رد أطراف القمصله مالته عليَّ

_ بنيتي رايتي انتِ اضوج من الدنيا كلها وما اضوج منج

_ جا ليش ماخذني لاهلي

ضحك

_ اخوج عازمنه ع سمج اني ماعندي مراه تروح زعلانه تضوجين مني نكعد ابيتنه و نتفاهم بيت اخوج ما تروحين اله بس زياره

طلعت خاله صفيه استحيت اجيت ابتعد ضل محاوطني أكثر

صفيه :- ضلوا بالمطر ضلوا و بعدين صيحوا تمرضنا

طلعنا وراهم لبيت ولي الله محضرين السفره و كلهم موجودين حتى عابد و رهف خواتي كلهن جايات كعدنا ناكل اعاين لـ لمتنا شلون مجموعين أبيت اخويه

كملنا ولي الله كال

ولي الله :- رايه اريد جاي من ايدج

_ من عيوني تدلل

رحت للمطبخ حطيت القوري و يقين و رهف يغسلن مواعين و ولايه واكفه تسوي محلبي سئلتها

_ صدك اخذتي سونار ولد بنيه

صدت الي فرحانه

_ بنيه و ولي الله طاير بيها قبل لا تجي ويصيح ما انطيها ابد

_ بعد روحي ربي يتمم الج و يديم الفرحه ع وجه

خدر الجاي صبيت كعدنا سوه احس معدتي من اكلت السمج لسه تتكالب اخر شي تقيئت ياله ارتاحيت مااسمع اله خاله صفيه هلهلت

صفيه :- حميزه مبارك راح تصير اب

اجت عليه حضنتني و حمزه اجه يركض لزمني كعدني ع تخم

_ شنو اب شنو حامل شو ما ادري

_ مو حامل تقيئت خاله صفيه هلهلت

راح جاب تحليل حمل حللت طلع صدك حامل خاله صفيه سونار استحيت من ولي الله اجه باركلي لليل كلمن راحت لبيت رجلها و رجعنا اني و حمزه هم ويا ما دخلنا غرفتنه

حمزه :- رايه وين الدشداشه شو لا لبستيها لا ركصتي الي بيها

نداريت اله عاكده جبيني اي دشداشه وهو راح ينبش الكنتور شويه و طلعها رفعها كدامي

_ لبسيها عليج الله

من شفتها تذكرت من شافها ولي الله و شمرتها

_ ياا اني من شوفتها استحي نوب البسها

تقرب الي

_ اذا لبستيها و ركصتي اجيب رقيه تبات يمنه

_ ولي الله مايقبل تبات برا بيته

_ ماعليج انتِ وافقي واني اجيبها

عاينت اله اعرفه من يحط شغله براسه يسويها اخذتها منه وهو طلع بساع طبيت للحمام لبستها نوب الفتحات فخذي كله طالع شويه واجه شايل رقيه اجت عليَّ

_ ماما

كلما تصيحلي ماما تنترس عيوني بدمعها الي و ولايه تصيح ماما دائما خفت لا حمزه يسوي حركه كدامها نوب خلاني البس الدشداشه بس دائما يثبت الي اني ماخذه رجال

بكل معنى الكلمه ابد ماتقرب ضلينا نلعب وياه رقيه لحد ما غفت بينا وهو يمسح ع راسها همس

_ مانسيت الركصه بس ع باجر

ضحكت و غفيت كعدت ع صوتها تبجي فتحت عيوني شفته شايلها و يسوي الها حليب ضل يفتر بيها لحد ما غفت اجه حطها و مدد هو هم يمسح ع راسي

_ جاي اشوف روحي ادبرها اصير اب لازم اساعدج هم مو وحدج تربين ابنا

_ واحسن اب هم

ضحك بصوت ناصي يعاين لرقيه لاتكعد ع صوتنا

_ احب البنات بس اريد ولد حتى اخذ بنت ولي اله

_ حاد سنونه مايقبل ينطيها و منو يكول تحبه يجوز تحب غيره هو يحب غيرها

_ تؤ ابني ع ابوه يطرب ع بيت ولي الله اني اخذت أخذته وابني بنته

ضحكت و نمنا مشت بينا الايام جابت ولايه بنيه سموها وتين و حمزه كلما يشيلها يصيح الها مرت ابني و ولي الله يطرده،،،

كعدت نص الليل ع وجع قوي ابنطي لويه تاخذني و لويه تجيبني قبل لا احجي فز حمزه

_ هاا شبيج راح يجي ابني

_ مادري حمزه بطني موتتني

ركض كعد خاله صفيه واجه ساعدني البس صايتي و حجابي و خاله سندوني انزل و حتى عمي عجيد كعد واجه ويانا للمستشفى

ولدت من طلعوني لكيت العشيره كلها ولي الله و خواتي حتى عاكف جاي تقرب حمزه شايل الطفل

حمزه :- اول علي بالعشيره

خلى بحضني بسته نزلت دموعي احس كل الوجع والألم راح بوشفته

دنك حمزه يحجي وياه عبالك جبير

_ اسولفلك سوالف وحطهن بالك اريدك خوش زلمه و تطلع لخالك،،، عاين لـ ولي الله و عابد و كال... لخالك ولي الله

ضحكوا كلهم و حمزه شال وتين قربها ع طفل يعرفهم ع بعض من كل عقله