قصص💜✨

وبحضني ومااشبع منچ ولا احس جاي ارتوي

سمر : كلعادة اخذني الة بكل وجودي حبني

مثل مااني رغم يگلي اكبري بس اعرفة

ميريدني اكبر واضل مثل مااني صار عمري 15

كبرت وصرت احلى وقاسم ميت علية عندي

طفلة صارت من بعد معاناة وسفر للخارج

حتى يتعالج قاسم سميناها نارا

لأن اجتي بعد تعب كلش متعلقين بيهة بس

الحمد لله احنة احسن

من غيرنة اكو ناس تنتظر هواية يلة يصير

عدهة طفل خل ارجعلكم شوية بلاحداث



قاسم : سمر حبيبي ابوچ راح يطلعوه توة

المسؤل مال سجن خابرني وگال الظابط

معترف وراح يطلعوه برائة

سمر : صدگ والله

قاسم : اي يلة البسي دنروح انجيبة

سمر : رحت بدلت علسريع ورحنة للسجن واني

الطريق كلة اشكر الله وابچي رحنة للسجن

وشبكتة لبابا قوي وابچي بحضنة

طه : خلاص بابا الحمد لله عدت

سمر : الحمد لله رجعتلنة باباتي

طه : يلة امشوا مشتاق لاورين والبنات هواية

سمر : اخذناه ورحنة البيت الشيخ وذبحوا خرفان

3 لسلامتة ووزعوهن وواحد ذبحوه للغدا

استقبلنة اورين والبنات بدموع الفرح وكلنة تحت

اثر الصدمة وحدة تباوع عللخ بس من شاف جوان

صد وجهة عنهة وهي نزلت على ايدة تبوس بيهة

وبابا گلبة طيب سامحهة واخذهة لحضنة

تغدينة وبوكتهة قاسم عافني يم بابا يومين گال

اكيد مشتاقتلة ضلينة اني والبنات ضحك وسوالف

وبابا يحچيلنة شلون گضاهة بالسجن بس حسب

الحچاه النة هو معانى بلسجن لأن قاسم موصي عليه

وصار عندة اصدقاء هناك ومن ضمنهم شخص اسمة

فوزي گال اذا قدرني الله اضل ازورة حدما

اسافر للاردن اني هنا اكتئبت كلش لأن راح يعوفونة

هو والبنات ضجت كلش وخابرت قاسم يجي

ياخذني وهو وصل بليل اخذني ورجعنة للبيت

وگلبتهة مناحة عليه وهو يحاول يهدي بية

ويگلي من بعدهة الاردن اني اخذچ

كل فترة شوية هون علية الموضوع وضليت كل

فترة ازورهم حدما سافروا واخذوا روحي وياهم

ضجت حيل واختنگت وگضيناهة سفر اني وقاسم

لاهلي وللخارج علمود العلاج مالتة وبلفعل

بعد فترة جاب العلاج نتيجة وحملت چان شي

حلو كلش بس بنفس الوكت مخيف من اتخيل

اكو طفل ابطني وراح يكبر ارتعب بس قاسم

اخذني على گد عقلي وصار يشرحلي بهدوء

ويطمني حدما طارن التسع اشهر وطبعاً خلالهن

انمنعت من السفر وشوفة اهلي ضليت بس

اخابرهم واحاچيهم كامرا حدما جبت نارا وطبعا

عملية لأن مصار عندي ولادة وقاسم يخاف

علية يگول انتِ مو حمل طلوگة اخذني لمستشفى

خاص ورى ساعة گعدت اغلط على قاسم

واگلة من وراك والدكتورة ماتت ضحك علية

والوب من الوجع كلساع منطيني مسكن وارجع

انام بلفترة الاولى چانت خالة التشتغل يمنة

تساعدني بيهة وتعلمني اگمطهة حدما تعلمت

عليهة وصرت اعرف اسبحهة وجربت الرضاعة

الطبيعية وچانت شي حلو كلش وشعور بالترابط

صرت ابحث علنت عن افضل الاشياء للطفل

وطرق العناية بيه صارت نارتي تسليتي بالحياة

بس من تتمرض قاسم يسهر عليهة ميخليني

اضل سهرانة وهواية ساعدني بيهة

حبيت قاسم كلش واسلوبة المسؤل وانو مهملني

ورى الولادة بلعكس حبة واهتمامة زاد

واني هم حبي الة صار اضعاف مضاعفة

عشقتة هواية ومن بدت المدارس گمت اعوف

بنتي يم خالة تداريهة حدما ارجع صح صعبة

دراسة وعندي طفلة بس نارا چانت هادئة

كلش يعني بس انطيهة ممة او ملهية تسكت

چانت دراستي زينة ودرجاتي عالية ونجحت

بنص السنة بمعدل عالي 97 وباخر السنة 99

وقاسم فرح كلش بية وبنجاحي

وجابلي گلادة مال ماس چان شي غريب عمري

محد هاديني هدية هيچ غالية ورجعنة للسفر

لاهلي كل شهرين هيچ يمكن بالبداية مچنت

احب قاسم بس بعدين ايقنت انو اختيار رب

العالمين احسن من اختياراتنة بهواية

ودائما هو الاعرف بمصلحتنة والاحسن النة

قاسم يعشق بنتنة هواية وهي روحة من الدنيا

كلش متعلق بيهة لان اجتة بعد صبر طويل

وهو ينتظر يصير عندة طفل علطول اطلع اكلات

من النت وخالة تساعدني بيهة يطلعن كلش طيبات

رغم قاسم ميرضى اتعب نفسي بكلشي

يريد يعيشني اميرة مدللة ماامد ايدي على كلشي

بس اني ممتعودة هيچ دائما اساعد خالة من يطلع

هو واعاونهة بالبيت وهي تعاوني بنارا

حياتي الحمد لله حلوة نوبات اشتاق لماما وافكر

بيهة بس مااگدر ادگ لأن اعرف بيهة مترد

بس اهين نفسي واذلهة بس بيوم وصلتني رسائل

منهة وچانت صادمة الية


يتبع..

جواد : وانة ولهان عليچ يبعد جواد وعيونة

اورين : گعدنة علقنفة وبابا جابلة مي وهو حاضني

وگاعد واني دموعي مجاي توگف

طه : اذا هيچ تحبهة وتحبك ليش عايفهة يمي

جواد : مابلايد شي هي ماتريد ترجعلي

اورين : اي مااريد اذا انت ممستعد تتغير

جواد : همست بأذنهة گومي بدلي راح اموت

بت الخوش اوادم شعاملة بروحچ

اورين : ابتسمت وگمت لغرفتي لبست بشت اردني

وشال وطلعت وبابا باوعلي وابتسم

طه : هاي وين بابا

اورين : يريد يشتري هدايا لخالة والبنات منا

واني راح اروح اساعدة

طه : ها اي مابيهة شي

جواد : يلة حجي اودعناك

طه : شنو متجي تتعشى شيخ

اورين : باوعلي وگال لبابا حسب الضروف حجي

طلعنة نتمشى باوعلي چان يگول

جواد : خمارچ وين

اورين : ماالبسة بطلت

جواد : يا رحمتك يارب يعني صارلچ سنة تمشين بدونو

اورين : اي ولتضوجني جواد مااحبة

جواد : خل نوصل للفندق ونتفاهم

اورين : اجر تكسي ورحنة للفندق وهو الطريق

كلة خلي الشال على وجهچ واحترگ ابليسچ

هي هاي سالفة تسويهة وچمالة مخلية زواگة

وصلنة للفندق حجزلنة غرفة وهو يباوع علية

بحب وملامحة كلهة ذبلانة بس بنفس الوكت

يدعي الصمود وصلنة للغرفة اول مفتنة حضني

واني بادلتة الحضن لمساتة صارت تتجرأ

شوية شوية وشفايفة تريد ترتوي من شفايفي

معافني غير للصبح مثل ليالينة من چنت يمة

جواد : افييش توهة ردتلي روحي

اورين : واني هم اووف مااگدر اوصفلك شلون

چانت روحي تفرفح من تدزلي المقاطع

جواد : يخايبة ليش مرديتي علية لعد

اورين : وتعوف غيرتك

جواد : طبعا لا وهلمرة ماارجع اذا مو انتي وياي

اورين : بس اتفق مكملت وسكتني ببوسة طويلة

خلتني اتمنى اضل وياه العمر كلة

جواد : ابتعدت منهة وگلتلهة

جاهزة تريدين لديرتچ شيختي

يتبع ٫٫٫٫٫٫٫٫٫٫٫٫٫










☀️☀️☀️☀️☀️☀️☀️

~•~•~•~•~•~•~•~•~•~•~•~•~•~•~•~•~

سمر : ياكل وجودي وياكل اشيائي الثمينة

ياقلبي ودقاته وياسنيني كلها لقد كبرت بين

يديك طفلة تعلمت العشق والغرام وذاقت لوعته

لم تكن زوجا فحسب كنت الصديق والزوج والحبيب

كنت الاخ والاب كنت كل شئ في دنياي اعشقك

بقدر حماقتي وضحتاتي اعشقك بقدر تلك الترهات

التي قلتها والافعال الطفولية التي قمت بها

احبك كلمة بسيطة لكنها تمثل حياة كاملة بالنسبة

لي وتمثل احلامي وحبي لك وعشقنة الابدي

في ذات الصيف /2022

سمر : لشوكت تضل زعلان يعني

قاسم : لارد

سمر : سمسم يعمري گلتلك مااطلع بعد والله

قاسم : حچي يفيدچ هذا

سمر : اووف اني اعرف دواك وشلون ترضى

قاسم : شفتهة راحت للغرفة شوية وطلعت

لابسة فستان اسود گصير كلش وشادة شال

على خصرهة شغلت السماعة وضلت تدور

بالتلفون على اغنية

سمر : طلعتلة اغنية العشق ساجدة حبيب امك

وصرت ارگص وياهة وهو گام يريد يصعد فوگ

ركضت عليه لزمتة من زندة وخليت ايدية على

خصري وصرت ارگص بحضنة وضهري على

صدرة وهو كلعادة صار يبوس بية برگبتي

من ورى بعدهة شالني وگال بأبتسامة

قاسم : شلون بيچ انتي

سمر : شلون بية گلتلك اخر مرة سامحني

قاسم : واني اگدر مااسامح بس شوكت تبطلين

سالفة الرگص صرتي ام مو عيب

سمر : سمسم اني المن راگصة غير الك مابيهة

شي وبعدين اذا جبتلك زعطوط هذا ميلغي

زعطوطيتي وحبي لهاي السوالف

قاسم : ادگ والطم علزعطوط

سمر : يعمري اسم الله عليك لاتدگ ولا


تلطم شبيك لبيك زعطوطتك بين ايديك

قاسم : بنتنة وين

سمر : فوگ نايمة

قاسم : لعد تعاي خل نسوي زعطوط ثاني

سمر : لا والله مااريد كل عقلك هاي بعدهة

توهة سبع اشهر شگالولك علية ارنبة

قاسم : ديلة امشي فوگ

سمر : تؤ تؤ ابد والله انت مو راحة

قاسم : سوالف اوي شرايود متفيد وياية

اصعدي بالحسنى احسلچ

سمر : ركضت وهو گام يركض وراية اخر شي

فتت للمطبخ وسديت الباب وهو يدفع بي

قاسم : افتحي يمعودة لخاطر الله

سمر : ما والله

قاسم : ولچ اكبري عاد دمرتيني شوكت تجوزين

من سوالفچ هاي مو فتيتي گلبي

سمر : احب اتدلل عليك سمسم

قاسم : ادلل براحتك دنفوش شعندي غيرك

بس افتحي الباب عاد مو طگ گلبي عليچ

سمر : فتحت الباب وهو اجة علية حضني

بسرعة وصار يتنفس من رگبتي لازم شعري

بيدة ويحچي بصوت مخنوگ

قاسم : اموت من البعد سمر لتسويهة حتى

بالشقى اني اعشقچ ومااگدر لحضة بدونچ

سمر : لعد اني الاگدر بس حبيت اتشاقى وياك

قاسم : شلتهة وصعدت بيهة فوگ

طفلتي سمرمر الي مرمرت گلبي لا قبل لا احصلهة

مرتاح ولا من حصلتهة شنو من حب حبچ وياي

جواد : الامر لله جايچ هليومين حضري روحچ

اورين : ماشي انتظرك رجعت لغرفتي حاضنة

التلفون لصدري وافكر بي يارب شنو الجاي يصير

اذا خليتة يجي راح تصير بينة ذكرى جديدة

واتعذب بيهة لا خل يجي مو مهم العذاب اهم شي

اشوفة احس راح اموت عليه

ثاني يوم جهزت نفسي رحت لصالون حفافة وتنظيف

بشرة احس حتى نفسيتي تغيرت وصار عندي

شي حلو انتظرة واحسب الدقايق حتى اشوفة

كملت وطلعت من الصالون رجعت للبيت نظفت






البيت گلبتة علبطانة ورؤى مرت عمر مستغربة

ليش جاي انظف هيچ

رؤى : شنو باچر عيد وماادري

اورين : اي باچر عيدي اني

رؤى : مفتهمت شنو قصدچ

اورين : لو باچر لو البعدة يجي جواد يشوفني

رؤى : صدگ والله يايي قصتكم نفس الافلام

تدرين لو اني منة مااتعب واجي اشوفچ

جاي من العراق لهنا حتى يشوف مرية عافتة بأرادتهة

اورين : غير يحبني

رؤى : اي ادري يحبچ بس فكري زين لشوكت

يضل يقدم بدون مياخذ كل انسان يتوقع يحصل

شي بمكان الي ينطي لتتمادين بالزعل ترى ميفيد

ارجعيلة اذا تحبي ورايدتة

علي علاوي ماما تعال صبيتلك غدا

اورين : گعدت بالگاع وعلي اجة گعد بصفهة وصارت

توكلة اووف ربي شراح اسوي من صدگ خيارين صعبات

احس نفسي انسدت من كلشي رحت نظفت جسمي

وسبحت وطلعت اگلب بالتلفون شفتة داز رسالة

باچر انة يمچ يبعد روحي

جاوبتة توصل بلسلامة وسديت التلفون تلمست

شعري المبلل وگمت علمراية اباوع لنفسي

لابسة ثوب صلوخ مشجر اسود وبي ورد ابيض وسمائي

مشطت شعري وتذكرت كلشي حلو چان بينة

جواد : يبعد العمر شلون تردين اهدچ وانة روحي

تعلگت بيچ وماعاد تهجع بدونچ

اورين : عوف غيرتك لعد

جواد : مااگدر شنو قيمة الرجال بدون قيرتو

اورين : هاي بس تفكيرك هيچ

كل الناس عايشة ومرتاحة بدون هذا الشك

جواد : مالنة غرض بأحد كلمن الو سلطة على نفسو

اورين : هسة عوف هاي السالفة مشتاقيتلي

جواد : بنص الفصل وتجين ابالي والله

اورين : امم مچان اخذتني وياك عجل

جواد : اروحن فدوة للعجل التطلع من حلگچ

اورين : تعلمت عليهة احسهة احلى من اللعد

جواد : كلشي يطلع من لسانچ حلو

اورين : اگول جواد اريد اطلع ضايجة






جواد : اخذچ للبيت الثاني

اورين : هاي كل مااگلك ضايجة تگلي نروح للبيت

الثاني ماكو غير مكان يعني

جواد : وين اخذچ

اورين : مطعم متنزه

جواد : فركت وجهي وگلتلهة ليش تريدين تتفرفرين

بين الزلم

اورين : شكو بيهة اگعد اشرب چاي وياهم قابل

راح ياكلوني لو شنو

جواد : گلتيلي تگعدين وياهم مو

اورين : ضحكت وگلتلة لا فدوة جواد بس هو مهتملي

رفع ثوبي وصار يگرص برجلية وبطني واني احرك

برجلية ميتة ضحك هو يگرص خفيف مو قوي

بس اني مااتحمل واگوم اضحك

فزيت من صفتني على صوت التلفون يدگ

شلتة شفتة هو جاي يدگ فتحت خط وهو دگ كامرا

فتحت كام وگعدت علميز مال مراية

جواد : شلونچ يبعد طولي

اورين : بخير انت شلونك

جواد : توني لفاني الخير هاي شنهو ولچ

شلابسة فد لا تفترين بيه گدام اخوچ وابوچ

اورين : اي طبعا لعد شنو

جواد : صدگ

اورين : اي والله

جواد : ليش ولچ مو منبه عليچ تضمين جسمچ الي

اورين : وهو الك منو شايفني اني بس اخوية وبابا

جواد : مااتحمل ولچ گومي بدلي لو البسي شي فوگاه

اورين : ماشي من تخلص المكالمة ابدل

جواد : حليانة يولي

اورين : اني من زمان حلوة

جواد : عجل انة منهو وگعني غير جمالچ

اورين : شوكت تجي

جواد : باچر يمكن العصر اوصل هيچ

اورين : توصل بالسلامة

جواد : مو چنچ ميتة على شوفتي

اورين : جواد هاي شبيك

جواد : خايبة متلهف الباچر ارد اخذچ لفندق

واطلع الگضى والمضى عليچ

اورين : تؤ تؤ مااروح فنادق اني عيب جواد

جواد : خل نشوف ياهي المتروح باچر اذا مااطرهة






اسويهة الف وصلة

اورين : اوي متبطل عنف انت

جواد : خايبة هو وينة العنف بعدچ مشايفتة انتي

اورين : يلة باي اروح اتغدى

جواد : روحي يبعد عيوني اشوفج بخير

اورين : تسلم ويارب توصلني بالسلامة

جواد : بحفظ الله

اورين : بحفظ الله سديتة منة ورحت شلت الدبدوب

مال رودي حضنتة حيل احس نفسي رجعت مراهقة

مااعرف ليش وية جواد احس نفسي ارجع صغيرة

بالعمر احسة اول حب عشتة رغم مريت بتجربتين

بس ميتقارنن بعلاقتي وية جواد

ثاني يوم هم استلمت البيت تنظيف وسبحت

وخليت مكياج ولبست دشداشة حمرة وشال

ضليت انتظرة اليوم كلة للعصر كلش اندگ

الباب وطلع بابا فتحة سمعت صوتة لو گلبي انتفض

جسمي كلة صار يرجف ودموعي نزلت فات

للصالة واني انسطرت من عطرة اريد ادخل نفسي

بضلوعي وانام بيهن العمر كلة

جواد : شلونچ يابة

اورين : ركضت الة حضنتة قوي وبابا عافنة وراح

للمطبخ وهو من شاف ماكو احد صار يبوس بية

بشفايفي ورگبتي

جواد : افييش يريحتچ المامش بعدهة ريحة

اورين : مشتاقتلك حبيبي

٣٥_٣٦






💘💘💘💘💘💘💘💘💘

~•~•~•~•~•~•~•~•~•~•~•~•~•~•~

صيف /2022

اورين : گاعدة واشرب گهوة علبلكونة واباوع للسيارات

والناس ياترى هم بيهم واحد شايل الهم الي بگلبي

عفتة ورحت ومخلصت من هاي المشاعر بعدهة

ذيچ الليلة ابالي وداعة الية وشلون چان حزين

احس ذبحتة ومشيت دائما چان يگلي حبچ

صدفة حلوة واكثر صدفة عذبتني هواية مرات

احن الة واشتاق منو چان يتخيل شهر وياه

يسوي هيچ بية ياخذ گلبي ويحرمني النوم

شلت التلفون شغلت اغنية هذا الحلو كاتلني

يعمة اغنيتنة المفضلة اي صارت المفضلة عندي

اني هم حبيتهة من حبي بي وصرت اسمعهة

يومية واتذكر كل موقف مر بينة وكل فصل

مر على گلوبنة المتعذبة اني ابلد وهو ابلد ثاني

بس گلوبنة اقرب شي لبعض بعدني على ذمتة

بعدهة حلقتة بيدي والگلادة الي هداهة الي

بعدهن لمساتة على وجهي وجسمي مااگدر

انساه

ابد شگد محاولت ابد مگدرت

عمر : ها شو هم هاي الاغنية شنو حنيتي

اورين : شنو الجديد صارلي اكثر من سنة احن

عمر : شجابرچ على هذا الوضع

اورين : هنا صار عندي حياة ووظيفة تريد اعوفهة

وارجعلة حتى يحرمني حتى شوفة الشمس

عمر : شنو فايدة هاي الوظيفة وكل هاي الامور

اذا انتي ممرتاحة

اورين : اتعود وية الوكت

عمر : چان تعودتي شگد صارلچ واني يومية اشوف

هاي النظرة على وجهچ نظرة الفقدان

اورين : ماكو احد مرتاح بهاي الحياة

عمر : اذا انتي مقتنعة بكيفچ گومي اگعدي ويانة

اورين : اخذت التلفون طفيت الاغنية وگمت وياه






شفتهم يلعبون شطرنج بابا وعلي وعمر ومرتة گعدوا

علتلفزيون متابعين مسلسل تركي وتمارا وبان

گاعدات بصف عمر صارن هواية متعلقات بي

گعدت بصف بابا بلگاع وارتچيت على چتفة

طه : ها بابا شبيچ

اورين : تعبانة هواية

طه : سلامتچ حبيبتي

اورين : دائما اشجع بابا وانبهة اذا علي يريد يسوي

خطة باللعب بس هلمرة بالي ابد مو وياهم فتحت

التلفون گلبت بمحادثاتنة كلهة كاتب بيهة

مشتاگلچ وشوكت تحنين ويابعد طولي طولچ

دمرني البعد واني مااجاوب بس اشوف

يدزلي مقاطع شعر واغاني حزينة واني افتحهن

واضل ابچي رودي سجلتهة بمدرسة هنا بعمان

هي وخواتي الصغار

واني هم قبلوني مدرسة بس بمدرسة اهلية

الراتب زين وبابا وعمر يشتغلون علي رجع لدوامة

وحاليا معطلين كلنة اگضي الوكت اغسل ملابس

انظف اسوي معجنات وكيك لعلاوي لان يحبة

هواية حياتنة مستقرة وحلوة هنا والجيران

لطيفين ويانة بس اني ممرتاحة ابد

احس ضيعتة من ايدي خالة سمرا تخابرني

من تلفونات البنات علايمو ودائما ترزل بية

وتگلي اخوية راح يروح من ايدي بعدچ دمرو

واني اچذب على نفسي وعليهة واگللهة يتعود

وية الوكت وادري چذب ومحد يتعود بس

مجرد اكسر على نفسي

گاعدة وصافنة علمحادثات چان تجيني

رسالة منة شفتة داز مقطع شعر شفتك واطشرت

روحي وشيلمني وانا بهلعمر خليت الهيدفون

وسمعتة وية كل كلمة دموعي تنزل حسيت

رودي حضنتني من بطني وگالتلي بهدوء شبيچ

ماما ليش تبچين

طه : ليش البچي مو انتي عفتيه

اورين : يعني حرام الواحد يبچي

طه : لا حرام يعذب روحة

اورين : عفتهم واخذت رودي شلتهة وفتت لغرفتي

حضنتهة وضليت ابچي وهي تطبطب علية حسيت

نفسي طفل ويحتاج احد يسكتة انمردت روحي






من المقطع احس فرفحت اريدة اريد اسمع

صوتة اريد لمساتة وحبة الية متت كمشت التلفون

دگيت وطلعت للبلكونة وعمر من شافني گال

ها رجعنة للبلكونة تجاهلت كلامة ورحت دگيت

عليه علماسنجر ورى ثواني رد علية

جواد : بحلم لو بعلم انة يوم گلبچ حن

اورين : ليش جواد تدزلي هيچ مقاطع

مو تدري روحي تنمرد مو تعرف حبيبتك

متتحمل كافي ارحم گلبي عاد

جواد : انة متقصد ادزهن بلكت گليبچ يحس

اورين : كافي تعذبني جواد طلگني

جواد : لو تفزع الاوس والخزرج مااطلگ

اورين : روحي فرفحت جواد

اورين : يبعد روحي روحچ وين نتلاگة واضمهة لروحچ

بروحي وتصير واحد

اورين : مشتاقتلك موت

جواد : بس گولي تعال اجيچ واخذچ

اورين : وترضى بشروطي

جواد : لا انتي ترضين بشروطي

اورين : لعد ماارجعلك

جواد : عجل خلينة متلوعين احسن المن الراحة انة

جاي اموت بهاذ البعد وحگ القران مجاي انامو لليل

تمرضت وظغطي يومية معلگ

اورين : سلامتك حبيبي ليش

جواد : يوم اتخيل انتي بعيدة عني ومااعرف

شتلبسين ومنهو يشوفچ تشب نار بضلوعي واتخربط

اورين : غيرتك دمرتنة

جواد : يولي فد گولي تعال

اورين : تجي تشوفني وترجع ماارجع وياك

سمر : ماشي بس المصاص مااعوفة

قاسم : كتبلنة الطبيب علاج اخذتهة وطلعنة

اشتريتلهة العلاج واخذتلهة معلاك وزبيب

سمر : منو يتصور يصير هيچ

قاسم : الله قادر على كلشي الحمد لله مابيك شي

دنفوش راح حيلي والله من اخذت التحليل

سمر : تدري مخفت على نفسي بگد مخفت

عليك انو تفقدني

قاسم : فدوة لعمرك دنفوش

سمر : كل هذا الدنفوش تالي طلع عندي فقر دم

قاسم : اي صدگ لعد كل هذا الاكل وين يروح

سمر : ماادري

قاسم : منا وجاي ماكو مشتراة ابد كلة اكل صحي

سمر : بس شلون اعوفهن

قاسم : حبيبي انتي مريضة التزمي بلاكل حتى

تتحسنين مااريد اشوفچ مريضة

سمر : ماشي سمسم ادلل

بهاء : جاي اگلك ماكو غير هذا الحل

اسر : بس هيچ تخسر وضيفتك وحتى الي

نفذوا الخطة وياك هم يتحاسبون هاي اذا

منسجنتوا لأن ورطتوا شخص برئ

بهاء : شسوي لعد ماكو غير حل

اسر : ضلت بكيفك بس لازم تتحمل العواقب

بهاء : مستعد اتحمل كلشي حتى ارجعهة

اسر : واذا انسجنت شتستفاد

بهاء : ماادري اني ورطت نفسي چان لازم افكر

كلش زين قبل مااتصرف هيچ تصرف

اسر : گلتلك لتسويهة مسمعت كلام

واني متأكد هي مترجعلك بس دتحاول تخلص

ابوهة وبس يطلع تتطلگ منك

بهاء : لا متسويهة

اسر : نشوف

بهاء : انة رايح للبيت تعبان چثير صعدت بالسيارة

سقت وكلساع تتراولي صورتهة گاعدة بصفي

وصلت للبيت ومثل كل يوم احضن ملابسهة وانام

وگلبي ينعصر ياربي غلطت واريد مغفرتك

رجعهة الي مارايد كلشي غيرهة خل انطرد من


الوظيفة واتعاقب بس اريدهة يمي ربي ماحاب

مرا بكثر محبيتهة ردهة الي بمعجزة خسرتهة

بلحضة غضب وهسة متندم واريد شوفتهة بروح

جوان : گاعدين يسولفون بالي مو يمهم ابد بالي

كلة يمة لساعني احن الة واتذكر كلشي صار بينة

بحلوة ومرة مجاي اگدر اشيلة من بالي معقولة

يتصلح هذا الوضع وهاي الفوضى الي عايشيهة

عمر : يعني تريدين تسافرين ويانة

اورين : اي بس يطلع بابا نسافر

عمر : بس انتي متزوجة هنا شلون تسافرين

اورين : الي بينة بس عقد شوكت منريد ننهيه

عمر : مااعرف براحتچ

اورين : اباوع لجوان تباوعلي مستغربة الي گلتة

عمر : اني الصبح لازم ارجع عدنة شغل هناك

عفتة كلة على علي واجيت

اورين : خطية راحت علية سنة دراسية

عمر : تتعوض ان شاء الله

اورين : ان شاء الله كلهة نعست ونامت بس

اني ضليت گاعدة وافكر ياترى شنو الصح الية

اعدم حياتي وياه لو اتحرر منة

رحت فرشت اسناني وتمددت بفراشي

باوعت لمكانة بصفي وتلمستة بأيدي

حايرة هواية العيشة وياه شك وغيرة خانقة

والابتعاد عنة صعب هواية

وياه تلاشت كل مشاكلي حتى سراج شگد چنت

شايلتلة هم بمكالمة وحدة خلاه نايم بالمستشفى

وياه مشاكلي تتلاشى بس ممعقولة اتحمل هاي

الغيرة كلهة واخسر وظيفتي وحياتي

شوية وفتح الباب وفات نزع عباتة علگهة وعگالة

والشماغ واني اباوع على حركاتة

احس ضايعة كلش رجال اكبر مني بعمر شسوي

وياه وچمالة معقد مااريدة لازم اعوفة

بس اني بديت احبة واحس بشعور حلو بوجودة

باوعلي بحنية وتلمس شفايفي بأصبعة

جواد : اهون عليچ تردين تهديني وتمشين

اورين : انت معقد هواية جواد

جواد : اتحمليني يبعد طولي هذا انة مااگدر اتقير

اورين : ممجبورة اتحمل

جواد : زين تعاي لحضني شوية

اورين : ماكو داعي احنة راح نتفارگ لتحاول

تبني ذكريات تجرحنة بعدين

جواد : خلي لبعدين الوكتهة تعاي هسة ميت عليچ

اورين : حضنتة وهو ضمني قوي لصدرة احس

ضلوعي انكسرت

جواد : طلاگ ماكو روحي وين ماتردين بس تضلين

على ذمتي وملكي

اورين : صار يبوس بية بلهفة واني ممنعتة اني

اكثر منة حابة هاي الحالة الي بينة
يتبع .....

مشوار واندگ الباب انوب رحت انوب خليت

الشال على رگبتي وگلت منو بس انصدمت بالصوت

الي سمعتة

عمر : اني عمر افتحي الباب اورين

اورين : فتحت الباب بسرعة اول مدخل حضنتة

حيل وصرت ابوس بي من راسة وخدودة وعيونة

وجوان اول مشافتة عاطت بصوت عالي عمر

واجتي حضنتة وياية وهو حاضنة كل وحدة بأيد

واحنة دموعنة تنزل ولازميه ممصدگين هو گدامنة

عمر : شبيچن يمعودات صلن علنبي

اورين وجوان : عليه وعلى آله الصلاة والسلام

عمر : ابوية وين مشتاقلة

اورين : باوعت لجوان اريدهة تحچي لأن مااتحمل

اني اگلة الخبر

جوان : بابا انسجن عمر

عمر : شنو شوكت انسجن

جوان : اكثر من 3 اشهر

عمر : شجاي تحچين لعد منو چان يحچي وياية

من تلفونة ليش ضميتوا علية

اورين : اني چنت احاچيك والله هو بابا امنة

منحچيلكم شي

عمر : خرب اورين صدگ چذب شلون هيچ تسوين

اورين : مو بكيفي والله هو بابا راد هيچ

عمر : تهمة شنو

جوان : مخدرات

عمر : شنو لا ياالله صدگ چذب

جوان : لتخاف كم يوم ويطلع

عمر : هاي شبيچن شنو لعب جهال هو شلون يطلع

يعني مجاي افتهم كلشي

اورين : اگعد خل انفهمك گعدنة علتخم وجوان

راحت جابتلة مي وحچينالة كلشي وهو حاضني

وگاعد اني وعمر حيل مقربين لبعض من زمان

من چنة صغار گعدت رودي وكيفت على خالهة

وهو ضل يبوس بيهة ويگلهة كبرانة ولچ

اندگ الباب ومن صوت الحمحمة مالتهة عرفتة هو


راحت رودي فتحت الباب وهو فات سلم وتفاجئ

بوجود عمر گلتلة هذا اخوية عمر سلم عليه

وتحمدلة على سلامتة لأن جاي من سفر

رجعنة گعدنة واني حاضنة عمر قوي عبك ممصدگة

رجع والشيخ كلساع يباوعلي ويخزرني

واني مجاي افتهم شبي ليش يخزر

جواد : يابة روحي جيبيلي گلاص مي

اورين : اي هسة رحت للمطبخ شوية وفات هو

ضايج كلش لزمني من زندي وعصرة حيل

جواد : شعندچ حاضنتة وگاعدة شنهو متگصدة

تحرگين افادي متعرفين شكثر اغار عليچ

اورين : هاي مو غيرة هذا مرض نفسي

هذا اخوية جواد شبيك انت

جواد : يعني انة مريض نفسي

اورين : تصرفاتك تگول هيچ

جواد : والله لوما اكو خطار چان عرفتچ المريض

النفسي شيسوي

اورين : جواد كافي زودتهة هواية اخوية هذا

تعرف شنو اخوية

جواد : وانة اغار عليچ مااريد تحضني

اورين : تخبلت جواد شبيك

جواد : سدي الموضوع بعدين نحچي بس اياچ

ترجعين تحضني مرة ثانية

اورين : تخبلت من صدگ هذا شبي ياربي

معقولة يغار من اخوية اخذتلة مي ورجعت

گعدت بصف عمر وحضنتة حيل

وهو عيونة صارت بگصتة خلى الگلاص علميز

بعصبية وراح للغرفة شوية وصاحني

وعمر يباوعلي مستغرب الوضع عبك حس اكو

شي غريب صاير بينة ترخصت منة ورحت للغرفة

اول مفتت سحبني وسد الباب

جواد : تعاندين يعني

اورين : اعاند ونص شنو تريد تمنعني عن كل الناس

حتى اهلي هاي مو وضعية ابد

جواد : مو انتِ رضيتي بية وتعرفيني معقد

اورين : مو لهاي الدرجة تغار من اخوية

جواد : واغار من كلشي حتى هاي الشمس مامدي

تشوفچ ولچ گليبي موجر بلعشگ لتلچمي

اورين : انت تبالغ هواية جواد اني مااگدر


اكمل وياك چنت متخيلة غيرتك بعقل طلعت بخبال

جواد : شتردين يعني

اورين : اتطلگ

جواد : سامعة بعشم ابليس بالجنة هذا نفس

عشمچ اني اطلگچ

اورين : تطلگني جواد وغصب عنك

جواد : اطلعي برا بساع

اورين : طالعة ترى مكاتلة روحي عليك

التفتت افتح الباب چان يگلي ببرود

جواد : بس ليلتي وياچ تحچي قير شكل

اورين : اتمنى يرجع الوكت وامسح هاي الليلة

من حياتي اني غلطت من نطيتك نفسي

جواد : والله عجل ليش بدعتي بيهة

اورين : فتحت الباب وطلعت ضايجة گعدت يم

عمر نسولف صبينة غدا وگعدنة نتغدى وشلون

گعد يسولف وية عمر اليشوفة يگول اعقل مخلوق

بالدنيا مو توة سوة عرس لأن حضنت اخوية

سمر : العصر اخذني قاسم للدكتور واني

ادعي الطريق كلة انو يطلع التحليل غلط

مر علية كلشي صار بحياتي من طفولتي لحد هذا

اليوم باوعت لقاسم وانقهرت يعني معقولة اعوفة

يارب فدوة الهي خليني عايشة بس لخاطرة

مااريد اموت واعوفة لأن اعرف شگد يحبني

رحنة على دكتور مشهور كلش ابغداد

دفع كشف مستعجل وفتنة علطبيب فحصني

وحچيتلة كلشي صار والتحاليل الي سويتهن

رجع كتبلي تحاليل جديدة سويتهن

واني احس گاعدة على جمر وقاسم لازم ايدي

ويفرك بيهة ويبوسهة كلساع

مشوار وطلعن التحاليل اخذناهن للطبيب

واني لشتي كلهة ترجف خايفة من النتيجة

الدكتور شافهن ووجهة استبشر

_ زوجتك عدها انيميا فقر دم حاد بس مو ثلاسميا

الظاهر اكو غلط بالتحليل

سمر : من الفرحة احس جسمي ارتخى وراح

افقد الوعي من الفرحة

قاسم : مو گلتلج حبيبتي تفائلي

_ بس لازم علاج مكثف لأن عدهة فقر دم حاد

قاسم : بس دكتور هي اكلهة زين كلش

_ معليه بلاكل انما نوع الاكل يجوز تاكل

شغلات مضرة هواية

قاسم : باوعتلهة گلتلهة بعد ماكو مشتراة

اورين : بشر يسامح هذا اني لو كلشي

عدكم لازم ينحل بالعنف

جواد : على سيرة العنف هذاك الگو٫٫٫٫٫د

مشرف بالمستشفى مااضن يگوم منهة

اورين : شنوو عزا واذا انسجنوا ولدك

جواد : ماينسجنون لان هو المتعدي خل

واحد يفتح حلگو وياي اذا ماسويتو وصل

اورين : انت شلون بيك متجوز

جواد : لامااجوز ابد

اورين : گالهة بنضرة ماكرة وطلع وجوان

واگفة بالصالة منتظرتة يطلع

اول مطلع فاتت تغمزلي

جوان : ها شو متنلزمون انتو كلساع بمكان

اورين : انچبي ولچ عيب

جوان : گولي لنفسچ عيب رگبتچ صايرة

خريطة

اورين : تذكرت الاثار ركضت جبت شال من

غرفتي لأن خالة يومية تجي واذا شافتهن

شيخلصني منهة ومن لسانهة

سمر : گعدت الصبح احس نفسي نحلانة

كلش گمت اريد افوت للحمام دخت وبعد

محسيت على نفسي مگعدت غير على

صوت قاسم وهو يضرب

بية على خدي ويحاول يگعدني

قاسم : دنفوش اگعدي يعمري شبيچ

سمر : مااعرف دايخة كلش

قاسم : تگدرين تگومين خل اخذچ

للمستشفى

سمر : مااعرف تعبانة هواية

قاسم : شلتهة خليتهة علچرباية بدلتلهة

ولبستهة

الشال شلون مچان الطريق كلة هي تون

وتتوجع

من اسألهة تگول مااعرف شنو يوجعني

وصلنة للمستشفى فحصتهة الطبيبة وكتبتلهة

تحاليل ضلينة گاعدين بالممر ننتظر التحاليل

تطلع واني حاضنهة واطبطب عليهة

مثل الطفل وهي تون متوجعة

طلعت التحاليل اخذتهن للدكتورة شافتهن

وباوعتلي وهي ملامحهة متتفسر

_ شتصيرلهة حضرتك

قاسم : زوجهة

_ زوجتك مصابة بالثلاسميا

قاسم : شنو

سمر : شنووو اني عندي سرطان

قاسم : گالت هيچ وفقدت الوعي

قاسم : اخذتهة للبيت واني الدنيا طالعة من عيني

يارب كلشي ولا يصير بسمر شي مااتحمل

لزمت گصتهة مصخنة رحت جبت مي وخاولي

صغير وگعدت اسويلهة كمادات ياربي معقولة

سمر عدهة هذا المرض شلون فجأة صار

لازم اخذهة لغير طبيب بلكت يطلع غلط بالتحليل

شوية وفتحت عيونهة بتعب باوعتلي ونزلت

دموعهة واني گلبي يريد يطگ من القهر

سمر : راح اموت قاسم مو

قاسم : حبيبتي سمرمر دنفوشتي شنو هذا الحچي

ليش تموتين راح اخذچ لاحسن اطباء واذا اقتضى

الامر اخذچ للخارج ولا يهمچ لتفكرين بكلشي

واليوم العصر اخذچ لدكتور زين بلكت يطلع

اكو غلط بالتحليل

سمر : يارب قاسم يطلع غلط مااريد اموت

قاسم : حبيبي العمر بأيد الله محد يعرف شوكت

يموت خليچ متفائلة حب حب

سمر : اذا متت تتزوج قاسم

قاسم : يعني شلون متعوفين هاي السيرة

سمر : خايفة كلش

قاسم : لتخافين يعمري اني وياچ

سمر : راح تضل وياية علطول

قاسم : طبعاً حبيبي شعندي غيرچ

اني بهاي الدنية كلهة

سمر : احبك سمسم

قاسم : اعشقك دنفوش

اورين : چنت دطبخ الغدا واندگ الباب جواد طلع

عندة گعدة خليت شال على راسي وگلت منو

سمرا : هاي اني خايبين شنهو نايمين

اورين : اجيت خالة فتحتلهة الباب وهي فاتت

كلعادة تباوع بالبيت وتتفقد الوضع بعدين باوعتلي

واني لفيت الشال على رگبتي

سمرا : هاي شضامة علية ولچ **

اورين : خالة شضم يعني ماكو شي

سمرا : وخري الشال عجل

اورين : خالة والله مضامة شي

سمرا : ولچ علية هاي السوالف

اورين : خالة ادري بيچ مترتاحين اذا متعرفين

فتحت الشال وهي من شافت الاثار ابتسامتهة

شگت حلگهة وتقربت بوستني

سمرا : بالمبارك يمة الله يسعدكم

اورين : الله يبارك بيج خالة تسلمين

سمرا : عجل سبيتينة ماريدو وزواج بطيخي

مدري شنهو تالي يومين مكضبتو رواحكم

اورين : خالة فدوة والله استحي

سمرا : اي هاي يمي تستحين بس من جواد

طبعچ مستحيتي

اورين : خالة كافي فدوة

سمرا : ماشي يمة الله يهدي سركم طبختي غدا

لو ادزلچ

اورين : لا طبخت تبسي وتمن

سمرا : عفية عليچ يمة

جوان : شلونچ خالة

سمرا : ياهلا يبعد الخالة شلونچ

جوان : الحمد لله انتو شلونكم

سمرا : بخير حبيبة سمعت تردين رجلچ جاي

هينا امس شنهو اجة يراضيچ

جوان : اي خالة

سمرا : وتردين ترجعيلو

جوان : هزيت راسي بمعنى اي ونزلتة

سمرا : حبيبة ليش ترجعيلو انسان هلكثر اذاچ

مايستاهل حتى نظرة من عينچ

جوان : مجبورة ارجعلة

سمرا : يمة منهو يجبرچ او يگربلچ انتِ بحمايتنة

جوان : ادري خالة ومقصرتو بس اني اريد اساومة

ان طلع بابا من السجن ارجعلة

سمرا : والله مااعرف شگلچ ضلت بكيفچ انتِ

يلة انة رايحة وينهة بنتچ عبد الله كتل نفسو

يريد يلعب وياهة ومتكاون وية ولد عمو

ميريدهم يگربولهة هذا الوليد من هسة افيسد

ويتمعشگ ياخوفي اذا كبر

اورين : خالة مو شغلة عشگ بس هو متعود

عليهة لااكثر ولا اقل

سمرا : اي الايام چثيرة ونشوف اذا چان چلامي

صح لو چلامچ يلة مع السلامة

اورين : مع السلامة خالة عود جيبي البنات وتعاي

مشتاقتلهن هواية

سمرا : ان شاء الله يمة

اورين : راحت خالة واحنة نظفنة البيت بس جوان

مااخليهة تشتغل هواية شغلات خفيفة لأن حامل

الشيخ باوعلي الغرفة ظلمة بس اكو ضوة

يجي من برى يعني اگدر اشوفة

جواد : منهو جاي يدگ

اورين : حچيت بتلعثم ههههو

جواد : گمت بسرعة شمرت الغطا وتوجهت

الهةاخذت التلفون منهة وهي صارت تبچي

دحگت بلتلفون وانصدمت شنهو هاي الجرئة

جاي بنص گاعي ويريد يشوف حرمتي

ركضت اخذت سلاحي اريد افتح الباب

اطلع واجتي لزمتني من ايدي

اورين : ابوس ايدك لتتورط بسببي خسرت

بابا مااريد اخسرك عفية عوفة خل يولي

ميستاهل تسبب لنفسك مشاكل بسببة

جواد : ولچ مشاكل شنهو ماكو رجال يستجري

يسوي هيچ وياي هذا واحد مس٫٫٫٫٫٫٫٫ط

وانة راح اراويه شغلو

اورين : فدوة لتروح لخاطري

جواد : ولچ شجاچ تخبلتي هديني

لتخليني ادفعچ مااريد ائذيچ وخري

اورين : لخاطري جواد لخاطري اذا تعزني عوفة

جواد : ولچ ان خليتة لاح يضل يتمادى

خليني اعلمو الاصول لتخافين مااذبحو

اورين : چنت مچلبة بيه مثل طفل مچلب

بابوهمااريد اخسرة منو الي غيرة ياربي

جواد : يعني متهديني

اورين : لاما اهدك

جواد : ماشي هدي ايدي رحت طلعت

التلفون

خابرت على منصور گلتلو يطلع هو وسيف

يشوفون

شغلهم وياه باوعتلهة واگفة بصف الباب

وتسمع حچاياتي ودموعهة تنزل عشرة عشرة

سديتو وباوعتلهة گلبي ماعاد ينلزم ولا يصبر

گربت منهة وهي طبگت علباب نزلت وجهي

لمستواهة وگلتلهة شجاچ ليش هلكثر

بچيتي

اورين : خفت عليك هواية

جواد : يبعد طولي ليش خفتي

اورين : خفت اخسرك مثل مخسرت بابا

جواد : لتخافين يبعد العمر انة وياچ

اورين : حضنتة بقوة اريد اتمسك بيه

خايفة من كلشي واحس گلبي صاير الف

وصلة مااعرف حتى

عليمن انقهر تدمرت خلال هاي الاشهر اريد

امل اتمسك بيه شي يسندني بهاي الايام الصعبة

وجواد چان هو الامل والسند من بعد الله

جواد : ذبي حمولچ كلهة هينا گلبي صار الچ

وحدچ ومحد يسكنو غيرچ

اورين : حضنتة اقوى وهو حاط راسة

برگبتي يشم بيهة قوي ويگول افيش

جواد : گوليلي تعال گلبي انتهى وفگد صبرو

اورين : يحچي ويبوس برگبتي گلتلة

بصوت ناصي

تعال جواد وكلمتي هاي طلقت شكو شعور مكبوت

بداخلة عشنة ليلة ولا بالاحلام نسيت كلشي بيهة

كل مخاوفي وتحفظاتي كلة راح بهاي الليلة

حتى سراج نسيتة ومفكرت شصار بي ضلينة

گاعدين للفجر ابتعد عني وصار يغني

گلبي شلون اصبرة نار العشگ كبرة

ماينحمل همة يعمة يعمة

اورين : شگد تحب هاي الاغنية لعد

جواد : شمدريچ

اورين : سمعتك مشغلهة من اجيت يم خالة

من چانت مريضة

جواد : احبه‍ة چثير من زمان بس چنت اسمعهة

وماعندي شعور بيهة بس هسة احسهة

تحچي شيگول گلبي وشكثر متلوع

اورين : الله ليلوع گلبك

جواد : لوعة الگلب عسل اذا منچ انتي

اورين : شوكت حبيتني گلتهة واني اتجنب

اباوعلة مخلية اصبعي على صدرة وارسم دوائر

جواد : من يوم شفتچ ابيت اهلچ

اورين : رفعت راسي باوعتلة مستغربة گلتلة شوكت

جواد : من چنتي تدحگين من الشباچ

اورين : عزا شفتني يعني

جواد : اي ومن يومهة وانة مضيع عگلي

اورين : يعني ممكن الانسان يحب بهاي السهولة

جواد : ليش لا نظرة وحدة ممكن تخليك تنسى

الاول والتالي اورين انتي اول عشگ ضاگة

گلبي واول مرا تخش گلبي وتحتلو اريدچ ماتطلعين

منو للموت صيري وفية لهاذ الگلب

اورين : احاول شيخ

جواد : خايبة ضل بيها شيخ گولي جواد

اورين : ماشي جواد گلتهة وغطيت وجهي بأيدية

جواد : اگوم اسبح واصلي وانتي هماتين

گومي لاتضلين نايمة

اورين : لا مااضل هسة اگوم تقرب مني شالني

اني والغطا تفاجأت بتصرفة لفيت ايدي على

رگبتة واني فعلا عايشة اللحظة حسيت نفسي

مراهقة وجاي اعيش الحب لاول مرة

جواد : راضية بية مثل ماانة بكل قيرتي

عليچ وعقدي واگلچ من هسة انة مااتغير

اورين : اريد اعيش مدللة وياك مو مهم

عندي غير شي ولا مفكرة بي ابداً

قاطع كلامي ببوسة بادلتة حدما ارتخت

ايدية ونزلت وهو ابتعد عني

جواد : صيري گوية ولتموعين من البوس

اورين : خلاني علچرباية وراح سبح وطلع

للجامع

واني گمت سبحت وجرحي گام يوجعني

عبننوشتة مي اخذت علاج وصليت ونمت

گعدت الصبح ب 8 سويتلة ريوگ انتبه علية اتوجع

هو وياكل سألني گلتلة الجرح ديوجعني لأن

غسلت راسي هو ضاج كلش وعاف الريوگ وطلع

تقريبا نص ساعة واجة جايب براق وياه

جواد : هاي جبتهة الچ اخذي بحگچ منهة

اورين : باوعت لجوان الي توهة گعدت

وهي اشرتلي بمعنى شكو باوعتلة وگلتلة

مااريد شي الله ياخذلي حقي

جواد : العين بالعين اخذي حگچ منهة ولتخافين

اورين : مخايفة بس والله مااريد انزل لمستواهة

براق : انة اسفة حبيبة

اورين : اباوع لوجهة مبينة مضروبة اكيد اهلهة

هم سووا بيهة هيچ عفتهة بالباب ورجعت

للمطبخ شوية وفات جواد وگف وراية

جواد : ليش مااخذتي بحگچ

اورين : محاجة

جواد : انتي شنهو من بشر

حضني قوي واني للوهلة الاولى مقاومتة


ضليت مستغربة تصرفة ورى شوية انتبهت

على نفسي دفعتة حيل بس هو ماكو ميندفع

جواد : يلملگوفة خليني مرتاح شوية

اورين : روح لف راسك ونام وانت ترتاح

جواد : هي تنلام سمرا من تگول عليچ ثولة

اورين : تفشلت هواية منة نزلت راسي وگلتلة

وخر عفية راسي يأذيني

جواد : يبعد راسي خل اشوف

اورين : ابتعد عني نزل الشال وشاف الجرح

الي براسي تقرب باسة بهدوء واني مشاعري

انسحلت اول مرة احد يدللني هيچ

انحرمت من الدلال طول عمري من اني وطفلة

واهلي ذابين علية المسؤلية صح مقداد چان

زين وياية بس علاقتنة مچانت هيچ جواد

يحسسني اني طفلة بين ايدية وياه ارجع

بت ال 14 مشاعري كلهة تصير تتدفق بغزارة

واتخبط بتصرفاتي مااعرف شريد ولا اعرف

شنو الي جاي يصير كل الاعرفة انو هاي

الحالة الي بينة هي اجمل شي عشتة بعمري كلة

جواد : الرجال راح يطلع انة رايح اوصلو

جاهزة الليلة تنسين الاتفاق

اورين : باوعت بعيونة تمنيت اگول اي بس

مگدرت هزيت راسي بالنفي وهو ضاج بس حاول

ميبينلي باس راسي وطلع واني گلبي

طلع مضاهرة يريد هذا الحب والامان وبنفس

الوكت عقلي رافض الاستسلام ويگلي حياتچ

وياه عدم لازم تنسين حريتچ وراحتچ

وياه وتعيشين وية عاداتهم وغيرتة الخانقة

عقلي چان رافض وبضراوة وگلبي يريد

هذا الدلال والحب الي ممجربة قبل

جوان : الشيخ طلع وصلة ورجع گعد وياية

جواد : ها يابة تفاهمتوا

جوان : اي شيخ تفاهمنة

جواد : الله يهديكم

جوان : تسلم

اورين : شتفاهمتي مصخمة هذا مجرم شلون

ترجعيلة تخبلتي انتِ

جوان : وعدني يطلع بابا من السجن

اورين : وانتِ صدگتي

جوان : خلينة نشوف بلكت صدگ

اورين : والله مااضن يصدگ بحچية

جواد : بس الموضوع صعد للقضاء وصدر حكم

شلون يطلعة مااضن يگدر

جوان : مااعرف هو شلون مسجنة يطلعة

سمر : سمسم نفسي لعبانة كلش

قاسم : خاف حامل حب

سمر : مااعرف يجوز

قاسم : شنو انتِ ارنبة مو ذاك اليوم طرحتي

سمر : انتَ مو تريد طفل شنو بعد

قاسم : اني اريد اطفال مو طفل واحد

سمر : اي مو هي بكيفك

قاسم : لعد بكيف منو ولچ

سمر : بكيف سمسم لتعصب حبيبي

قاسم : هههههههه لوتية

سمر : اهم شي يطلع يشبهني

قاسم : ليش عود شبية اني

سمر : مابيك شي بس علية احلى

قاسم : عمي شفايتلنة يطلعون مثلچ عبك اجانب

سمر : وين اكو مني بس بروسيا ثنين وماتن بكورونا

قاسم : هههههههههه

سمر : فدوة للضحكك

قاسم : يعمري انتي تعال دنفوش بحضني

سمر : رحت گعدت بحضنة وهو علطول يشتريلي

علاليگ مال نساتل وجبس ومصاصات يعتبرني

جاهلة اني من اشوفهن اسوي روحي ضايجة

بس كلهن اكلهن

قاسم : روحي جيبي النميات مالتچ

سمر : مااشتهي

قاسم : روحي ام بطن اعرفچ جعتي

سمر : فديت اليعرفني

قاسم : شلون مااعرف دنفوشتي

سمر : تلمس بطني وباسني بخدي

قاسم : اووف حلم سمرمر يصير عدنة

طفل مجاي اصدگ والله

سمر : ليش حلم بعدني صغيرة واخلف

حير بروحك جدو

قاسم : *
لعد هذا منين مو من جدو

سمر : اي بس وية الوكت الكفائة تقل وغمزتلة

قاسم : والله كفائتي متقل انطيچ ضمان

بيةمنا لما تعجزين

سمر : واذا عطلت ارجعك علشركة

قاسم : صاير ادب سز دنفوش

سمر : من عاشر القوم

قاسم : ايا طايحة الحظ يعني احنة قوم

ادبسزية

سمر : كلمن يعرف روحة

قاسم : گومي ولي نامي ضوجتيني

سمر : لا يمعود سمسم كلة الة زعلك

قاسم : شسوي امري لله رضيت

سمر : مو گلتلك انت قشمر

قاسم : گالتهة وانهزمت واني لحگتهة

اورين : تعشينة وغسلنة المواعين ورودي نعست

لأن تضل وية الجهال تلعب فرشتلهن هي وجوان

ونامن واني رحت للغرفة شفتة يگلب بلتلفون

فتت وسديت الباب شوية وانگلب علجهة

الثانية كأنوا ديگلي نامي اخذي راحتچ

تمددت بصفة وتغطيت وغفيت گعدت على

صوت تلفون يدگ باوعت بالغرفة تلفون الشيخ

مجاي يدگ الساعة ب 1 تذكرت هاي رنة

تلفوني الشيخ مخليه بلكنتور گمت طلعتة

شفتة سراج جاي يدگ خفت كلش ياربي

شيريد هسة سويتة صامت شوية وفصل

دز رسالة

سراج : اطلعي بسرعة اني انتظرچ يم البيت

اورين : من الخوف التلفون راد يوگع من ايدي

باوعت للشيخ نايم شسوي هسة ياربي







❤️❤️❤️❤️❤️❤️❤️❤️❤️

~•~•~•~•~•~•~•~•~•~•~•~•~•~•~•~•

اورين : ضليت واگفة واباوع علشيخ شسوي ياربي

اسوي نفسي مشفت الرسالة وارجع انام

توني دقفل الجهاز چان يرجع يدگ ويطلع صوت

اهتزاز اريد بس اقفلة ايدي گامت ترجف قوي

مااگدر حتى الزمة بشكل صحيح بهلاثناء گعد

٣٣____٣٤







💘💘💘💘💘💘💘💘💘

~•~•~•~•~•~•~•~•~•~•~•~•~•~•~•~•

بهاء : شيخ انت تعرف الاصول كلش زين حرمتي

شتسوي ابيتك انة زوجهة وجاي اخذهة بأي

حگ تمنعني عنهة ممكن تفهمني ؟

جواد : الحرمة متريد ترد الك وانة شيخ وبيتي

مفتوح لكل دخيل وهي تصير اخت الاهل

ومگامهة من مگامهم

بهاء : شيخ لتخليهة تصير محلوة

جواد : والله الله وايدك

جوان : واگفة بالمطبخ وارجف خايفة لايتعاركون

بسببي لگيت نفسي بلا وعي اطلعلة اورين

حاولت تمنعني بس فلتت نفسي منهة وطلعت

شفتة معصب كلش شافني وملامحة تغيرت

بهاء : يلة علبيت بساع لتضنين احد يگدر

يحميچ مني اتچفي الشر

جواد : شنهو مو بعينك احنة

بهاء : شيخ اريد احچي وية حرمتي شوية

جوان : باوعتلة مبين جاد كلش گلت خل

اكسر الشر باوعتلة وگلتلة اذا حچينة تروح ؟

بهاء : اي بس اريد نحچي شوية

جوان : باوعت للشيخ وهزيتلة راسي بمعنى

موافقة وهو گلة دقيقة اسويلك درب

اورين : چنت واگفة اگلب اللحم وفات الشيخ

جواد : فوتي جوة شوية يرد يحاچيهة

اورين : شلون تفوتة للبيت لهذا المجرم

جواد : مااگدر اطرد احد من بيتي بلاخص

هو الو شي عدنة

اورين : طفيت الطباخ وفتت للغرفة

ضايجة

جوان : ليش اجيت

بهاء : اريدچ گمغيتي

جوان : شلون تتخيل حتى ارجعلك

بهاء : ترجعين وانتي الممنونة

جواد : يلة يابة فوتوا جوة

جوان : فتنة للصالة والشيخ گال راح

اعوفكم وحدكم اخذوا راحتكم

بهاء : كلك ذوق شيخ

جوان : گالهة وباوعلي وغمز واني درت

وجهي عنة احس صرت اختنگ منة ومن

ذكرياتنة سوى وهذا الطفل صار لعنة علية

وراح يخنگنيللابد مااريد اي شي يربطني بي

بهاء : مشتاقيتيلي ؟

جوان : ابد

بهاء : صايرة قاسية گمغيتي وين ذيچ الچانت

تذوب بحبي وتموت اذا تجاهلتهة

جوان : ماتت من سوالفك

بهاء : الحب ميموت جوان وانتِ تحبيني

جوان : يعني كل عقلك ارجعلك انتَ شسويت بية

عوف كل الضرب والاهانة خل نگول كلشي

يصير بين الرجال ومرتة بس انو انت خلفت

بوعدك وسجنت بابا بسبب شي هو مالة ذنب

بي ليش حاسبتة على غلط اني المفروض

مسويتة بس فهمني ليش ؟

بهاء : هو يستاهل

جوان : بابا ميستاهل غير كل خير انتَ مجرم

وتستاهل الطرد من وظيفتك على الي سويتة

بهاء : وهسة شلون متفض هاي السالفة

جوان : لامتفض ابد واني مالي رجعة الك

بهاء : غصباً عليچ ترجعين

جوان : منو يغصبني بالله بيش تهددني بعد

بهاء : محاجة اهددچ بس راح اگلچ شنو شروطچ

وترجعيلي واني مستعد انفذ

جوان : راح تنفذ كلشي اريدة

بهاء : اي بس آمري

جوان : طلع بابا من السجن

بهاء : وترجعيلي ؟

جوان : اي موافقة ارجعلك بس طلعة

خطية هو مو حمل السجن

بهاء : ماشي يلة گومي وياي

جوان : وين ماارجع قبل مااشوف بابا گدامي

بهاء : شنو ماكو ثقة

جوان : طبعا ماكو

بهاء : ههههههه ماشي گمغيتي انتظري كم يوم

ويطلع ابوچ بس من ترجعيلي تنسين اهلچ

خلاص لو ملختچ متطلعين من البيت


جوان : مفكرت بالي جاي يگولة چانت طلعة

بابا اهم عندي من كلشي گلتلة موافقة

بهاء : ماشي گمغيتي ديري بال على روحچ

وشغلة اخيرة بعد

جوان : گال هيچ هو ومندار يريد يطلع

وفجأة التفتلي وتقرب مني خلى ايدة

علتچوة مال تخم وقرب وجهة مني كلش

بهاء : باوعيلي گمغيتي

جوان : رفعت راسي وباوعتلة ماادري ليش لو شما

يسوي مااگدر اكرهة ولا اطلع حبة من گلبي

بهاء : مشتاگلچ موت

جوان : افتهمنة ترى

بهاء : تجين للبيت يمي وافهمچ زين

جوان : گال هيچ وطلع بسرعة كأنو جبر نفسة

يطلع ويعوفني

جواد : ليش گالبة وجهچ

اورين : تريدني ارگص عجل

جواد : هههههه تعلمتي على حچينة

اورين : مااعرف زلگت مني

جواد : عادي يابة مو غلط الواحد يتعلم شي جديد

اورين : متشوفة طلع اريد ارجع للمطبخ اختنگت

جواد : شدعوة اختنگتي وين گاعدة بسجن

اورين : من گال سجن تذكرت بابا وانقهرت حيل

نزلت راسي ودموعي غصب عني نزلت

شگد كرهت ضعفي بوكتهة لأن مااريد ابين

ضعيفة گدامة

جواد : اسف يابة نسيت هاي السالفة ممكن تقثچ

اورين : مصار شي شيخ احس ضجت حيل

گمت اريد اطلع من الغرفة چان يخلي ايدة

گدام الباب

اورين : اريد اطلع اختنگت من صدگ

جواد : وين الرجال بعدة برى

اورين : شسويلة يعني

جواد : لا بالله ؟

اورين : ترى هو رجل اختي واذا

جواد : ممنوع تطلعين جدام اي رجال

اورين : ترى هذا مو وضع

جواد : هذا العدنة

اورين : ضجت كلش منة لزمت ايدة اريد اوخرهة

من الباب مااحس غير سحبني لحضنة

جواد : اسم الله شجاچ يابة

اورين : بابا راح شيخ راح وعافني

جواد : هذا كابوس هي نومة المغرب تعل

الواحد اتعوذي الشيطان

اورين : اعوذ بالله من الشيطان الرجيم

جواد : لگيت نفسي جاي احضنهة بهدوء

مثل الفراشة الي تريد تلزمهة وتخاف تأذي

جناحاتهة او تشرد منك هيچ چان خوفي عليهة

اورين : انتبهت علية حاضني بس برسمية

يعني ممقرب جسمة مني كلش

دفعتة بهدوء وگمت توضيت وصليت

كملت ورحت اسوي عشا والشيخ گاعد يباوع

علتلفزيون هو وجوان ويسألهة عن شنو الي

تريدة وشلون انهزمت ورودينا نايمة على رجلة

ومنطيهة تلفونة تگلب بي

منحس غير الباب اندگ قوي طلع الشيخ يفتحة

سمعتة يحچي وية رجال وجوان من سمعت

الصوت ركضت يمي للمطبخ

جوان : الحگيلي هذا اجة ياخذني

اورين : لتخافين محد يگدر ياخذچ

جواد : گلتلك الحرمة بحمايتي ومو رايدة

ترجعلك نرجعهة بالقصب يعني

بهاء : اي بلغصب شيخ مرتي واريدهة

محد الو شي عندي

جواد : المرا دخيلة عندي ومحد يگدر يگرب صوبهة

بهاء : شيخ لتخليني استعمل غير اسلوب

انطيني حرمتي بالحسنى

جواد : وانة كلمتي وحدة والمرا مالهة طلعة

من هينا الة برضاتهة

يتبع ٫٫٫٫٫٫٫٫٫٫

اورين : لا قابل سر هو بس عبن حچتلچ بسرعة

سمر : اي لتغيرين الموضوع شچنتوا تسوون

شعندة حاصرچ هيچ متختزون تگولون عدنة

خطار من صدگ مراهقين

سمرا : يا هلا يمة بيكم شلونچن حبيبات

سمر : اورين اشرتلنة نسلم عليهة رحنة سلمنة

عليهة وهي نفس صنفي تضحك وتحشش كلش

حبيتهة وحبيت اسلوبهة

گعدنة بالصالة جني تمارة وبان ورودي ضليت

ابوس بيهن واحضن ممصدگة اخيرا شفتهن

عبك صار سنين مشايفتهن

سمرا : يمة بنتچ تريدچ وجبتهة الچ

اورين : اي متنلامين خالة

سمر : خالة خاف مياخذون راحتهم بعدهم عرسان

سمرا : يمة اليسمع يگول هم مچرميهة

سمر : له له له ليش اورين ممچرمتهة

اورين : انچبي سمر

سمرا : يمة ليش عبن حچت الحگ

اورين : خالة فدوة عوفي الموضوع

سمرا : ماشي يمة الامر لله الواحد القهار

عفناه اكلي يمة ليش صافنة

جوان : لا مصافنة خالة جاي اكل

باوعت لاورين شفتهة تباوعلي بقهر

ابتسمتلي حتى متحسسني بنظراتهة

سمر : كملنة الغدا احس كرشي صار مترين

احتاج بطل مال سفن الية وحدي يلة ينهظم

الاكل باوعتلي جوان وضحكت

جوان : بعدچ ام بطن

سمر : لعد شسوي

سمرا : يمة تخبل فدوة لگلبهة مدبدبة






ومحبوبة ياحظة الماخذهة

سمر : باعن هاي النسوان التفتهم

اورين : ايا ثولة يعني احنة منفتهم

تمارة : الشيخ يصيحچ اورين

اورين : باوعت عليهن الي تغمز والي تصچم

عبك مو صايحني مدري شمسوي

سمرا : روحي يمة شوفيه گلبو بعد ميتحمل

اورين : گالت هيچ وكلهن ماتن ضحك طلعت

للمطبخ ضايجة اريد اعرف شنو الشي المهم

الي فشلني من وراه هاي الفشلة

فتت للمطبخ لگيتة مطلع علاجي ويگلب بي

حس بية وراه التفتلي وباوع بنضرة غضب

اني گلبي وگع برجلية عبالي شوف شكو

جواد : ليش مماخذة علاجچ

اورين : توني خلصت غدا

جواد : هم ناوية تنسين

اورين : لا مناسية بس توني خلصت غداية

جواد : يلة اخذيه گدامي

اورين : گلتلك اني اخذة بعدين ليش

عايف ضيوفك وجاي علمود العلاج

جواد : مالچ غرض اخذي العلاج

اورين : نفخت بضجر ورحت ترست گلاص

مي وتقربت بضوجة افتح العلاج واني معصبة

اخذتة للعلاج وباوعتلة گلتلة ها ارتاحيت هسة

جواد : فوگ متتصورين

اورين : باوعت علميز اكو علبة بيهة چكليت

ومسقول من هذا ابو الگهوة اخذت وحدة

فتحتهة وخليتهة بحلگي وهو بعدة واگف يباوعلي

التفتتلة گلتلة ها بس المسقولة بحلگي گوة احچي

جواد : هههههههه شفتهمنة احنة هسة

اورين : باوعتلة بأستهزاء طلعتهة من حلگي

وگلتلة ها جاي اگلك شفتة بدى يتقرب مني

رجعت ليورى حدما طبگت علثلاجة

جواد : شو تحچين بنتر

اورين : محچيت بنتر بس گلتلك ها

جواد : لزمت ايدهة البيهة المسقولة

وخليتهة بحلگي

اورين : شجاي تسوي عوع شلون الك نفس

جواد : راح ارضى بهاي التصبيرة حدما الله






يفرجهة علينة

اورين : حسيتة اصلا مهتم بكلامي ولا سمعة

عيونة ذبلانة وتباوعلي بطريقة ساحرة

عافني وطلع راح للمضيف يم الخطار واني

ضليت افكر بلي سواه شلون ياكل شي

من حلگي رجعت گعدت وياهم ضلينة سوالف

وضحك للعصر راحوا سمر ورجلهة

شگد چلب الشيخ بيهم بس رجلهة مرضى

يضل يگول عندي شغل مااگدر ابقى اكثر

ودعنة سمر بدموع بلاخص منظرهن

شلون يبچن هي وجوان يكسر الگلب

رجعنة گعدنة اني وجوان منتبهت ذبيت الشال

وجوان شهگت بصوت عالي

جوان : هاي شنو منو ضاربچ على راسچ

اورين : فززتيني محد يمعودة وگعت وتعورت

جوان : متأكدة

اورين : اي شبيچ ليش اچذب يعني

للمغرب فات لغرفتة يرتاح واني چنت تعبانة

حيل اريد بس انام راسي موتني فتت للغرفة

شفتة غافي نمت بصفة بس على صفحة

اول مخليت راسي غفيت

قاسم : ها فرحتي بشوفة خواتچ

سمر : اي كلش حباب سمسم خل نجي علطول

قاسم : ادللي حبيبي شوكت متريدين اجيبچ

سمر : اني شايلة هم لجوان مبين رجلهة عكرة

ومراح يعوفهة بحالهة

قاسم : ليش مجبتيهة ويانة

سمر : اورين مقبلت

قاسم : ليش

سمر : مااعرف تگول يمنة احسن

قاسم : مااضن يأذيهة بشي مبين يحبهة

سمر : صارلة اشهر معذبهة وحابسة ياميئذيهة

قاسم : مااعرف شفتة هواية يحبهة ويغار

عليهة مااعرف اذا نظرتي صحيحة

سمر : حتى لو يحبهة جوان مستحيل ترجعلة

بعد الي سواه وية بابا

قاسم : مااعرف

سمر : انت كلشي تگول مااعرف

قاسم : اي مااعرف شگلچ يعني

سمر : محچيت وية الشيخ بموضوع بابا

قاسم : حچيت وشجعني اقدم طعن خطية

طلع علطول يزورة بالسجن اني هم لازم

ازورة كل فترة واتطمن عليه

سمر : خل اروح وياك حبيبي

قاسم : يمعودة كلة ضباط وشرطة وين تروحين

سمر : شلون يعني مااشوف بابا

قاسم : مااگدر اخذچ حبيبي زحمة

سمر : ضجت حيل منة چمالة اورين تشكي

من الشيخ هم كلهم نفس الصنف ميفرقون شي

اورين : شفت بابا تقرب مني نطاني وصلة بيضة

وابتعد عني وكل مااركض عليه هو يبتعد اكثر

حدما اختفى واني صرت اصرخ بأسمة

حدما گعدت واني اصرخ

اتحملهة واحساسي اني خنت مقداد وعشرتة

سمر : تزوجتي منو

اورين : الشيخ

سمر : لتنقهرين كلشي بي خير للبشر وهسة

نضل گاعدين هيج ثلجت گومي سدي الباب

اورين : مسحت دموعي وگمت سديت الباب

وقربت الصوبة من عدهة

سمر : والله خوش قصور عدهم عليش مقهورة

محصلتلچ شيخ ومراضية

اورين : مااريد اتزوج هو مابي غلط الرجال بس

اني ضروفي غلط وحياتهم هنا

متناسبني لاوظيفة يرضى لا اطلع من دون خمار

سمر : يجوز يغار عليچ قاسم هم يغار هاي الفترة

هواية ومن كلشي حتى ميرضى اجيب سيرة

اي رجال گدامة خبلني والله

اورين : مااعرف اني مجاي اتقبل الحياة هنا

سمر : بأثناء كلامنة سمعنة صوت سيارات شرطة

ركضنة علباب شفنة سيارات 3 مال

والشيخ واگف يحجي وية واحد منهم

ومبين معصب حيل

شوية وجتي سيارة رابعة وگفت ونزلت منهة

جوان معصبة حيل وگفت گدام هذا الضابط

وضربتة راشدي قوي واحنة ضلينة بس

فاكين حلگنة علمشهد....







🤍🤍🤍🤍🤍🤍🤍🤍🤍

~•~•~•~•~•~•~•~•~•~•~•~•~•~•~•~

جوان : شجاي تسوي هنا ليش ملاحگني شتريد

مني مكافي الجحيم الي عيشتني بي صار اشهر

شتريد بس فهمني

بهاء : حچيت واني ضاغط على سنوني شلون

تضربيني وچمالة گدام العالم تخبلتي انتي

جوان : اي تخبلت ومااريد شوفة وجهك بعد

اطلع من حياتي ياحقير الله ليوفقك

بهاء : امشي گدامي بساع لاانعل والديچ

جوان : لو تموت اني مااريدك اكرهك

جواد : خليهة تخش وية الحريم وان چان الك

چلام وياهة خليه ابحدكم مو هينا گدام خلايج الله

بهاء : باوعتلة واني صارت نار رجعت باوعتلهة

گلتلهة جوة بساع اني اعلمچ على الراجديات

شلون تصير ياادب سز

رجعت باوعت للرجال الي وصلهة شفتو شاب

مرتب لو عيوني صارت براسي هذا منين يعرفهة

وشعندو وياهة ركضت عليه لزمتو من ياختو

احچي ولك س٫٫٫٫٫ط منين تعرف حرمتي

محمود : بس اهدى ماعندي شي وياهة بس هي

چانت يمنة بلبيت اني وزوجتي بعد منهزمت منك

بهاء : وتريدني اصدگ هاي السالفة

محمود : تصدگ متصدگ مشكلتك اني مجرد فاعل

خير لتورطوني بمشاكلكم رجائاً

بهاء : انگلع رد منين مااجيت

جواد : منهو سمحلك تطرد الناس من گاعي

بهاء : اني سمحت لروحي شيخ عندك اعتراض

جواد : لتشوفنة متهاونين وياك وتضن احنة

مانگدر نوگف بوجهك والله ان اشرت بأصبعي






لاسويكم جنايز هينا خليني محترمكم

_ سيدي شنو لزوم المشاكل ميرضون بالتفتيش

بهاء : هو مضل الو داعي بكل حال

_ شنو قصدك سيدي

بهاء : انچب انت مالي خلگك باوعت للشيخ

وگلتلو باليل اجي اخذ حرمتي من هينا

واريد رجال طالع من ضهر ابوه يمنعني

جواد : نحچي بعدين هسة عدنة ضيوف

بهاء : ماشي شيخ جواد يرهم

جواد : يلة مصار شي جماعة خشوا شوية

ويزهب الغدا

اورين : فاتت جوان واستلمناهة اني وسمر

بوس واحضان وسمر سبت الدنيا بالبچي

سمر : مشتاقتلچ كومة ماما ليش عفتيني

جوان : حبيبتي اهدي شوية اني وياچ وبعد

مااعوفچ بعد اوعدچ

سمر : تلمست بطنهة شوية مبينة گلتلهة جوان

ونزلت راسي بستهة للبطونة

جوان : بعدچ طفلة سمر

سمر : لعد شسوي اكبر

اورين : هواية مشتاقيلچ يعمري

جوان : اني اكثر تمنيت من اجي اشوف بابا

واعتذرلة عن كل الصار بسببي

اورين : ان شاء الله يطلع ويسامحچ لتخافين

سمر : اي جوان لتخافين حبيبتي

اورين : شوية وفات الشيخ يتحمحم

جواد : ياهلا شلونكم يابة

سمر : الحمد لله شيخ بخير

جوان : بخير شيخ

اورين : شفتة شايل صواني مال اكل اخذتهن

من عندة وبلغلط طخت ايدي بيدة

توترت اخذتهن بسرعة خليتهن علكاونتر

حسيت بيه صار وراية التفتت صرنة وجه بوجه

جواد : شلون صار راسچ

اورين : بخير شيخ البنات من شافنة تقرب

مني عافنة وراحن للصالة

جواد : شدعوة هلكثر متوترة

اورين : ممتوترة گلتهة واني احاول اتهرب

بعيوني من عيونة ونظراتة

جواد : اخذتي علاجچ

اورين : لا نسيت ورى الغدا اخذ






جواد : يعني شلون بيچ ليش متديرين

بال على روحچ

اورين : عادي تصير نسيت

جواد : تغدي واخذي لتنسين ماشي

اورين : ماشي ابتعد عني وطلع راح للبيت

الثاني حسيت جسمي صار يصب عرگ

وتوترت هواية من الطريقة الي تقربلي بيهة

ونظراتة قصة وحدهة

سمر : ها ولكم شچنتوا تسوون

جوان : عوفيهم ولچ غير عرسان

اورين : ها وكالة الانباء شبسرعة نقلتي الخبر

جوان : ليش متريدين اعرف

وكريم اساس وهو گاعد علچرپاية يباوعلي

اتوترت من الطريقة الي يباوعلي بيهة

لأن جاي اشوف انعكاس صورتة بالمراية

قاسم : ولچ شنو انتي مفشلتنة انتي وكرشچ

سمر : معليك سمسم خل اكل ثريد اليوم جمعة

اريد احتفل بيه واكل بهيط مدري هبيط






قاسم : ادري مجوعچ اني

سمر : لا والله ممجوعني بس اني احب الاكل

قاسم : بس تحبي يا ظالمة انتي حياتچ كلهة اكل

سمر : عندك اعتراض

قاسم : لا عمي شعترض اني اگدر اعترض

سمر : اي عفية عليك صير حباب ليش مجبت

جميل يسوق تعب عليك الطريق طويل

قاسم : لا هيچ احسن

سمر : تريد نضل وحدنة

قاسم : اي بعدين شلچ علاقة انتي بهاي السالفة

سمر : شبيك قاسم ترى مجرد سؤال

قاسم : لتسألين عن رجال ثاني گدامي

سمر : اوي قاسم شبيك ترى مو طبيعي انت

قاسم : لا كلش طبيعي بس انتي ثولة

سمر : كافي قاسم راح ازعل

قاسم : ازعلي احد لازمچ

سمر : ضجت حيل صديت علجامة وصرت ابچي

بخنگة ياربي شدعوة هيچ يغار ممعقولة

هاي غيرتة شلون راح نكمل عمرنة سوية

حسيت ايدة على خدي مسح دموعي

قاسم : كافي حبيبي اسف والله

سمر : ليش تشك بية قاسم اني احبك

ومااگدر افكر بغيرك ابد

قاسم : مو بيدي حبيبي اني تعرضت للخيانة

وبالموت يلة تجاوزت الازمة

سمر : واني شنو ذنبي اذا وحدة خانتك

قاسم : مو ذنبچ بس صار عندي عقدة من هذا

الموضوع مااتحمل حتى تباوعين لاحد

سمر : قاسم حبيبي اني احبك ومااريد غيرك

من هاي الدنيا ومستحيل اباوع لغيرك ابد

ولا افكر بأحد غيرك حتى بخيالي

انت اول انسان احبة قاسم

قاسم : فدوة اروحلچ يعمري لتزعل دنفوش

مااتحمل دموعك والله

سمر : لتزعلني لعد

قاسم : احاول حبيبي

سمر : لا گول وعد

قاسم : وعد حبيبي بس لتزعلين

جوان : اشوفچ بخير

اساور : حضنتهة وصرت ابچي من صدگ

اكو بشر تتعلق بيه بفترة بسيطة وتحسة






قريب منك ومتگدر تعوفة

جوان : يمعودة لتبچيني

اساور : الله عليچ لتنسيني

جوان : شلون انساچ راح نضل على تواصل

محمود : مخلصتن الدراما هاي

اساور : معليك انت خليني اودعهة

محمود : لعد صارلچ ساعة شدتسوين

جوان : يلة حبيبتي مع السلامة

اساور : مع السلامة محمود دير بالك عليهة

ولتعوفهة الة توصلهة لاهلهة

محمود : لتوصين حريص

جوان : ودعتهة وخطية مسويتلي سلة چبيرة

مخلية بيهة لحم بعجين گالت خل يضوگون

ابداعاتي هي وتبچي رجعت حضنتهة بوستهة

وطلعت واني اتلفت وخايفة صار كومة

مطالعة واحس بهاء وراية وبأي لحضة

راح يلزمني صعدت بالسيارة ليورى وانطلقنة

الطريق كلة افكر شلون راح تكون ردة فعل

خواتي شراح يصير بعدين معقولة بهاء

مراح يلگيني ابد منو راح يحميني منة

هواية اسألة اجتي ابالي مگدرت الگي

جواب الهة طريق طويل كلش مشيت بيه

ومرت علية كل ذكرياتي من طفولتي والي عشتة

حدما التقيت بساجد وبعدهة بهاء احس

كل واحد انطاني درس وحسسني بالذنب

بس بلاخير علموني انو ماكو رجال يستاهل الحب

كلهم واحد بلاخير استغلاليين

وشكاكين وماعدهم محبة بگلبهم باوعت

لمحمود وگلت بنفسي بس هذا رجال ويحب

زوجتة ومدللهة بس بعدهم بلاول منعرف

بعدين شراح يصير الفكرة اذتني هواية

ياربي لتخلي اساور تتعذب مثلي كون ربي

يسعدهم هي وكل زوجين وحبيبين

سمر : وصلنة للمكان كلش حلو بساتين

وزرع وبيوت ضخمة هواية شفنة رجال واگف

ووياه ولد 3 قاسم راح سلم عليه واني مشيت وراه

جواد : يا هلا والله نورت الديرة بيكم

قاسم : منورة باهلهة شيخ






سمر : تسالموا ووراهة سلم علولد الوياه

واني واگفة مااعرف وين اروح اطب وياهم

لو لا خاف عيب

جواد : ياهلا بيج يابة الحريم ينتضروچ بالبيت

الثاني اتفضلي عدهم

سمر : بلمهلي شيخ اشرلي بيدة واني رحت

للبيت الثاني لگيت الباب مفتوح انفجعتوا

الدنيا باردة ليش مفتحين البوب

دگيت الباب وفتت اول مطبيت صارت بوجهي

اورين عبك چانت تنتظرني ركضت حضنتهة

وصرنة نبچي سوية بچينة هواية وگعدنة

بالگاع احنة وحاضنين بعض

اورين : ولچ سمر بابا مشتاقتلة هواية

مجاي اتحمل بعدة عنة الحمل صار ثگيل

علية ومجاي اگدر اشيلة وحدي

سمر : اني وياچ مااعوفچ ابد وعدت بابا

نضل سوة ومراح اخلف بوعدي

اورين : كلهة عافتنة حتى امي رفعت قضية خلع

وتطلگت كلهة تخلت عنة

سمر : هي الخسرتنة وخسرت بابا بالدرجة الاولى

اورين : اووف سمر تعبت والله

سمر : حبيبتي صيري قوية انتي اختنة الچبيرة

واعتمادنة كلة عليچ احنة نستمد قوتنة منچ

تمارة وبان معتمدات عليچ وراهن مستقبل

لازم انتي تساعديهن يوصلن لاحلامهن وتدعميهن

وبنتچ بعدهة طفلة خليچ قوية علمودهة

اورين : كلشي ديصير غصب عني سمر

اني تزوجت البارحة تدرين شگد صعبة علية

اتزوج حتى بس اسكت الناس ملحگت حتى احزن

على رجلي الكسرة الي بعين رودينا مجاي

31_32
......




~•~•~•~•~•~•~•~•~•~•~•~•~•~•~•~•

جواد : دحگت بالتلفون وانضربت براسي

گلتلهة

بعصبية منهو هاذ الي جاي يهددچ

اورين : بس دقيقة اشرحلك صدگني ماعندي

شي وياه هذا چان خطيبي قبل لا اتزوج مقداد

الله يرحمة وبهاي السنة رجع لحياتي وخربهة

هو السبب بموت مقداد خلاه يشرب ويسوي

امور مو زينة الله يغفرلة ويرحمة

جواد : ليش ما حچيتي عجل ليش ضميتي

علية شنهو مو رجال گدامچ

اورين : العفو شيخ مو قصدي شي بس خفت

لاتتورط وياه ماردتك تتأذى بسببي

جواد : انة اتأذى بسبب هذا المخنث ماعاش

الي يهدد حرمة جواد لاح اشوفو نجوم الضهر

لهلچلب واخلي يتندم على الساعة الغرر بيها

يأذيچ بس انتي ليش سكتي ليش ماگلتي

لرجلچ الله يرحمو عنة

اورين : شيخ كلنة عدنة ماضي واني چنت

احبة هواية قبل وصارت شغلات بيناتنة

وهو چان يبتزني بيهن يگول اخلي رجلچ يشك

بيچ واني غصب عني سكتت اباوعلة گوة

كاتم غضبة وقابض على ايدة

جواد : هاي السيرة لا تفتحيهة جدامي بعد

وتلفونچ يضل عندي حدما اجيبو لهذا الن٫٫٫٫٫٫٫ل

وادفنو هينا

اورين : شنووو ناوي تكتلة

جواد : فد لا عندچ مانع

اورين : والله مخايفة عليه بس خايفة عليك

مااريد تتورط بشي بسببي

جواد : انة شيخ يولي لتخافين علية اعرف شلون

اخلص منو ومن دون مااحد يتأذى

اورين : احس راسي راح ينفجر ياربي شجاي

يصير مو كافي علينة سجن بابا انوب اجة

سراج چملهة الله ينتقم منك ياحقير

جواد : تعاي تريگي ولتقثين روحچ






اورين : رحنة للصالة گعدنة تريگنة بس اني مالي

نفس اكل احس معدتي خابطة ونفسي تلعب

شگد ماادعي عليك ياسراج ميبرد گلبي

شسويت بية وبحياتي اذا تحبني ليش

عفتني لعد من چنت خطيبتك وتجاهلت

توسلاتي وكل دموعي خليتني اتمرض وادخل

حالة اكتئاب واتعالج واوگف على رجلي

وهسة جاي تهدمني بعد متماسكت ووگفت

على حيلي وعشت حياتي اجيت هدمت الاول

والتالي ولحد الان محاولاتك مستمرة

جواد : اكلي يابة عندچ علاج

اورين : مااشتهي

جواد : لازم تاكلين حتى لو شوية بأثناء حچينة

اندگ الباب تريد تگوم تفتحو مخليتهة گلتلهة

كملي اكلچ انة افتحو رحت فتحتو طلعت سمرا

سمرا : شعدكم گاعدين من الصبح چان تأخرتوا

بالنوم انتو عرسان

جواد : خايبة ياعرسان العروس راسهة مفتوح

والليل كلو مصخنة وانة اسوي كمادات

سمرا : شتسوي غير هاي سوالف بت عمك

الحية الله ياخذهة

اورين : تفشلت من كلامة حسيت نفسي

مأذيتة هواية ومتعبتة وياية

سمرا : شلونچ حبيبة ان شاء الله احسن

اورين : الحمد لله خالة احسن بأثناء كلامنة دگ

تلفوني بالغرفة والشيخ باوع بأستغراب

بأتجاه الغرفة

اورين : من رخصتكم تلفوني يدگ

سمرا : روحي يمة

جواد : ضليت ادحگلهة حدما فاتت للغرفة

سمرا : خوية يمعود وين شردت

جواد : شجاچ مو هياتني وياچ

سمرا : اي بس عگلك مو وياي

جواد : شتردين سمرا

سمرا : تحبهة يخوي

جواد : محترگ افادي بيهة

سمرا : الله يسعدكم بس ترى الصارلهة ماهين

على كيفك وياهة هي وية الوكت تتعود عليك

جواد : توصيني على گلبي

سمرا : هههههههه شيخ العشگ ماكل افادك

اكل هلملعونة خلتك تحبهة وتعشگهة






جواد : ادعيلنة سمرا

سمرا : والله مناسيتكم كل دعائي الكم

اورين : شفتهة سمر جاي تدگ جاوبتهة

سمر : صباح الخير

اورين : صباح النور حبيبتي

سمر : حضرولي صينية ثريد جايتكم

اورين : صدگ

سمر : اي شبيچ ممصدگة

اورين : لا والله احس صار حلم اشوف وحدة منچن

سمر : لا علم حبي وهسة روحي حضريلي غدا زين

اورين : ادللي حبيبتي توصلون بالسلامة

سمر : الله يسلمچ

اورين : سديتة منهة وطلعت اركض على خالة

حتى الجرح الي براسي نسيتة

خالة خالة اختي جاية بلطريق

سمرا : ياهلا بيهة يمة

جواد : كل الهلا بيهم سمرا خلي سيف يجيب

ذبيحة وسون غدا راهم

سمرا : تامر شيخ

اورين : خالة طلعت واني رحت للغرفة ابدل

باوعت بالمراية شفت اكو اثار ضرب بوجهي

اخترعت من صدگ الله ياخذچ براق شمسوية بية

جواد : خشيت وراهة للغرفة شفتهة تدحگ

بالمراية ومبينة مگهورة گلتلهة شبيچ يابة

اورين : اكو اثار ضرب على وجهي شلون

سمر تشوفني هيچ

جواد : كسر بيدهة والله لاخذ بحگچ منهة

اورين : واني شسوي بحگي اريد هاي الاثار

تروح هسة عبالهم انت ضاربني

جواد : خلي زواگة بلكت يروح

اورين : شنو يعني زواگة

جواد : خايبة هاي السوالف لتخلنهة لوجوهچن

اورين : ها مكياج قصدك هسة اجرب واشوف

گمت علمراية واني دايخة كلش خليت خافي عيوب

مااعرف رجعت للبيت اباوع بالبيت كل مكان بي

اثر منهة مكياجاتهة ملابسهة عطورهة

سحبت دشداشتهة الچانت تلبسهة علطول

حضنتهة ونزلن دموعي تمنيتهة وياية هسة

وتبرد گلبي حتى لو چذبت علية هم راضي بس

ترجعلي لا جاي اگدر اطلعهة من بالي ولا اروح

لغيرهة سعادتي وحياتي وروحي صارت بيهة

سمر : گعدت من الصبح سبحت ونشفت شعري

صليت وگعدت قاسم حتى نطلع من وكت

قاسم : ولچ خل انام شوية

سمر : ماكو نوم يلة گوم بسرعة

قاسم : ولچ يظالمة خل ارتاح شوية

سمر : گوم عفية قاسم يلة نلحگ

قاسم : امري لله گايم

سمر : اي صير حباب سمسم

قاسم : اني سمسم منثور تعال لمني بحضنك

سمر : انتَ سمسم منحرف

قاسم : منين تجي الراحة واني مگابل هذا الضيم

سمر : هسة اني صرت ضيم شكراً الك

قاسم : عمي احلى ضيم والله

سمر : گوم يلة سوالفك متخلص فات للحمام

وهو يغني يخالة محبتة تعذب الحيل وانا بحبة

اصيح الويل ياويل احير انا دمعتي من يجي

الليل ودموع العين علوجنات همالة شيصبر

العاشگ ياخالة شيصبر العاشگ ياخالة

ضحكت لأن دائماً يغنيلي اغاني ساجدة

يدري بية احبهن وينطني طاقة ايجابية ادري

هسة تگولون تناقض بس شلون تصلي وشلون اغاني

بس عادي اني ممتدينة كلش اصوم واصلي بس

ممتعمقة بالدين عادي اسمع اغاني وارگص

لأن احسة مو غلط مادام اسوي هذا الشي لرجلي

وبالحلال سويتلة ريوگ بين مايطلع من الحمام

گعدت انتظرة ومتوترة حيل خايفة

لا هاي الروحة هم يصير شي ويخربهة

مثل كل مرة هواية مشتاقة لخواتي بلاخص

تمارة وبان لان چنت متعلقة بيهن واقريهن

ومقربات مني ومشتاگة اكثر لجوان اريد بس

اشوفهة احس خسرت امي من خسرتهة ضليت

گاعدة واباوع من الشباك حدما طلع گعد گبالي

قاسم : وين صافن دنفوشي

سمر : خايفة هواية

قاسم : من شنو حبيبي

سمر : مااعرف گلبي ممرتاح

قاسم : ياستار لتخافين ماكو شي بس عبن

متوترة اهدي شوية ميصير غير كل خير

سمر : الله يستر تريگنة وغسلت المواعين علسريع

وكلساع واگع مني ماعون مااعرف ليش

ممرتاحة ابد وگلبي حاسسني اكو شي مو زين

راح يصير اليوم طلعنة واني الطريق كلة

اباوع علطرق الجو بارد كلش مشغلين تدفئة

بس اريد هذا الشعور يروح ماكو

اورين : گعدت الصبح على صوت اغاني

عالي فتحت عيوني بثگل وراسي يريد يطگ

من الوجع گمت واني اترچى علسرير

وگفت ولزمتني الدوخة رجعت گعدت علسرير

والصوت عالي حيل مال موال

قل للمليحة في الخمار الاسود

قل للمليحة في الخمار الاسود

ماذا فعلتي بزاهد متعبد

قد كان شمر للصلاة

قد كان شمر للصلاة ثيابه

حتى وقفتي له بباب المسجد

ردي عليه صلاته وصيامه لاتقتليه

بحق دين محمد

ردي عليه صلاته وصيامه لاتقتليه

بحق دين محمد

يابة يابة يابة اوووف يابة

كل متخلص يعيدهة گمت خليت شال على راسي

وطلعت للصالة شفتة متمدد علقنفة واكو صينية

مال ريوگ علطبلة بيهة كاهي وگيمر وعسل

وجوز واشكال اجبان ومربى

رحت غسلت علمغسلة وطلعت وگفت بصفة

وهو مندمج وية الاغنية گلتلهة شيخ اسويلك چاي

ميسمعني صافن ومخلي التلفون على بطنة

رجعت انوب گلتلة شيخ تريد اسويلك چاي

باوعلي مستغرب لان عليت صوتي

جواد : صباح الخير

اورين : تفشلت نزلت راسي گلتلة اسويلك چاي

جواد : ياريت

اورين : رحت للمطبخ اسوي چاي چان اسمع تلفون

بابا يدگ رحت اشوف منو طلعلي رقم غريب

عرفتة ساجد نطيتة رفض توني دحظرة چان

يدز رسالة

سراج : كل ضنچ يگدر يحميچ مني والله لادفنة

بصف صاحبة وارجعچ الية حبيبتي

اورين : ضليت ارجف مااعرف شسوي بلحضتهة

فكرت اكسر التلفونات ثنينهن واخلص من

هاي السالفة صافنة وكامشة التلفون بأيدي

مااحس غير انسحب مني

يتبع ٫٫٫٫٫٫٫