قصص💜✨

حلقات مسلسل تحت سابع ارض🖤👇

https://t.me/+18IVu2-UDKI5YWI0

خَـاص لـشهر رمضان المبارك ٢٠٢٤🌙🕌
ㅤ
أدعِية وتهاني 🩵✨

ستوريات فخمة 🩵✨
ㅤ
صُور  وتصاميم 🩵✨

﴿ ‏إِنَّ اللَّهَ يُبَشِّرُكِ ﴾ أختَرْ فَراشة :

🦋        🦋        🦋.

هذي كانت قصتي اتمنى نالت اعجابكم ادعولنه ان شاء الله تدوم سعادتنا بعد كل ألي عشنا والله يحفضلنا اولادنا

عن لسان رافي
------------------

في يوما ما التقيت بطفله وجدت البحر يسكن في عينيها

وملمس الثلج يغطي بشرتها

وورد الجوري يلون شفتاها

وانعكاس الشمس يضىء من خصال شعرها

لتطرق باب قلبي وتسكنه

جعلت مني ابا في عمر المراهقه

اهتممت بها كأنها جزء مني طفلتي لتصبح فرحة
عمري ونور ايامي وسنيني

غرست داخل قلبي بذور حبها حتى كبرت وكبرت معها ولم ادرك جذورحبها امتدت لتحتل اوردتي وشراييني

ماعدت انا اصبحت كلي هي لأجد نفسي غارقا
في بحر عينيها تائها بين خصال شعرها
احببتها حب المجانين

اصبحت صبحي وضهري ومسائي وكل ايامي وسنيني

اصبحت سكني ومسكني ووطني

بحت بحبي لها لأجد حبي يسكنها ولم ندرك من يكيد مكائد الشر ليفرقنا

وفي غفلة عين ضاعت كل امالي واحلامي ولم يبقى منها سوى ذكراها وانيني

استوطن الاغراب واحتلو وطني فبقيت غريب الدار والوطني عشت في غربة الايام ابحث عن بحري في عيون الناس لأشكو لها همي

اصبحت وحيدا طريح المرض لااسمع سوى صدى صوتي وانيني

وانادي اين انتي يامحبوبتي قيسك يبحث وينادي على ليلى فهل من مجيب

ومرت الايام وانا غائبا ابحث عن وطني في ارض غير ارضي وسمائا غير سماءي اجول في مركبي
في ضلمات الليل حتى اصبح الضلام يغطي قلبي وروحي

حتى اشرقت شمس فجر جديد لتعودي وتزيني بالحب عمري وسنيني وينجلي الضلام ويتوج حبنا
باقدس رباط في الكون لتصبحي زوجتي

وجاء اليوم الذي نقطف فيه ثمار حبنا لتصبحي ام اولادي وملكة قلبي وبيتي ومدللتي ومحبوبتي

اعدك سابقى متيما بكي فعديني ان تبقي مركبي يجول في بحر عينيك حتى اذا اتى المساء تغطيني بجفنيكي

ادعو الله في كل وقتا ان يديم حبنا ويحفظ اولادنا
وان يبعد عنا شر كل الحاقدين

شكرا الى من علمتني الحب وجعلت مني عاشق وزوجا واب شكرا لكي يامحبوبتي..

انتهت رحلتي وياكم بقصة يتيمة المشاعر

احمد:الله يحفضهم ألكم وتربيهم بعزكم ودلالكم وتفرح بيهم

رافي:اشكرك ويحفضلك بناتك ان شاء الله

سيف:صدك،،، چذب،،، صرتوا ابهات مثل الصدك

رافي:لازم معاجبك ياالمهتلف طبعا وينك وين الابوه انته اذا خلفت تطلع تزحف بيهم لحد متخليهم مثلك

براء:هههه اي والله خالي صدقت

سيف:ولي لج هسه انتي علساس شلونج اسرح بصخله احسن منج

ريام:يووووه فدوه لولد اختي يخبلون

رافي:وبالنسبه لسلمان خان ألي واكف كدامج مو ابوهم بس ولد اختج؟

ريام:لا طبعا انته الخير والبركه الله يخليهم ألك وتفرح بيهم ومن هسه دا اكلك حجزت واحد منهم لبنتي

احمد:لاعيني بنات عمهم اولى بناتي وين يروحن

سيف:ادري ياخذون بكد امهاتهم ليش خطيه ابوهم اخذله وحده اصغر منه بسنين وولده ياخذون اكبر منهم ثنينهم،،، لا عيني محجوزين لبناتي

رافي:واني اكول مين اجتك الحنيه وانته اكبر مصلحجي خلي اروح اشوف مرتي احسن ألي

سمر:ضلينه يوم كامل ماشفنه نورزان هي واعيه بس تعبانه منع الطبيب الزياره ثاني يوم نقلوها لغرفه خاصه والفرحه ماسايعتنا بسلامتها

رافي:حبيبتي نونو اكعدي شجاج شنو هل النوم
الحمد لله على سلامتج

نورزان:وين اني شنو صار شنو متت؟

رافي:اي متي واني متحملت ولحكتج

نورزان:وهسه احنا بالجنه؟

رافي:هلا،،، استلمو المدام ضامنه الجنه
اي حبيبتي احنه بالجنه متشوفين حور العين ألي ويانا. (ويأشر على الدكتورات والممرضات)

نورزان:ماكو حور عين رجال ؟

الكل:ههههههه

رافي:اني اعلمج طلعتي تدورين غيري حور عين رجال هاا خاتون

نورزان:لعد من سألتك ماصدكت كلت حور عين وتأشر على الدكتورات،،، بعدني مامتت كمت تدور عليه عبالك موواعيه

رافي:الحمد الله عالسلامه هسه اطمأنيت انتي بخير،،، ياجماعه أبشركم رجعت نورزان ورجعت تحاسبني وتنتضر عليه الزله حتى تهاجمني

الكل:هههههه

سيف:عفيه بزوجة اخويه متنطي مجال حتى وانتي مريضه

نورزان:بشروني شلونهم اطفالي

رافي:الحمد لله زينين لتخافين عليهم

سيف:وابشرج صاكين ومن هسه نحجزو

ريام:اي واحد منهم حجزته لبنتي

سيف:لاعيني بنتج چكمه طالعه عليج وولد اخويه صاكين وعيونهم زرگ

خالد:علساس هسه انته شلونك اجلح املح وتقلد على مرتي وبنتي انته بجمالهم

نورزان:رافي عفيه اريد اشوفهم صدك حلوين وعيونهم ملونه؟

سمر:من كثر ميحبج ويتغزل بعيونج ولدكم اجوي نفس العيون يعني صار 3 نورزان

نورزان؛لاعيني شنو اني وبس شنو واذا مثل عيوني

رافي:تغارين منهم نورزانتي ،لتخافين انتي اول فرحة عيني ماكو احد ياخذ مكانج

سيف،،، جماعه انسحبوا بهدوء الجماعه بده غزلهم خلي نحترم نفسنه ونطلع قبل لا ننطرد
.
.

نورزان:بعد ايام طلعت من المشفى وبعد فتره سمحولنا نطلع اولادنه ألي سميناهم واحد يوسف والثاني ياسين

الكل تعلق بيهم وهمه يخبلون ابويه وعمو نبيل مكابليهم وكاعدين ميفارقوهم

بدوا يكبرون وطهرناهم ومن صار عمرهم سنه بعنا بيتنه وأشترينا قريب من اهله واهلي لأن ميكدرون يفاركون يوسف وياسين

بعد ماصار عمرهم سنه سافرنه اني ورافي للهند وسويت عمليه على اثرها صحتي تحسنت بس موضوع الاطفال ملغي نهائيا بقينا على يوسف وياسين الحمد لله والشكر نعمه من رب العالمين

رافي تعلق بيهم واني من كل عقلي اغار اريده بس ألي وهو دائما يفهمني اني الاولى بحياته

سبحان الله كان هو يغار منهم وهسه صار العكس صح همه يشبهوني وعلى فكره همه توأم غير متماثل ميتشابهون بس ثنينهم بيهم شبه مني بس طباعهم واحد نسخه من رافي والثاني مثل سيف

سمر واخيرا وافقت على سامر طار من الفرحه وتزوجوا وكدر سامر بحبه يخلي سمر هم تحبه وصار عدهم ولد وبنيه

ريام بعد ماتخرجت صار عدها ولد والحمد لله سعيده ويا خالد بس تشكي من دوامه وطبعه البارد تريده يصير رومانسي مثل رافي هو الولد لاكي مجال يحك راسه من ورا عمله الصعب

سيف فاجئنه من طلب يخطب صديقتي ساكار اني ادري عينها علي بس هو ماكان مهتملها صار النصيب وتزوجو وصار عدهم بنيه وخابصنه بيها وحجز يوسف ألها لان مثل طبعه

احمد ومروه هم قبل فتره اجاهم ولد بعد 3 بنات وقررو انو يوقفون الانتاج

واني ورافي احلى أثنين والاحلى ثمار حبنه ياسين ويوسف هل سنه دخلو روضه ومامصدكين من الفرحه يعني ان شاء الله السنه الجايه مدرسه

واني وسيف فتحنه صيدليه سوا

وعمو وعمه فرحانين بالاحفاد ألي ملو عليهم البيت

اما والدي فكلش متعلق بولدي ميكدر يفاركهم صارت روحه بيهم وصراحه امي هم تعلقت بيهم وخصوصا ماعدهم احد بالبيت لأن زيد مقضيها سفر يوميه ببلد ولغى سالفة الزواج نهائيا واني ماسامحته لأن ماتغير ولاطلب مني السماح على افعاله

سمعنه برفل تزوجت واحد متزوج ومشاكل هي وزوجته الاولى وماخذها للونسه ومانعها تخلف لأن عنده اطفال

براء انخطبت لأبن عمتها ودتحضر للزواج

لكن مع الاسف باحداث كورونا جدي توفى بسبب المرض كان هل شي جدا مؤلم ألنا كلنا هل الانسان هوايه وكف ويانا وكان بمثابة اب للكل

نورزان:ادعولي واريدكم تسامحوني اذا فد يوم غلطت بحق احد واني مسامحه الكل ماعدا ثلاث اشخاص مامبرين الذمه زيد ورفل وحسام
عمه وانتي وسمر واحمد ومنال،، ،رافي بأمانتكم لتركوا وحده وتوكفون ويا

وانت رافي اطفالنا امانه برگبتك تدير بالك عليهم
وتحميهم وتتمسك بالحياة علمودهم حتى تربيهم

رافي:لتحجين هيج الله يخليج وكأنما دتودعينا
ان شاء الله ترجعيلنا سالمه ونربيهم سوا

نورزان:كلشي بيد الله واذا صار شي اريدك تعرف
أنته احلى شي صار بحياتي وانته كل حياتي وحتى لوعشنا سوا فتره قصيره هل شي كان بالنسبه ألي
عمر كامل لأن اني فتحت عيني وعرفت الدنيا من خلالك الخاطري اريدك تدير بالك على نفسك

الممرضه: يله صار الوقت لازم ننقلها لصالة العمليات

نورزان:نقلوني واني الخوف سكني واشوف نضرات الخوف ومحاولتهم اخفاء دموعهم عني بس كلها بكفه وعيوني مافاركت محبوبي اريد اخر شخص عيوني تشوفه احس نفسي اريد اشبع منه الى ان دخلت للصاله وبلشوا يچيكون ضغطي ويشوفون نبضاتي وبعدها أنطوني منوم حتى ابتعد عن التوتر لأن البنج موعام موضعي الى ان غمضت عيوني ورحت للمجهول

سمر:دخلت نورزان للعمليه وشبعت قهر من شفت نضراتها متوجهه باتجاه رافي حسيتها كأنما تودعه وهو هم نفس الحاله

بعدها بدت رحلت المعاناة ويا الوقت والخوف مسيطر علينه بس رافي وابو زيد كانو منهارين من الخوف احسهم على ساعه يوكعون حتى وجهم صار اصفر ضلينا بس ندعي

امارافي فأخذ زاويه وكعد يقرا قران وكل شويه
تروح ايده على عيونه يمسحها

مر الوقت بطيء الى ان طلع الدكتور بس احنا منكدر نوكف من التوتر والخوف

رافي:بشر دكتور ؟

الدكتور:ان شاء الله خير الحمد لله للان الوضع تمام ماواجهنه مشاكل صعبه اثناء العمليه الضاهر ارادتها قويه ومتمسكه بالحياة ورب العالمين وكف وياها ان شاء الله بس تعدي 24 ساعه الامور تكون طبيعيه وتكون عدت الخطر

رافي:الحمد لله والشكر ياربي زين والاطفال؟

الدكتور:اضن زينين تطلع دكتورتهاتبلغكم اني جراح قلبيه وكلمن ضمن حدود اختصاصه و عمله

رافي:شكرا دكتور شكرا ألك ماقصرت

الدكتور:عفوا هذا واجبي ومن تعدي هل الفتره ان شاء الله لازم نبدي وياها رحلة علاج حتى تعود لصحتهه

رافي:ان شاء الله

سيف: الفرحه غمرت الكل ماصدكنه ناس تبجي من الفرح وناس تضحك

اما رافي وابو زيد واحد حضن الثاني وعبرو عن فرحتهم بالدموع منشوف بس اكتافهم تهتز
بچونا كلنا وياهم

رافي:مامصدك عمي مامصدك رحمتك ربي احمدك واشكرك ياألاهي قدرت ولطفت ومافجعتني بيها

ابوزيد:الحمد لله ابني

ام رافي:هسه نطلع منا نطعم ٦٠ محتاج

سيف:بربج بدينج وين نلكالج هسه ٦٠محتاج

سمر:لتعيش الدور صح احنا بلد الخير بس ياكثر الارامل واليتامى والمساكين بي واقل شي نقدمه لوجه الله وفضله علينه

سيف:على كيفجن اكلتني بكشوري
اشش،،،، سكتن طلعت الدكتوره

ام رافي:ها دكتوره بشري ؟

رافي:بشرينا؟

الدكتوره:اول شي الحمد الله على سلامتها وبالنسبه للاطفال اجه دكتور اطفال چيك وضعهم بصوره عامه زينين بس لأن قبل وقتهم اجو لازم يبقون بالحاضنه (الخدج) يضلون فتره وان شاء الله خير

رافي:يعني ماعليهم شي؟

الدكتوره:ربك ألي حماها ورجعها من الموت هي واطفالها قادر يحميهم ويحفضهم ألك

رافي:شكرا دكتوره كلكم ماقصرتوا ويانا رغم كل الاطباء ايسونا من حالتها وخطورتها بس انتو ماقصرتو

الدكتوره:هذا واجبنا وبعدين كلام الاطباء صحيح
بالدين والطب ثنينهن ماكو مجامله لازم نكون حديين لأن غلطه وحده تنهي كل شي

الدين واضح وصريح والخطا لايجوز والطب كذلك
بس ثنينهن تبقى رحمة رب العالمين هي ألي تغير مجرى كل شي والحمد لله معجزت رب العالمين شملت زوجتك

رافي:الحمد لله والشكر لرب العالمين اولا والشكر ألكم لأن حتى ألي سويتوا واجبكم يبقى الانسان من يسمع كلمة شكر على افعاله الزينه يحس بقيمة لي يسوي ويجتهد بي اكثر

الدكتوره:كلامك صح

ام رافي:شوكت نكدر نشوف جهالنا البنيه والولد ونطمن عليهم

الدكتوره:هاي بقت يم دكتور الاطفال المسؤول عليهم ها وعلى فكره ماكو بنيه نورزان ولدت ثنين ولد يعني صرت اب لولد ثنين الله يحفضهم ألك

ام رافي:صلاوات على النبي،،، ماشاء الله

ام زيد:ماشاء الله الله يحفضهم

رافي:بابتسامه.. الحمد لله اهم شي تمام الخلقه

سمر:ها عيني فرحت بالولد

رافي:عندي بنيه وماليه حياتي ومااريد غيرها

الدكتوره:هاا يعني عندك بنيه زين عبالي هاي اول طفل ألك؟

سمر:ههههه لادكتوره فهمتينه غلط فعلا همه اول طفل ألهم بس قصده على نورزان لأن هو ألي رباها
وقصده عليها بنوته

الدكتوره:هههه هنا السالفه يله من رخصتكم

رافي:دكتوره بدون زحمه اخر شي شوكت تطلع نورزان

الدكتوره:هسه راح ينقلوها للعنايه الى ان نتاكد كلشي طبيعي وراها تكدرون تشوفوها

سمر:طلعت وخلوها بالعنايه ورحنا على الاطفال بالحاضنه شفناهم يخبلون بس صغار كلش
اما ألي كان مارايدهم وخابص نفسه دمعت عيونه من شافهم

ها رافي شنو شعورك ؟

رافي:مااعرف اوصفه مامصدك صرت اب احلى شعور

السلام عليكم
#يتيمة_المشاعر....#بارت٤٧الأخيرررر
نور ال زياده
****

سمر:شعندك كاعد هنا؟

رافي:وين اروح مااكدر اعوف المستشفى

سمر:موهذا قصدي اذا تعبان روح ارتاح بالبيت احنا هنا

رافي:مااكدر اعوفها واروح

سمر:لعد ليش تاركها وكاعد هنا اذا متكدر تعوفها؟

رافي:اني منعول سلفه سلفاي وهي حايره الاطفال ليصير بيهم شي

سمر:طبيعي يااخي هي ام واكيد من هسه تتعلق بيهم

رافي:ليش تحسسوني اني بدون گلب ومااريدهم ولاخايف عليهم؟

سمر:شجاك ياعيني موهذيج الايام زين وكلشي تمام،شنو ألي تغير؟

رافي: ألي تغير تعبان تعبت انو امثل دور الشخص المامهتم ومتفائل وكلشي تمام والامور طبيعيه واني بالحقيقه جاي اموت تعرفين شنو جاي اموت بطئ هاي مشاعري الحقيقيه

اكابر واضغط على نفسي حتى لتحس واحاول اقدملها طاقه ايجابيه بس بداخلي غير شي توصيني على الاطفال وخايفه عليهم وناسيه اني بشنو احس من خوفي عليها

كلكم متصورين مامهتم لأطفالي ولارايدهم صدكوني موهاي الحقيقه من يوم حبيتها واني اتمنى تصير ام اولادي صرت احب الاطفال لأن اتخيل هي امهم

تدرين هسه من احس بحركتهم جوا ايدي احس گلبي يرجف من الفرحه بس فرحتي ناقصه لأن خايف عليها خايف اخسرها واني مااعيش بدونها
هاي فرحة عمري

تكوليلي ام وخايفه على اطفالها واني هم اب
وخايف على بنته اني عرفت الابوه ومشاعرها من سنين طويله من يوم تعلقت بطفله وربيتها على ايدي وحملتني المسؤوليه وحسستني بالأبوه هي اول فرحة عيني

حتى لو حاب اصير اب واحب اطفالي ماراح احبهم ولااخاف عليهم مثلها

ولو يرجعون يخيروني هم اختارها لواعرف اضل طول عمري مااصير اب والناس كلها تلومني اكلهم عندي بنيه ماليه كل حياتي وروحي وگلبي

سمر:نزلت دموعي على حالهم جاوبته....

_الله على گلبك شكد شايل هموم وحب
تدري حبك نادر ماعاد موجود بهل زمن واني اتهمتك وشككت بحبك واعتبرتك اناني سامحني

رافي:ماكو داعي للاعتذار الانسان يحكم على ألي يسمعه ويشوفه واني كل الادله كانت ضدي اب
تخلص من ابنه بنفسه ولهذا ماشلت بگلبي لاعليج ولاعليها

بعدين منو كال ماموجود مثل حبي احنا من نحب نحب بكل جوارحنا ونتعلق هاي انتي صار سنين من مات مانسيتي ومنال نفس الشي واحمد وابسط مثال سامر ألي مع كل رفضج للان متمسك بيج

سمر:شجاب سامر بالموضوع؟

رافي:لأن هم حبه نادر مثل متكولين ومنتضرج صار سنين وانتي ماحسيتي بي.. خطيبج راح الله يرحمه صار 10سنين ولامتزوجين ولاعندج طفل من ريحته حتى تبقين على ذكراه عيشي حياتج وحسي بسامر هو هم تأذى وأنغدر من اخته

اسألج سؤال لو خيروج قبل بين خطيبج الله يرحمه وبين سامر منو تختارين؟

سمر:اختار سامر لأن افضل واقرب

رافي:مازال هذا تفكيرج يعني سامر مهم عندج واكو مجال تتولد مشاعر بداخلج أله فكري بكلامي

لتضيعي منج لأن الحياة قصيره فلتضيعين الناس المهمه عندج وألي همه يهتمون لأمرج

سمر:مااوعدك بس افكر بالموضوع اما انته فكافي تفكر لأن من التفكير ضغطك مدينزل خليها على الله ولتخاف وان شاء الله خير

واتاكدانو الخوف ميمنع الموت بس يمنع الحياة مهما خفنا اقدارنا متتغير بس مخاوفنه تمنعنا نعيش ايام حلوه ويا احبابنا توكل على الله وان شاء الله ميضيع لاتعبكم ولاصبركم وتفرح بسلامتها

رافي:امييين ،الله يسمع منج والله طول الوقت ادعي والله كريم

سيف:هاي شنو هاي عيني اني ادور عليكم وانتو كاعدين هنا تقصقصون كوم يمعود مرتك خبصت الدنيا عليك تريدك عبالك مضيعه ابوها وهو يمها شكد عيب من ابو زيد هوحاير بيها وهي تدورك

سمر:قابل كذب رافي ابوها اكثر من ابوها الحقيقي

رافي:كومو خلي نروح

سمر:مرت الايام ونورزان وضعها من سيء الى اسوء ومن دخلت السابع بدت المعاناة الحقيقيه وضعها صار كلش سيء وكل مره تتخربط وتختنك
توصل للموت ورافي يموت ويعيش وياها وماطلع خارج المستشفى نهائيا صارت الغرفه هي بيتهم

هو حاير بيها يوكل ويشرب ويسبحها وحتى يمشط شعرها ميرضى احد يداريها غيره

المشكله صارت حتى من تدخل الحمام تختنك
جابلها اوكسجين وخلا بالحمام صارت عايشه على الادويه والمغذيات والاوكسجين

وبلشوا يضربوها ابر ببطنها عن طريق المشيمه غذاء للاطفال وهي الله يساعدها تعاني وتتعب وكل متتعب تتخربط

بكل مره تتخربط نكول راحت من ادينه كانت ايام لاتنسى منتمناها حتى للعدو ورافي حال الضيم حاله

من تنام يختلي بنفسه وألكى كاعد يدخن ويبجي مثل الطفل اكعد ابجي ويا

بالاسبوع الاخير من السابع تخربطت الى درجه وصلت للموت رسمي وهنا قرر دكتورها انو صار لازم تولد لأن بعد متتحمل اكثر بأي لحضه نخسرها،، وفعلا ضربوها ابر حتى تكمل رئة الاطفال

ألتموا الكل بالمستشفى رحنا نحضرها للعمليه بس رافي رفض وكالعاده هو ألي يحضرها

دخلنا عليها وانتبهنا لعيونهم ثنينهم حمره من البجي

نورزان:صار الوقت مووو؟

ابوزيد:اي بابا شدي حيلج ورجعيلنا بالسلامه

نورزان:اواعدك راح اقوي نفسي وخصوصا انته يمي هل شي بالنسبه ألي كافي حتى اقوى
بس رافي الموت والحياة بيد رب العالمين كلشي يصير هاي دنيا

اطفالنا امانه برگبتك تحافظ عليهم وتحبهم وتصيرلهم اب وام وابد متحملهم ذنب اي شي صار
لأن هذوله ثمرة حبنه وصبر السنين

رافي:الله يخليج لتحجين هل الكلام وانتي تعرفين مااكدر اعيش بدونج ،لخاطري لتستسلمين

نورزان:اعرف كلامي صعب عليه بس كلشي يصير
كان المفروض أئمن على اطفالي اعرف رافي كد الامانه بس اخاف ليحملهم الذنب ويكرهم لهذا كان مفروض اكله هل الكلام لأن اعرف كلامي مهم عنده وينفذه

انتقلت لغير مستشفى وطول الوقت طبيب يطلع والثاني يدخل والتحاليل والاشعه والايكو والرنين وكل شويه شي تعبت كلش وكل مااتعب اختنك
وادوخ،اخر شي اجه الدكتور المسؤول على حالتي ألي نقلني لهاي المستشفى

رافي:ها دكتور بشر؟

الدكتور:خير ان شاء الله لتخافون تواصلت ويا دكتور صديقي مشهور ب المانيا ودزيتله التقارير

ابوزيد:خير ان شاء الله

الدكتور:نورزان تبقى منا لحد متولد تحت اشرافي لأن الايام الجايه اصعب وتحتاج ادويه ومتابعه واوكسجين راح احاول اسيطر على وضعها
بس مااعرف لشوكت راح تتحمل ولهذا مقدما اكللكم اذا شفت وضعها ميتحمل احتمال ننجبر نولدها بالسابع بنج موضعي بس اني مامسؤول عن وضع الاطفال

نورزان:بالسابع ميعيشون لان همه توأم مو واحد بعدهم صغار ماراح يتحملون

الدكتور:ماكو حل اخر اذا گلبج تعب مااضن راح تتحملين منا لحد شهر التاسع لوانتي لو همه

رافي:اكيد هيه هاهيه دكتور شنو تشوفه مناسب سوي والله ألي رزقنا بيهم هو قادر يخليهم يعيشون او يموتون مااجازف بيها

ابوزيد:واني هم ويا كلام رافي

الدكتور:من هسه توقع لأن بأي وقت نشوف وضعها تعب ندخلها ولاده لأن ولاده طبيعيه مستبعديها نهائيا

نورزان:طلع الطبيب واني شبعت قهر خايفه على اطفالي صح اتمنى اعيش بس من بديت احس بيهم بداخلي وحركتهم تعلقت بيهم وخايفه عليهم

رافي:حبيبتي هذا افضل حل لتنقهرين موزين عليج،، أحنا بالشافعات مسيطرين على حالتج

نورزان:واذا صار عليهم شي واذا خسرت اطفالي
شلون اعيش بدونهم شلون يعني انحرم من انو اصير ام؟؟

يتبع....

رافي:شبيج ،شنو يوجعج؟

نورزان:ماكوشي يوجعني ،بس حصلت دفره قويه هذا الضاهر ابنك وكح نار

شبيك رافي ليش ضجت ؟

رافي:ماضجت

نورزان:اعرف فرحتك بأطفالك بيها غصه بس همه ماألهم ذنب

جيب ايدك

رافي:شتسوين بيها؟

نورزان:اخذت ايده وحطيتها على بطني ماريده ينفر منهم ويكرهم بسبب ألي صار هاي دنيا اذا رحت على الاقل هو يوكف وياهم ويحبهم ويعوضهم

ها حبيبي دتحس بحركتهم؟

شفته دمعت عينه وايده رجفت

رافي:هاي طول الوكت هيج يتحركون؟

نورزان:لا اصلا هل الشهر يله حسيت بحركتهم كان بس رفه احس

رافي:كلتي ابنك يعني عرفتي جنسهم

نورزان:اي واحد ولد والثاني مابين بس يمكن بنيه

رافي:انتي بس كومي بالسلامه اي شي يجي رزق الله ،،، جوعانه مشتهيه شي اجيبه ؟

نورزان:لاماأريد شي بس انته

تدري طول هذيج الفتره اتنسى على عطرك ردتك بالروح وروحي فرفحت على حضنك

رافي: صدك والله،،، ياروحي ،لا واني مقهور كل هذيج الفتره لأن كلتي اكتشفت ماحبك

نورزان:منو هاي ألي متحبك ،ماانام ألااحضن هدومك خلص عطرهن من كد ماشميتهن،الناس تتنسى اكل واني روحي تلوب على حضنك

رافي:اني وحضني وكلي ملكج ،شوتعالي خلي احضنج وانام احنا وجهالنا

نورزان:الله ،شكد حلوه هل الكلمه احنا وجهالنا
هم يجي يوم وتصير صدك؟

رافي:انا عند حسن ضن عبدي بي ) ضني برب العالمين خير يبعثلج الخير شكد كنت احسج بعيده ومااكدر اوصلج بس ضني رب العالمين راح بيوم يجمعنا وتحقق هل شي وهسه هم ضني ألي حماج وحفضج ألي وخلاج تصيرين حلالي حاشى اسمه يفجعني بيج بعد هل الصبر بس انتي تفائلي الحاله النفسيه اكثر من العلاج

وهسه تعالي على ايدي خلي احضنج وادفى وياج وناخذلنه غفوه

**
سمر:يله امشو نرجع للغرفه
رحنا وصارت الدكتوره تبارك وكم وحده وياها

دكتوره تبارك:شلون صارت هسه ؟

سمر:الحمد لله احسن والصبح ان شاء الله نحولها للمدينه

دكتوره تبارك:الله كريم ،الدكتورات زميلاتها حابات يسلمن عليها ويتمنن ألها السلامه

سمر:اي اكيد اهلا وسهلا تفضلو

سيف:انتو دخلوا واني وعمي هنا باقين

سمر:دكينه الباب ودخلنا ويافشلة الفشله
نايمين على السرير ثنينهم نورزان نايمه على ايده وواحد حاضن الثاني ومتغطين

الدكتوره تبارك:ههههه ،الضاهر اجينا بوقت مومناسب الصبح كضوها صياح وهسه بالليل احضان امشو نطلع عيني

سمر:هههههه،همه هذوله رافي ونورزان وهاي سوالفهم

دكتوره :الله يحفضهم لبعضهم امشوا بعدين نجي نسلم عليها

سمر:خلينا وطلعنا والجماعه بغير عالم عبالك نايمين أبيتهم

سيف:ها اشو بسرعه طلعن؟

سمر:من الفشله غير،، من الصبح لسه عياطهم وصياحهم وهسه حاضنها ونايم

سيف:اشششش،منا ابوها عيب ،،لعد هوستهم وطلكني واني وانته كلها كلاوات كدامنا

ابوزيد:اي كلها كلاوات لعد كذب

سيف:ها عمي سمعتنا؟

ابوزيد:وين اروح لعد

سمر:راح افوت اكعده

ابوزيد:لاعمي عوفيهم قابل هو صاحبها وخجلانين هوزوجها يعني حلاله صح المكان مومناسب
بس اهم شي همه بخير ومتصافين خليهم منريد شي

**

نورزان:ثاني يوم من الصبح كعدت ورافي يمي الضاهر كلش تعبان ذب روحه مثل الميت ضليت اتأمل وجه ،ياترى هم راح نبقى سوا هم راح اصبح بيك وتصبح بيه لو وصلنا لنهاية طريقنه

اتمنى اعيش عمري وياك ونربي اطفالنا سوا ،اتمنى لحضاتنا متخلص بس بالنهايه احنا بشر فاني ولابد يجي يوم ونتفارك

ضليت اتلمس لحيته ووجها الى ان صحا

رافي:صباح الورد على حبيبتي

نورزان:صباح الخير

رافي:تدرين شكد مشتاق اصبح بوجهج صار اشهر وانتي بعيده عني

نورزان:اني هم مثلك

رافي:كومي يله نغسل ونحضر نفسنا اليوم ننتقل لغير مستشفى

نورزان:يووو ،شلون قهر هذا

رافي:لتضوجين ياعيني اعتبري رايحين لمكان وحاجزين غرفه بفندق وبالنهايه اهم شي نكون سوا

نورزان:يعني متعوفني نهائيا؟

رافي:اكيد لا اصلا وصيتهم يحضرون غراضنا راح اعيش وياج بالغرفه ماكو بعد طبخ ولامواعين ولاتنضيف بعد شتريدين

نورزان:فدوه لحبيبي ألي يحاول يهون عليه

رافي:قابل كذب الله عليج متضوجين من الشغل؟

نورزان:الصدك اي اضوج بس منكدر نعيش بدون منضف المكان اونغسل مواعين ألي ناكل بيهم
بس طبخ لا لأن كلش يعجبني اطبخ احلى هوايه عندي الطبخ

رافي:ولهذا تبدعين بالطبخ خليتيني مااحب اكل الا. من ايدج كل الاكل مااحس بطعمه

نورزان:لهذا ضعفان؟

رافي:اي والله هم فراگج وهم قهرج وهم متطبخيلي طيحتي حضي يله شدي حيلج اريد تصيرين زينه وتعوضيني مشتهي مندي لحم من ايدج وأريد دولمه وباجه

نورزان:حيلك ،حيلك هاي انته متحلفلي ممخلي شي مامشتهي خلي اموت احسن ألي ولاهل شلاع الكلب،،، هههههه

رافي:عبالج تخلصين مني من تموتين كبل ألحكج
وهم اخليج تطبخيهن حتى وأحنا ميتين

نورزان:يعني ماكو امل اخلص مووو

رافي:ابد ماكو،،، اختصري الطريق وصيري زينه
لأن مكابلج دنيا واخره اني براسج وانتي براسي
ماعوفج ابد ولهذا اريدج لخاطري تقاومين وتشدين حيلج

شويه ونسمع صوت نورزان عالي الضاهر اجه الدور على ابوها من حرگت گلبها صارت تهاجمهم بالكلام وبعدها طلع ابو.زيد مفزوع

ابوزيد:الدكتور بسرعه صيحوا دكتور تخربطت ماجاي تكدر تتنفس

ام رافي:يمه بنيتي ياربي دخيل اسمك ادركنا يارب
يامشافي يامعافي شافيها شفائا لايغادر سقما

سمر:راح سيف ركض صاح الطبيب واجه ويا وصارت ركضه ،نورزان وضعها تخربط ونبضها ضعيف ومتكدر تتنفس من الشوطه گلبها تعب

خلولها مغذي واوكسجين وابر لحد مااستقر وضعها وكل هذا وهي غايبه عن الوعي هنا شبعت قهر من طلع ابوزيد يبجي مثل الطفل على بنته الولد ساندي ويحاولون يهدئو

ابوزيد:وين رافي وين راح وهي بهل حال هسه وكت زعله وهي محتاجته

سامر:عمي ترا هو هم تعبان ويلوم بروحه اكيد موزعلان هسه شويه يطفي ناره ويجي

ابوزيد:اعرف ياابني اعرف اني ما جاي ألومه بس هي محتاجته هو الوحيد ألي يكدر يساعدها لأن متعلقه بي وكل تصرفاتها وكلامها لأن تعبانه من حرگت گلبها وضيمها

سمر:كاعدين ننتضر وخالد سمع بلي صار جاب ريام وام زيد لأن ماكانو يدرون ونكلبت مناحه امي وام زيد تكابلن يبجن سوا ونورزان على حالها ورافي جهازه مغلق ومختفي ناس تروح وناس تجي ضلينا على هل الحال ل ليل الى ان اجه طبيب وفحصها وطلع

الدكتور:مع الاسف تشخيصي مثل كل ألي قبلي بس راح احاول وياها ونشوف وحاليا الافضل ننقلها لمدينة الطب هناك اتابع حالتهه

دكتوره تبارك:دكتور اني متابعه حالتهه وضع الاطفال زين بس من دخلت بالخامس بدى يبين عليها التعب وماارتاحيت لوضعها ونبهتها بس هي كانت تكابر

وهسه من دخلت السادس صار واضح عليها كلش ولهذا طلبت منها تراجعك بس مالحكت لأن حالتها ساءت

ام رافي :اطفال ليش كم واحد

الدكتوره:بيها توأم

ام رافي:اللهم صلي على محمد ياربي رحمتك بيها وبأطفالها

الدكتور:مع الاسف لأن توأم هل شي يخلي حالتها اسوء لأن الضغط يصير على جسمها وگلبها اقوى

ابوزيد:والحل؟

الدكتور:من هل الدقيقه يصير مكان سكنها المستشفى

احمد:يعني نهائيا متطلع؟

الدكتور:منا لحد متولد متطلع نهائيا لأن خطر عليها تحتاج مراقبه على مدار الاربع وعشرين ساعه

ام زيد:زين يصير ننقلها مستشفى خاص؟

الدكتور:كل المستشفيات مومثل مدينة الطب واذا على الخاص فدائرة التمريض بمدينة الطب هو خاص متوفر بي كل شي واني وجراح الدماغ الدكتور--------- هم يداوم هناك حتى ثنينه نتابع حالتها

ام زيد:ادري راح وعاف مرته بهل حال ؟

ابوزيد:مو وكت سوالفج هسه الولد ألي بي كافي بعد لحد يلوم بي لتسوين نفسج مهتمه اكثر منه

سمر:برد گلبي ابوزيد من ردها هسه عرفت بتها وين جانت هسه يله صارت تلعب دور الام المهتمه

امي ومنال واحمد وولد عمي وام زيد راحو وخلينا خالد ياخذ ريام علمود بتها بالبيت، ضلينا اني وسيف وابو زيد وللان مابين رافي وكلش ضل بالنا

ابوزيد:سيف ضل بالي وين راح رافي اخاف بي شي؟

سيف:اتصلت على احمد وصلهم وراح يروح لبيته بلكي يلكى هناك

ابوزيد :ان شاء الله خير

سمر:كاعدين وبدت نورزان تصحى

ابوزيد:ها بابا شلون صرتي ؟

نورزان:زينه ،بس تعبانه ،وين رافي اشو ماكو اريده؟

سمر:هسه يجي راح يبدل ملابسه

نورزان:يبدل ملابسه لوبي شي ؟

سيف:شبي قابل ،ليضل بالج مابي شي

نورزان:سيف فدوه خابره خلي يجي اريده

سيف:هاا،اي هسه

سمر:سيف ارتبك شيريد يكول ساعه ب11بالليل منشوف الا رافي وويا احمد فات

رافي:شلونها ،شلون صارت ؟

ابوزيد:الحمد لله احسن ،وين رحت ياابني ضل بالنا

نورزان:زعلت مني موو ؟

رافي:لا مازعلت

نورزان:ادري زعلت مني وحتى ابويه تماديت ويا بالكلام اعذروني والله اعصابي تعبانه

ابوزيد:لابنتي كلشي كلتي حقيقه بس مابيدنه شي

سمر:عمي نروح للكافتريا نشرب چاي شتكول؟

سيف:اني هم اجي وياكم

نورزان:طلعوا كلهم بقينا اني ويا اجه كعد يمي على طارف السرير

رافي:شلون صرتي هسه؟

نورزان:الحمد لله احسن، جفصت بكلامي وياك سامحني موقصدي اعرف ماألك ذنب بس من حرگت گلبي هيج حجيت

رافي:اعرف مومن گلبج حجيتي بسبب الصدمه
لهذا مازعلت منج

نورزان:لعد ليش عفتني ورحت؟

رافي:احتاجيت ابقى وحدي اني هم ترا مصدوم مثلج خبر حملج كلب كل موازيني،بس لتخافين حبيبتي الله موجود واكيد اكو حل والطبيب طمنا
عليج وحتى نضمن سلامتج منا للولاده لازم تبقين بالمستشفى

نورزان:شنووو!!منا للولاده اضل هاي نومتي

رافي:مجبورين ياعيني وضعج هيج يستوجب اهم شي تكومين بالسلامه بعد الفاس وكع بالراس لانكدر أنزل الأطفال ولاوضعج يسمح تعيشين طبيعي،،، تحملي

نورزان:حبيبي تعبانه الله يخليك لتعوفني محتاجتك
تعبت واني اقاوم وحدي كل هذيج الفتره اعصابي وجسمي تعبن

رافي:شلون اعوفج كل عقلج اني محتاجج اكثر منج منو كلج كنت عايش طبيعي هذيج الفتره وانتي مويمي

نورزان:ضلمتك واتهمتك بالأنانيه والهوس وبالحقيقه انته تحاول تحميني اختاريت تنحرم من الأبوه علمودي واني تمردت عليك

رافي:هل كلام بعد ميفيد اهم شي صحتج بس قوي نفسج وتماسكي حتى نعدي هل الفتره والله يفرجها

نورزان:ااااه

كان الحل الوحيد ينزل الطفل قبل ميكبر رحت لدكتورتج واتفقنا اني وياها لأن هي تعرف بحالتج وكالت قبل لتخلص الشهر الثاني أنزله

صدكيني ماكان هل شي سهل عليه چنت اموت الف موته بس حياتج اهم بالنسبه ألي ترددت الف مره قبل ماانطيج الدوا ضميري انبني بس ماكو حل صدكيني على عيني وگلبي اشوفج تعبانه ومتألمه چنت اموت بداخلي

نورزان:ليش ماكتلي ؟

رافي:حاولت بس ماكدرت لأن اعرفج تتحسسين
وماراح تتقبلين الفكره

نورزان:ماراح اتقبل لو انته ماصدكت ؟

رافي:راح اسألج سؤال واستحلفج بالله تجاوبيني
بالحقيقه

نورزان:اكيد

رافي:لوكايلج شنو كان سويتي راح تبقين الطفل؟

نورزان:صراحه،لا ،احنه عايشين حياة حقيقيه مو مسلسل بس الأكيد كان بعدها انفصلت عنك لأن مامجبور تعيش حياتك من غير متصير اب ولأن مااتحمل نضرة الناس وكلامهم ألي وألك

رافي:شفتي شلون اني فاهمج واعرفج كلش زين
ولهذا نزلت الطفل وسكتت حتى نبقى سوا وضميت السر عن الدنيا كلها حتى متسمعين كلام
من احد بخصوص هل موضوع

نورزان:انته اكبر اناني شفته بحياتي سكتت حتى مااعوفك يعني علمود نفسك

يله هسه افرح سكوتك شوف لوين وصلنه خفت لااطلك منك وهاي راح اعوفك للأبد،،، راح اموت
وانته ارتاح هذا عقابك راح تعيش بعذاب ضميرك طول عمرك لأن ضميت عليه وبسببك ضميت عليك حملي

رافي:شكرا على كلامج بس اريدج تعرفين شي ماكو واحد ميتمنه يصير اب وخصوصا كنت أمنيتي وحلمي تكونين ام اولادي بس الله مااشاء وكلت اذا موانتي امهم مااريد اطفال وسكتت لأن خفت على مشاعرج ولأن انتي اهم عندي من اي مخلوق بشري واذا هل شي يعتبر انانيه فأني بهيج حاله اكبر اناني

نورزان:حجه هل الكلام بحرگة گلب وعافني وطلع من الغرفه

واني انهاريت ابجي على حضي ألي ماجاي ينصفني اعرف كلامي مومنطقي وقسيت علي بس ردت اطلع حركت گلبي واعرف ماكو احد يتحملني غيره نار وشابه بگلبي ،اعرفه ماله ذنب وديحاول يحميني،واني ضنيت بي السوء واتهمته وحملته كل الذنب

صعبه الانسان يعيش هل شعور كاعد ومنتضر نهايته المجهوله ومصير اولادي

،اعرف بالحقيقه ألي سوا تضحيه مو انانيه بس حضي وتمردي على واقعي خلاني اعيش هل الشي

ابوزيد:ها بابا شلون صرتي ؟

نورزان:بدموع.... موزينه بابا موزينه شنوراح يصير؟

ابوزيد:كولي ياالله بنتي الله موجود وبعدين شكلتي لرافي وطلعتي بهل الحال ،شنو ذنبه هو يابنتي

نورزان:ذنبه ضم عليه وسكت

ابوزيد:ضم هل شي علمودج حمل نفسه كل الذنب حتى لتتأذين ترا رافي كل هل فتره تعبان من ورا الصار يابنتي بهل وقت ماكو هيج رجال يضحي علمود متنغثين ويصيرلج شي كل هل فتره يفكر بيج يوميه يتصل يسأل عليج ويطمئن كل باله يمج

نورزان:هو ضحه وغيره ضحه واني الوحيده ألي صاحبت الذنب

ابوزيد:بنتي انتي ورافي ثنينكم ماألكم ذنب الذنب ذنبنه لومازوجناج لحسام ماوصلتي لهل حال احنا دمرناج ماراح اسامح نفسي على ألي صار

نورزان:بعصبيه... بعد شنو يفيد هل الكلام فهموني كلها تلوم بنفسها دمرتو حياتي كلكم نهيتوني،، ليش مالمتوا نفسكم قبل لتزوجوني؟ ليش مافكرتوا؟ ليش عفتوني اواجه مصيري وحدي؟

ذنبي برگبتكم ليوم الدين وذنب اطفالي اذا تيتموا هم برگبتكم كلكم

انته وامي وزيد وعمي نبيل وحسام ورفل وحتى رافي عود ارتاحوا وبوقتها گراعي يطول واصير عزيزه شعلولي بخور ومي ورد على قبري بلكي ضميركم يرتاح

ابوزيد:اهدي بنتي راح يصير بيج شي اهدي لخاطر الله

نورزان:مااريد اهده خلي اموت من هسه وارتاح وانتو هم ترتاحون مني لگمتي ثكلت عليكم
بعتوني بالرخيص علمود استاذ زيد ياخذ ألي يريدها

وهسه وينها؟هاي عافته ومشت ومارفلها جفن ولاكالت ضحه بأخته علمود ياخذني

ابوزيد:الله عاقبه وأنحرم منها ومن الخلفه طول عمره

نورزان:هو تعاقب على تصرفاته العوجه اني على شنوتعاقبت؟ ليش عشت كل هل شي؟،ليش عذابي مدينتهي ؟

ابوزيد:استغفري ربج بنتي هذا امتحان من رب العالمين،وانتي مؤمنه وقويه

نورزان:تعبت ،تعبت ،والله العضيم تعبت كلها تكلي قويه اني موقويه تعبت حتى من انو امثل القوه ياريت اموت وارتاح اخلص من كل شي بس اطفالي شنو ذنبهم اجيبهم لهل دنيا العوجه اجيبهم يتامى مقدما

ابوزيد:الله ليكولها شجاج بنتي عمرج طويل ان شاء الله تربيهم وتفرحين بيهم كولي ياالله لابد اكو حل مودائما كلام الاطباء دقيق

نورزان:اعصابي كلش تعبت تهسترت واني اصلا صار اكثر من شهر تعبانه واكابر علمود اطفالي وحتى لاينكشف موضوع حملي فقدت كل قوتي طاقتي انتهت ،اختنكت صرت مااعرف اخذ نفس كل موازين جسمي تخربط بديت افقد واسمع ابويه يصيح بأسمي الى ان فقدت

*
سيف:طلع رافي من نورزان وجها ميكصه السيف
حاولنا نعرف شبي

رافي:مااريد احجي شي عوفوني وحدي رجائا

سيف:عافنه ومشه

ام رافي:ياربي دخيل اسمك هل الولد ولاارتاح بس شلاع الگلب (اللهم لااسالك رد القضاء ولكن اسالك اللطف به)

سمر:هسه هو وين رايح غير نفهم ؟

سيف:مبين صاير نقاش حاد بينه وبينها

نورزان:بابا شنو وليش يريده يجي مامستوعبه معقوله كلامه صدك لوشنو السالفه زين مو هو ألي سقط الطفل

اجه والدي بسرعه وكام علي رافي

رافي:عمي فهمني مو يوميه اتصل عليك واسال موخبرتك بالموضوع موكل شي تدري شلون خليتها تسوي هل شي؟

ابوزيد:فهمني ابني شنو الصاير؟

رافي:مصيبه ياربي مصيبه بنتك حامل وبالشهر السادس

ابوزيد:شنووو،،، حامل!!؟

رافي:وين انتو عنها موتكلي عينه عليها موتكلي زينه ومرتاحه شلون ماانتبهتوا ألها وهي حامل امها شلون ماعرفت وضعها

ابوزيد:ليش بنتي ليش هيج سويتي بحالج وبينا شوكت تبطلين عناد وتمرد فهميني؟

نورزان:انتوا فهموني يعني شنو كلام رافي صدك

رافي:ولج يايوم مكذب عليج

نورزان:مامصدكه ألي اسمعه نزلت دموعي

يعني شنو اني هسه راح اموت ؟

كلت هل كلام واجه رافي عليه حضني بقوه

رافي:اسم الله عليج حبيبتي من عمري على عمرج

نورزان:شكد نكون اقوياء بس يبقى الموت أله رهبته،، خفت اي خفت هي هاي الحقيقه ومن صدمتي وخوفي روحي ذابت بحضن رافي وفقدت الوعي

****

سيف:من يوم نورزان اجهضت الطفل وأحنا نحس رافي موطبيعي بالبدايه كلنه مقهور لأن خسر الطفل

بس احس همه اكبر من هل شي خصوصا هو قبلها هم كان مهموم وصار يبتعد عن الكل وحتى انتبهنه كلنه علاقته تغيرت ويا الكل حتى وياسمر ألي كانت اقرب وحده أله من بعد نورزان

وبعدها تغيرت علاقته هو ونورزان وكملت من سافر وعافها يم اهلها وهمه ميتفاركون ابد هنا اكد شكوكنا انو اكو توتر قوي بينهم

وبيوم رجع وسمعنه رايح لبيت ابو زيد ورجع منهم حالته حاله وبعدها تخربط ودينا للدكتور ضغطه مرتفع ونفسيته زفت بعدين عرفنه نورزان طالبه الطلاك هل شي كلش فاجئنه لأن هل اللثنين استقتلوا حتى ينجمعون مامعقوله بهل سهوله ينتهي بينهم كلشي

ايام ورافي منتهي وتعبان طلبنه كلنه نحجي وياها رفض نهائيا تدخلنه الى ان يوم اجه ابو زيد لبيتنه وطلب يحجي ويا رافي على انفراد

وفعلا كعدوا بالصاله وبعد ساعه او اكثر طلع ابو زيد وجهه ميتفسر ماعرفنه شنو ألي دار بينهم وخصوصا رافي بعدها رجع لأربيل وأنسدت سالفة الطلاك ومن غير منفهم اي شي

بس نورزان ضلت ببيت اهلها وهي هم ابتعدت عن الكل خلال هل فتره مره وحده شفناها اجت سلمت واخذت من غرفتهم ملابس وغراض وراحت وبعد ابد ماشفناها

سمعنا رافي خلص عمله وراح يرجع بس الغريب هو ميكدر بدونها ولايوم ومع ذلك طول هل الفتره حتى ماسئل عنها

اليوم رجع ومثل متشوف شلون صاير شكله ووضعه كعد شويه ورد طلع وبعدها اتصلت نورزان علينه اجينه لكينا تعبان واستغربنه من سمعنه نورزان حامل وللان كلشي مفاهمين بس افتهمنا وضعها خطر ولهذا رافي كان ميريد اطفال

سامر:الله يكومها بالسلامه لخاطره المسكين كلش تعبان عليها

ضياء:حقه قليل تعب لحد مصارت أله كلش متعلق بيها

سامر:زين هسه هو وين راح ؟

سيف:يحجي ويا الدكتوره المشرفه على حالتهه
يريد يعرف تفاصيل حملها ،هياته اجه

رافي:السلام عليكم

سامر وضياء:وعليكم السلام

سامر:شلونك خويه شلون صرت؟

رافي:على الله

سامر:ونعم بالله ،الله ارحم الراحمين ان شاء الله ازمه وتعدي

رافي:امييين ،الله يسمع منك والله ياخويه تعبت بس الله اليعلم شنو جاي احس وبداخلي بركان لايطفى ولايهدا ،كل مره احاول احميها افشل ،خايف هل مره تضيع مني ومااكدر بدونها

سامر:شبيدك ألي عليك سويته هذاقدرها ،ادعيلها
وان شاء الله خير

سيف:اجتي امي والبنات

ام رافي:يمه وليدي شبيها نورزان شنو الصاير ؟

رافي:نورزان ،حامل ووضعها صعب

سمر:ليش شبيها؟

ابو زيد:رافي نورزان بدت تصحى تعال

رافي:بعدين نحجي خلي اروح اشوفها

**

نورزان:فتحت عيني واني احس بالتعب ،تذكرت كل ألي صار رددت... رافي وين رافي اريده؟

ابوزيد:اي بابا هسه اصيحه

رافي:حبيبتي شلون صرتي شدتحسين شنو يوجعج؟

نورزان:تعبانه احس بالتعب

رافي:سلامتح ياعمري من كل تعب ،اعتذر ضليت ألوم بيج وخليتج تتعبين

نورزان:ليش ماكتلي عن وضعي؟ ليش سكتت؟

رافي:لأن اعرفج الى درجه اعرف راح تموتين بطئ
من تعرفين متكدرين تصيرين ام

نورزان:وانته هم متريد تصير اب لهذا ماصدكت من الله جتك

رافي:ليش هيج تحجين ؟

نورزان:قابل كذب عبالك مااعرف ترا سمعتك من حجيت وياسمر

رافي:شوكت؟!

نورزان:اجيت اودعك وأكلك اختاريتك وخلي نأجل سالفة الطفل اهم شي انته عندي ماردت اخسرك
بس سمعتك انته وسمر ،ومن دريت انته السبب بأجهاضي كلشي تغير

رافي:كنت مجبور صدكيني ،موعبالج سهله عليه

نورزان:هذا ابنك اكو واحد يسوي هل الشي

رافي:هو ابني وانتي روحي ولو يرجع بيه الوقت هم اختارج

تذكرين بيوم ألقوا القبض على حسام بيومها من تخربطتي وبالمستشفى عرفت حالتج كانت صدمه بالنسبه ألي بس حاولت اتماسك

بالبدايه ماأقتنعت بكلام الدكتور بس ضليت ايام من اعوفج واطلع وماارجع ل ليل بوقتها اخذت تقاريرج وماخليت طبيب يعتب عليه وكانت نفس النتيجه الحمل والولاده خطر عليج

ضليت ايام واني افكر بحل ابتعدت عنج لأن ماريدج تحسين بلي دااعيشه

وبشهر السادس من الحمل صارت عندي اشياء جديده فوك الخنكه اغماء ماحس بنفسي وبدى هل شي يخوفني

وبيوم كاعده بالمستشفى بالصيدليه وفجئه دخت واختنكت وماحسيت بشي كعدت الدكتوره تبارك يمي

الدكتوره:شلونج؟ شتحسين ؟

نورزان:تعبانه ومااعرف ليش دا اختنك ويغمى عليه

الدكتوره :نورزان يرادلج تحاليل وفحوصات مامطمئنه لوضعج،اريدج تراجعين طبيب اختصاص قلبيه اعرف دكتور زين راح يفيدج،راح اتصل واردلج خبر

نورزان:مابيه شي من التوتر والتعب خلي اكوم اروح لعملي طلعت دا امشي وصلت لصيدلية المستشفى وانصدم بالشخص واكف امامي!!!؟

يتبع....

السلام عليكم
#يتيمة_المشاعر......#بارت٤٦
نور ال زياده
***

نورزان:معقوله هو !!!؟

من دار وجها طلع فعلا رافي استغربت وخفت بنفس الوقت

اباوع عليه اللحيه طويله والوجه تعبان وكلش ضعفان باوع عليه بطريقه كصني كص يحاول يسوي نفسه ضايج وجدي بس اشوف الحب واللهفه بعيونه

من شفته وشفت وضعه كل تعبي وقهري وضوجتي منه تبخرت احس اكو سحر بينه واكيد هل سحر اسمه الحب

اي هي هاي الحقيقه مهما احاول اغيرها واكول غيرها واقنع نفسي تبقى الحقيقه الوحيده نحب بعضنا

اجه بأتجاهي تقرب...

رافي:شلونج؟

نورزان:من الله بخير وانته هم مبين زين

رافي:ماشاء الله محضره وضع الهجوم مقدما

نورزان:شعندك جاي؟

رافي:زوجتي وجاي اشوفها بيها شي؟

نورزان:مابيها شي بس هنا مكان عملي

رافي:شكد گلبج قاسي كل هل الوقت ماحنيتي مااشتاقيتي ماتذكرتي ايامنه الحلوه

نورزان:رافي رجائا روح من ارجع للبيت عود نحجي

رافي:اني خلصت المشروع ورجعت واريدج ترجعين ويايا للبيت كافي اني تعبان وانتي هم شكلج تعبانه على غيابي

نورزان:شوف رافي انته،،،،،،،،، بعدني ماكملت كلامي اجت الدكتوره تبارك

الدكتوره تبارك:نورزان هذا اسم الدكتور روحيله وكوليله من طرف الدكتوره تبارك وهو يفهم لتخافين ان شاء الله ماكو شي

رافي:ليش شبيها شصاير ؟

نورزان:ماكو شي هيج

الدكتوره :منو حضرتك؟

رافي:زوجها

الدكتوره:زينه،، لتخاف ان شاء الله مابيها شي
احتمال بسبب الحمل ديصير وياها هل الاعراض

رافي:شنووووو!!! حمل يعني؟ شنو مافهمت؟ نورزان حامل؟

الدكتوره:مافهمت ليش انته موزوجها،شلون متعرف؟

رافي:دكتوره الله يخليج كوليلي موحامل متوهمه مووو؟!!!

الدكتوره:نورزان شبي هذا شديحجي ؟

نورزان:ماكو شي دكتوره روحي اني اتفاهم ويا

رافي:ولج شتفهميني ،شتفهميني لخاطر الله صدك حامل؟ شوكت ؟ وليش؟

نورزان:صوتك نصي وأي صدك حامل،، شتريد تسوي؟

رافي:هسه تنزلي لتخبليني

نورزان:لك شنزل منه كل عقلك كلها 3اشهر واجيب كافي اصحى سواء عجبك ولا لا اني راح اصير ام واذا متريد جهال شي يخصك طلكني وشوفلك وحده متخلف عيش وياها

انهار ووضعه تخربط...

رافي:لج ليش ليييييششش؟،راح اموت من وراج

نورزان:اول مره اشوف رافي بهل حال تهستر وعاط بوجهي وانهار

راح كعد على كرسي ولزم راسه ويكول ليش ،ليش
شنو هل الاختبار ياربي بعد مااتحمل تعبت اخذني وريحني ولتخليني اشوف هل اليوم

اجوي الدكاتره والصيدلاني ألي ويايا يسألون شنو صاير

الدكتوره تبارك:ولو مو من حقي اتدخل بس فهموني شصاير؟

رافي:دكتوره بداعت كل عزيز عندج تكدرين تنزلين الطفل

الدكتوره :شنو هل الكلام اخي انته شتكول؟

نورزان:لهنا حدك وكافي فضحتنا ياطفل ينزل واني بشهر السادس اصحى على نفسك وعوفني بحالي
وبطل انانيه

رافي: اي اناني اني اناني افهمي مااكدر اعيش بدونج مااكدر اخسرج افهمي

الدكتوره:ليش وشنو معنى كلامك؟

رافي:دكتوره وضع نورزان ميتحمل الاشهر الجايه راح حملها يثكل ويأثر على صحتها وحياتها تكون بخطر وولاده متكدر تجيب طبيعي بسبب الضغط على دماغها وعمليه تأثر على گلبها حليها فدوه لازم ينزل الطفل

الدكتوره:انته مستوعب كلامك شلون انزل طفلين مو واحد بشهر السادس ولمن هيج وضعها وين كنت كل هل الاشهر عنها ليش خليت حملها يوصل لهنا وصحتها موزينه؟

نورزان:ماكو هيج شي مابيه شي انته متريد اطفال لتألف كلام ولتتحجج حتى انزل اطفالي

رافي:يعني حامل بثنين لايربي مامعقوله !!!

نورزان:اي بيه توأم وراح اجيبهم وغصبن عنك
اني حجيت هل الكلام واشوف رافي جسمه صار يرجف وميكدر يوكف على رجله

دكتور فراس:خيرك اخي شبيك ؟

نورزان:هو مريض ضغط وعنده جلطه سابقه بس خفيفه وعدت

دكتور فراس:كوم ويايا حتى نقيس ضغطك وضعك موطبيعي

نورزان:رافي احسه مصدوم يحجون ويا ميجاوب
اتصلت على سيف وكتله ثلث ساعه وصل هو واحمد ورافي على كعدته

احمد:خير شنو صاير شبي رافي؟

نورزان:الضاهر ضغطه ارتفع بس ميرضه يشوفو الاطباء انتو احجوا ويا

سيف:كوم رافي ويانا

رافي عوفوني احير بمصيبتي

نورزان:الله واكبر جهالك هذوله جهالك صارو مصيبتك

رافي:سكتي لخاطر الله ،،،، سيف اتصل بعمي ابوزيد خلي يجي دنشوف حل لمصيبتنه لأن عقلي وكف مااكدر افكر بعد

سيف:غير نفهم شنو الصاير؟

رافي:لتخبلوني كلكم اتصل وفضني

اسبوع وسمعت رافي راجع لأربيل بعد ماوالدي وقف مسألة الطلاك واني تخبلت كلش ضجت ماكو احد يسألني كلها ضدي كلش تعبت

رحت للدوام واني الدنيا طافره من عيني هناك فدمره صرت وتخربطت قاسولي ضغطي مرتفع وهل شي مصاير عندي قبل اجت دكتوره بالمستشفى اعرفها تطلع بكد منال

دكتوره تبارك:نورزان تعالي ويايا

نورزان:رحت وياها نعم دكتوره خير؟

دكتوره تبارك:انتي متزوجه موو؟

نورزان:اي نعم

دكتوره تبارك:زين تدرين بنفسج حامل

نورزان:شنووو؟! لا ماادري

دكتوره تبارك:بنتي اول ماتخربطتي عرفت بس كلت خلي اتاكد بالتحاليل طلع فقر دم وحمل

نورزان:بفرحه... معقوله مامصدكه !!!

دكتوره تبارك:شكد فايتج؟

نورزان:مااعرف اصلا هل موضوع ناسيته

الدكتوره:امشي اخذلج سونار ونشوف وضعج

نورزان:رحت وياها اخذتلي سونار وسمعتني دقات قلب الطفل من الفرحه دموعي متتوقف

الدكتوره:هذا اول طفل اكيد

نورزان:لادكتوره كنت حامل وصار اسقاط

الدكتوره:وشنو السبب؟

نورزان:اخذت دوا مال اسقاط

الدكتوره:شلون هيج تسوين هل شي غلط
عالعموم هل مره ديربالج ولتكررين ألي صار لان اذا صار متكدرين تصيرين حامل بسهوله واحتمال اصلا بعد ميصير

هسه انتي نهاية الشهر الثالث يعني 12 اسبوع تقريبا راح تدخلين الرابع والوضع العام زين بس شاكه بشي بس ميخوف ديربالج على ضغطج
ابتعدي من الملح والدهن

نورزان:صدك دكتوره بس اني نزل عليه دم كذا مره ولهذا رغم الدوخه ولعبان النفس استبعدت اكون حامل كلت يجوز بسبب نفسيتي لأن تعبانه

الدكتوره:راح انطيج فيتامينات ومثبتات تلتزمين بيها وديربالج على نفسج واكلج وابتعدي عن الضغوطات لأن موزين وترفع الضغط

نورزان:رجعت واني طايره من الفرح مااريد بعد شي اصلا حتى لو انفصلت من رافي خلص راح اوقف حياتي لأن ماكو رجل لاقبله ولابعده ويكفيني عندي طفل منه اكمل حياتي اربي

بس قررت مااحجي لأي احد حاليا لأن اكيد رافي ميريده وماراح يتقبله واحتمال يسوي بيه مثل هذيج المره وهل مره اخسر الطفل واحتمال حتى انحرم من الامومه

واهلي اذا دروا راح يوكفون ضدي مثل كل مره
وريام ملتهيه ببيتها وزوجها وبنتها الله يسعدها مااريد يسمعون اهل خالد واحتمال يوصل لرافي

قررت اعيش ويا هل سر وحدي واضمه بداخلي الى ان بطني تكبر والله كريم

دخلت شهر الرابع من الحمل ووحامي بدال ميروح زاد وضغطي مامستقر احاول اتماسك حتى ماانكشف

ياربي حامل وبالحلال وعبالك بايكه بوكه شنو هل الوضع وشنو من حظ مصخم عندي

المشكله الناس تتنسى اكل واني اتنسى على رافي صارت روحي بي اريده رحت لبيت اهله جبت من هدومه وخليته يمي اشم بيها روحي لايبه علي

ألليل اقضي ابجي من حرگت كلبي المفروض هو هسه ويايا يوكف ويساندني بهاي ايامي واني خايفه منه وضامه ابنه عنه

نص شهر الرابع من الحمل رجعت اخذت سونار

الدكتوره تبارك:ماخذه ادويه قبل الحمل؟

نورزان:اي اخذت منشطات للمبايض

الدكتوره:تمام زين عدكم احد بالعائله عدهم توأم

نورزان:اي اهل امي عدهم توائم واخت زوجي جابت توأم ولد وبنيه واصلا زوجي كان ويا توأم بس مات بالولاده

الدكتوره:ممم،،، وراثه قويه يعني زوجج عنده اخ توأم أله وهل شي سبب كافي حتى انتو هم يجيكم توأم وانتي ماممقصره بالمنشطات الضاهر

نورزان:يعني اني حامل بتوأم ؟

الدكتوره:اي نعم ،اني هذاك الشهر من اخذت سونار شكيت بس شكيت كيس احتمال بس هل مره كلش واضح وحتى النبض مال طفلين الشهر الجاي ان شاء الله نعرف شنو بيج لأن بعدهم صغار شويه يكبرون

نورزان:شلون صحتهم؟

الدكتوره:مثل الورد بس ألتزمي وديربالج على صحتج لأن احسج تعبانه ووجهج اصفر واخذي المقويات

نورزان:فرحتي صارت ثنين تمنيت اركض أله واكله واشاركه فرحتي بس هو طفل واحد ماتقبله نوب ثنين

ضليت كاتمه فرحتي وألمي بنفس الوقت اللي دا اعيشه موسهل دائما عندي صداع وخفقان واحس بالتعب والنحول وبالليل مااكدر انام مرت عليه الايام بمرار واني متحمله وصابره لخاطر اطفالي
ورافي مااعرف عنه شي عاقبني بغيابه وحتى هو ميسأل عليه

،دخلت بشهر الخامس من الحمل وبدت بطني تبرز واغطيها بالملابس واتلافى الكل حتى ميشوفوني

همزين شتا وطول الوقت الف جسمي بالكب مثل البطانيه يخفي كل شي ،بس اكيد التعب واضح عليه وهل شي خلاني ابتعد عن كل الناس حتى مااشكك احد بيه

بشهر الخامس من الحمل نصه اخذت سونار وطلع بيه ولد والثاني مامبين وشكت الدكتور يمكن بنيه كلش فرحت وقررت ابدي اجهز ملابس اروح اشتري وادخلهن للبيت مثل الحراميه وانعل حضي بكل مره بسبب ألي دااعيشه

وضغطي معلك وعايشه على دوا الضغط ألي الدكتوره وصفته ألي الايام تمشي وبطني تكبر واني اتعب اكثر واكثر دخلت السادس وافكر اذا خلص الشتا شلون اخفي بطني بعد

طول عمري اكره بعد اهلي عني عبالك اغراب عايشين ببيت واحد ماكنت اتصور هل شي راح يفيدني هسه حتى اخفي حملي،ايامي متعبه

ووضعي اصعب واصعب وضيق التنفس بدا يزيد لان توأم الليل ماانام من التعب صرت بالدوام انام اني وكاعده

ابوزيد:وشنو السبب؟

رافي:مامستعد اصير اب هل الفتره وهي هم دوام يعني ماصار شي ولاقامت القيامه ومو اول ثنين يسووها

ابوزيد:بنتي اكو شي اسمه تفاهم اكو نقاش مو اول مشكله بينكم تدورين طلاك هذا موحل

وانته ابني عوف هل الموضوع الضاهر ثنينكم اعصابكم تعبانه روح توكل من ترجع بالسلامه وتهدئون نحل هل الموضوع

رافي:حاضر عمي رايح في امان الله

ابوزيد:الله وياك

نورزان:راح وراحت روحي ويا رغم ألي سمعته گلبي لايب عليه احس اضعف من اشوفه

ابوزيد:شجاكم بابا جنتوا مثل الورد شنو ألي تغير؟

نورزان:حجيت لوالدي كل الحديث ألي دار بين رافي وسمر

ابوزيد:وليش ماواجهتي بالحقيقه ؟

نورزان،:لأن هو هدد سمر واخاف عباله هي كلتلي لوبسببها ويسويلها شي مو ألي يموت ابنه كل شي يسوي

ابوزيد:بنتي اهدئي وشتريدين يجرالج وهل الكلام يضل بينه ميطلع الى ان نشوف حل

نورزان:اي حل بابا هذا مريض نفسي عنده هوس اتجاهي هذا موحب

ابوزيد:انتي اعصابج تعبانه هسه ارتاحي والله يحلها

نورزان:بيومها السمج نام واني مانمت دا اعيش اكبر خيبة امل بحياتي ماأنصدمت بكل ألي عشته بكد صدمتي برافي

مر اسبوع واني افكر وحالتي من سيء الى اسوء نفسيا وجسديا وحتى مااكل كلش تعبت وقررت انهي هل العذاب ألي كتلت روحي حتى اصير اله راح احارب حتى اتخلص منه شنو هل المعادله الصعبه ألي دا امر بيها

ثاني يوم رحت لمحاميه وطلبت منها ترفع دعوى طلاك وبالتحديد خلع بس ماذكرت ألها سالفت الاسقاط

وفعلا بلشت الاجرائات رجعت كلت لابويه صح ضاج بس قرر يوكف ويايا هل مره

كم يوم واسمع بابنا تكسرت من الدك طلعوا اهلي واشوف رافي بس شنو غادي نار

دخل جوا كعد بالصاله واسمع صوته يهوس امي ماصدكت هي اصلا تتخبل منه أنهدت بي
ابويه صاحني وكلي تفاهموا عافونا وطلعوا

اجه مثل الاعصار جرني من زندي بعصبيه
وعيونه تجدح نار وصايره حمر

رافي:انتي شلون تسوين هيج شلون ترفعين عليه دعوى طلاق؟ تخبلتي انتي الله خبلج بس اني من دون الناس مكتوبلي اعيش بالشوطات وحركان الدم موراح اموت من وراج

نورزان:بگلبي اكول اسم الله عليك وعقلي يكول
تمسكي بقرارج ولتضعفين

رافي:احجي ليش ساكته شتريدين بالضبط؟
كل هل شي علمود طفل يابه بطلت شتريدين موافق

نورزان:مااريد منك بعد حتى طفل مااريدك،، خلص
واكتشفت مااحبك ولااريدك خنكتني اطلع من حياتي ليش مكتوبلي يجيني بس المرضى النفسيين،

سمع هل الكلام نتر ايدي وابتعد دار وجه

رافي:يعني اني مريض نفسي وتقارنيني بحسام مووو؟

هاي تاليتها شكرا ألج يجي يوم وتندمين بكد شعر راسج على ألي سويتي من تعرفين ماكو احد
بهل دنيا حبج بكدي

ها ونسيت اكلج،،، نجوم السما اقربلج من الطلاك هسه اشوفج منو رافي

نورزان:كان يحجي وروحه مفرفحه غادي نار وحتى خفت منه بس تخبلت من شفت انفه ينزف ركضت علي واخذت كرفة كلينكس حاولت امسح الدم بس هو عته من ايدي ورفض وصار هو يمسح بي انترس دم يمسح وينزل بعد

صحت ابويه اجه بسرعه ،، كعدنا والدي قاس ضغطه طلع 19

ابوزيد:امشي بسرعه جيبي حامض وحب الضغط

رافي:مااريد عمي شي خلي اروح لبيتنا

ابوزيد:وين ابني راح توكع اكعد ارتاح

رافي:لاعمي وجودي صار يضايق صرت مريض نفسي واتقارن بحسام

ابوزيد:لاابني ليش هيج تحجي ياحسام ألي يتقارن بيك الشيطان دخل بينكم اهدئوا

رافي:خلي اروح احسن تعبان اجيت من اربيل لهنا بالسياره مباشرتا لهنا حتى اهلي ميدرون

نورزان:راد يوكف داخ وكوه سيطر على نفسه حسيته راح يوكع ،گلبي راح عليه قبلي رحت اسنده دفعني بعصبيه وانتبهت جسمه كله يرجف عافنا وطلع

شلون بيه وبي عقلي مدرك انو منرهم بعد بس گلبي رافض هل شي ويكلي هذا حبيبج وروحج هذا فرحت عمرج وسنينج

ضليت افكر بي وخايفه عليه ليصير بي شي خليت ريام تخلي خالد يتصل بمروه حتى اعرف اخباره

ردولي خبر رافي متخربط ومعلكيله مغذي وتعبان
الليل كله مانمت ودموعي مانشفت گلبي يوجعني عليه كل شويه اكول راح اروحله واتراجع من اتذكر ألي سوا

ثاني يوم رجع ابويه من شغله صاحني

نعم بابا رايد شي؟

ابوزيد:لمي غراضج وروحي ويا زوجج واوكفي ويا لأن تعبان

نورزان:شبي بابا خوما صاير بي شي؟

ابوزيد:ضغطه مرتفع وحاطيله مغذي وتعبان

نورزان:ادري كم يوم ويصير زين ان شاء الله

ابوزيد:يعني شنو ؟

نورزان:مااريد اروح حتى ليكول تنازلت وباعت القضيه وعباله اريد ارجعله

ابوزيد:انتي تحجين صدك؟ ياكرامه؟ الولد تعبان بسببج وانتي تدورين كرامه وبعدين اني جاي اكلج ترجعيله مو اكلج روحي شوفي رجعي لبيت زوجج وتعوذي من الشيطان وعوفي سوالفج التعبانه ولتتحججين بالاطفال تلحكون على شلاع الكلب والخلفه

نورزان:بابا انته شدتكول شنو رجعيله اكله موت ابني يكلي رجعيله

ابوزيد:ليش هو بس ابنج يعني مو ابنه كلج مااريد اطفال هسه مجبوره تسوين طفل

نورزان:اسفه بابا ما ارجع

هنا فهمت رافي ضم والدي لجهته لأن كلب عليه ويريدني ارجع وحتى اعوف سالفة الطلاك

يعني كيفت مره وكفوا ويايا وهم رجعوا باعوني
ملت روحي

٤٥__٤٦
السلام عليكم
#يتيمة_المشاعر.......#بارت٤٥
نور ال زياده
***

سمر:وين تريد تروح وتعوفها هنا من شوكت تكدر تفارگها لوحتى يوم واحد؟

رافي:مجبور منو كلج عاجبني بس شسوي لازم ائدبها الضاهرحبي وضعفي اتجاها خلاها تتمرد ولج اني توكف بوجهي رغم كل شي سويته علمودها وتكلي انته واحد اناني ومتملك

سمر:وشتسمي تصرفاتك ورفضك يصير بينكم طفل ،،، هذا موانانيه؟

رافي:واحد ميحب الاطفال ميريد طفل هسه وين الانانيه بالموضوع

سمر:رافي انته عليمن تضحك انته تغيرت تدري خلال هل السنين كنت اكول نيالها نورزان على رافي شكد يحبها بس انته غيرت نضرتي اتجاهك وهسه اني اكثر وحده عرفتك شكد اناني وكلام نورزان كله صح

رافي:احترمي نفسج سمر صح انتي اكبر مني بس هل شي مينطيج الحق تحجين ويايا بهل طريقه

سمر:اني ونورزان ما ألنا حق نكول عليك اناني
بس انته عندك الحق تنهي حياة طفل ومو اي طفل ابنك لحمك ودمك

نورزان:هل الكلام كان مثل الصاعقه نزلت على راسي ماستوعبت الكلام شنو يقتل ابنه مافهمت ضليت اسمعلهم ورا الباب

رافي:انتي شتكولين من كل عقلج؟

سمر:اي لعد شتسمي ألي سويته انته لوغيرك متفق ويا الدكتوره ومشرب نورزان دوا مال اجهاض الى ان سقطت الطفل لاوفوكاها كاعد تداريها وتحير بأمرها يقتل القتيل ويمشي بجنازته

رافي:مين جبتي هل الكلام؟

سمر:سمعتك بيوم ألي اجهضت بي حجيت ويا الدكتوره سمعت كل كلامكم فماكو داعي تنكر

رافي:هاهيه كملتي،،، اي اني مااريد طفل وخليتها تجهض خليتلها الدوا بالعصير مااريد طفل يشاركني بيها وهسه شتريدين تكوليلها؟

صدكيني اذا سويتيها انسى انتي اختي طول العمر كل شي سويت حتى تصير ألي لتتوقعين اسكت اذا عافتني بسببج أفتهمتي لو لا

سمر:مع الاسف وصلت لهل الحال لوتدري شكد نزلت من عيني اني اكول روح عالج نفسك من هل الهوس ألي عايشه هذا موحب هذا مرض نفسي صرت مهووس بيها الى درجة متريد حتى طفل يشاركك بيها

رافي:رجائا سمر مو وقت محاضراتج عوفيني ارتاح ورايا سفر

سمر:رايحه وانته الله يهديك

نورزان:دموعي صارت شلال من ألي سمعته لو. اي مخلوق بشري يجي يكلي هذا رافي وكلامه مااصدكه شلون واني سمعته بأذني

اصعب شي خيبة الامل بشخص خليته محور بحياتك واهم شي بيها

نزلت بسرعه قبل لايشوفني لأن ماعاد عندي قوه للمواجهه طلعت من بيتهم واني احاول امسح دموعي وألم لم حطامي وانكساري دخلت لبيتنا وصعدت لغرفتي بسرعه حتى لحد يشوفني أنهاريت
وماكو شعور يوصف ألي عشته هذا الشخص ألي سميته حبيبي وسندي واماني شلون امنت بي وهو ألي طعني بضهري شلون استند علي وهو كسرني

لاواني الغبيه رايحه اودعه واكله انتضرك واختاريتك ونأجل سالفة الطفل واهم شي مااخسرك

وهو طاعني بضهري وقاتل ابني شلون اكمل ويا شخص قتل ابنه قبل لينولد ومارفله جفن زين وين حبه واني اتألم واعاني كدام عينه لو قبل الصار بيومين مسخنه ويداريني ويسهر فوك راسي؟
معقوله كله تمثيل؟

ردت اموت شلون يشوفني اموت بطيء كدامه علمود ميريد اطفال زين موهو كان يتمنى يصير عنده طفل مني مو شبع قهر من سمع حامل من حسام كله طلع تمثيل

بجيت لما طلعت عيوني وحتى گلبي وجعني وراسي
بالليل وبكل صلافه اجه يودعني صاحولي مانزلت لأن ميستاهل

شويه وسمعت صوت الباب أندكت ودخل عليه

رافي:معقوله لهل درجه وصلت بينا اريد اسافر واغيب 3 اشهر وحتى متودعيني؟

نورزان:ترا الشمال خطوتين ياسفر هذا وبعدين انته اختاريت تبتعد واني قررت احترم قرارك يمكن فعلا محتاجين نبتعد وندرس مشاعرنه الضاهر احنه متوهمين

رافي:اي اكيد ألي بينا زعل حبايب ووهم ماله وجود وحبنا اكبر من هل شي

نورزان:وانته الصادك حبنا هو الوهم ألي ماله وجود

رافي:شنووو قصدج؟؟؟ شدتحجين انتي؟!!!

نورزان:مااقصد شي روح هسه والايام هي تحدد طبيعة علاقتنا اذا اكو بعد علاقه بينا

رافي:لتخبليني ،انتي شتكولين!!؟ متلاحضين كبرتي الموضوع

نورزان:لاماكبرته بس الضاهر اني غبيه وعايشه بوهم اسمه الحب واكتشفت ألي بينه مو حب هو مجرد تحدي لشي ممنوع ودائما الممنوع مرغوب لهذا حاربنا وتحدينا بس من صرنا لبعضنا اكتشفت ألي بينا موحب مجرد رغبه ووهم

رافي:انتي الضاهر تخبلتي على الأخر رجعي عقلج لراسج ولتحجين هل الكلام السخيف كله لأن كتلج ماريد طفل

نورزان:صدكني ميهمني بعد الطفل لأن حتى انته هم بعد متهمني كلشي مااريد،،، شغله وحده اريدها منك وبس وياريت تحققها الي

رافي:كلشي غير الطفل احققه بدون نقاش انتي بس ائمري

نورزان:اريد تطلكني

رافي:صاح بيه... انتي تخبلتي رسمي شجاج،،، شبيج لخاطر الله رجعي لعقلج موراح اموت ناقص عمر حسي بيه شويه

ابوزيد:هاي شكو شنو صاير ليش صوتكم طالع؟

رافي:عمي تعال شوف بنتك راح تخبلني تدور طلاك على سبب تافه

نورزان:سبب تافه موو؟ شنو ألي موتافه بنضرك؟

ابو زيد :صلو عالنبي شجاكم وفهموني شنو الصاير؟

رافي:عليه الصلاة والسلام

عمي الموضوع ومابي كلتلها نأجل سالفة الاطفال كم سنه يعني ماكفرت كلبت عليه ومتريدني وتريدني اطلكها هذا منطق؟