خليتة جوة المي بس هو طافي فد مرة جبتلة هدوم

من الغرفة ورجعت نشفتة وبدللتلة طلعتة واني

ساندتة تمدد علچرپاية ونام واني گعدت بصفة

ودموعي نزلت واني اشوف شلون حياتي وعائلتي

جاي تنهار على ايد سراج الحقير

سمر : كلعادة گبل ماانام اتفقد التلفون اشوف اذا

مجاوبني بداخلي ادري مراح يجاوب وبس اتعب

نفسي بس گلت عسى ولعل يجاوبني

او بس يشوفهن فتحت التلفون دخلت علواتساب

وطلع اكو رسائل جايتني من عندة احس

گلبي راد يطير من الفرح فتحت الرسائل وشفتهن

واني كلي لهفة وامل دموعي نزلت حتى گبل

مااقراهن ولا اعرف شكاتب

قاسم : شلونچ حبيبي مشتاقلچ هواية ومااگدر

اعبر عن فرحتي بلكلام الدزيتي يعمر قاسم وگلبة

راجعلچ ان شاء الله بس طلعتلي سالفة وشغل برى

ولازم اسوي وعد بس ارجع نتزوج لتنقهرين حبيبي

كلشي ولا عيونچ الحلوة تبچي

سمر : اريد اكتب مااگدر احس كلشي مجاي اشوف

الدموع تنزل بغزارة وزيدهة المقطع الدزة

فتحتة وضليت ابچي وية كل كلمة بلاغنية

امانينة نضل علبال ولا فد يوم تنسونة واذا مرة

وحشناكم الف مرة وحشتونة

اذا نسمع بطاريكم نبوس حروف اساميكم

حضنة طيوفكم ياما شوكت انتو تحضنونة

يتبع ٫٫٫٫٫٫٫٫٫٫٫٫