٧_٨




~•~•~•~•~•~•~•~•~•~•~•~•~•~•~•~•~•~•~•~•~•~

قاسم : بعدت عنهة وهي گامت تمسح بوجهة تريد توخر اثر لمساتي

سمر : وخر دير بالك تلمسني

قاسم : انچبي سمر وسديه لحلگچ

سمر : لا بالله خاف عبالك بكيفك

قاسم : انداريت عليهة بكل جسمي وگلتلهة شتريدين فهميني

شنو الي ابالچ بس اريد اعرف

سمر : مااريد اتزوج هسة

قاسم : زين خلينة نتزوج وعد مااتقربلچ بس تعاي يمي

سمرمر متعرفين بعدچ شيسوي بية

سمر : فكرت لازم اسايرة لان اهلي عاجزين گدامة

حتى ميگدرون يجبروه يرجعني للبيت رغم الوكت تأخر

معناتهة حتى لو ضربني او اذاني مراح يگدرون يسوولة شي

تقربت منة بهدوء وتلمست خدة وگلتلة عفية قاسم لخاطري

خلينة نأجل الزواج

قاسم : اشتعلوا اهلچ شجاي تسوين

سمر : شجاي اسوي رجلي وجاي احاچيه حبيبي عفية

خلينة على اتفاقنة

قاسم : اوووف منچ سمر شلون ارجع بكلامي هسة لو ممخابر ابوچ

چان ممكن بس يلة ماشي مادام تأدبتي وصرتي تعرفين تتصرفين

راح انتظرچ تكملين هاي السنة

سمر : فرحت وانرسمت ابتسامة نصر على وجهي

جوان : گاعدة واحچي وية ضحى اندمجنة بلسوالف ودزتلي صورهة

بنية حلوة ومرتبة صار عندي ثقة عمياء بيهة وبديت ادزلهة صوري

بلكلية وبلبيت وهي هم تدز ونتشاقى ووحدة تصنف عللخ

ضحى چانت المتنفس مالتي الي اطلع بيه من هذا العالم

المزعج العايشة بيه اسرة غريبة اخوية يشك بينة

وامي ناطيتة مجال ومتردة بابا مابيدة شي حتى

رغم سواية علي وحيازتة مخدرات مسواله شي

بس اخذة حتى يتعالج من الادمان وامي متغير

تعاملهة وياه بعدهة مدللتة وشيريد تنطيه

حياة صعبة تخليك تريد تطلع منهة بأي شكل

من الاشكال ومرات افكر اتزوج حتى اخلص من هاي

الحياة سمر لحد الان مجتي واهلي مربطين ميگدرون

يگلولة لخطيبهة امي عندهة قلق واضح اكيد مخايفة على سمر

بس تخاف ياخذ اليريدة منهة ويعوفهة وتخسر فرصتهة

بلحياة الرغيدة الي رسمتهة

ضحى : الووو وينج ليش متجاوبين

جوان : هيچ دفكر بموضوع

ضحى : تفكرين بسمر

جوان : اي خايفة عليهة

ضحى : لتخافين مو تگولين عاقد عليهة

جوان : ماكو عقد محكمة بينهم اذا سوالهة شي وعافهة

منگدر ناخذ حق او باطل منة

ضحى : ان شاء الله مابيهة شي لتوهسين

جوان : يارب يطلع الي جاي تگولي صح

سمر : وصلني للبيت واني نزلت دگيت الباب وهو واگف ينتظرني

اول مفتحلي بابا الباب هو راح

طه : وين چنتي ليش تأخرتوا

سمر : سائت حالتي واخذني للمستشفى قبل شوية طلعوني

طه : روحي فوتي جوة

سمر : دخلت للمطبخ تلگتني امي تخمش بخدهة

نهاد : شسوالچ يمعزاية

سمر : مسوى شي بس اخذني للمستشفى ورجعني

نهاد : ولچ لتچذبين

سمر : والله مجاي اچذب شفنة بابا فات للمطبخ اول مشافتة

ماما سكتت وراحت لغرفتهة وبابا مبين عليه عصبي

طه : ليش غير رأية ويريد يستعجل بلزواج

سمر : لا بابا قنعتة يأجلة راح نتزوج من اكمل هاي السنة

طه : هاي شلون بلوة ياربي منين طلعلنة هذا الاسمة قاسم

نهاد : شبيك وية الرجال غير يريد مرتة يمة قابل كفر

طه : روحي بابا نامي وارتاحي وحاولي متطلعين وياه حدما تتزوجون

اورين : نايمة ومقداد حاضني من ضهري مشاعر هواية بداخلي

گلبي يدگ سريع كلما اتذكر سراج والي جاي يسويه

شوكت ياربي اخلص من هذا الكابوس الي عايشتة

ياريت لو اگعد اعترف لمقداد واحچيله كل الصار

بس شلون راح يتقبلني بعدهة طبعا يطلگني

وراح انحرم من بنتي دموع حارة نزلت وچوت خدي

ابچي بصمت صارلي سنين اتعذب بسبب الذكريات

واليوم عذابي زاد وية رجعة سراج لحياتي ياربي وين چان

مضموملي كل هذا الشي ليش چنت غبية لهاي الدرجة ووثقت بي

مقداد : شبيچ حبيبي ليش تبچين

اورين : مسحت دمعتي وگلتلة لا حبيبي انت متوهم مجاي

ابچي بس الصداع رجعلي ومجاي اگدر انام

مقداد : اورين صارحيني شصاير وياچ وضعچ كلة معاجبني

اورين : التفتتلة وحضنتة حيل وزدت بلبچي

مقداد : غير لو افتهم شبيچ

اورين : راسي راح ينفجر

مقداد : بسيطة حبيبي هسة اجيبلج علاج هاي ولا غيرهة

اورين : ابتعد عني وطلع من الغرفة گلت بگلبي ياعلاج

مقداد ماكو علاج ممكن يساعدني ويخفف وجعي

نوبات اگول خل اعترف احسن مااضل اطحن بروحي

بس من اتذكر بنتي اتراجع مااريد اخسرهة

واخليهة تربى بعائلة مفككة

سمر : فتت للغرفة شفت جوان مخلية الهيدفون وتدز رسائل

صوتية باوعتلي ونزلت راسهة كملت حچيهة

بدلت لبست تراك وتمددت بفراشي الصداع والدوخة بعدهن

بية فجع كون شلون اكو عالم تشرب كحول اني شوية هيچ

سوت بية استغفرت الله وگلتلة ربي انت اعلم بية مچنت اعرف