لست وحدك | القناة الرسمية

ورد الصلاة والسلام ع رسول الله .. من مغرب الخميس لحد ٧ ونص يوم الجمعة .. بس ماشاء الله تبارك الله إحساس الصلاة ع النبي وكثرتها في لذه تحس ان ربنا بينزل السكينه والهدوء والراحه النفسيه وممكن تكون الدنيا و والواقع حواليك نار بس بجد سبحان الله تحس نفسك ق هدوء وثبات انفعالي
وتجربتي الشخصيه مع الالتزام بصلاة ع النبي وحضرتك السبب أن أشارك وألزم نفس مع حضراتكم وادرب نفسي عليها بكثرة
بقي عندي ثبات انفعالي بقيت بري عيوبي بوضوح واحاول ف علاجها دون تسخط أو ملل
بقي عندي سكينه ف روحي وتيسر للعبادة بشكل ماشاء الله ملحوظ .. وفعلا صلاة الله لنا رحمه وهدي وشفاء وخير

بجد نفسي كل المسلمين و المسلمات يلزموها بصدق ويقين ( مهما هيقابلكوا عكوسات ومركبات) طبيعي جدا كملوا ولا تلتفتوا

بابايا جات له جلطة في المخ سببت له شلل نصفي كان فايق اول ٤ أيام وبعدها دخل في غيبوبة بقاله ٦ أيام والدكاترة قالوا ان الحالة بتتدهور 💔، ربنا الهمني اني اجعل ورد الصلاة على النبي صلى الله عليه وسلم الإسبوع ده لشفاء بابا وتحسن حالته ، اللي أنا مش عارفه استوعبه دلوقتي،،، النهارده الجمعة بالليل دكتور قريبنا كلمنا وقال انه فاق من الغيبوبه والجلطة مش باينة في الأشعة المقطعية ومحدش هناك فاهم ده حصل إزاي لإن التحسن محصلش تدريجي ، أنا في المستشفى دلوقتي وبابا مفتح عنيه وكل مؤشراته الحيوية ممتازة🥹❤️،

مش عارفه أحمد ربنا إزاي على نعمة قضاء الحوائج بالصلاة على النبي محمد صلى الله عليه وسلم، ،
جزاك الله عنا خير الجزاء، وأسأل الله العظيم أن يتولى الإحسان إليكم