🚩روشته علاج مقاومة الأنسولين عاوز كمان افهمهالكم بكل بساطه ...وازاي تتشخص والتحاليل المطلوبة و العلاج ...
🔸هكلمكم من وجهة نظر مختلفة ومبسطه .. ركززوا اووي

♦️ياريت تقرأ البوست.. عارفك هتعمله save وتقول هقرأه بعدين وهتنسي اصلا😂 .. اصبر معايا ٣ دقايق من وقتك وحقيقي تعبت عشان ابسطلك المعلومات دي ❤️
▫️ف يلا بينااااا ..

▪️احنا بنعتبر مرحلة مقاومة الأنسولين...توازي
( مرحلة ما قبل السكر pre diabetes ).

🔷 نتكلم يعني ايه (مقاومة الأنسولين) ؟؟؟
الأنسولين دا هرمون بيتفرز من خلايا اسمها بيتا
موجوده في البنكرياس..

🔹هنتخيل الأنسولين دا حارس ...الحارس دا معاه مفتاح الخلية ...وظيفه الحارس يفتح الباب بالمفتاح و يدخل للخلية الجلوكوز .
يعني دلوقتي لما حضرتك بتاكلي و يحصل امتصاص للاكل و يتحول لجلوكوز ...ف الجلوكوز ده او السكر مينفعش يعلي في الدم ...لازم بسرعه بسرعه البنكرياس يطلع انسولين..و الأنسولين يدخل الجلوكوز في الخلايا ...تمام كده .

▪️طيب مقاومة الأنسولين يعني ايه ؟

يعني الأنسولين معهوش المفتاح أو مش قادر يفتح باب الخلية ..في المرحلة دي البنكرياس بيضطر يطلع كمية انسولين او كمية حراس زيادة .. علشان يفتحوا باب الخلية بالقوة ...كل ده علشان السكر أو الجلوكوز ميعلاش في الدم و يسبب مشاكل و ده اللي بيحصل في مرض السكر النوع الثاني..

🔷ايه سبب أن باب الخلايا مش بيفتح ؟؟
الخلايا بتبقي مليانه جلوكوز أو دهون جوه ...مفيش إمكانية الباب يتفتح ... مفيش مكان فاضي جوه الخليه

▪️بيفضل البنكرياس تعبان كده ومضغوط وهلكان
وبيعاني لفترررة طويلة...من كتر ما هو مستهلك و بيطلع كميات كبيرة من الأنسولين علشان تقاوم ...و دي بنسميها مرحلة مقاومة الأنسولين او مرحلة ما قبل السكر...

🔶دلوقتي..لازم ننقذ البنكرياس.. علشان وقت ما هيتعب و يبطل يطلع انسولين...ساعتها الشخص هيكون مريض سكر.

انا ك فاروق ...بشوف المرحلة دي مهمة و خطيرة جدا جدا
ولو مفوقتش هتلاقي نفسك مريض سكر

🔷مش موضوع شوية غمقان في الرقبة مضايقينك..و لا كام كيلو عايزة انزلهم علشان يكون شكلي حلو ..لاء احنا عايزين نلحق نفسنا بسرعه... و خصوصا لو عندك تاريخ عائلي للإصابة ب مرض السكري أو عندك زيادة في الوزن.

🔷بنشخص مقاومة الأنسولين ازاي ؟؟

ب الأعراض. Clinically...الدكتور هو اللي بيشخص
🔸و اهم الاعراض هي :
▪️ تغيير في لون و سمك و شكل الجلد في الرقبة و بين الفخذين و الابطين و مفصل الكوع ..
▪️ظهور زوائد جلدية في ثنايا الجسم .
▪️زيادة محيط البطن....خدي بالك انا الاهم عندي توزيع الدهون مش وزنك كام ... ممكن واحد رفيع بس عنده كرش و يطلع عنده مقاومة الأنسولين.
▪️كمان ممكن تظهر على شكل تأخر في الحمل و تكيسات في المبيض.
▪️بتعملي دايت و مش بتخسي او بتنزلي وزن بصعوبة .
▪️عندك نهم دائما السكريات و النشويات حتي لو لسه واكله .

🔶 طيب بعد ما بتتشخص ....ما هي اهم التحاليل ؟؟

التحاليل دي اتطلبت مني كتير.... هي اللى بتأكد ان الشخص ده عنده مقاومة إنسولين او مريض سكر او شخص سليم
🔹اي هي التحاليل دي :
1️⃣ تحليل السكر التراكمي (HBA1C) :
يتم عمله مرة كل 3 شهور
🔸النسب الطبيعية للشخص السليم : اقل من 5.8
🔹ما قبل السكر( مقاومة إنسولين) : ما بين 5.8 حتى 6.4
◽مريض سكر نوع ثانى : اعلى من 6.5

2️⃣ تحليل السكر الصايم Fasting Blood Glucose :
صايم عن الطعام 8 ساعات
🔸النسب الطبيعية للشخص السليم : اقل من 110
🔹ما قبل السكر( مقاومة إنسولين) : ما بين 110 لـ 125
◽مريض سكر نوع ثانى : اعلى من 125

3️⃣ السكر الفاطرpost prandial blood sugar :
بعد الغداء بساعتين
🔸النسب الطبيعية للشخص السليم : اقل من 140
🔹 ما قبل السكر( مقاومة إنسولين) : ما بين 140 لـ 199
◽مريض سكر نوع ثانى : اعلى من 200
--------------
⚠️دول الـ 3 تحاليل المؤكدة اللى بيتم إعتمادها
بشكل رئيسى
🚩تحليل الـ Homa-IR اصبح غير معتمد لتحديد مقاومة الإنسولين من عدمه بالإضافة انه مكلف وكتيير بيطلع غلط!
🔹ف متعملوش ملوش اي لازمه خالص

🚨طيب العلاج ايه ؟؟🚨
🔷علاجك الوحيد هو النظام الغذائي فقط لاغير
وبيكون علي حسب كل شخص و حالته وسنه ودرجه المقاومه عنده واصله لفين .. ولازم متابعه مع طبيب تغذيه فاهم شغله كويس 👌

🔶وافضل نظام تمشي عليه هو

🔷 الصيام المتقطع لايقل عن ١٤ ساعه ولايزيد عن ١٨ ساعه
وكل حاله تختلف عن التانيه (ف تابع تغذيه افضل)

🔶ناااام بدري علي قد م تقدر .. ٤٠٪ من علاجك نوم بدري ومنتظم

🔷 الرياضة و خصوصا تمارين المقاومة والمشي يوميا متواصل لمده نص ساعه مثلا