صحتي هي حياتي

🕌أحدث الصوࢪ والمقاطع ليوم الجمعة👇🏻
https://t.me/Alrahmn/33063

🅾لكل مبتلى بحسد أو سحر أو مس أو وسواس👇🏻
t.me/al_kalim_al_taieb111/87415

الحليب الذهبي🥛⭐️

فوائد الحليب الذهبي

له القدرة على تقليل الالتهابات وتحسين الهضم وتخفيف الآلام، إلى جانب ذلك فهو يساهم في مقاومة علامات الشيخوخة وتحسين المزاج وتخفيف أعراض التوتر والاكتئاب

صنع الحليب الذهبي في المنزل

لتحضير كوب واحد فقط ستحتاج إلى:

كوب حليب عادي أو حليب جوز الهند.

ملعقة صغيرة كركم.

قطعة صغيرة من الزنجبيل الطازج المبشور أو نصف ملعقة صغيرة من مسحوق الزنجبيل.

نصف ملعقة صغيرة من مسحوق القرفة.

ملعقة صغيرة عسل

اخلط جميع المكونات في إبريق صغير وضعه على النار حتى يغلي، بعد الغليان خفف الحرارة واتركه قليلاً حتى تمتزج المكونات وتفوح رائحتها.

قم بتصفية المشروب على كوب باستخدام مصفاة ناعمة، ثم أضف عليه رشة قرفة ليصبح جاهزاً للتقديم.

يمكن أيضاً تحضير الحليب الذهبي وتخزينه في الثلاجة لمدة تصل إلى خمسة أيام، إذ تستطيع ببساطة إعادة تسخينه قبل الشرب.

#صحتي_حياتي

⚠️ ومعلش خلينا نزق الـ ٤ شهور دول كده
وبعد كده كل الأكل متاح ليك بدايت برضه 👌
لما جسمك يرجع تانى للوضع السليم بتاعه و يعرف يكسر الأكل بالشكل السليم المعتدل ..

🔶 انا عارف انه صعب عليك ! بس انت اللى وصلت نفسك لكده ! .. عارفك هتقولي واحده واحده ونقلل .. لااااااا
ده ممكن لو كنت شخص سليم طبيعى

لكن حضرتك ب اهمالك بقيت مريض .. ف الإعتدال بالنسبالك صدقني ملوش اي لازمه ...لابد نعالج الخلل اللى حصل فى جسمك الأول وبعدين نرجع للاعتدال 👌

🔷الدنيا مش صعبه اوي يا جماعه انتوا اللي مصعبين الدنيا على نفسكم ومستعجلين اوي وصدقوووني
اللى عاوز يوصل لحاجة هيوصلها بالتعب والصبر والالتزام

ف بلاش تحسسني أن ٤ شهور التزام هيتعبوك نفسيا بسبب الاكل 😂 .. م انت ياما سنين كلت .. ولو التزمت هترجع تاكل .. اي اللي حصل .. مش نهايه الدنيا !!
طيب ده اصعب ولا اللف على الدكاترة و العيادات و الكشوفات و الدوا الغالي اوي وكمان ناقص فى الصيدليات !!

⚠️ علي النقيض ناس تانيه جات العياده أو تابعوا معايا
وزهقوا بسرعه عشان الزفت الميزان .. تقولها انتي بتتعالجي تقولك الميزان .. تقولها المقاسات تقولك الميزان .. تقولها بنعالج خمول الغده .. تقولك الميزان .. تقولها بنعالج الكبد الدهني تقولك الميزان.. النتيجه فششششششل طبعا

🔷 مشكلتكم كلكم انكم مستعجلين اوي (متزعلوش مني): عاوزين لخبطه سنين تتلم في شهر ورابطين مخكم بالميزان .. طالما منزلتش عليه يبقي فشلت .حرام عليكم نفسكم .. انتوا مخكم فين ..؟؟

لا احنا هنروح لدكتور تاني وتالت وهنروح لفتاك للدهون ولا جبار التخسيس (مسميات الدكاتره الجديده)😂
لانك شوفت اعلانات ليه ع النت؟؟
ودايت من غير حرمان ولا برنجان..طيب بكيفك طالما مرتاح
ف يحصل ايه؟؟ يتنصب عليك ويستغلوك وتدفع مبلغ وقدره
ووزنك زايد كمان عن الأول بكتيرررررر !
🔹تسكت بقي وتعقل لا برضه؟؟
تروح تدور علي علاج ع النت تدفع فلوس كتييير زي الباشا
وبرضه مفيش نتيجه .. بالعكس تتعب ويجيلك امراض ومفيش منها علاج خلااااص انتهت ..
🔸تسكت بقي خلاص.. لااا والله ابدا ؟؟
تروح تجري تلحق عرض باكدج جلسات نسف الدهون
٢٥ جلسه ب ٧٥٢ جنيه وربع.. عند( سفير التخسيس الفتاك)
لازم الحق العرض لانه مش هيتكرر 😂
وجلسات ميزوثيرابي ب فلوس كتيرررر
وتاخد علي دماغك للمره المليون ..و تيجي وبطنك قدامك مترين اكتر من الاول

🔶 طبعا كلهم بيجوا ليا تاني بعد كده... يعيطوا عشان جالهم سكر وضغط وأمراض لاحصر لها والوضع بقي كاررثي والله حررفيا ..كان عليكوا ب ايه كل ده!..ما علينا المهم انك فوقت

🚨صدقوني المرض وحش اوي اوي ي جماعه .
والعلاج بيد الله ثم بإيدك
اخرج من قسوة المرض والألم اللى انت فيه
و صدقني الأكل ده مش هيطير...هتاكل كل حاجه لو التزمت

🚩 حلك الوحيد .. تعمل دايت ومع مختص فاهم
لازم الدهون الحشويه تنزل .. لأن الكبد مهلوك ومتبهدل من كم الدهون اللى فوقه .. لازم يرجع يشتغل زي الاول
لااااازم محيط بطنك ينزل ..لازم لازم لازم

🚩 الداايت فقط هو الحل ... وكل حاله غير التانيه والله
الدايت معاكي غير مع اختك.. حسب سنك ووزنك وحالتك الصحيه .. ف بلاش استهتار بجد بالصحه والحقوها

⚠️ بفضل الله رب العالمين افتخر بأننا قدرنا نساعد مئات من الحالات في تنظيم وزنهم وكمان الحالات اتعالجت من امراض مزمنه و خرجت من وطئة المرض لمجرد أنهم اقتنعوا وفهموا وصبروا وعرفوا أن الموضوع كبير واكبر من الميزان وأنهم عندهم مشاكل صحيه أدت في النهايه لزياده الوزن
وسابوني اشتغل براحتي في علاجهم الاول .. والحمد لله 🤲

🚩

🚩 إيه التحليلين اللي لازم نعملهم كل سنه وبيهم هتفهم جسمك وهتوفر فلوس كتيير بتتدفع في تحاليل بدون داعي
وازاي تصلح أي مشكله فيهم ..لو فيهم مشكله ظهرت

▪️التحليلين دول يقدروا يغنونك عن عشرات التحاليل
اللي انت بتروح تعملها وبتكلف نفسك مبالغ بدون اي داعي حرفيا بشوف ناس بتروح تحلل ب 3-4 الاف جنيه
مع ان الدكتور اللي طالب منه ده يقدر يشخص حالته بتحليلين بس ... بس بيكسلوا .. الا من رحم ربي

🔹الاول : السكر الصائم (fasting blood glucose)
🔸التاني : الدهون الثلاثيه (Triglyceride)

🔷 اول واحد :هو السكر الصائم المفروض يتعمل
وانت صايم عن الاكل لمده 8 ساعات
النسبة لو طلعت فوق ال 95 فيما فوق فأنا كده اقدر اتشخص أن عندي مقامة انسولين .. اول حاجه(اول تحليل)

🔷 تاني واحد: الدهون الثلاثيه
المفروض لا يتجاوز ال130
لو عدي 130.. فانت عندك كده تراكم في الدهون الداخلية او الدهون الحشوية في منطقة البطن (الكرش)

🚩 طب التحليلين دول بقى انا اقدر اعرف منهم ايه
او اقدر اشخص منهم ايه كمان معايا؟؟ ..نركز بقي

🔸اول حاجة لما معامل الدهون الداخلية عند يبدأ يزيد ومعامل السكر الصائم ..عندك يبدأ
يزيد معاهم معامل الالتهاب في جسمك يبدأ يعلي
ف دا (تاني تحليل )انت هتوفره مش هتعمله بقى
لانه هيطلع عالي عندك وهو تحليل الCRP( معامل الالتهاب) وهيطلع عندك فوق ال ٥ .. من غير ما اشوف اهو

🔹ثاني تحليل وهو الESR ( سرعه الترسيب)
وبيكون مرتبط بمعامل الالتهاب اللي موجود في الجسم
لو عالي وهتلاقي عندك
فوق الساعة التانية هتلاقيه متجاوز ال50 او ال60
(تالت تحليل)وفرت فلوسه اهو

بناءا علي الاتنين اللي فوق ال ESR و ال CRP !!

🔸مخزون الحديد Serum ferritin عندك هيبدأ ينخفض و هتلاقيه أقل من ال ٣٠ ..

🔹وبناءا علي كل ده هيبدأ ساعتها الكوليسترول يرتفع في جسمك فوق ال ٢٠٠ وبناءا على ارتفاع الكوليسترول ال LDL ( الكلوستيرول الضار) هيبدأ يرتفع فوق حاجز 120

🔸كمان ال HDL او (الكوليسترول النافع )
هينخفض عن ال ٥٠

🔹 وبناء على كل ده هتلاقي ان في خلل في امتصاص فيتامين د في جسمك
واكيد هيطلع أقل من ال ٢٠
🔸 كمان هتلاقي ان ( Uric acid ) او معامل النقرس
عندك بدأ يرتفع فوق ال ٥

ومش شرط تحلل دول .. بس ممكن تحللهم !
🔹 السكر التراكمي (HBA1C) لان في الغالب هيعدي ال ٥.٦
🔸ومستوي الأنسولين الصائم في الدم (insulin fasting in blood) هتلاقيه رافع فوق ال ٨ ل ١٠ درجات

🚨انت بالظبط وفرت فلوس 10 تحاليل شوف بكام بقي❤️


🚩يبقي من التحليلين دول الدكتور يعرف يشخص حالتك
وعن طريق أنه يشوف منظر بطنك وشكلك (ظاهريا)
دون النظر لكل الباقي ده .. لكن هنقول اي ضغط مصاريف علي الناس في الفاضي وعشان نزود القلق عندهم .. غير الدوا اللي هتمشوا عليه بدون اي داعي وبدون مواجهه لأصل المشكله... وهي أن وزنك زايد والدهون الحشويه عاليه .. والكبد عطل عن أداء وظايفه..الكبد مايسترو الجسم ياجماعه

🚨 يطلبها في حاله واحده .. لو الاتنين اللي قولتهم لقي الارقام عاليه جدا .. ف لازم يعمل فحص وتحليل كامل للجسم .. في الحاله دي لازم يطمن عليك كاملا

🔷 طيب طلعوا عاليين يا دكتور... اي الحل بقي ؟؟؟

🔹اول حل انك تبدأ تقلل أكلك واحده واحده بالتدريج
"مش هنمنع حاجه" لكن بشرط وإجباري بتطبق
وهو انك هتروح جيم وتلعب رياضة كل يوم ساعه يوميا علي الاقل لمده ٥ أيام أسبوعيا علشان يحرق الأكل اللى جسمك خلاص معدش قادر يكسره
طيب ظروفك او صحتك او مجهوك لا يسمح ب ده ؟
يبقى عليك وعلي .. الحل الثانى وده اللي معظم الناس معايا بتمشي فيه

🔸الحل التاني انك هتمنع تماماااا نشويات وسكريات
صعب عليك ..ابدأها تدريجي تقليل.. بس في خلال اسبوعين تكون قاطع نهائي نشويات وسكريات لمده ٣ ل ٥ شهور ...

🔹 طيب ليه منع يا دكتور ؟ زي م قولنا لان جسمك متبهدل بسببهم ومبقاش عارف يتعامل معا النشويات والسكريات خلاص واى كمية انت شايفها صغيرة من وجهه نظرك ..جسمك هيخزنها على هيئة دهون

▪️يعنى معايا هتمنع العيش والرز و المكرونة وكل ماهو نشويات وسكريات .. متقوليش عيش الشوفان ولا ترتان 😂.
هتمنع منع تام .. بقالك كتير بتاكل اصبر شويه نتعالج الاول

🔸بس كده هجوع و ههبط وهتعب !
طيب م انا عارف.. طيب ايه يعنى ما تجوع و تهبط شوية
وجسمك هيتعود .. ايه المشكلة انك تتعب كام يوم ف الاول ماهى الحياة كلها تعب ليه محتاج كل شئ علي الجاهز !!!
يبقي كذاب اللي يقولك مش هتتعب
ويبقي دكتور مش فاهم ولا شاطر اللي يعمل معاك غير ده

🔸نكمل كلام : نومك لازم يبقي بدري معلش عارف انك بتحب تسهر بس ده غلط فخلينا نخلص و ننجز حالنا بقي

🔶 لازم تتابع مع دكتور تغذيه شاطر اووي مش مع نفسك هتفشل والله.. في تفاصيل تانيه مهمه كتير اوي في المتابعه
🚩 وادي لنفسك فرصه متابعه معاه لمده ٤ ل ٥ شهور

🚩 إيه التحليلين اللي لازم نعملهم كل سنه وبيهم هتفهم جسمك وهتوفر فلوس كتيير بتتدفع في تحاليل بدون داعي
وازاي تصلح أي مشكله فيهم ..لو فيهم مشكله ظهرت

🚩 سر من أسرارنا في متابعات التغذيه مع مرضي الفايبرومالجيا .... ڤيتامينات مرضي الفايبرومالجيا

🔹Limitless Magnesium
مره قبل النوم

▪️ماغنيسيوم عشان يقلل التشنجات و التقلصات و التيبس العضلي كمان يساعد على النوم و استرخاء العضلات كمان يقلل من التوتر والقلق و يحسن من المزاج

🔸Co enzyme Q10
مره بعد الغذاء

▪️انزیم و مضاد اكسدة يزيد من تدفق الدم و انتاج الطاقة للجسم يحسن من أداء العضلات وكمان بيقلل من التعب والارهاق وكمان بيقلل من الصداع النصفي وكمان بيحافظ على صحة القلب
🔹Devarol S 200,000
حقنة عضل مره في الشهر

▪️فيتامين د لمنع تساقط الشعر وكمان لتحسين المزاج وتقليل اعراض الاكتئاب وكمان بيقلل من التهابات و آلام الاعصاب وكمان بيحسن مناعة الجسم وكمان يساعد معانا لو بنعمل دايت لانه بيقلل الوزن لأنه يزيد من معدل حرق الدهون وكمان بيحسن مناعة الجسم

🔸Omega RX‏
مرتين يوميا بعد الغدا والعشا
▪️اوميجا 3 مضاد للأكسدة يقلل من التهابات و تيبس المفاصل وكمان بيحسن من أداء المخ والجهاز العصبي وكمان مصدر للطاقة و الحيوية وكمان هيساعدك على نوم عميق ومهم جدا لصحة البشرة و الشعر وكمان بيحسن الذاكرة و التفكير

🔹Melacryst 1.5mg
▪️ميلاتونين لمعالجة الارق و اضطرابات النوم وكمان بينظم دورة النوم والاستيقاظ وكمان هيحسن من المزاج ويقلل من ارق التفكير المزمن قبل النوم وهيقلل من اعراض القولون العصبي
🔸Livabion
حقنة عضل كل 3 ايام

▪️مجموعة فيتامين ب للسيطرة على النواقل العصبية وكمان بيعطى طاقة و حيوة للجسم تدوم طوال اليوم بيساعد جدا علي تحسين أداء وتقوية الجهاز العصبي ويقلل من الآلام الناتجة عن الاعصاب و بيقلل من تساقط الشعر و يحميك من الانيميا

🚩 ناخد الفيتامينات شهرين ونريح شهر عشان نريح الكلي
وهكذا يا جماعه

⚠️فهمتوا بقي أن مش دور دكتور التغذيه الشاطر.. انك تخس أو تزيد وبس .. احنا بنظبطلك كل مشاكل جسمك 💙

#كبسوله_ڤيتامينات_مع_د_فاروق

🚩
🔹د.فاروق كامل حسون🔹
🔸

#صحتي_حياتي

|| أسرار الرشاقة
.
. 🔹تناولي الطعام في طبق صغيرها باش تتعود المعده على كميه صغيره من الطعام ومع الوقت تولي تحسى بالشبع من هالكميه .

🔸شرب كميات كبيرة من الماء طوال اليوم بما يعادل 8 أكواب ،
ويفضل شرب كوبين من الماء على الريق قبل تناول وجبة الفطور
هالشي ينشط الدوره الدمويه ويقلل من ترسبات الأملاح والسموم .

. 🔹الإستغناء عن تناول الحلويات بتناول الفواكه بين الوجبات للحفاظ على مستوى السكر في الدم

🔸قللي من شرب الشاي والقهوه واستبدليها بالأعشاب مثل اللويزة النعناع بدون سكر .
. التقليل من اضافة الملح للأكل واستبدليه بالتوابل والليمون والبصل والثوم اثناء طهوه لأن الملح يحبس السوائل في الجسم بالتالي زيادة الوزن والسلوليت .
.
🔸تجنبي تناول الصلصات مثل الكاتشاب والمايونيز .
.
🔹عند الشعور بالجوع تناولي الخضروات الطازجه والخضراء خاصه مثل الخيار والخس والجرحير ، لأنها تشبع وغنيه بالألياف والماء
.
🔸ضرورة ممارسة الرياضة أو المشي لمدة نصف ساعة يوميا لأنها تساعد على حرق الدهون وتناسق القوام وشده وتحافظ على صحة القلب وانتظام التنفس ونظارة البشره لأنها تحرك الدم وتوصل الغذاء والأكسجين لكل خليه في الجسم .
#رشاقة