ختم بخاري

نن د علم نور پر زړونو راج او پروازي کوي
شان ته د شملو هم اسمانونه سلامي کوي

ځکه پر حرم د مدرسې کوي خوښۍ طواف
صف ده ملایکو نندارې کړي خوشحالي کوي

بیا یې کړې فضاوي معطري لونګیني شوې
دا علمي ګلبڼ دي لالزار وي خوشبویي کوي

ختمه بخاري شوه منور د زړه ماحول ښکاري
پړک د علم خپور په لر او بر دی رڼایي کوي

نور یې د مزل بېړۍ رسانده تر ساحله شوه
پای مومي سپېڅلې طالبي خدای پاماني کوي

د محسن احسان قلم دي تاند په دعاګانو شي
هــر قلــم دعــا دعــا ژباړه عاطــفي کوي

محسن احسان