هوسات الى الامام الكاظم (((ع ))



ازورك وندب من  بعيد  مولاي
اريد ازيارتك مشتاكه انه اهواي
شباجك يشافي المرض والداي

دخيلك يامولاي/  المرضى تشافيهه


انريد انروح يم  شباجك  انزور
الكاضم وبحضرته انطوف وندور
والكاصد لبوطلبه دومه يرد مسرور

انريد نزور الكاظم/ فتحو بيبانه


يمك جينه نبجي ونلطم الهام
نصبنالك عزه ونرفعلك اعلام
نضره نريد منك وحنه خدام

((الخام منك/ يطلب حاجاته))



يامولا اجينه نحيي امصابك
كون زحوف الك نتعنه والبابك
والحاجات اخليهن على اعتابك

((الحاجه بابك ضلت /مولاي اكضيه))



ياباب المراد الحال  كل  شده
الكاظم كالو الشجاي مارده
يابو الرضا منك رايده الهده


((الشده العدنه /محد غيرك يكضيهه))




لخادمة الحسين العلويه ام اياد لايجوز حذف الاسم اهدي ثواب الى شرف النبي وال بيته والى روح والدي سيد قاسم ابن سيد عطوان قربتة الى الله تعالى



https://t.me/joinchat/-h0l4_B6FIg2ZjYy