قناة نحر الحسين ع العلويه ام اياد

نعي زينب ((ع)) تعاتب الخوان
تكلهم



ياخوتي جاوين الوصيه
حيدرعلي شكالكم  عليه
لاختكم اريدنكم تجيه
جاشو كطعتو الوصل بيه


كطعيتو بختكم يهل المروه
بديار الغرب  فلت الخوه
نعتب تره من ضيم كوه
والله خلافكم كلشي مانسوه


ماتسوه روحي اخلاف اهلهه
والضلت  غريبه محد  الهه
تفارك  ضعنهم  من  ضعنهه

يالخوان فدوه انه لاسمكم
خواني الفراك وعاتبتكم
وبالخوه يخوتي طالبتكم


عتبي عليكم موش وكته
اليوم  الاخو  جناز  رته
محد يندهه ايكوم لاخته


رتك يبعد اختك تجيني
انه ابعازتك يابعد عيني
بديرت غرب سكن ونيني


خويه تعال يالكلك محنه
نكعد سوه ويلتم شملنه
بعدنه الوكت من عدكم بعدنه


بعيده يخويه وموش يمكم
ومايست عيني الدربكم
تجون حسبالي الختكم


اختكم غريب وماله احد
وبالكاع ترضون  اتوسد
عليه الكفل مابعد ينشد


*لخادمة الحسين ع العلويه ام اياد لا يجوز حذف الاسم اهدي ثوابهه الى شرف النبي محمد وال بيته والى روح والدي السيد قاسم ابن السيد عطوان الفاتحه*


https://t.me/joinchat/-h0l4_B6FIg2ZjYy

قصيدة الى السيده زينب /ع /



*شكثر روحي تحملت هم واذيه*
*شفت انواع المحنه غصن عليهه*



آه ياروحي شكثر شافت ماسي
وزمان اوياي احسه حيل قاسي
هواي  عذباني زماني وشاب راسي
حيل مرمرني الوكت وشلعب بيه



مرت ايام العمر ماشفت راحه
وعيوني ذبلهه البجي وكثر النياحه
للموت كلبي مابعد يشفي جروحه
وناري بين اضلوعي احسنهه سريه


روحي خلصانه واحس الموت كرب
بغربتي وحدي اون والدمع صبصب
بيه ماتدرون يهلي انه زينب
شلون أموت الوحدي يهل الحميه


اليل مانمته اون ودمعي يجري
وصبر ماضل عندي احسن خلص صبري
وين أخوي الضيغمي مابيه يدري
للموت يهلي توسدت وسبلت اديه



افراكم عذب دليلي ودر العين
بموتتي تمنيت يحضر كون الحسين
اريد اذكركم يخوتي خاف ناسين
اليش محد مر عليه ونشد بيه



شلون عين تنام وانه انفاركه احباب
وعيني ضلت ياهلي مشبوحه للباب
فراكم والله جرحني بعد الغياب
صابره على الصغار من غصبن عليه

لخادمة الحسين ((ع ))العلويه ام اياد لا يجوز حذف الاسم اهدي ثواب الى شرف النبي وال بيته والى روح والدي سيد قاسم ابن سيد عطوان قربتة الى الله تعالى

https://t.me/qwe123qwr

تنويه هام 1/1/ 2025.كل عام ومولانا صاحب العصر والزمان الامام الحجه عجل الله فرجه الشريف وسهل مخرجه بخير ننتظره & وانتم احبتي بخير & & & الاعمال ⬅️⬅️⬅️⬅️⬅️اعزم بكل جهدك لتجعلها ليلة سعاده وعباده ورضا لله عزوجل بالطاعه وافرح مولانا صاحب العصر ...... باحتفالية مع عائلتك بكيكه تجمعكم بقراءة دعاء تعجيل الفرج و حديث الكساء للبركه والسلامه ودعاء التوسل بالشفاعه وزيارة الامام الحسين عليه السلام او الزياره الجامعه //// اذا تريد الخروج مجرد للتفرج زدت السواد بعصيانك ربك
اذا كنت مصر على شراء دب احمر
اشتري بثمنه دجاجه كصدقه واهديها الى عائلة فقيره ليمد الله بعمرك وعمر عيالك
----------
واذا كنت مصر على شراء مفرقعات صوتيه
أشتري بثمنها دواء الى مريض فقير ليدفع الله عنك بلاء عظيم
-----------
واذا كنت مصر على شراء شجرة الميلاد
اشتري بثمنها احتياجات منزليه لعائلة فقيرة يرزقك الله شجرة تضلل عنك حر الاخرة
------------
واذا كنت مصر على ان تحيي تلك الليلة باللغو واللهو
فتذكر امام زمانك الحجة ابن الحسن ارواحنا له الفداء انه حزين مهموم
بسببنا نحن الغافلون
اللهم نبهنا من نومة الغافلين
اللهم عجل لوليك الفرج بالصلاة على نبينا وحبيبنا محمد وعلى آله الطيبين الطاهرين وتذكر يصادف فيها
اخر جمادى الاخره ذكرى استشهاد مولانا سبع الدجيل سيد محمد بن علي الهادي عليهما للسلام