ځکه یې ما سوی بوټ ساتلی دی.
ــــــــــــــــــــــــ

چیرته مې چِ خوږ یار ډرون ویشتلی دی
جوړ په هغه ځای باندې لوی څلی دی

ټوک ټوک موټرګاټ ورسره څنګ کې پروت
نـوم یـې په ډبـره لـوی لیکلی دی

وخـت ناوخت ورځـمه رانـه هېر نه دی
هر یاد یـې زما زړه بـاندې ګنډلی دی

هـو چې ویده نه شم د غفلت په خوب
ځکه یې مـا سوی بوټ ساتلی دی

ګونګ تصویر یې ځان سره ښه کلک ساتم
څو ځل مې په اوښکو ښه وینځلی دی

نه وایم په خوله باندې هغه پسې
وران زمـا عزیر د زړه کلی دی

احسان الله عزیر