احسان الله عُزیر

اَلسَلامُ عَلَيْكُم وَرَحْمَةُ اَللهِ وَبَرَكاتُهُ‎
هیله ده جوړ روغ او صحتمند وئ ګلونو ملګرو دلته به تاسې ته وخت په وخت نوې ترانې، نظمونه، تقریرونه او خوندور معلومات نشریږي تمه ده حوصله راسره وکړئ.
ورور مو (عزت الله عمیر افغان)❤

https://t.me/Ezatullahoma

په سر باندې یې تاو کړل نن د سپینې پګړۍ ولونه
ښایسته لکه ګلونه!
بچــي دې مــــــدرســــې دي قېمتي لـــــکه لعلونه
ښایسته لکه ګلونه!
رودلې یـې شیدې
دې عــــلم لـه ادې
سپڅلی یې مسیر
قـــوي یې عقیدې
بدل به نه شي هېڅ که پرې شي تېر میاشتې کلونه
ښایسته لکه ګلونه!
راټول نــن عالمان
دې عـلم خاوندان
غوړېږي څو ګلان
زمونګ د ګلستان
عجیبه غوندې کیف دی شول مې هېر ټول محلونه
ښایسته لکه ګلونه!
راغلي یــــې دوستان
دي ناست ې استادان
راوړي ورتـــــه ګلونه
له هــر ځایه خپلوان
مسکي مسکي روان ږدي پــــــه سپڅلې لاره پلونه
ښایسته لکه ګلونه!
فـــــارغ لـــه مــــدرسې
شــــوې ښکلې ې سینې
اوبه شول دوی ښه سم
دې علم لــــــــــه چینې
هــــر یــوه ته مبارک شــه ښکاري ستوري مشالونه
ښایسته لکه ګلونه!
ســــــاتي به دوی ممبر
پــــه بیه د خپل ســــر
پـه تن یې سپین لباس
ځلېږي لـــــــــــــکه لمر
قــــربان احسان الله عزیره! دا نــــــــــــوي نسلونه
ښایسته لکه ګلونه!

احسان الله عزیر

د فیسبوک اکونټ مې خراب شوی دامې نوی جوړ کړو ټول بلنې راولیږئ او ټول راته یو یو اعلان وکړئ😔

د یوې حجرې او سنګر یاره راځه مې تر مزاره
چې هېر مې نه کړې
کـــه تېرېدې پــه بَـــره لاره راځه مې تر مزاره
چې هېر مې نه کړې

پـــه مـاشـومـانـو مـې تـل پـام کوه
په مـــور او پـلار مې هم سلام کوه
ګـــوره بـدل نه شې سالاره راځه مې تر مزاره
چې هېر مې نه کړې

پــام کــړه زړګیه چـې پاګل نه شې
دِ بیت المال د مال چې غل نه شې
ځـان به ساتې له هر بَدکاره راځه مې تر مزاره
چې هېر مې نه کړې

چې درنه لار او مسیر ورک نه شي
زړه د له بغض او کینې ډک نه شي
هـــره خبر به کـــړې هواره راځه مې تر مزاره
چې هېر مې نه کړې

د ژونــــدانــــــه د ختمېدو ورځې
زمــــــا او ستـــــا د بېلېدو ورځې
احـسـان الله عزیره شماره راځه مې تر مزاره
چې هېر مې نه کړې

احسان الله عزیر

دا چې رپي په قبرو یې جنډې سپینې
دوی توی کړې دي په دین او وطن وینې

دوی د ژوند له رنګینیو وو تېر شوي
کباب کړې یې په اور ځوانۍ حسینې

احسان الله عزیر

#بختور_دی

چې آګاه له اَبدي خوندو کوم ځوان شي
ښـایستـونـه د دنیا پـرېـږدي روان شي

چې الله ته ورنږدې شي ترې راضي شي
نو بیا مَـل د شُهداوو د کاروان شي

پـه خندا او پـه رضـا وړي سـر تـر داره
دچا ویښ چِ مړضَمیر،اِحساس،وِجدان شي

څوک چِ ټوک ټوک په دفاع ددین وطن شي
بختور دی بس پوره یـې لوی آرمـان شي

کوم چې زړه ته رانږدې کړو اې عُزیره
هغه واخلي هغه حورو باندې ګران شي

احسان الله عزیر

#نوی_غـزل

که د تعلیم دروازې وازې نه شي
د اُخوت رسۍ به درازې نه شي

که له رڼا مو خلک را وګرځول
بیا به مو هیڅ اړیکې سازې نه شي

مظلوم ته لاس ورکړئ راپورته یې کړئ
چې منزوې نه شي یوازې نه شي

د مینې تخم ښه ډیر وشیندی پام
دا پرګنې مو چې غمازې نه شي

وېرېږم زه احسان الله عزیر
چې بیا جګړې دلته آغازې نه شي

احسان الله عزیر

#کلونه_کېږي

کېني وره کې یوه مور کلونه کېږي
زوی یې تللی پټ له کور کلونه کېږي

چا ویلي ورته ولاړ هـا پورې غره ته
دقیق څــاري هغه لور کلونه کېږي

جوړې شوې یې په مخ د اوښکو لارې
بل په زړه یې دی سور اور کلونه کېږي

هغه څه شو مرګ او ژوند یې معلوم نه شو؟
دا پوښتنه کړي له ورور کلونه کېږي

په سینه کې یې زړګی وهي ټوپونه
اې عزیره!!! کــوي شور کلونه کېږي

احسان الله عزیر