تاریخ لرمه

ټوله نړۍ کې یو سرشار غوندي تاریخ لرمه
د ژوند په غېږه کې نامدار غوندي تاریخ لرمه

کنه منې له یرغلګرو مو تاریخ وپوښته
د غیرت لوړ لکه منار غوندي تاریخ لرمه

افغان زلمی یم افغانیت راباندي فخر کوي
په تورو شپوکې د سحار غوندي تاریخ لرمه

له کړا وو ډکي سحنې د تاریخ زړه کې لرم
افتخارې یم افتخار غوندي تاریخ لرمه

بلې ډېوې مې د شهید په وینو بلي ساتم
رنګ په سرو وینو کې سنګار غوندي تاریخ لرمه

داچې تر ټولو خلکو لوړه زندګې کومه
مهاجر داسي شمله دار غوندي تاریخ لرمه