غزل: همت کوچی

د بیلتانه د درد تأثیر به مې په سترګو کې وي
څو چې ژوندی یم ستا تصویر به مې په سترګو کې وي

ماته معلوم دی خپل قسمت د مرګ تر ورځې پورې
سخت انتظار ستړی شبګیر به مې په سترګو کې وي

ډېرې مودې کیږي چې ته مې پرې لیدلی نه یې
کیدایشي څه ناڅه تغیر به مې په سترګو کې وي

ستا له تګ وروسته به له ماسره نور هیڅ نه وي خو
چیغي،فریاد،اوښکې، او ویر به مې په سترګو کې وي

زه به په خوله دې تا په اړه چاته هیڅ نه وایم
ستا ده خوږې مینې تفسیر به مې په سترګو کې وي

هغه چې غرونه غوندې درد غزل غزل کړي هغه
هغه همت هغه شاعِر به مې په سترګو کې وي

د ګلبڼ زمزمې. (281)