السلام عليكم يا شيخ محمد، اتقدمت لبنت أخلاقها كويسة ومنتقبة، وأنا بصراحة مش عاوزها بنقاب فكلمتها أن في خلاف وهي مصرة عليه وبتقول لي مفيش خلاف، مع اني جبت لها كلام مشايخ أفاضل زي حضرتك، لكن هي بتثق في كلام حضرتك، فيا ريت تقول لها أن في خلاف.
..............
وعليكم السلام.
يا أخي أنت فكرتني بنكتة الراجل الرخم اللي دخل سينما ملقاش فيها إلا واحد بس فقعد وراه وقال له: لو سمحت رأسك شوية علشان أشوف!!
ما الدنيا مليانة بنات مش منتقبات يا أخي، تروح على المنتقبة وتقول لها اخلعيه وكأنها عاملة جريمة!!
وليه هي اللي تحترم الخلاف، ما تحترمه أنت وتسيبها بنقابها!!
بل يا حبيبي أنا هستغل سؤالك هذا لأدعوها ومثيلاتها ألا تقبل بمثلك؛ عمال تجتهد وتبحث عن فتاوى لتكشف زوجتك وجهها!! وكأنه عار أن تكون مغطية وجهها، وكأن ليس النقاب مشروعا باتفاق يدور بين الوجوب والاستحباب!!
هبها ترتديه استحبابا، هل ستدعوها لترك ما ليس واجبا؟!
قصم الله ظهر من نشروا هذه اللوثة المعتوهة من المشبوهين: لازم تخلعي النقاب علشان متبقيش زي السلفيين، صارت مخالفة السلفية دينا تتعبدون به.
#أسئلة_وأجوبة_أبي_علياء
#إعادة_نشر