🎂كنافة بالمانجة

المقادير
كيلو كنافه / ربع كيلو كريمة خام/مانجة للطبقة اللى فوق للتزيين/مانجه قطع للحشو/2كوب سمن سايحة/شربات /2كوب عصيرمانجه
الطريقة
انا بعملها بعمل جزئين كنافة بس مش بتبقى تخينة يعنى وسط ولا رفيعة ولا تخينة بحيث تحطى الاتنين على بعض
هتعمليها ازاى هتجيبى الكنافة الالى وتفرفتيها بأيدك وتجيبى سمنة سايحة وترشيها عليها وتقلبيها كويس وتجيبى صينية بيتزا وتدهنيها وتفردى الكنافة فيها وتضغطى جامد عليها ودخليها الفرن واعملى واحدة تانية ودخليها الفرن وتكونى عاملة شربات وبارد واول ما تطلعى الكنافة اسقيها وسبيها تبرد خالص اوعى تحطى كريمة وهى سخنة
عايزة بقى تعملى كريم شانتية مانجة هتضربى مانجة فى الخلاط وسقعيها وتجيبى بودرة الكريم شانتية من غير سكر احلى بكتير وتضربيها بالعصير المانجة بدل الماية المتلجة او اللبن وبعد ما تبرد تحشى من النص وممكن تحطى مانجة متقطعة فى النص انا لما بعملها بحشى فى النص مانجة وكريم شانتية وبحط على الوش مانجة وكريم شانيتة المهم ان الكنافة تكون باردة ومتصفية من الشربات بس وبالهنا والشفا ممكن بقى تحطى اى نوع فاكهة تانى كريز عنب شكلى الوش براحتك
🧁🧁🍕🍕🍗🍗