.

البـارت 23 ☆

مشـاعـر مسمـومـة 💜


👌🏻👇🏻 😍
📚 @rewayatyamania  🇾🇪


همدان: محجور بحجر الله يا هاني خلينا أصحاب نجتمع ونخزن ونكيف لكن ماهو هذا ثلاثة مخزنين وثلاثة مع كأنو كل واحد جالس مع مرته

الكل: ههههههههههههههههههههههههه

هاني بدون شعور شل الصحة الماء ونزف همدان على كلامه والكل ميتين ضحك أما زياد أشترغ من كلام همدان وهاني يضرب همدان وهو يضحك بسبب كلامه

رامي يضحك: تحمست يا همدان

همدان: والله ماعاد أحد ما بيخزن إلا النسوان

زياد صيح: أيناااه والله إنهن قد كل واحدة لرأسها علاقية قات وشيشة وفتحين لك علي عنبة والا حمود السمة وهات لك والله ماعاد به بنات قد كل الشعب رجال

حسام: إيه والله وأنت قلتها قد انا ما أجابر واحدة ما بتفعلي قالت مخزنة جايه أوضع الشيشة

أمير أشر لعند حسام: يكفيكم شهادة هذا الآدمي على البنات

الكل خزن ماعدا هاني بس الكل دهده به وخزن وبدأت جلستهم
.
.

فـي بيت صالـح

آسيا سمعت صوت الباب: مــــن؟؟!!

سارة قامت: أيسمعوش من هنا

مشيت بتفتح بس شافت رانيا تنزل وهي تتنبع وحملت قبلها تفتح

آسيا: مالها هذه

سارة رجعت تجلس: دامها نزلت من غرفتنا هكذا تتنبع فهذه أكيد نجاة شافتها من الطاقة

آسيا: مدري

ما كملين كلامهن إلا ورانيا دخلت ودخلين بعدها نجاة وروان

سارة قامت تسلم: قلت لش

آسيا فرحت: حيااا حياااا نورتوا حيااا

روان ونجاة: الله يحييش

جلسين جنبهن ورانيا دخلت تجهز الضيافة وقامت سارة تساعدها

آسيا: الحمدلله جيتين تنفهين علينا قد أكلنا الضيق أكل

نجاة ضحكت: أما أنتوا الله يعينكم

أم إياد دخلت وبفرحة: حيااا من نور بيتنا حيااا ببناتي القمارا

نجاة قامت تسلم عليها: الله يحييش يوووه جعلني فداش يا خالة

روان تسلم عليها: كيف أنتوا يا خالة

أم إياد: الحمدلله

أم هاني دخلت: قدنااا داااااري بنتي ما تنبع من الدرج هكذا إلا وحبيبة قلبها نجاة جت

نجاة ضحكت وسلمت عليها: أنا فدالش وفدالها

أم هاني ترد لها السلام: ياسين عليش

رجعت تسلم على روان: وهذه عروستنا

أم حسام دخلت بالشذاب والبخور: أيوووة ربي يحرسها من كل عين قومي خليني أبخرش وأسوي لش الحرز

روان أنحرجت: أنا فدالكم يا خالة مافيش داعي، أشغلتكم

أم حسام: يوه الله المستعان أيش من شغلة بنتنا عروسة عيب عليش هذا الكلام

رانيا وسارة دخلين بالضيافة

رانيا بلقانة: سمعت إن العروسة مقصمة (ما تأكل) هذا وعاده باقي لعرسها شهرين ونص لذلك جبت لش كيك بالشكلاتة اللي تحبيه من تحت يدي بس لا أشوفش أربعة وعشرين ساعة بباب بيتنا أول وآخر مرة أسويها لش بعدين علمي زوجش وهو يسويه

روان ضحكت: أوووف ونجاة عندش من يمسكها تكلمش بصغيرة وكبيرة

نجاة: مافيش داعي لهذا كله غير مرينا والآن أنخرج السوق نشتري باقي حاجات العرس

أم حسام فارحة لروان: زواجة الدهر إن شاء الله

روان سكتت وهي متضايقة والكل حس عليها بالذات آسيا لأنهن أقرب صديقات لبعض

أم هاني تواسيها: يا روان يا بنتي إنسي الماضي ومش كل الخلق سواء اللي حصل أنتهى، إلتفتي لحياتش الجديدة

أم إياد: أنا دارية إنش متعقدة بسبب الناس اللي تكلموا عليش بس لا تهتمي إتزوجي وسكتي الكل

أم حسام مقهورة عليها: إحنا فاهمين اللي حصل معش صعب وإنش مظلومة بس لا تخلي اللي حصل يخرب حياتش ومستقبلش

روان تطمنت شوية: إن شااء الله

رانيا تتحسر: كنت أشتي أتفلسف شوية لكن العجايز ما قصرين

أم هاني ببهرارة: يا بنت عيب

أم حسام تضحك: يارب عقلها يااارب

الكل يضحك: آمييين

رانيا رفعت صوتها: لا تستجيب يااارب
شافت محد أمن بعدها وردت على نفسها: آمييييييين

الكل: ههههههههههههههههههههههههه

روان قامت: يلا إعذرونا بنروح السوق

قامين والكل ودعهن ورجعين وروان ونجاة سارين السوق يكملين باقي إحتياجات روان وآسيا متضايقة قوي على صاحبتها

@rewayatyamania المصدر الأول للروايات

فـي بيت أميــر

أبو أمير جاء وبعصبية: ما روحش إبنش؟!

أم أمير ضبحت: ما عليك منه خليه في روحه

أبو أمير: هو ما ضايع هكذا إلا بسبب دلعش هذا

أم أمير زاد ضبحها: إبنك رجال لمتى بتعامله بهذا الأسلوب؟؟!! لما تعقده منك ومن العيشة معك ويروح مننا هااااه

أبو أمير: إبنك لازم يعرف إبن من هو مش يخرج مع شواترة ولو خرج ما يخرج إلا لدراسته ويعرف مكانته ويأسس نفسه بكرة بيمسك منصب بالدولة بدل أبوه

تركها وطلع وملاك دمعت عيونها وهي تتمنى لو إنها تدافع عليها مثل ما تدافع على أخوها
.
.

الشباب مرتاحين مكيفين يغنوا:
يي يي يو... ييي ييي يوو
أصارحك باللي حصل لي أو أسكت... لا سامحك قد كنت من قسوتك مت... زيد لي...فوق المواجع مواجع... رحلك بعيد قانع من الحب قانع..

حسام رن تلفونه أبتسم وخرج والشباب عرفوا إن رفاء أتصلت وهمدان يشوفه يرد عليها وصرخ بأعلى صوت: قااانععع من الحب قااانع

حسام يكلم رفأ...


https://t.me/+Ecxq_OzMYh40M2E0



📚 @rewayatyamania  🇾🇪