روايات يمنية📚🇾🇪

🤎

بـارتـات يـومنـا الاربعـاء 👆🏻😍

.

البــارت 38 ☆


أخطــاء المـاضي 🤎


👌🏻👇🏻 😍
📚 @rewayatyamania  🇾🇪


عند انسام...
جا سليم وكان متلثم: يلاا بسرعه هاتي الفلوس

انسام: تمام بس هات التلفوووون

سليم شل المسدس وهدد انسام: والله العظيم لوما تدي الفلوس لا اقتلش يلااا

انسام خاااايفه وترتجف بقوووة

فجأة خرج الشاب من خلف الصخره وعمل لسليم بووكس من وراه

انسام خايفه وتلتفت يمين شمال او هي تشوف خالها ، والشاب كان يضرب سليم بقووة

سياره الشرطه وصلت خالها نزل وحضن انسام
والشرطه مسكت سليم

الحاج علي: الحمدلله على سلامتش يابنتي

انسام ماقدرت ترد خلاص حلقها نشف من كثر ماخافت
.
.

عند راكان..
اتحرك معه

كمال: طيب بس خايف

راكان: من ايش خايف

كمال: خايف يكون ابي هو اللي كلفه بمهمه ومايشتي نعرف

راكان: وايش هذا الخبر ابي بيعلمنا بكل شي بعدين آخر فتره عبدالله بيتصرف بغرابه واكيد انت لاحظت هذا الشي

كمال: ايووه صح كلامك يلا اسرع شوويه
.
.

عند محسن..
عصماء لاتخااافي ياقلب ابوووش انا جااي لاعندش خليش قوويه

عصمااء: طيب بس قلووا لي انتووووا بخيرررر😭😭

محسن: ايووه اييوه بخيررر لا تقلقي وانا مساافة الطريق وانا عندش

عباس سحب التلفوون من يد عصماء: اسمع يالخسيس والله اذا ماجبت معاك اللي ابغااه والله لا اقتل بنتك وقفل التلفون

عباس قرب من عصماء: ااااسمعين زين ابوك اذا وصل ماابغى ولا صوووت فهمتي خلك عااااقله

عصماء: تماااااام بس لاتأذي اابي

عباس: هههههه عارفه عباس انتي حنووووون

@rewayatyamania المصدر الأول للروايات

عند خليل...
ماهو هذاااا يامحسن

محسن: هذا اللي سمعته ذلحين انا عد اسير وعلى الله خاايف يأذي بنتي ياخليل

خليل: ساابر انت رسل لي العنووان وانا جاي انا واالشرطه

محسن: ماااعه خلي نفسك بعيد انا عد اتصرف معه انت كفيت ووفيت ومشكور على كل جهوودك معي

خليل: الله المستعان خلاص رسل لي العنوان على الاقل اكون على تواصل معك

محسن: سااابر
.
.

في قسم الشرطه..
الشاب: هذا ماعندي يافندم

الضابط: طيب تقدر تمشي

الشاب: ساابر

الشاب خرج من غرفه التحقيق

محمد: مشكوور يااا اخ

الشاب: انا اسامه

محمد: شكرا يااا اخ اسااامه والله معروفك هذا عيجلس دين في رقبتي

اسااامه: لاتقول هكذا انا ماعملت الا الواجب

محمد: تسلم والله يكثر الرجال من امثالك

اسامه: الله يسلمك امانه عليكم اذا احتجتوا اي حاجه هذا كرتي اتصلوا فيني

محمد: ان شاء الله ومره ثانية ألف الف شكر

اسامه مشي بس باله عند البنت نفسه يعرف ايش قصتهاا

الحاج علي: يلا نروح خلاص سليم دخل السجن وان شاء الله نرتاح منه للابد

انسام: ان شاء الله بس طمني ياحاج علي
القضيه اااا

الحاج علي: القضيه كأن ولاهي موجوده اطمني وسمعتش مثل الذهب

محمد: والله ياحاج علي مدري كيف اشكرك والا اعبر

الحاج علي: لاتشكر ولاتعبر انسام مثل بنتي واشتي اطمنش انو انا لا شفت ولا سمعت وسرش هذا في بير عمييييق عيشي حياتش واشتي تعلمي حاجة واحدة يابنتي قبل اي عمل تعمليه انش تستشعري وجود الله وان العمل اللي عتسويه يرضي الله او مااشي ولاتستهيني يكون هذا العمل صغير والا كبير تمام

انسام: ان شاء الله وانا فعلا كانت غلطتي كبيره ولولا ستر الله ووجودكم معي يعلم الله ماكان عيقع بي😭😭

محمد شاف انسام منهاااره وتبكي بهستيريااا ضمهاا لاحضنه وطمنهاا: لاتخافي يا قلبي انا معش

انسام: انا فدالكم يااخال بس امي ماعنقلها

محمد: خليها علياا

الحاج علي: يلا ياحبايبي نروح والحمدلله انتهت المشكله وهذا التلفوون حق الزفت اكسريه والا احرقيه

انسام: شلووه ياخال واكسرووه😭😭😭
.
.

عند راكان...

وقف

كمال: ايوه خلينا نراقبه

راكان: انت خليك مكانك وانا عد الحقه لا داخل

كمال: يامجنوون انت عارف ما به داخل لايكون متورط مع عصاابه

راكان: على الله يلا دعواتك
راكان لحق عبدالله بحذر

كمال مريع بس شااف حمدي: حمدي حمدي

حمدي التفت لاعند الصوت من كمال قرب لا عند كمال: من اداك لا هنيه

كمال: عد اكلمك بعدين انت مامعك

حمدي: هااه وحكا لكمال ليش هو هنيه
.
.

عند عصماء مغلق عليها في غرفة
وعباس وعبدالله مريعين لمحسن
وراكان كان يراقب
.
.

في فله خليل...
ياخديجه اسمعيني

خديجه: لا شسمعش ولا شي انتي اخطي بعدي وبس

ماجده: اووف منش انتي ماتعرفي ولدي راكان عنيد والصراحه يعجبه ينقي من نفسه

خديجه: قد شفنا كيف نقى ولدش ماعليش منه هذيه المره اختاري له انتي عارفه لش عتقدري تقنعيه

ماجده: عد اكلمه بس ياارب يوافق
.
.

عند عباس..
محسن وصل لاعند عباس

حمدي شاافه: وايش جابه

كمال: هذا محسن اللي كان في بيتنا

حمدي: ايوه صح بس ليش جاء لاهنيه غريبه

كمال: ماهو الغريب الله يخليك ياااااحمدي فهمني ايش في
.
.

في داخل الخررابه...
عباس: حيااا من جاانا تأخرت والله

محسن: ...





📚 @rewayatyamania  🇾🇪

.

البــارت 36 ☆


أخطــاء المـاضي 🤎


👌🏻👇🏻 😍
📚 @rewayatyamania  🇾🇪


عصماء: وليش العب عليك مالك انا بس اشتي اعرف وين مكان ابي

عباس: ابوش مااااات وشبع موووت جايه دحين تسألين عليه هههاهااهااها يلا سكري ياشينه سكري

سلامي: مالش صفرتي ماقلش هذا عباس

عصماء: قال ابي ماتتتت ماات يمه

سلامي ضمت بنتها: مالش لاتصدقيه هذا واحد حيوان يشتي يستجرش في الكلام صلي على رسول الله
.
.

في االصباح تحديدا في بيت عرفات...
صبااااحك ياااروحي

عرفات: صباحش حبيبي

عبير: تصدق هذا احلى صباح في حياتي كلهاا

عرفات ضم عبير: ومن اليوم صباحش عيكون احلى واحلى

عبير: احبك 😍 خيراات

عرفات: وانا احبش والكل يلا صبحيني اشتي اخرج معي عمل ضرووري

عبير: الآن حياتو ادي لك احلى صبووح
.
.

في فله خليل..
كمال: صباحك يااحلى اب بالدنيا

خليل: صباحك خير وبركة وين اخوك ليش مانزلش معك

كمال: قال شويه وينزل خلينا نصتبح ونسير للشركة معانا عمل

ماجده: يلا اصتبحوا وراكان عيلحقكم

خليل: طيب كمال اليوم حمدي ما عيجي للشركة انا كلفته بعمل خارج الشركة تمام

كمال: وليش يابه

خليل: لاتسأل تمام
.
.

في غرفة راكان...
ااحح ياانسام مسرع نسيتي حبي لش الله يسامحش هكذا تخليتي عني بسرعه هذا حبش اللي كان مستحيل يتغير 💔
.
.

عند عصماء...
خير خير زيدي حاولي تتصلي زني عليه لوما يرضى يقابلش تمام

عرفات: لاتخافي انا معش خطوه بخطوه

عصماء: انا مش خايفه بس عباس مايجي بسهوله

سلامي: زيدي حاولي ان رضي يقابلش ماشي عنستخدم معه اسلوب ثاني

عرفات: ان شاء الله ما نضطر نتعامل معه بالعنف

عصمااء: يارب
.
.

في بيت انسام...
هاجر: خير ياقلبي ليش ماتصتبحي

انسام: والله مابه نفس يمه الا قلوا لي يمه خالي اتصل لكم

هاجر: لا بعدين ليش يتصل وعاده عندنا امس

انسام: هااه ايوم صح انا بس سألتكم

هاجر: طيب يلا قوومي ادخلي المطبخ خالش عيجي يتغدا عندنا انا نبيت عليه امس قبل مايروح 😉

انسام: حاضر 😅
.
.

في الفندق...
مااادري ليش اتصلت فيني اكيد براسها موال وتبغى تغنيه طيب ياعصمااء وراش حتى اشوف شو تخططين

@rewayatyamania المصدر الأول للروايات

في الشركة...
امس راعيت وانت ولاجيت ليش

عبدالله: والله ياعم امس المشوار بعيد ماعد وصلت الا اخر الليل قولت يمكن قدك نوم

خليل: الله المستعان كنت عتتصل والا تعمل رساله لكن يلا حصل خير حاكيني مافعلت

عبدالله: الصراحه مالقيت احد ومحسن هذا ضحك عليك

خليل: كيف

عبدالله: يعني هذا محسن ثعلب يشتي يورطك معه واصلا المكان اللي قلك به سرت ومابحد خالص اقول لك زيد اتصل به وخليه يأكد لك يمكن انت فهمت غلط

خليل: يمكن الآن اتصل له

عبد الله بيحاكي نفسه ( هههه وقعت بالفخ ياخليلوو الآن عد اعرف وين مكان محسن)
.
.

جنب االفندق...
حمدي مزروع جنب الفندق بس ماشاف احد قرر انه يطلع ويشوف
.
.

نرجع للشركة...
خليل: يمكن محسن كذب عليا

عبدالله: ليش ماقلك

خليل: العنوان نفسه غريبه مالقيت احد

عبدالله: لاتهم ياعم اجلس زن عليه لوما يقلك الصدق

خليل: اكيد اكيد يلا روح عملك ولاتنسى ماتسلم هولا الورق لراكان

عبدالله: ابشر بعزك خدمات ثانية

خليل: تسلم

خرج عبدالله من الشركة وعلى طول اتصل لعباس

.
.

عباس: الو بشر ويش عندك

عبدالله: معي لك خبر بمليون

عباس كان يحاكي عبدالله وهو بينزل من الدرج
حمدي شاافه وخرج الصوره من جيبه يتأكد وفعلا طلع عباس عمل نفسه طالع وعباس نازلي
ايوه ويش قلت

عبدالله: محسن محسن في فله خليل

عباس: متأكد من الخبر

عبدالله: اكيد

عباس: حلو يلا نفذ اللي قلت لك عليه من دون تأخير

عبد الله: سابر

عباس قفل التلفون واتصل لعصمااء: الو

عصماء: عباس خير او عرفتوا شي على ابي

عباس: اي عرفت بس ابغى اقابلش

عصماء: تمام بس اوعدني ماتأذيني

عباس: لا تخافي اشوفك تمام

عصماء: تمام بس لا وين

عباس: انا راح ابعث لك اللوكيشن ونلتقي في المكان المطلوب بس لاتتأخرين وقتي من ذهب وما ابغى اضيعه مع امثالك

قفل السماعه وكمل طريقه

حمدي: والله ياعباس انك مش هين انت اخبث من ابليس اعوذ بالله الآن اتصل لخليل
واحاكيه
.
.

عند كمال...
هيا مه مالك جالس مهموم

راكان: مش مهمووم بس مستغرب

كمال: لاتستغرب يااخي في ناس ماهمها في هذيه الدنيا الا الفلوس مايعرفوا حاجه اسمها حب

راكان: وانا امنت وبصراحه ماكنت متخيل ان انسام تنساني في يوم وليله وبهذيه السرعه

كمال: احسن ماعملت والله يلا اليوم انا عد اعزمك على حسابي

راكان: امانه ومن اي حين

كمال: من اليوم يلا قوووم
.
.

عند خليل...
تمام يلا خليك بعده وانتبه يغيب عن عينك

حمدي: طيب يلا مع السلامة

خليل: مع الله ياارب سهلها ياااارب
.
.

عند عبدالله...
وذلحين كيف اسوي

عباس: ...





📚 @rewayatyamania  🇾🇪

.

البــارت 34 ☆


أخطــاء المـاضي 🤎


👌🏻👇🏻 😍
📚 @rewayatyamania  🇾🇪


راكان: شوف يا دكتور هذيه االفحوصات اللي سويناها قبل مانجي لاعندك

كمال: اخي يادكتور ما بيعاني من وجع راسه بشكل مستمر

الدكتور كان يشوف الفحوصات: شوف ياكمال في بعض االحالات ما يظهر المرض بسرعة

راكان: يعني الفحوصات تأكد ان معي ورم او ايش
.
.

عند خليل...
عرفات: يعني ماعرفت مكان محسن

خليل: للاسف لا بس معي خطه نخلي محسن يظهر

سلامي: ياريت وايش هذيه الخطه

خليل: الحل بيد بنتش

عرفات: مااهووو

سلامي: بنتي ياخليل ماااعه

عصماء: مالكم يمه اهدأوا بعدين انا مستعده افدي ابي بروووووحي اهم حاجه يرجع لنا بالسلامه

خليل: ان شاء الله عيرجع وعباس الخسيس ياخذ جزاه

عرفات: بس ماتكون الخطه فيها خطر على حياة عصماء

خليل: لاتهم ولا شي الخطه فيها شويه مغامره بس لاتقلقووا

سلامي: كيف لانقلق واحنا عنغامر بحياة بنتي للمره الثانيه

خليل: طيب قلوا لي ايش الحل اذا معاكم حل ثاني قلتوا لي

محسن كان يشوف عصماء وينزلين دمووعه اشتاق لها كثير اشتاق يسمع ضحكتها

عرفات: سابر ياخليل قل لنا ماهي الخطه اذا فيها مغامره كبيره وفيها خطر على عصماء احنا عننرفضها بالمره

خليل: اسمعوا

@rewayatyamania المصدر الأول للروايات

عند انسام....

الحاج علي: خير خير

محمد: ايش الخير في الموضوع

الحاج: اقلك هذا سليم جالس يهدد انسام تقريبا كل يوم صح

انسام: ايوه وعاده قبل شويه ارسل مسج بس هذيه المره يشتي مبلغ كبير

محمد: ياالله واذا ماجبتي له الفلوس عينشر صورش صح

انسام: 😭😭😭

محمد: ياجنااااه والفعله

الحاج: ااااصه انت وهي انا عد اقول لكم مانسوي

محمد: سمعنا ماعنسوي بهذيه المصيبه

الحاج: انسام رسلي لهذا سليم مسج انش موافقه تدي له الفلوس وحددي معه موعد تمام

محمد: مااااهو مااااهووو

انسام: 😭😭

محمد: ذلحينه ابكي ابكي يا بنت اختي ماعد ينفع الندم

الحاج: سمعتي يابنتي ماقلت

انسام: ايوه وبعدين ماعد اسوي

الحاج: انتي بعد ماتحددي معه موعد انا عد اسير انا ومحمد للشرطه

محمد: ياااافضيحتااااااه ياحاج علي

الحاج: ليش فضيحه يامحمد الفضيحه هي الاستمرار في الغلط سليم لازم يااخذ جزاه

محمد: ايووه وبعدين الشرطه تمسكه والناس تعرف القصه وسيرتنا تقع على كل لسان مه

الحاج: مالك صلِ على رسول الله هذا كله عيكون في سريه تاامه لاتقلق

انسام: انا استاهل المووووت اقتلووني وريحوني😭

محمد: ياريت وانا اقدر اقتلش بس حسبش الله

الحاج: شوف يامحمد كلنا بنغلط بس حلو الواحد يصحح غلطه وهذا سليم عيخذ جزاه بإذن الله
.
.

عند الدكتور....
كمال: خير يادكتور

الدكتور: خيرررر ولا في راكان شي حالته مطمنه

راكان: كيف

كمال: يعني مابش شي

راكان: يعني انا بخييييررررر ولافي راسي حاجه

كمال: طمنى الله يحفطك

الدكتور: ههههههه صلوا على النبي وآله مالكم

راكان: صلوات الله عليه وآله اعذرنا يادكتور

الدكتور: سهل حالتك مطمنه الحمدلله ومابش شي
بس

كمال: بس ايش😳

الدكتور: يمكن في كيس دهني هذيه هي المشكله

راكان: كيف

الدكتور: كيس دهني يعني مابش فيه اي ضرر يمكن يتعالج بأدوية او عمليه صغيره

كمال: يعني عادي والا في خطر

الدكتور: لا مافي خطر ابدا

راكان بعد ماطمنه الدكتور سجدلله

وكمال دمعين عيوونه وضم اخووه

الدكتور: الحمدلله وفي حالات توصلني مشابهه لحالة راكان وانصح اي مريض بيحس بتعب غريب على طول يشوف دكتور وهذا بيساعده على الشفاء بإذن الله
.
.

في فله خليل....
وهذيه الخطه ايش قلتوا

سلامي: الخطه خطيره وانا مش مستعده اخسر بنتي

عرفات: طيب نفترض ان عصماء نفذت الخطه تقول خلاص عباس انتهى

خليل: اكيد وبعدا عصماء مش غبيه او ماقلتي ياعصماء

عصماء: طبعا انا مش غبيه ومستعده انفذ الخطه وعادي اذا حصل لي شي فدا ابي دام فيها سلامته

سلامي: عوذبي من الشيطان ان شاء الله مايقع شي لا لش ولا لابوش

خليل: خلاص اتفقنا وان شاء الله في هذا الاسبوع ننفذ

عرفات: طيب وانا اجهز اكون عند حسن ظن اختي انا ظلمتش خيرااات يا اختي ومستعد افديش انتي وبنتش بروحي واتمنى تسامحيني

عصماء ضمت خالها: انا احبكم خيراات يا خال

سلامي: الله مايحرمنا منك

خليل: الله يديم محبتكم والله يسهل لنا

عرفات: ياااارب وشكرا لك ياخليل على تعاونك معانا

خليل: العفو بعدين مابين اعمل الا واجبي

عرفات: تسلم قبل مانروح اشتي اسألك سؤال

خليل: اتفضل

عرفات: انت ومحسن كيف اا

خليل: عارف ماعتقل كيف اتعرفت عليه صح

عصماء: صح ياعموو خليل كيف اتعرفت على ابي

خليل: بكل بساطه انا الشخص اللي كان محسن يورد له البضاعه من السعوديه

عرفات: 😳 مااااهووو

خليل: ...




📚 @rewayatyamania  🇾🇪

.

البــارت 32 ☆


أخطــاء المـاضي 🤎


👌🏻👇🏻 😍
📚 @rewayatyamania  🇾🇪


طبعا اخي فكر نفسه انو بالتسجيل حقته راح يضغط عليه بس عباس بعد ماسمع التسجيل
عمل لاخوي كف وقال له تتجسس علي يا شبر ونص وامر علوش ياخذه ويقتله

محسن بيسمع بس مش مستغرب لانو عارف لعباس اكثر واحد

محسن: تمام صدقتش والمطلوب مني ادي لش اللي قولتي صح

منى: صح

محسن: وكيف اديهن ومن اين اديهن

منى: انا راح اقلك ولعلمك انا وعباس مافي شي بينا وهو اصلا مش عارف اني عارفه انو قاتل اخوي اشتي اخليه يطمن لي لما اكمل مهمتي بعدين عادي اذا قتلني

محسن: هاتي الخطه وانا مستعد اساعدش

منى: الخطه انا راح اروح للشركة وادخل مكتب عباس طبعا راح نروح في وقت عباس مايكون موجود انت راح تجي معي بس مش كذا راح تلبس نقاب ع اساس انك رفيقتي

محسن: ليش ما تروحي انتي وتشلي اللي تشتي

منى: عباس معاه كيمرات مراقبه في كل مكان
يعني راح يكتشف ان الذاكره والملف معي وبكذا راح يقتلني وياخذهن فهمت بس انا راح اامنك انو في حال كانو معاك روح على طول بلغ الشرطة

محسن: عرفت ايش تقصدي يعني انا ما عيعرفني عباس لاني لابس نقاب صح

منى: صح انت اهرب على طول وانا عادي ارجع لفلتي كأنو ولا في شي

محسن: بس عباس عيدرا انو انتي ويمكن يعذبش عشان تعترفي من اللي كان معش

منى: عارفه قلت لك عادي يعذبني يقتلني اهم شي انتقم منه

محسن: سابر ومتى راح نبدأ

منى: بكره الساعه ثمانيه االصباح

محسن: وانا مستعد
ــــــــــــــــــــــــــــــــــــــــــــــــــــــــــ

@rewayatyamania المصدر الأول للروايات

حمدي: وانت ماقلت لها انك تعرف عباس او حتى عرفتها على نفسك

محسن: لا لاخر لحظه ماعرفت من انا

خليل: سبحان الله كيف زوجة عباس التقت فيك

محسن: ايوه والله عباس ظلم كثير ناس والله يمهل ولا يهمل

حمدي: لا اله الا الله

خليل: طيب وايش اللي حصل

محسن: فعلا دخلنا المكتب وشلينا الذاكره والملف
بعدين حصل؟؟

ـــــــــــــــــــــــــــــــــــــــــــــــــــــــــــــــ

منى: عباس اهرب خلاص وامانه في عنقك سلم الذاكره والملف للشرطة

محسن: طيب وانتي ماعتسوي

منى: طبيعي عد ارجع للفله واللي ربك كاتبه يامحلاه

محسن: طيب

واحنا بنتكلم فجأة شفنا سياره متجهة صوبنا
منى خافت وكانت تصيح اهرب يلا الله يخليكك
انا مادريت ماافعل خاصه وانا لابس النقاب قلت في نفسي خلاص هذيه النهايه
ومنى كانت تصيح بالله عليك اهرب

انا هربت بس في نفس الوقت كنت خايف عليها
السيارة وقفت جنب منى رجال ضخم خرج من فوق السيارة وخلا منى تدخل بالغصب بعدين ماعد عرفت وايش مصيرها
وبعد فتره عرفت ان عباس قتلها 💔

وعرفت كمان ان عباس عرف انو انا اللي دخلت المكتب وشليت الذاكرة والملف
بعدين قررت ارجع اليمن ومش عارف كيف بنتي وايش وقع في غيابي
ومن هذاك اليوم عباس بيدور عليا وجيته اليمن هي عشاني

حمدي: عباس في صنعاء

خليل: ايوه والآن خلونا واللي حصل حصل نشتي نمسك عباس ونسلمه للشرطه في اقرب وقت

حمدي: طيب مانسوي

خليل: انت خلي بالك من عباس راقبه لحظه بلحظه تمام

محسن: وانا ايش دوري

خليل: دورك تشل الملف والذاكره للشرطه بعدما نطمن ان عباس وقع في الفخ

محسن: فخ ايش هذا الفخ

خليل: بنتك يامحسن

محسن: بنتي وايش دخل بنتي

خليل: اسمعني انا عملت خطه وان شاء الله تسبر بس تشتي شويه مغامره

محسن: بالله عليك يا خليل لاتدخل بنتي خلها بعيد

خليل: ضروري يامحسن بنتك تكون جزء من هذيه الخطه

محسن: انت قلت لي وعاد انا في السعوديه انك تساعدني بس بنتي تكون بعيد او ماشي وذلحين عد اعرض بنتي للخطر للمرة الثانيه لا يا خليل لا

حمدي: اسمع يامحسن ايش الخطه اول بعدين نشوف

محسن: انت اسكت كل هذا من تحت رااااسك

حمدي: ورجع مالك

خليل: ااااصه انت وهو بعد العصر عبدالله عيجي لاعندي واشوف ما عمل وفي المسااء اقول لكم ايش عنسوي ذلحين خلونا نصلي بعدين نتغدا

حمدي: طيب وانا عد اروح ونلتقي المساء ان شاء الله

خليل: طيب
.
.

عند ماجده..
مالك ياراكان صورتك مش معجبة لي

راكان: احح يمه اليوم انسام فسخت الخطوبه💔

ماجده: 😳 ماهو

راكان: اللي سمعتووه

ماجده: ههههه هو هذا اللي مزعلك ولا عليك عادي بعدين احسن شي لانو بصراحه ماارتحت لها بالمره وقد جت من عندها اتحمد الله وخيرها في غيرها والله لا ازوجك بواحده احلى واحسن واااجمل منها

راكان: الحمدلله قد انا جاوع يمه قد شي غداء

ماجده: فديتك اكيد واحلى غداء لاحلى راكان

وهي ماشيه للمطبخ: يووه ياااربي لك الحمد استجبت للدعاء حقي
.
.

عند انسام..

خالها محمد: اليوم عزمت نفسي وجيت اتغدا عند اختي حبيبتي

هاجر: فوق عيني وراسي والله فرحت من داخل قلبي

محمد: كنت عد اجي قبل العصر عشان اشل الحاجات حق الخطوبه ليكن قلت اجي من ذلحين😁

انسام: ههههههه فد يتكم ياخالو

هاجر: الآن ادي احلى غداء





📚 @rewayatyamania  🇾🇪

.

البــارت 31 ☆


أخطــاء المـاضي 🤎

للكـاتبـة: همـس الغــلا

👌🏻👇🏻 😍
📚 @rewayatyamania  🇾🇪


نرجع محسن....
وانا متى كلمتك بهذا المكان اصلا

خليل: انا عارف ان انت ماكلمتني بس في راسي حاجه اشتي اتأكد منها

حمدي: وانا ايش دوري

محسن: انت دورك تموت

خليل: محسن اااااصه من حقك الهدره هذيه عباس مش بسيط وانا عارف ومتأكد انو بيدور بعدك ويشتي يوصل لك بأي طريقه

حمدي: ماقلتليش ايش دوري

خليل: دورك تراقب عبدالله خطوه بخطووه

حمدي: من هذا عبدالله

خليل: هذا واحد موظف عندي وكنت احبه واحترمه واوثق فيه بس طلع خاين ويتعامل مع عباس

محسن: مااهو وكيف عرفت

خليل: عرفت اليوم وزاد اكد لي انو كان يشتي يعرف مكانك بأي طريق

حمدي: وانا ليش انت واثق فيني وانا ماقد لي الا يومين اشتغل معك وتشتي تخليني اراقب عبدالله

خليل: عارف انت عتستغرب انت ياحمدي معك ثار عند عباس وتشتي تنتقم يعني مش معقوله تتعامل معه وقد اذاك واذى ناس ثانيين صح

حمدي: صح كلامك والله لو القاه لااشرب من دمه والله عيشني عيشه بعد مانصب عليا الله لارواكم تبهذلت واشتغلت في كل مكان حتى اني اشتغلت مكنس في مستشفيات

محسن: والله انك تستاهل وانا ماعتقل فيني لو القاه والله لا ادفنه حي ضيع حياتي وحياة بنتي اهانها وضربها وشافت منه الويل

حمدي: مادخل بنتك

خليل: اقلك انا محسن زوج بنته لعباس وسفر مرته وبنته على هذا الاساس فهمت

حمدي: وليش سويت ببنتك هكذا ماذنبها

محسن: عباس الكلب وعدني لو ازوجه بنتي لا يعفيني من الفلوس اللي عندي وانو عيسلمني الذاكره والملف اللي فيهن كل العمليات

حمدي: يااااساتر ايش هذا اللي بين اسمعه

محسن: واكثر من هذا بكثير عباس خدعني بس انا انقذت نفسي في الوقت المناسب

حمدي: كيف

محسن: في يوم كنت ماشي شفت واحده تبكي

@rewayatyamania المصدر الأول للروايات
ــــــــــــــــــــــــــــــــــــــــــــــــــــــــــــــ

مدري مالها هذيه اقرب ابسر مافيها يمكن تشتي مساعدة

خير يااخت او في شي

مافي شي انت مالك داخل

محسن: طيب براحتش

منى: ممكن تساعدني

محسن: سابر بس حاكيني مالش

مني: انا ابغى منك تساعدني اذا ماعندك مانع

محسن: اكيد ماعندي مانع

منى: ممكن تدخل السياره حقتي عشان اقدر اتكلم معاك

محسن: تمام

دخلوا السيارة

منى: انا اسمي منى وابغى منك مساعده انسانيه قلبي يقلي انك انسان طيب

محسن: هههههه ومسرع عرفتي اني انسان طيب

منى: قلبي قلي ما مهم شوف انت راح تساعدني وانا راح اعطيك مبلغ وقدره يعني

محسن: يعني ايش ادخلي في الموضوع

منى: انا ابغى انتقم من شخص وجوده بهذيه الحياه خطر انسان مجرم

محسن: هههههه او شوفتيني مجرم او ايش

منى: انت يمني صح

محسن: صح

منى: باين من شكلك انا راح احكي لك قصتي وانت احكم اذا تبغى تساعدني والا لا انا اتزوجت واحد ظالم اناني يحب مصلحته وبس هذا الشخص دمر حياة كثير ناس واولهم انا

محسن: انتي زوجته يعني كيف دمر حياتش

منى: انا ادور على واحد قلبه جامد مايخاف الا من الله وانا شفت انك الانسان اللي ادور عليه

محسن: طيب بس ليش انا بالذات شووفي كم ياناس حولش

منى: معك حق الناس حولي كثير بس ولا احد تجرأ وسألني ليش ابكي الكل خايف على نفسه يعني مايبغون يتدخلون عشان مايصير شي مو زين فهمت

محسن: وانا اللي جيت وسألتش صح

منى: هههههه ايوه انت شجاع يعني مافكرت بشي مو زين على طول سألتني ويش فيني والصراحه انا قلت هذا هو

محسن: والمطلوب

منى: المطلوب انك راح تجيب لي ذاكره وملف

محسن: ومن اين اجيبهن لش وايش فيهن اصلا

منى: هذول بداخلهن بلاوي ادلة واثبات للجرايم اللي بيسويهن زوجي المصون

محسن: زوجش يعني ماهو بعدين مابش احـد تسوي بزوجها هكذا

منى: الا في انا ابي احرقه امحيه من الوجود حتى لو كلفني حياتي

محسن: ياساتر ومنوا هذا زوجش

منى: عباس الــ **** هذا الاجرام كله

محسن: 😳😳 عباس عباس.. الــ** ماغيره

منى: ليش تعرفه

محسن: هاااه لا بس اسمع عنه

منى: الله يخليك ساعدني واخذ اللي تبي اهم شي تجيب الذاكره والملف 😭

محسن: طيب انا عد اساعدش بس اشتي اعرف مافعل

منى: زوجي ربي ينتقم منه قتل اخي قتله بدم بارد

محسن: وليش قتله

منى: اخوي بعد ما عرف ان عباس يضربني ويهين كرامتي قرر يواجه عباس ويعمل معه موقف طبعا اخي راح عنده للشركة بس سمع كلام مو زين
اخوي على نياته خذ تلفونه وسجل كل الكلام اللي دار بينه وبين علوش اخوي دخل بكل ثقه لاعند عباس بكل شموخ وكلمه باللي بسويه فيني
عباس ضحك ضحكه شيطانيه وقله برافو وصار معاك لسان تحكي يافهوودي

طبعا اخي فكر نفسه انو بالتسجيل حقته راح يضغط عليه بس عباس بعد ماسمع التسجيل
عمل لاخوي كف وقال له تتجسس علي يا شبر ونص وامر علوش ياخذه ويقتله

محسن بيسمع بس مش مستغرب لانو عارف لعباس اكثر واحد

محسن: ...





📚 @rewayatyamania  🇾🇪

🤎

بـارتـات يـومنـا الثـلاثـاء 👆🏻😍