بارت 1



رنا: رحاب كعدي شبسرعه نمتي.

امنه : شتردين منها متشوفيها نايمه خطيه.

رنا: مالج علاقه انتي زبيده دكعدي شتفقت وياج.

رحاب..عووووفيني ستوني غفيت .

رنا..كومي لاونبي مانطيج مبايلي بعد وتعرفيني اسويها.

امنه...شبيج انتي ناس كلها نايمه وين تردين بيها.

رنا..بس لو صمين حلكج اني بخير بكلشي حاشره روحج شغله بيني وبينها.

امنه...اني هم صوجي ادخل شلي علاقه باوعت

رحاب كعدت تفرك بعيونها وخلت شال على راسها

ونسحبن من الغرفه هيه ورنا،عبالهن اني زغيره وماعرف سوالفهن
فتحت كتابي ودخلت لعالمي الخاص مبايل ماعندي

من اروح للمدرسه امر للمكتبه اشتري بس قصص

واكعد اقراه بوقت فراغي مالك من يسافر هم

يجيبلي مجموعه كتب وقصص

مالك ماعرف ليش يميزني عن الكل ويهتم

بكل تفاصيلي من قبل لا يتزوج اني اغسل ملابسه

واكويهن اكله اني احضره اله وحتى من يطلع

ويسافر بس اني يذكرني

الفضول كتلني اريد اعرف رنا ورحاب وين راحن

وشعدهن ومو اول مره دوم هيج طبكت الكتاب وكمت من فراشي

ضربت نسيم برجلي اريدها تكوم وياي رايحه بسابع نومه ضليت اكعد بيها كوه يلا كامت

اني امشي وهيه تمشي وراي بتك عين اصلا متدري بنفسها
البيت اضلم بس غرفه الشيخ ضواها خافت يعني كاعد
خفت اطلع خليت ورجعت للغرفه نسيم بوجها للفراش
واني ضليت انتضرهن شويه وطبن وبيد رنا علاكه وضحكه شاكه حلكها كتلها وين رحتن.