قصص💜✨

تكلم ببتسامة هو يباوع الها وكانها اعظم انتصارته
زكي:- كلبي انا اروح اجيب عشى من سوك نواشف لتعبين نفسج

تكلمت بتعب
أسراء:- يي والله بالگوة شايلة نفسي وهذا ابنك خبلني بس يرافس

تقرب باس راسها
زكي:- اروح اله فدوة هو وأمه

طلع وهي تباوع وراه بحب وتذكر خباله وشلون تزوجها ورجعت تفكر

..
..
ورى سبوع من عرفت بي انو هم اهلها دخل الها للغرفة وقفل الباب وبيدة بطل
فزت وسحبت شالها ولفته
تسنيم:- انت شجابك شو طاب چفت لا احم ولادستور

زكي:- قرارج شنو

تسنيم:-ياقرار

زكي:- تزوجيني

تسنيم:- صدك لو گالوا انا بياحال والدفان يغمزلي

زكي:- شوكت غمزلج ولج ياااهو هذاا

تسنيم:- مثل مثل يابني ادم مثل هذا

زكي:- يي بعد لتحجي

تسنيم:- لابالله

زكي:- ي والله

تسنيم:- زكي عوفني ترا مابيه فايدة والله شوفلك وحدة غيري

زكي:- يعني شنو

تسنيم:- الله يوفقك وي غيري

زكي:- خوش لعد

فتح البطل ورشه على روحة وبالكاع

تسنيم:- شبييك تخبلت شجاي تسوي

زكي:- احرك روحي واحرگج ونلتقي بجهنم

تقدمت تريد تسحب البطل شمرة وطلع قداحة

لطمت على وجهه
تسنيم:- يمه راح يحرركنا هي بس هاي ضل ماشفتها

كتم ضحكته
زكي:- توافقين لو اشعلها يالله قرري جدي يزفنا لو ابو لهب

تسنيم:- بس اشمر الجداحة يرحم موتاك

زكي:- جاوبي واشمرها

تسنيم:- موافقة والله موافقة

توجه للباب فتحه
زكي:- اروح اسبح لزكت

تسنيم:- بس النفط مايلزك

زكي:- ومنو كلج هذا نفط

تسنيم:- لعد شنو

زكي:- مي وصبغة صفره بس شو كام يلزك بعدين تعاي جاي شايفتني مسودن واشوه جمالنا شجاج ام عقل البشة

حجاها وطلع يركض گعدت بالگاع مهدود حيلها

رجعت من صفنتها على كلامة وياها وهو مخلي ايدة على خدة وصافن بملامحها
زكي:- كثرانه صفناتج بس لا حبلة بمطي

أسراء:-انت شوكت اجيت

زكي:- هاي جيتي بشنو جنت تفكرين

ضحكت وهي تباوع اله
اسراء:-تذكرت من ردت تحرگ روحك وتحركنا بمي وصبغه وانا عبالي نفط

ضحك وهو يتذكر
زكي:- يي شعبالج لعد

اسراء:-بربك هاي فكرة منو

زكي:- الصراحة فكرة زكريا لان انا سوالف هاي مادبرها

اسراء:- ييي انت مالت سلاح وتكفخ مو مالت حب

ضحك وتقرب الها ولزم الوحمة
همس وهو يغوص بنظراته داخل عينيها
زكي:- عيونچ ذوبن گلبي وعمَني

ابتسمت بخجل وحركت خصلات شعرها ورى اذانها
أسراء:- لهل درجة حلوات

ردف بنفس الابتسامة
زكي:- چنهن عسل الصافي وتسألني حلوات لو لا

سحبت ايدة الي لازم الوحمة بيهن وباستها بهدوء
وهمست بعيون مدمعة
أسراء:-احبك ياعوض ربي

ضم راسها بحضنه وهمس
زكي:- وانا اموت بيج ياضحكت سنيني وعافيتي
.
.
النهاية.........❤

_______
وها قد حان موعد الختام، حيث تنحني كلماتي بخشوع أمام آخر سطور الحكاية، أودع أبطالي الذين عشت معهم لحظات الألم والفرح، وشاركتهم أسرارهم وهمساتهم، حتى باتت مشاعري تنسج خيوط القصة معهم. إنها لحظة اختلطت فيها مشاعر الرضا بالفراق، وشعور الإنجاز بحنينٍ خفي إلى الصفحات التي لن أكتبها مجددًا.

أودّع قصتي، وأنا أعلم أن أثرها سيظل حيًا، ينبض بين الكلمات ويترسخ في ذاكرة من عبروا معها رحلة التشويق والغموض. أشعر كما لو أنني أترك جزءًا من روحي بين السطور، وأغلق الستار على عالمٍ صنعته من شغف وأحلام، وانتهى بحب وسلام

الهدوء مخيم على المكان، لحد ما وقف الشيخ عگاب بصوت هادي لكنه مليان ثقل:
الشيخ عگاب:- تسنيم بويه أكو شي لازم تعرفينه... حقيقة لازم تنكشف."

نظراتها ضاعت بين الوجوه، استقرت على أمها الي دموعها تسبق كلامها. سطام مدنگ ويمه بطل لماي واكف قريب عليها خايف لاتتخربط من الصدمة زكي الي عيونه ماوگعت من عليها خايف لاتفكيرها يتغير

صوت الشيخ عگاب الي يحجي بتوتر وثبات
الشيخ عگاب:- بويه تسنيم قبل اكثر من اربع وثلاثين سنه نفقدت النا بنت ضاعت الكل ضن انها ماتت لان ذيج الفترة الاوضاع والحروب ماخلت بشر عايش

تباوع اله تنتظر يكمل كلامة سكت وهنا سترسل ابو زكريا وكمل عن ابوه

ابو زكريا:-بعد مامرت السنين بدت ام سطام تشوف احلام تشوف بنتها تصيح الها تكول ساعدوني وبدينا ندور عليها الى ان لكيناها ولذالك يابنتي... والله مادري شاگول

سكت يمسح بوجه هنا تقدم سطام وگعد گدامها وكل شبر بجسمة يرجف طلع صورة من جيبه قدمها الها
سطام:- تعرفين هاي منو

بدت توضح عندها الرؤيا وتربط بالاحداث من كانت بيت اهلها الى الي صار وياها كله حجت تحاول تستوعب الحقيقة وتكول بكلبها بلكي جذب بلكي مو صحيح
تنسيم:- هاي اني

هز راسه ونزلت دمعة
سطام:-يي هاي انت من جنتي صغيرة بنفس السنة الي نخطفتي بيها

صمت ثقيل ساد الغرفة، عيون تسنيم توسعت من الصدمة، نظرات استغراب وارتباك، وكل اللي گدرت تنطق بيه بصوت مبحوح:
تسنيم:شلون

أمها تقربت، ضمتها وهي تبچي:
ام سطام:- انتي بنتي، دم مني ولحم مني يمه بدون شلون انت اسراء

تسنيم جسدها يرجف، عيونها تدور تدور تبحث عن تفسير، بس الحقيقة كانت أقسى من كل ظنونها. اللحظة اللي دمرتها بسؤال واحد
تسنيم:-ليش هيج ليش فرطتوا بيه ليش ضيعتوني

يباوع الها بنظرة تحمل ألم السنين:
الشيخ عگاب:-والله يابنتي الكل گال ماتت

تسنيم بين دموعها وارتباكها، نگطعت عن الكلام، بس صرخة صامتة بين عيونها حجت وهي مو مستوعبة تشهگ وتبچي
تسنيم:-لش خليتوني أعيش بكذبة كل هاي الاشهر

باوع الها زكي بانكسار
زكي:-كنتي تعبانة كلش حالتج النفسية متتحمل اي صدمة

حاجاها يحاول يلطف الجو
زكريا:- خوية شبيج تبچين لخاطر الله وين تحصلين عائلة مثلنا كيوت

لمن شاف محد تفاعل ويا سكت
گامت تمشي والكل گام وراها
حظنتها امها وهي تشهگ
ام سطام:-وين يمه

تسنيم:- اريد انام

حجت هل كلمتين ووكعت بين ايديهم الكل ركض الها سطام يرش على وجها الماي وهي بحظن ام سطام
بدت تستعيد وعيها ودموعها تجري ضمت نفسها بحصن ام سطام وصرخت صرخة هزت البيت
تسنيم:- وييينكم عيييني وينكم يالله وينكم تدرون شصار بيه حجولكم شكد اذووووني ولكم كلشي خسرت صحتي عافيتي ضناي مرتين خسرته ولكم تعبت والله تعبت

دنگ لزم ايديها وسحبها لحضنه
الشيخ عكاب:-كلشي يتعوض يابعد جدج اعوضج والله اعوضج

سكتت وشهكاتها الي مثل الطفلة كانت تشرح كل شي

تمسح بدموعها وتحجي
حور:- تسنيم خيه لتسكتين احجي اي شي

حجت بتوسل وهي گوة تسحب النفس
تسنيم:- اريد ارتاح بس اريد ارتاح فدوة عوفوني وحدي اريد استوعب

نهض ولزم عوجيته وبشماغة يمسح عيونه
الشيخ عگاب:- خلوها ترتاح اخذيها حور بويه لغرفتي

هزت راسها وسندوها هي وام سطام ودوها للغرفة مددتها على السرير وحور شمرت عليها الغطى
همست
تسنيم:- وفجر
گعدت تمسح على راسها
حور:- يم الولد لتخافين

شهكت شهگة وگالت
تسنيم:-شلون ماخاف لتضيع نفس ماضاعت امها

..
..
فزت من ذكراها على صوت زكي

زكي:- يالله گلبي نرجع لبيتنا

ابو زكريا:-ويينن دظلوا على العشى

زكي:- لا والله يابا هم مرتضى يريد يجي اليوم على العشى عيب لان باجر من صبح هو وؤونق يرجعون

الشيخ عگاب:- الف عافية وليدي براحتكم

زكي:- يجوز بالليل اجيبه واجي نتعلل وي الولد

الشيخ عكاب:- عفيه زين تسوي كل الهلا بيكم

شال فجر رغم كبيرة بس دلال زايد
اشر الها
زكي:- الله يسلمك... يالله گلبي

كامت رونق ويه تنسيم الي تبدل اسمها الى اسراء رغبة منها لان تگول اسمي ماشفت منه الا الفگر ارجع الاصلي قلباً وقالباً عسى الايام تسعدني

توجهوا مشي لبيت زكي وأسراء الي بعد زواجهم استقروا بي بنفس الفرع مالت بيت الجد حتى لايبعدون عن بيت جدهم وهم الحايط على الحايط ويه بيت ام سطام
وهم بالطريق همست حتى زكي لايسمعها
أسراء:-اخبار نوفل

جرت حسرة وگالت
رونق:- يتخابر وي سراج خطية عاش بالخارج هو وابو وهسه خاطب اله وحدة عراقية مقيمه بالخارج يكول حتى اخلفلي طفل يشيلني بكبرتي

اسراء:- الله يسعدة خطية

رونق:- انا مادريت بي يحبج الى ان سافر خطيه حتى من كعد من الغيبوبة و سمع بيج متزوجة زكي نسحب بهدوء وسافر حتى لاياذيج بس وصى ان نبلغج بحبه وهذا طلبة

اسراء:- الله يهني ويسعدة يذكرني بهمام

رونق:- توقعتج تحقدين علي

اسراء:- بالبداية حقدت بس من شفته بالحلم مقهور متت قهر ومانطاني گلبي اشيل علي اكثر... يالله سكتي وصلنا

دخلو للبيت

#سر_خلف_النقاب
#النهاية
#بقلمي_هدوء_أل_محمد


"وفي النهاية، تنتهي الحكاية، لكن تبقى الذكريات تتنقل بين السطور، معلنةً أن لكل نهاية بداية جديدة، وأن ما مضى كان جزءًا من رحلة طويلة لن تُنسى."
____

ببيت الشيخ عگاب، لمّة عامرة بعد سنتين. صوت استكانات الجاي يتصافق وضحكات الصغار تارسة البيت. الچبير والصغير ملتمين

الشيخ عگاب بجلسته المعتادة، عيونه تراقب الوجوه، يقرأ الفرح والحزن بسكوت. الشباب كبروا وصاروا رجال ونسوان واطفالهم يفترون وراهم، وكل واحد بيهم بيّن عليه الزمن،
اجت فجر تركض تبجي يم زكي
فجر:- بابا شوووف وطن عضني

باس ايدها بمكان العضة ووجه كلامة لزكريا
زكي:- ولك زكريا وخر ابنك المجلوب عن بنيتي

زكريا:-رجال ومرته لتتدخل بينهم هم يحلوها

ضحك سطام بصدمة
سطام:- لك هذا مصدك نفسه يربك

زكي:- خلي يحلم براحته

زكريا:- نتواجه عود

ابو زكريا:- يذكروني بيك انت وحور

زكريا:- اخذتها رغماً عن انوف الحاقدين

سطام:- انت واخوك فرهدتونا كلمن اخذ اله وحدة ادري قحط بنات جايين على اخواتي

ابتسمت وهي تباوع لرونق
رونق:- تذكرين يا اسراء

اسراء:- مستحيل انسه ذيج الايام

سافروا بذكراهم الى قبل سنتين
..
..
..
گاعدة بعباتي، عيني على الباب، اگول هسه تجي، شوي وتجي... أملي أنها ما تعوفني، بس خاب كل أملي من سمعت صوت هورن سيارته. إجا مرتضى واخته حتى ياخذوني للصالون.

گمت وفتحت الباب، أجر أذيال الخيبة، بنفس اللحظة شخطت سيارة ونفتح بابها. نزلت وي نزلتها دموعي تجري شايله فجر ركضت الها دموعي تسابق خطواتي، ضميت نفسي بحضنها، أشهگ من كل گلبي.

_عرفت، والله عرفت، مراح تخذليني

بعدت راسي، تمسح بدموعي وهي دموعها تجري، ابتسمت بوجهي وگالت:

تسنيم:-لتبجين كافي، شلون أعوفچ بهيج يوم، يابنت أبوي

غمضت عيوني، بعد ما تعرف معقولة صار سبع اشهر لحد الان مابلغوها اباوع الها واحجي الها وبودي احجي الها شلون دنيتي ضاقت، شلون نفسيتي انهدت. فتحت عيني، وبدون شعور، راحت عيني عليه... هو، واقف، يباوعلي بنظرات ما أگدر أفسرها. لا حب، لا حزن، لا حيرة، بس بيها شي يضوجني، شي يخليني أضيع بين تفسيراته.املتني بنظراتك وهسه خذلتني بيهن

حاولت أتجاهل عيونه، مسكت إيد تسنيم بقوة، كأنما إذا خليتها راح أوگع. سحبتني للداخل السيارة وهي تحچي وياي بصوت هادي:

تسنيم :- يلا حبي، لا تفكرين بشي، اليوم يومچ، وين ابتسامتج

ابتسمت الها، تمسك إيدي كأنها تريد تطمئن قلبي المرتجف وفجر الي تباوعلي مستغربة تجنن هل طفلة . وصلنا للصالون، الضحكات والألوان والعطور ملت المكان. عيني تراقب التفاصيل، بس عقلي بعيد، مشغول بتفاصيل ما تخلص. ياترى هل هاي الخطوة صحيحة؟ لو لا

بدت ترتيبات الخطوبة، الصالون مزدحم، أصوات الموسيقى وتعليقات الحاضرات، تسنيم تحاول تلهيني بحچيها، بس أنا عقلي وقف بزاوية عيونه ونظراته،

تسنيم تهمس بإذني وهي تشد على إيدي

تسنيم:-حبي، لا تخافين،اليوم كله إنا يمج ضحكي، خلي الدنيا تشهد على فرحتچ النسي الماضي

حاولت أرسم ابتسامة، بس ظل إحساس غريب يشدني... چنه صوت بعيد يهمس خسرتي وستعجلتي اتعوذت من الشيطان وسكتت الى ان كملنا

رجعنا من الصالون، الشارع مزدحم وصوت الزفة يملأ المكان، الزغاريد تصدح والفرحة تغطي الوجوه، بس داخلي شي غريب، خليط من الخوف ،و التردد والأمل.

وصلنا للبيت، المكان مزين بالأنوار والورد، الناس ملت المكان، كل الوجوه مبتسمة، أصوات الأغاني تتعالى. بدأت الحفلة، كل الأنظار علينا، الهوسات تشتد، والضحكات تتعالى، وأنا أحاول أخفي ارتباكي بابتسامة.

اجت تنسيم يمي، تهمس:
تسنيم:-اضحكي شبيج مو هاي انا يمچ شجاج

بس عيوني تتخايلة المواقف الجمعتنا والنظرات اللي تگطع النفس. .

بعد الحفلة...

الليل هادئ إلا من بقايا أصوات الفرح المتناثرة، المكان شبه خالي إلا من العائلة المقربة، تسنيم گعدت يمّي، مسحت على إيدي وقالت بابتسامة تعبانة:

تسنيم:- الف مبروك هسه لازم اروح خالة بوحدها خطية

تنهدت، حاولت أجمع مشاعري، بس ما قدرت أوصف شلون أحس، لزمت ايدها

_ما أدري تسنيم، كأنما صاير شي بداخلي، ما مرتاحة كلياً..."

رفعت حاجبها
تسنيم:- انت ببالج احد

ارتبكت، غيرت الموضوع، بس هي فهمت،
تسنيم:-انسي وعيشي وي الي ختارج رغم ماعرفة منو بس انسي ومرتضى مبين خوش ولد لتخسري

غيرت السالفة وضحكت وياها، بس بقلبي كان شي ثاني، شعور مبهم، ويه الي ماخذ تفكيري ياهو الي ما قدرت أفهم نظراته لحد هسه؟
تاخر الوكت اجى سطام واخذها هي والبنات الي حضروا الخطبة من كرايبهم
ورجعت وحدي من جديد

وبعد مرور يومين، يوم الجمعة...

البيت الكبير مزدحم، الكل مجتمع، نظرات مترقبة وهمسات تدور، تسنيم جالسة بمنتصف المجلس، عيونها تدور تستفسر عن سبب هالتجمع المفاجئ.

زكي:- هاا ماكو شي هيج اگوم اسوي گهوة اختك ماتعرف تسويها

ضحك
سطام:- روح بس تنحنح خاف مو لابسه حجاب

زكي:- اعرف بالاصول زين محاج تعلمني يا ابن عمي

سطام:- دولة وعلم ابو سند

زكي:- ضحك هاي ليهسه تتذكر هذا الاسم

سطام:- وما انسى اذل ماسميته الابنك فلا اطلع سطام

زكي:- خوش لعد
دخل للمطبخ وهو يطلع اصوات بمشيته حست علي ولتفتت عيونها كانت دم وكف امامها

جر حسر وگال
زكي:- عليمن هل بچي هو منو،الي يسوى

ماردت تلعب بالقداحة ساكته
زكي:- ليش تتهربين بنضراتج مني ومن انتبه الگاج تباوعيلي
انا نقيب زكي واعرف البشر من نضراته
تقرب اكثر وسحب القداحة بدون لا يطخ بيها

رفعت نضرها اله وتعانقت عيناهم سوى
همس وهو مستمر يباوع بعينها
زكي:- هاويتني مثل ماانا هاويتچ ردي وبردي گلبي الي شعلتي من ذيج الليلة وضال ادور على شي يطفي ماكو

بلعت ريكها وتكلمت بقهر وتردد
تسنيم:- شلفايدة اذا عرفت اهلك راح يتقبلون وحدة ارملة بحياتك
وحدة...

رفع ايدة بدون لا يلمسها وهمسس
زكي:- اششششش لتكملين دام الكلب هاويج محد راح يعترض صدكيني

نزلت دمعتها ورجفن شفايفها
تسنيم:- زكي لاتلعب بكلبي ترا مابيه حيل بعد

لزم شاربة
زكي:- سبوع واحد بس سبوع واذا ماصرتي حرم زكي اطلع مو رجال وهل شارب مو عليه حضري نفسج بعد الجمعة خطوبتنا وعرسنا وماريد قرارج يتغير لو شما تسمعين

عقدت حاجبها تمسح بدموعها
تسنيم:- مافهمت

زكي:- راح تفهمين كلشي بس اذا تغيرتي وتغير قرارج معناها مو كفو گلبي يفز الچ
_______

ضحك بستهزاء
عبد القادر:- من هاي وافقتي تركضين على العموم بيها الخير وامي باجر من الصبح اعتبريها يمج

حجه هيج ودار كرسه دخل لبيتهم وسد الباب بوجهي
شبيدي عليك؟ كملت طريقي للبيت وببالي احجي لسراج ابلغ تسنيم بلكي تجي بالنهاية تضل اختي وكلنا كنا ضحاية وتأذينا
بدلت وحضرت الغدا نتظرته الى ان اجى من شغله تغدينا وكملنا وهو احس بحلكة حچي اخذت اله الجاي ورحت يمه

_خيرك سراج شكو

باوعلي وبتسم بستهزاء
سراج:- تدرين مشعان ليوم مات

نهبط گلبي مادري ليش يمكن لان شايفته او لان اذا تسنيم بلعت ريگي وگلت
_ شلون

سراج:- لاكي بفراشه متيبس

_ لاحول ولاقوة الا بالله بياعين راح يقابل رب العالمين

سراج:- مو بس هيج ام علي باسمة واگعة من الدرج على ظهرها من سامعة صياحههم والضربة قوية كسرت ضهرها مما ادى الى شللها

ضربت على صدري ونزلت دموعي
_هاي حوبتها تبطي وماتخطي

سراج:- الله اخذ حقها من كل الي اذاها وبعدين عوضها بدايتها شامل فقد عقلة وعمامج نسجنو ومشعان مات وباسمة نشلت وامج الي هسه ملطشة لخوالج ونسوانهم

تدرين حتى مو اخوج الي كاتل مهجة ابن عمج لج اربع سنين وظيم وظلايم كلها بسبب ماهر من عساه لاتوفق

_راح،يكضي عمرة بالحبوس مو حكمو عليهم مؤبد خسروا دنيتهم واخرتهم من ورى الطمع

سراج:- ي والله صحيح بس اخ لو نوفل يگوم طولت نومته حيل

_ ان شاءالله ربي يگومة بالسلامة لخاطر ابو هل مسكين

سراج:- أن شاء الله

_سراج اريد تنسيم تحظر الخطوبة

دنگ راسه وهمس
سراج:- حقج انا احجي وي سطام

من كال سطام دگ گلبي بس "سكتت دگاته، مثل موال بغدادي انخنق بحلگ الليل، مثل قمر السما غطاه الغيم وما عاد يبين . هوه ذلني، شيلني ذنب مو ذنبي، بس بعده اسمه يلوح بروحي، مثل بخور مزارات كلما يهدأ، يعله ويعله من جديد."

..
..
"ملتمين بالحديقة، وطن وفجر يكمزون وضحكات حور وتسنيم مالية البيت، تهز الجدران مثل نغمات عود بليلة صافية. أم سطام مخليه المولودة الجديدة رفيق بحظنها و تباوع الهم، بعينين مليانة فخر، كأنهن أعظم انتصاراتها، كأن الدنيا كلها فتحت ابوبها لها بهاي اللحظة."
نفتح الباب وصاح سطام
سطام:- يمه زكي وياي

ام سطام:- حياه الله يمه خل يفوت

دخل وصاح وهو يفتح ايدة
زكي:- فجوورة

كانت بالحجلة من شافته راحت اله تركض مثل البنت الي تالگه ابوها هي وضحكتها الي ترد الروح رفعها من الحجلة يضحك ويبوس بيها

زكي:-هلا بالگطع فد نوب بيه
هلا بل غاليه الما تسأل عليه
هلا بل شحده الياخذ مكانها
هلا بالغايبة عني ومشتاگ لعيونها
هلا بلي متحس بيه
هلا بالي مخليتني أبچي بصلاتي
من الفجر لحد المغربية

سطام:- عميي بعد شتردين يهوسلج النقيب زكي

زكي:- تدلل عليه كم فجورة عندي هي وحدة

وطن:-واني

دنگ وشاله بالايد الثانية يبوس بخدة
زكي:- انت الروح والرية يبعد عمك

"تقدم وسلم، بس عيونه معلقة بذيج اللي خطفت گلـبه، كأن الوقت توقف لحظة شافها. يحچي بكلمة، ويسكت بألف، وعقله ضاع بين نظرتها وابتسامتها اللي چانت كافية تهز دنياه."

ام سطام:- شلونك يمه امك واهلك شلونهم

زكي:- الحمدلله بخير يسلمون سوم الكم جيه

سطام:- الجمعة ان شاء الله الجمعة نلتم

باوع اله وفهم ان ناوين يحجون الحقيقة رجعت نضراتوا الها

زكي:- شلونج ام فجر

تسنيم:- الحمدلله بخير ونعمة

زكي:- عسى دوم يارب

حور:- زكي شو حاضن بس هل ثنين ورفيف مو خطية

زكي:- الله خلق الي ايدين ثنين انا بشر مو اخطبوط

حور:- معليه بس لتفرق

زكي:- شلون هسه فرق اسنانها بهل قوري

حور:-يمه

ضحك سطام وگال
سطام:- حتى زكريا يفرق عضامنا

زكي:- هههههه ي بالله

بلع ريكة سطام وهو يوجه كلامة لتسنيم

سطام:- ام فجر

ردت ببتسامة
تسنيم:- هلا خوية

ابتسم على طلمة خوية
سطام:- اريد اطلب من عندج طلب

تسنيم:- اذا اگدر من عيوني شما اسوي مارد جميلكم

سطام:- تسلمين بس لتعيديها يبعد اخوج طلبي هو شسمه اختج رونق باجر خطوبتها واخوج سراج طلب ان تجين

غابت ابتسامتها وسكتتت
ام سطام:- يمه ميخالف روحي خطية هي هم مالها احد وهم نظلمت وانا هم اروح وياج

هزت راسها وهي تبلع بالغصة
تسنيم:- هاي هي صار انا اكوم احمي الچاي برد
حجت هيج وگامت للمطبخ

زكي:- اووف الا تجيب طاريهم دخليها تضحك امداك شگد غثه

باوع للسماء،وگال بهمس
سطام:- شكلنا مالنا بالطيب نصيب الله يسعدها

باوع اله وهو عاقد حاجبه قرب راسه منه
زكي:- بس لاهي الي حجيتلي عنها

هز راسه
سطام:- ي هيه

زكي:- وعادي عندك؟والله هاي لو انا احرگها وماتاخذ غيري

سطام:- مستحيل ارتبط بوحدة بيوم من الايام كانت السبب بتنزيل دمعة من عيون اخيتي

زكي:- والله مدري شكول الك تدري بشنو ذكرتني

سطام:- بشنو

زكي:- بنوفل هم چان يحب وحدة وراحت تزوجت وضيعها من ايدة مادري انتو ليش هيج الي يحب من صدك يقاتل لاخر نفس لو ياخذ الي يحبها لو يموت افضل

سطام:- شو هل ايام كثران حجيك عن الحب هاا شكو احجيلي

ابو زكريا:- ها هيه بكيفك وليدي بس دير بالك على نفسك

سطام:- يالله لعد نتوكل

طلعوا الشباب كلهم سطام وزكي وزكريا وسجاد متوجهين للمستشفى حتى يتطمنون على نوفل الي حالته نفس ما هي ماكو اي جديد من بعد ماوصلوا للمستشفى توجهوا للمكان الي يتواجد بي ابو نوفل لان الغرفة الي بيها نوفل عناية خاصة قليل يدخلون علي يطمئنون ويطلعون فقط لاغير

دخلوا الولد كلهم تفاجاة ابو نوفل بيهم وفرح بنفس الوقت
ابو نوفل:- حياكم الله ولدي اعذرني ابني زكي ماجيت وتحمدت الك بالسلامة بس تعرف بالحال

زكي:- الله يعينك عمي ماتقصر والله شلونه هسه

جر حسرة وگال
ابو نوفل:- نفس الشي والله لاجديد

سطام:- الله ارحم الراحمين

ابو نوفل:- اخبار الامانة

عقد حاجبة بستغراب
سطام:- شمدريك

ابو نوفل:- دريت من سراج الولد خطية كل يومين والثاني يجي

سطام:- الحمدلله ردت لحضن اهلها بس بعدها مابلغناها لان الي مرت بي مو شوي

زكي:- تهون كلها تهون

ابو نوفل:- الله المعين

..
..
..
بعد سبعة أشهر، وكأن العمر طوى صفحة أخرى من كتاب الأيام، تتغير الفصول، وتغفو الذكريات بين أوراق الزمن، بعضها يذبل، وبعضها يزهر من جديد. سبعة أشهر مضت كريح عابرة، حملت معها أحاديث وأحلامًا، ضحكات غامضة ودموعًا مخبأة. مضت، لكن أثرها باقٍ في الروح، كحبر على ورق القلب، لا يمحوه الوقت ولا تنساه المشاعر..

رجعت من الجامعة والجو ثلج نزلت من الخط كان واكف بالباب
مالت بيتهم ترددت اروح اسلم وابلغة!!
لو لا بس بالنهاية يبقى ابن عمي ولازم يدري حتى لايسويلي مشكلة
تقدمت بخطوات مترددة
_شلونك
عبدالقادر:- عايش
_ البنات شلونهم

عبد القادر:- موجودات تريدين تدخلين؟٠
هزين راسي بنفي
_لا وين حتى تقى تتعارك وياي

عبدالقادر:- عذريها

بتسمت بقهر
_نعذر بالعالم بس محد يعذرنا

عبد القادر:- ييي شلونج

اخذت نفس وحجيت
_الحمدلله عبد حبيت ابلغك باجر خطوبتي ولان ماعندي احد محتاجة امك وياي
حجيت الكلام دفعة وحدة بدون لاخلي عيني بعينه
سكت مارد باوعت اله يباوع الي ببرود وانا متاكدة هذا كله تمثيل

جر نفس وگال
عبدالقادر:- الله يوفقج بس منين هو؟

رجعت بذاكرتي قبل اسبوع
كنت كاعدة وي زميلاتي اجانة شاب دوم كنت اشوفة يراقبني بس مغلسه بعد ماجربت گلبي وي سطام لسي مابدى الحب انتهى سديت گلبي وگعدت الماعندة حظ لايتعب ولا يشگى

تقدم نفس الولد واجى
مرتضى:- السلام عليكم

البنات الي وياي ردو السلام انا سكتت
مرتضى:-ست رونق ممكن اسولف وياج

باوعت اله بصدمة هذا من وين يعرف اسمي؟
_ من وين تعرف اسمي

مرتضى:-مو صعب الي يريد شي يحصلة ممكن نتكلم

_تفضل كول شعندك

تكلم باحراج والعرك يصب من گصته
مرتضى:-مو هنا بس شوي على انفراد

باوعت اله بتردد اذا رحت ويا تجيني حجاية مو حلوة واذا ارفض يعاديني ويسويلي مشاكل

_ مو مشكلة أنتظر الى ان يجي اخوي وعود گول موضوعك فد نص ساعة ويجي

باوع الي بصدمة وابتسامة بنفس الوكت
مرتضى:- تمام راح انتظر

راح وتركني عزا بعيني هسه منين اجيب سراج هو انا مشتركة وي الخط طعت موبايلي وكتبت اله رسالة على الخط

_سراج تگدر تجي

ماكو ثواني واتصل ترخصت من البنات ورديت

سراج:- ها شبيج

_ مدري شلون ابدي بس الصراحة اكو ولد اجى وكال يريد يحجي وياي بموضوع مدري شنو يريد انا بلغته يجي اخوي عود الله كريم والله تفشلت مادريت شنو اجاوب

سراج:- ماعرفتي شنو يريد

_مادري لو ادري ماتصلت

سراج:- هسه جايچ كبرتي بعيني رونق

_ليش

سراج:-لو وحدة غيرج چان راحت وحجت وفهمت شنو يريد بس انت خليتيني بالصورة وماخفتي

_ دام ما مسوية شي غلط ما اخاف منتظرتك لتتأخر

سراج:- صار دللي

وصدك ورى نص ساعة اجى رحت اله للبوابة مالت الجامعة لسه ماحجيت اجانة صوته
مد ايدة لسراج
مرتضى:- السلام عليكم

رد اله السلام وصافحة
سراج:- تفضل اخوي بلغتني اختي رايدها بموضوع

اخذ نفس وكال بتوتر
مرتضى:- الصراحة ياخوي اهنيك على هيج اخت حشمة واخلاق مايوم شفتها رفعت راسها والصراحة اتشرف ادز الاهل واتقدم لخطبتها رسمي

يمه شصار بيه ردت اتخربط من الفشلة اباوع على سراج مايدري شيجاوب لان الولد تكلم بكل ذوق

مرتضى:- ادري الامور ماتصير هيج بس ردت اقيس نبض وردت احجي وياها كالت يجي اخويه يالله وهل شي خلاها تكبر بعيني اكثر واكثر واصر على قراري

سراج:- اتشرف بيك عزيزي بس بالنهاية القرار الاول والاخير الها

مرتضى:- يي طبعاً لذالك هذا رقمي شيصير وياكم ردولي خبر واذا تحبون تسالوني عني انا مرتضى *** طالب طب اسنان مرحلة اخيرة
وأيضاً صاحب فرن صمون بمنطقة ***

سراج:- اتشرف بيك حبيبي وان شاء الله الي بي صالح الله يكتبة

راح لولد وسراج باوعلي ببتسامة
سراج:- شفتي الشريفة والي جاي تدرس وماتدور سوالف تعبانة الكل يتمناها تكون ببيته القرار قرارج وشتكولين يصير

فزيت على كلامة وياي
عبد القادر:- وين شردتي شنو يشتغل

بلعت ريگي خفت من سؤاله بس مع ذالك جاوبته
_طبيب اسنان

#سر_خلف_النقاب
#الجزء_الاول_من_البارت_الاخير
#بقلمي_هدوء_إل_محمد

..
..

"ها نحن على مشارف الختام، حيث تلوح النهاية في الأفق كأفق بعيد، وكأننا قد عبرنا دروبًا طويلة، وتحت أقدامنا زرعنا قصصًا وصورًا ستظل خالدة في الذاكرة. لكن كما هي عادة الحياة، كل نهاية هي بداية جديدة، وكل فصل يُختتم بصفحة تحمل في طياتها وعدًا بقصة أخرى."🥀❤
___
نزلت من الدرج بخطوات مترددة وهي گايدة بيدها وطن
وايد الثانية على بطنها حجت وهي كاتمة بجيتها
حور:- السلام عليكم

رفعت راسها بسرعة، وحسّت بشي غريب داخلها. بهت وجهها، عيونها تكاد تدمع من الصدمة. البنت اللي قدامها، كانت تشبهها بشكل غريب، وكأن الزمن رجع بيها إلى ورا. حارت، وما قدرت تحچي، بس قلبها كان ينبض بسرعة، ما تدري شنو الصار، بس احساس غريب طغى عليها.

تقدمت وحضنت ام سطام بس عيونها على تسنيم
همست وهي تشهگ متحججة
حور:- ها يمه نسيتيني يي من شاف حبابة نسه أصحابة

طبطبت على كتفها بحنية وهي تبلع بغصتها
ام سطام:- ماعاش الي ينساج يبعد امچ تعاي اعرفج على اخيتج

بتعدت وتقدمت على تسنيم سحبتها بهدو وشفايف ترجف لمتها لحضنها وتكلمت برجفة صوت ونبرة بكاء
حور:- شلونج حبيبتي

بادلتها الحضن، وإحساس غريب سيطر عليها، كأن الوقت وقف. گلبها كان يدگ بسرعة، وما تگدر تسيطر على مشاعرها. شددت القبضة على حور وكأنها ما تريد تتركها، وكأنها لگت شي ضايع . ما كانت گادرة تفسر الشعور اللي داخلها، بس كانت محتاجة أكثر من أي وقت مضى هذا الحُضن اللي حسّت إنه مألوف وكأنها كانت تنتظره.
ردت بغصة مكتومة
تسنيم:- زينة

ابتعدت حور وبس عيونهم وحدة مچلبة بالثانية متحاضنة ماترضى تفترگ بدت حور تتلفت تدور على سطام لگته بباب المطبخ خافي نفسة تركتهم وراحت اله هو من شافها اجت بتجاها دخل للمطبخ دخلت ورى
راحت اله تركض ضمت نفسها بحضنه تشهك من كل گلبها وسطام حاضنها يمسح على راسها وكاتم غصته

سطام:- عوضيها يبعد اخوج ترا الشافته مو قليل
ابتعدت تمسح بدموعها

حور:- ان شاء الله

سطام:- يالله صيحي البنات وحظروا الغدا خل نلتم عائلة وحدة

حور:- ان شاء الله بس سطام شراح تسوون على الي كان السبب بخطفها

سطام:- سوينا يبعد اخوج ترا ماگاعدين كلهم صاروا بالحبوس انتصر الحق من بعد ليل طويل كلش طويل طلعت شمس السعادة من جديد

بتسم الها وطلع من المطبخ وعيونه على اخته وبنتها الي ماطاحت من حظن زكي وزكريا گعد يمهم

سطام:- ماتنطوني اياها شوي

زكريا:- چنتي هاي

سطام:- خوية تسنيم ديري بالج تناسبي ترا والله انا نطيته اختي وتندمت

بتسمت ماتدري شتجاوب
تسنيم:- هاي هي مثل ماتريد

وطن:- اما اليدها (اريدها)

سطام:- طاح حضك زكريا خبلت الولد

وطن:- اما اليدهااا

زكي:- اسكت يبعد عمك مو جيس جبس هي

طنگر راد يبچي صاح علي ابو زكريا
ابو زكريا:-تعال جدو تعال هي الك من تكبر عود اخذها

حجت ببتسامة وهي تباوعلهم
ام زكريا:-ان شاء الله يوم لمتنا بعرس سطام وزكي

زكي:- والله لو ما داعيه احسن الج يايمه

سطام:- فجرتها

ام سطام:- يي يمه سطام شصار على هاي العاجبتك

سوى بايدة حركة الطيارة وتكلم بانزعاج
سطام:- طاررت بح ماتناسبني

زكي:-فگر

زكريا:- على الاقل حاول قابل مثلك قافل گلبه بمفتاح

زكي:- يمكن الطلقة حركت القفل وراح ينفتح الله واعلم

ام زكريا:- عليك الله يمه صدك

زكي:- الله كريم يمه الله كريم

سطام:- صدك عبالي اروح للمستشفى يم ابو نوفل

زكي:- والله مقصر ويا بس هذا الحال شبيدنا العصر اذا گدرت اروح وياكم

تسنيم سمعت الاسم بس غلست ميت الف واحد اسمه نوفل قابل بس صاحب همام!!؟

طلعت من المطبخ ووجهت الهم الكلام ببتسامة
حور:- بنات تعالوا نحظر الغدا

گاموا كلهم وحتى تسنيم وياهم
بدو يحضرون بالاكل وحور لازكة بتسنيم وعيونهم ثنينهم وحدة ماوكعت عن الثانية كملو صب ولتموا على سفرة وحدة
حجت ببتسامة وفرح
حور:- تسنيم تعاي يمي سويت الج مجال

گعدت يمها وهي مبتسمه طول ماهم ياكلون نظراتهم على حور وتسنيم شلون مندمجين وام سطام كل ساع تمسح عيونها وهي عينها على بنتها
بعد العزيمة سجاد وزكي وسطام ماخذيلهم زاوية ويدردمون سوى
زكي:- اكلك شصار عليهم

سجاد:- سلام رجلي عالجوها

زكي:- حرامات صرفوا علي دوة يي كمل الي شصار ماصار

سجاد:- ولك تحقيقات بينت ان ماهر هو الي كاتل بنت صخمان مشعان
وشامل الخيخة من شايفها شلون كاتليها ومصخمين وجهه شخط عقلة

حجه بحرگة گلب
زكي:- ولكم اريد تنطوني اياهم بس يوم واحد اخخخ الا انعل ابهاتهم

تكلم بقهر وحمسه
سطام:- يعني فوك كل الضيم الي شافته هل مكرودة تطلع هي وحتى الي يتسمى اخوها نضلموا

زكي:- امر الله هذا يبعد اخوك امر الله

شرب اخر بقايا استكان الچاي
سطام:-انا اگوم اروح للمستشفى منو يجي وياي؟

زكي:- انا

ابو زكريا:- وين بيك حيل وليدي

زكي:- رجليه مابيهن شي اكدر امشي يابا بعدين طگيت من السرير اريد اطلع

ام سطام وجمانة ورقية واكفين يقنعون بيها حتى تروح للعزيمة
حست بحرج يعگد لسانها، ظلّت تلعب بأطراف هدومها وعينها بالأرض، متعرف شتگول. هوّه مو رفض، بس شلون تروح وهي تحس نفسها غريبة عنهم؟ شلون تدخل وسطهم وهي ببالها ما إلها قرابة بيهم؟

كلما أحد يحچي وياها عن العزيمة، تبتسم بخجل وتغير السالفة، تحاول تتفادى العيون اللي تنتظر ردها.
رقية:- فضيها عاااد شبيج لصيرين نحسة ترى اخذ فجر واروح وانت ضلي وحدج

تسنيم:- ولكم عيب بأي صفة اروح شبيكم حسو بيه

جمانة:- ترا الشيخ عگاب هو الي اصر على خالة تجين شبيج مكبرة الموضوع

تباوع الهم بحيرة وهم يتوسلون بنظراتهم بيها
تسنيم:- خلص موافقة بس بشرط ثنينكم تضلون وياي مو تعوفوني وحدي وتكومون

رقية:- صار دللي والله ما عوفج

تسنيم:- دنشوف

جمانة:- هسه شنو تلبسين؟؟

تسنيم:- مادري اشوف اي شي عادي

كامت تركض للكنتور طلعت بينصل بيجي فوكا بشت اسود وبي تطريز بيجي من الي اشتروها اخر مرة

جمانة:- هذاااا حلووو

حجت بتأكيد
رقية:- ييي يجنن والله

تسنيم:- يي زين محتشم مابي شي نفس العباية

رقية:- وويا كعب بيجي وشال وجنطة بيجيات تطلعين توب

جمانة:- ولتنسين مكياج

ردت بستنكار ورفض
تسنيم:- مكياج شنو شعندي عرسس

رقية:- لعد شنو يمه عزيمة تردين تروحين بوجهج الي مصوفر خلي شي خفيف عيب اول مرة يشوفوج

جمانة:- گومي بدلي يالله

تسنيم:- هسه!! ولج بعد وكت مو كالو ب ١١ نطلع

رقية:-يي وهسه ب ٩ يادوب نلحگ ورانا تبديل احنا هم جبنا ملابسنا وجينا

بتسمت وهي اباوع الهم بأمتنان
تسنيم:- شكراً من كل گلبي حسستوني بأحساس الخوات الي كنت اتمنا من زمان

حضناها بقهر
جمانة:-اووي شنو هاي راح ابجي عابت

رقية:- شهل مشاعر عيني گوموا نبدل يالله فضوها

الكل طفر يغير ملابسة ومن كلموا لزمو تنسيم ورتبو شكلها وسوو الها لفة شال بطريقة كلش حلوة الالوان بيجيه تجنن متناسقة وي لون لبسها

وكفت تباوع على شكلها بالمراية
تسنيم:- ترا عيب مكياج احسه زايد

جمانة:- يابة وحق الله اذا مسحتي اجرم بيج

رقية:- لا ولج والله بسيط شبيج بس انت لان بيضة بسع يبين بيچ

جمانة:- انا راح ابدل لفجورة

كانت جايبة الها فستان صغيرر حبل وفيونكة شعر لبستها الها وخلتها بسرير جديد من هاي الي تصير متنقلة الشخص يكدر يشلها

تسنيم:- يمه حبيبتي بنيتي تجنن كلفتي على نفسج عمري جمانة

جمانة:-لاكلافة ولا شي بعدين بحسبة خالتها انا لو عندج اعتراض

باوعت الها ورادت تبجي
جمانة:- والله اذا بجيتي اركع راسج بالحايط

رقية:- شهل عنف شجاج على لبنية

جمانة:-لايخرب مكياجها

اجاهم صوت سيارة سجاد
ودخلت عليهم ام سطام تستعجلهم شافت تسنيم شايلة فجر وثنينهم كاشخين دمعت عيونها
ام سطام:- اللهم صّلِ على محمد وعلى اله محمد يمه شطالعة تخبلين عين الله تحرسج

بتسمت بأمتنان
تسنيم:- الفضل لله ثم الج ولجمانة الاهل مايسوون سوايتكم عديتوني وحدة منكم جبتوني من مكان مشبوه بدون حتى لاتتاكدون مني كرمكم ومعروفكم ماانساه الى ان اموت

ام سطام:- أسم الله عليج يمه ربي يحفظج ويخليج ويجعل دوم هل ضحكة على وجهج.. ويالله امشوا لا نتاخر ورانا طريق

وفعلاً الكل طلع وسجاد قفل الباب ونطلقوا الى البيت الكبير
ومن بعد رحلة دامت ساعتين وصلوا امام بيت الشيخ عگاب
الي كان منتظرهم برا ويرحب بيهم بحرارة حتى لايحسس تسنيم بشي
وهو يوجه كلامة لتسنيم
الشيخ عگاب:- ها ام فجر شلونج مرتاحة ان شاءالله

ردت بخجل
تسنيم:- الحمدلله

الشيخ عگاب:- شو دنطيني هل فصعونة يايابة هاي شمسوين بيج طالعة عروس

اخذها من ايد تنسيم ويبوس بيها هل شي خلى تسنيم شوي تبتسم وترتاح دخلوا جوى وعكاب وراهم كانوا مخلين زكي بالهول الكبير قريب على الديوان من يجي خطار يكوم ويرد يرجع لمكانة من يروحون

دخل عكاب ييم زكي وهو يحجي وشايل فجر
عگاب:- ولك شوف من اجاك يتحمد الك بالسلامة

ابتسم زكي وفتح ايدة
زكي:- هلا وغلا احلاهم والله يبوي شهل جمال عمي

خلاها بحضنة وبايدة السليمة لازمها وهي مفتحة عيونها
زكي:- شلون عيون حبيبي فدوة لهل وجه ابوية

يحرك بايدو يم شفايفها وهي بتسمت طكها بضحكة
زكي:- هههههه ضحكت والله جعل محد غيرها يضحك

دخل سطام الي كان رايح هو زكريا يجيبون السمك المشوي
سطام:- ها اجيتو الحمدلله على السلامة

ام سطام:- الله يسلمك يبعد امك

زكريا شاف فجر عاف العلاليك وراح يركض

سطام:- ثول ولا عبالك عندة طفل

اخذها من ايد زكي
زكريا:- يمه مرية ابني الحلوة

زكي:- لا بالله منو يگول امها تنطيها

زكريا:- هي وين يصح الها مثل وطن وينه هوه ولك وطن تعال شوف مرتك

نزلت من الدرج بخطوات مترددة وهي گايدة بيدها وطن
وايد الثانية على بطنها حجت وهي كاتمة بجيتها
حور:- السلام عليكم
________

وصلو المستشفى ونزل سجاد يصرخ

سجاد:- سدييية بسرررعة وياي جرررريح

اجوي يركضون رفعوا كان مغمض ويون من الوجع يركضون بي بالسدية وسجاد ويا
سجاد:- زكي شد حيلك ولك بطل

صار يون ويهلوس
زكي:-سطااام وينك خوية زرفوني صرت منخل اخ بس انا هم سكطته

دخلوا غرفة العمليات سجاد حاير ويفتر جسمه غركان بدم زكي يباوع على كتفة غارك دم ومو حاسس جايته طلقة شطح عابرة بس من گد ماخاف على زكي ولا حس بيها بالكوة طلع جهاز صرصر صغير ضامة بحواريبة اتصل بالشيخ عگاب مبين گاعد على نار ينتظر خبر عنهم مباشرتاً رد

الشيخ عگاب:- هاا ولك طمني مو فتيتو گلبي

سجاد:- شيخ زكي تصاوب بس مو حيل لتخاف

نخبص صوته
الشيخ عگاب:- ولك لتجذب عليه خو ما بي شي بغلاة عزازك

تكلم بتعب وستند على الحايط حس الدنيا تفتر بي
سجاد:- والله بخير الطلقة بكتفة هسه دخلو يطلعون الطلقة منه

الشيخ عكاب:- وانت شبيك وليدي

سجاد:- جرح بسيط لتهتم شيخ

الشيخ عگاب:- وينكم هسه

سجاد:- بمستشفى (**)

الشيخ عكاب:- لاتبلغ سطام هسه يتخبل انا ابلغه وطمني وليدي من يطلع من العمليات وانت هم شوف جرحك ابني

سجاد:- ان شاء الله

سد الجهاز وراد يمشي فترت بي الدنيا وكعد صدفة شافه احد الممرضين اجى يركض سندة وصاح على سدية يحاول يبقى مفتح بس نزف حيل وهل شي سبب اله اغماء

من بعد ساعة فتح عيونه يون
سجاد:- زكي وينه

ايد تمسح على راسه بحنيه ومبين صوتها كانت تبجي
جمانة:- بخير حبيبي بس بعدة ماصاحي ... الحمدلله على سلامتك خوفتني عليك

باوع الها ببتسامة
سجاد:- خفتي عليه

شهكت ونزلت دموعها
جمانة:- اذا ما اخاف عليك على منو اخاف

بتسم وبايده السليمة مسح دموعها
سجاد:- لتبچين يحيلة السجاد دموعج يأذوني

بتسمت وبتعدت من نفتح الباب دخل الشيخ عگاب ابتسم بتعب من شافه مفتح

عگاب:- الحمدلله على سلامتك يابطل

راد يگوم يعدل كعدته احترام للشيخ بس اشر اله

عگاب:- ابقى بمكانك وليدي بيا حال انت

سجاد:- الله يحفظك بس زكي شلونه

عگاب:- والله ياوليدي فاتك لعب بينا فلك من طلعو من البنج ماخلى واحد ماحجى علي بس الحصة الاكبر الك ولسطام

بتسم بالم
سجاد:- فدوة اله اهم شي بخير

مسح على راسه بحنيه وفخر
عكاب:- ربي يحفظكم من كل شر انتوا وكلمن يضحي بدمة وبروحة لخاطر،امن هل بلد

..
..
گعدت من ليلة متعبه ، عيونها تثگلن من التعب، بس أم سطام بعدها جاثية عالسجادة، ظهرها محني، چنه شايلة السما بثگالها، تهمس بدعاوي تتساقط من شفايفها مثل حبّات المطر. ما رفعت راسها من سمعت الخبر… خبر إصابته.

ضوّ الفجر الخفيف ينسلّ من الشباچ، يلزم ويه وجهها التعبان، دموعها تنزل بلا حس، تختلط ويه السجادة، وكأنها تحچي للأرض حزنها. صوتها متكسر، مرّة يعله، مرّة يخفت، تحچي ويا الله، تترجاه، . يكوم زكي بالسلامة

حست على تسنيم رفعت رأسها من السجادة.
مسحت دموعها بشيلتها
ام سطام:- ها يمه گعدتي

بتسمت الها
تسنيم:- لعد شگد تحبي يخالة اليل كله ماغمض الج جفن

ام سطام:- يي يمه ربيته حاله حال ضناي

تسنيم:- خالة عادي اسألچ سؤال

ام سطام:- مو بس سؤال اسىلة گولي حبيبة

تسنيم:- انت ماعندج بس جمانة

بلعت ريكها حايرة شجاوبها بس تشجعت وكالت
ام سطام:- لا يمه انا كذبت عليج كذبة صغيرة بس،يشهد الله مو قصدي

بهت وجهه وحجت بخوف
تسنيم:- شنو خالة عادي گولي

ام سطام:-جمانة مو بنتي ييمه بنيه اخت رجلي الله يرحمه بس گالت هيج حتى لا تستحين بالبداية وضلت السالفة ونسيت ابلغج

اخذت نفس براحة
تسنيم:- خالة هبطتيني عبالي اكو شي

ام سطام:- يعني مازعلتي يمه

تسنيم:-لا خالة عادي معزتج هي هي ماقصرتي وياي بس اولادج وين

ام سطام:- سطام ابني

حجت بصدمة
تسنيم:- عزاا ابنج خالة

ام سطام:- يي يمه ليش ضوجج بشي

تسنيم:- لا والله خطية ماقصر الله يحفظكم وبنات ماعندج

ام سطام:- امبلى عندي ثنين

تسنيم:- شحلو بعمري وينهم

ام سطام:- وحدة متزوجة بغير محافظة ووحدة گدامي گاعدة

غوركت عيون تسنيم وتقدمت ضمت نفسها بحظنها
تسنيم:- انت من شنو مخلوقة ياخالة شايلة طيبة كلب ماموجودة عند بشر ماصار الج ايام من عرفتيني تحسبيني وي اولادج

اابتسمت وهي تسمع حچي بنتها، چانت ضحكتها خفيفة، بس وياها گلَبها يرقص فرح. عيونها تلمع، وكأن الفرحة تحاول تطلع منها رغم كل التعب والهموم. حسّت بنبضات گلبها تهدأ، چأن الدنيا كلها صارت أخف، وكل الوجع اللي بيها نسى نفسَه للحظة.

مدّت إيدها ولمست خد بنتها بحنية، گالت بصوت يشبه دعوات الصبح
ام سطام:- الله يحفظچ يابنتي، ماكو أحن منچ بهالدنيا."

بعد يومين طلعوا زكي من المستشفى واخذوا للبيت وسوو اله عزيمة كبيرة على سلامته هنا الشيخ عگاب طلب من ام سطام تجيب تسنيم وتجي حتى يبدون يعودوها على اجوائهم لكن بدون لا يبلغوها الحقيقة

..
..
..
..

29




جلست بينهم، وسط ضحكاتهم المتناثرة كحبات المطر، تراقب وجوههم، تبتسم مجاملةً، لكن قلبها لم يعرف بعد كيف ينتمي. كان في عيونهم شيء مألوف، بريق يشبهها، ملامح كأنها رأتها من قبل، لكن أين؟ وكيف؟

تسمع أصواتهم، دفء كلماتهم يحيط بها، لكنها تشعر وكأنها تطرق بابًا لا تملك مفتاحه. الضحكات تملأ المكان، لكنها وحدها بين كل هذا الصخب، كأن روحها واقفة على العتبة، تتساءل بصمت: "لماذا أشعر أنني أنتمي… لكن لا أعرف كيف؟"

لو كانت تعرف، لو كانت تدرك أن الدم الذي يجري في عروقهم هو ذات الدم الذي يسري في عروقها، ربما كانت ستسمح لقلبها أن يضحك كما تفعل شفتيها الآن.
________
بهاي الاثناء رن جهازة رقم غريب رد عليه
زكي:- الو... ي نعم منو.... شنوووووو... مو كلتوا لل2 يالله.. جاي جاي

سد الجهاز وباوع عليها وتكلم باستعجال
زكي:- صيحيهم وامشي بسرعة عندي شغل

طفرت تركض وهم طلعو لان شافوها توجهت عليهم
تسنيم:- ادري وين صرتوا

جمانة:- هياتنا اجينا عيني

ركبوا بالسيارة وزكي طاير وجهازة ماسكت بس يرن اخر شي رد
زكي:- سجاد بلغهم لحد يطلع الى ان اجيي نطلع سوى

حجت بخوف وهبطة
جمانة:- شكو

زكي:- ماكو شي عدنا مداهمة دعواتكم

جمانة:- ربي يسهل امركم

رقية:-منصورين بعون الله

اما تنسيم كتفت بالدعاء،في قلبها بعد مدة
وقفت السيارة امام البيت نزلهم ونطلق مسرع نحو المركز ما ان وصل مباشرتاً ركبوا السيارات ونطلقوا الى الهدف سيارات كلها متوجهه زكي وسجاد المسؤلين عن العملية
وصلوا الى مسافة امتار تبعد عن الهدف نزلو وطوقوا المكان كلهم
رفع مكبر الصوت وقربة من فمه وگال
زكي:- المكان مطوق سلاااام سلم نفسك انت وجماعتك المقاومة والهرب ماراح يجيب اي نتييجه.... أكررر سلام سلم نفسك

ماكو اي رد اشر للشباب يوگفون شمر مكبر الصوت راد يتقدم
لزم كتفه
سجاد:- وين زكي

زكي:- اروح انا اتفقد الوضع

سجاد:- لا والله ماخليك تروح بوحدك رجلي على رجلك

زكي:- البلبل الفتان انلصم وانتظر هنا عود اذا متت سلم على امي

سجاد:- اكل تبن وانتظر لاتروح عليك الله

زكي:-من اصوفر الكم معناها نعلست مثل لخس من تعسة المعزة

سجاد:- يربك وكت تحشيش بهل زلگ

زكي:- ماحب الجد يخليني اتوتر يالله دعواتكم

ماسمع كلام تقدم بخطوات حذرة وهو يباوع باتجاه البيت بتركيز الاضوية خافته بالكوة يشوف البشر اصبعة مو نوب مجرمين!!!

استمر بالمشي الى ان وصل لبيت راد يدفرة تقيدت حركته وتخلا السلاح برأسه
سلام:- اي حركة افلش مخك

ضحك وشمر سلاحة
زكي:- شگد جبان خاتل مثل الجرذان

اطلق صفارة اذن لهم نطاه دفرة بحركة سريعة وسحب السلاح نبطح وضرب رصاصتين برجلة على صوت الرصاص شتغل الرمي بين الجهتين

مبطوح ويحاول يركز بنار فوهه الرصاص حتى يصوب وبلش يرمي وبس يسمع صرخاتهم
زكي:- نعلسو والله الى جهنم ياحثالة المجتمع دمرتوا شبابنا من الله يدمركم

يرمي ويلتقط بيهم من بعد نزاع دام الى اكثر من نصف ساعة هدأ الرمي وبدوا يتقدمون كام وهو يباوع حس بحركة صرخ
زكي:- لحد يتقدم شباااااب فخ لتتقدمووون

طلاقات متعددة اطلقت واستقرت احداها بداخل صدر زكي حتى وگع بالگاع والدم يسيل منه

صرخ صرخه اخ وصديق خايف على اخو وصاحبة وزميل المهنة
سجاد:- زكييييييييييي ولكم زكيييييي تصاااوب

رجع الرمي مشتغل وبدو يتقدمون وهدف سجاد هو ان يوصل الى زكي الي مرمي بالگاع ينزف

لحسن الحظ نفذ عتاد العصابة وهل شي اجى بعد مواجهه دامت لساعة كاملة دخلوا القوات لداخل المكان اما سجاد يدور على زكي
سمع صوته المتوجع
زكي:- هنا هناا س سجاد

راح بتجاه الصوت لگاه نهايه البناية ساحب نفسه حتى الرصاص ميأذي ركض اله ولزم وجه يحجي بخوف
سجاد:- انت بخير موووو
تكلم بألم
زكي:- ياخير دمي خلص وانا بالكوة اجمع بي اسعفوني شتعلوا اهلهم

سجاد:- ييي اي

ركض وقدم السيارة ونزل ويا واحد من الجنود سندوا صرخ متألم
زكي:- اخخخ يايمه على كيفكم ولكم لاهيج

سجاد:- زكي اسكت انا يبس دمي خوف عليك وانت مو مهتم

ركبوا بالسيارة وهو مقوي نفسه رغم الالم
زكي:- على ايش يمعود هي موته موته ام العود وله ام الكبوس تاليها بالحفرة عاد انت سبع وباعمالك الزينه فوز بالجنة ونعيمها

تكلم الجندي
_لتنسى سيدي حور العين

زكي:- ابني ذن مايجن لاعلي ولا عليك سوق لا ننكلب وتودينا لجهنم ويتشفى بيه سلام الجلب اخ يمه ولكم دمي خلص ستعجلوا

لازم قميصة وساد بي الجرح
سجاد:- بس اسكت يمعود هسه نوصل

زكي:- اخ يمه ولكم راح اموت كبل لا اتزوج واشوف ابني يطلع الي هو وحفاضته يكلي بابا سويت كخة

سجاد:- حتى تفكير ماتعرف تفكر

زكي:- ماعليك اخخخ يايمه لك البلبل الفتان مو تگوللهم تصوبت اعرفك لسانك فالت

عيونه بدت تغمض وسجاد يضرب بي
سجاد:- لا زكي صحصح وياي زكي

يشهگ ويجر الحجاية جر
زكي:- ولك عوفني انام ياهو مسلطك عليه

سجاد:- زكي فتح خررب لك زكييي

شهك موجوع
زكي:- شعتل زكي اخخخ يمه

رقية:- وانا هم

تحس نفسها بدون نقاب شي غريب كائن الكل يباوع اله وهل شي بسبب قلة الثقة بالنفس
تسنيم:- يا ولكم عيب رجال غريب اصعد ويا بوحدي

جمانة:- ماراح تصعدين بس طلعي احنا وراج يالله

دفعوها وفتحو الباب وبقو يباوعون من الفتحة وهاي الخطة الي محد يدري بيها غير جمانة ورقية وعگاب

شايل فجر ويناغيلها مايباوع على الباب
زكي:- ادري متكولون شعدكم حتى الطلي مايطولون هيج بتگصيبة

رفع راسة وباوع الها بهت وجهه وتفشل صفن بشكلها وهاي اول مرة يركز بيها
زكي:- اا شسمه بنتچ؟ هاي تريديها

هزت راسها وهي ترجف خايفة
تقدم وخلاها بين ايديها من دون لا يطخ بيها بس اثنينهم مرتبكين
زكي:- شلون ورطه هاي الباقين وين

حجت بخوف
تسنيم:-هااا

تكلم بنرفزة من گد فهاوتها
زكي:- وجعااا الصخام وين

بهاي الاثناء رن جهازة رقم غريب رد عليه
زكي:- الو... ي نعم منو.... شنوووووو..... يتبع 🔥

________

ام سطام:- شرط علي مايطلع ولدة الا يطلگج ووافق

تسنيم:- شلون اجازيكم يخالة بس فهميني شلون

مسحت دموعها بأيدها
ام سطام:- انت بس اضحكي هاي عندي بالدنيا كلها سبق وگتلج انت تذكريني بعزيزة گلبي

تسنيم:- اتمنى اعرفها هل گد تعزيها بس لان اشبها هيج ساعدتيني

ام سطام:- راح يجي يوم وتعرفيها

نفتح الباب ودخلت جمانة وياها بنية
جمانة:- هلووو شلونكم

ام سطام:- انت وين ختفيتي

جمانة:-رحت اجيب صديقتي خبصتني تريد تشوف تسنيم من گد ماحجيت الها عنها

ابتسمت وهي تمد ايدها الى تسنيم
الدكتورة رقية:- هلووو شلونج شخبارج طبعاً جوجو هواي سولفتلي عنچ

مدت ايدها بخجل وابتسامة
تسنيم:- هلا بيج

جمانة:- طبعاً رقية من اعز صديقاتي وهسه راح نصير ثلاث صديقات انا وانت وتسنيم حبيييت

تسنيم:- اتشرف بيكم حبايبي

ام سطام:- اكلج يمه خل اروح اصب الكم غدا وانتو گعدو سولفو

جمانة:- جاية وياج حبيبتي

حضروا الغداء وكعدوا كلهم سوة ورقية تباوع على تنسيم وتدرس حالتها حتى تبدي رحلة العلاج واول شي لازم تسوي تغير شكلها ونفسيتها
رقية:- خالة راح اخذ تنسيم وجمانة ونروح للصالون عادي تخلين فجورة يمج

حجت بفزة وخوف
تسنيم:- لا لا خاف يجون وياخذوها

ام سطام:- روحي يمه زكي العصر راح يجي هو كال

تسنيم:- بس خالة

ام سطام:- بلا بسبسة يمة روحي

ستحت تگول ان ماعدها فلوس وكلب امها حس
لذالك العصر دخلت عليها وهي تلبس حجابها
مدت ايدها بيها مبلغ
ام سطام:- هذا مقدم راتب الج

تسنيم:- خالة شلون اجازيج

ام سطام:- جازيني وصيري بخير لخاطر بنتج

مسحت دمعتها وباستها
تسنيم:- ياريتچ امي

بلعت غصتها وحجت ببتسامة
ام سطام:- مو مسكلة اصير الج ام صيحيلي يمة اذا هل شي يريحچ

دنگت ودموعها تجري
تسنيم:- ماگدر كرهت هل كلمة يخالة على گد ما هي حلوة بس كرهتها مااكدر انطقها احس بغصة

طبطبت على كتفها متفهمة وبداخلها نار
نفتح الباب
جمانة:- يالله كملتي هاي شنو هل دمووع شو مسحيها ويالله امشي
ترا مااحب الكئابة انا

ابتسمت ومسحت دموعها اخذوها وطلعوا فرغ البيت ودموع ام سطام صارت تجري تشهگ وتبجي
ام سطام:- شلون انسيج يايمة شلوون

اجاها سطام الي دخل من باب المطبخ تقدم باس راسها
سطام:- تنسى يايمة بس خل نكون وياها جدي يريد يخابرج مسحي دميعاتج

مسحت دموعها ولبست ثوب القوى
اتصل وانطاها الجهاز
الشيخ عكاب:- ها يم سطام شلونه حيلچ

ام سطام:- الحمدلله يعمي الحمدلله

الشيخ عكاب:- عفيه عليج ابوية هي ايام وتمضي تصير سوالف

ام سطام:- البنية تعبانا حيل يعمي حيل تعبانة كسره الي يتسمون اهلها تعادل كل الكسرات الي مرت بيهن

جر حسرة
الشيخ عگاب:- ييي يابوية الاهل كسرتهم ماتنجبر بس املنا بالله ثم بالدكتورة ان شاءالله تگدر تساعدها

ام سطام:- ان شاء الله يعمي

..
..
..
اول شي نزلو للسوگ اخذو قطع ملابس وعباية وشال جديدات يجننون وحتى المحلين المحددات الي راحو الها متفقين وياها اذا القطعة ب40 يكولولها ب10 وام الصالون هم هيج يعني عبالها كل شي بسعر ال150 بينما هذا كلف اكثر وهذا كلة تخطيط الشيخ عگاب وتنفيذ احفادة

في داخل الصالون روح رقية الحلوة وقسمها امام الشيح عگاب بان ترد اله الجميل على وكفته وياها بيوم الي ماتت امها الي تصير اله من بعيد لكن طيبت گلبة وكرمة كفلها وكبرها وصرف عليها الى ان اجاها الزوج الصالح وزوجها لهذا اجى اليوم الي ترد بي الجميل

وهي متحمسة تحجي لام الصالون
رقية:- باعي اريدج تكلبيها باربي ولو هي تخبل

ومن صدگ ماكالت لا من 4العصر الى ال9 باليل لعبت بيها طوبة گلبتها كلب صبغ وكص شعر وحفافة طلعت تجنن حتى الوحمة كانت عليها تصبغات صارت اخف واحلى

رقية:- خرب يومج شطلعتي

باوعت لنفسها بالمراية
تسنيم:- يعني حلوة مو مشوها

جمانة:- امداج ولج الوحمة تخبل عليج الله لو عندي نفسه كان هسه ملكة ومدلله

تسنيم:- يي مدلله من التكفخ اسم الله عليج اسكتي حبيبتي

ضحكت تخفي قهرها على حالتها
دكت على سطام مارد رجعت اتصلت على زكي

زكي:- ها يابه

جمانة:- هلا خوية شو اتصل بسطام مايجاوب

زكي:- نايم الاثول كملتوا اجي؟

جمانة:- يي تعال

زكي:- خوش راح اجيب فجورة واجي

جمانة:- تسوي فضل لان تحوس كلساع وكالت فجر

زكي:- زين زين

سدت الجهاز وتوجهت لتنسيم اجبرتها تلبس عباية جديدة من ملابسها وخلت الها مكياج خفيف ولفت الها الشال طلعت تجنن

تسنيم:- بالله هاي شمعناها والله عيب هو انا بالحالتين راح البس النقاب

رقية:- ذبي كافي

تسنيم:- لا شلون حرام

رقية:- مو حرام انت لبستي تخفين بي الوحمة خلي ثقتج بنفسج قوية اشمري لكن ابقي بحشمتج لان حلات البنت بأخلاقها وحشمتها

تسنيم:- ماكدر خاف الناس تشوفني وتصحك علية

رقية:- لابالله غير صرتي صديقتي غير الي يحچي حجاية وياج اطيح حضه

بعد دقائق رن جهاز من جديد
جمانة:- يالله تسنيم امشي اطلعي هسه انا احاسب ام الصالون على شغلي

بتسمت على شكلهم هو وبنتها
تسنيم:- صدك جذب حياك الله بكل وقت

زكي:- الله يسلمج

سطام:- نطيني الطفلة عاد مو خدودها راحن من البوس

زكي:- خايبين تنگرط والله

تباوع الهم بابتسامة
ام سطام:- ولكم يالله خل نروح

طلعوا من المستشفى يمشون وسطام وزكي وراهم لزم ايدة

سطام:- شبيك معوز حنان

زكي:- ياصخام يمعود القضية الي صار الها اشهر نركض وراها نفضحت ليوم

توسعت عيونة بعدم تصديق
سطام:- چذاب شلون

زكي:- منهم وبيهم الفضحهم

سطام:- شلون ولك

زكي:- انا اشرحلك هسه خل نوصلهم ونروح نضربها بصينية باچة ونمخمخ الها

سطام:- خرب يومك شتهيتها والله

زكي:- لعد يالله نطير

سطام:-على كولتك ياجعفر الطيار طيرنا ههههه

ضحكو ثنينهم وركبوا السيارات وانطلقوا الى البيت الي أجرة الهم الشيخ عگاب وصلوهم امام البيت المؤثث رغم البيت مو كبير بس حتى تمر هل فترة ووتعالج نفسياً

تركوهم بالبيت وطلعوا تسنيم تباوع على البيت والخجل ماليها شلون الي تظن انهم غرب وعاملوها بهل طيب ذيج الفترة اجت رونق بس تسنيم نهارت واجتها نوبة صرع من شافتها لذالك زكي وسطام منعوهم بعد من انو يوصلون الها

ام سطام:- ها بنيتي عجبج البيت

تسنيم:- يي كلش حلو بس خالة انت وعدتيني تلكين الي شغل
ماحب اكون عاله على احد

ابتسمت الها وطبطبت على كتفها
ام سطام:- فاهمتج يمة ادري بيج لذالك اطمئني لكيت الج شغل

ابتهجت ملامحها ودب الامل بداخلها
تسنيم:- صدگ خالة؟

ام سطام:- يي والله عندج جهال جمانة تدرسيهم لان امهم دوام وبيبيتهم مابيها عليهم كنت مخليتهم يم وحدة تدرسهم بس بطلت لان تزوجت وهسه اجى ببالي تدرسيهم وبالمقابل مبلغ

تسنيم:- بس خالة

ام سطام:- لابس ولا شي ازعل عليج والله

تسنيم:- لا كلشي ولازعلج هاي هيه

ام سطام:- خوش لعد ثنينهم تدرسيهم االبنية كانت تاخذ عليهم كل المواد ثنيهم 300 بالشهر راح انطيج انا 200 الف ال100اعتبري اجار مثل ماطلبتي

تقدمت عليها حضنتها بفرح
تسنيم:- هاي هي موافقة

بادلتها الحضن وعيونها دمعت طبطبت على كتفها
ام سطام:- عساج دوم فرحانة يايمة

تسنيم:- ان شاء الله

ام سطام:- انا اكوم اسوي الج تشريب تقوي عظمج صايرة معصعصة

بتسمت بحزن
تسنيم:- من الضيم يخالة من الضيم

ام سطام:- ماظل ضيم ان شاء الله كلها راحت وولت ايامج الجاية كلها سعادة بعون الله

باست فجر من راسها
تسنيم:- كنت هيج يخالة رغم كل الضيم ابتسم بس حملي لو اخلي على جبل كان وگع

ام سطام:- يابنتي ياما ضاقت الدنيا، بس الله أوسعها ترى الايام
تمر بثگلها، بحزنها، بحملها الثقيل، وتحس الدروب مسدودة، والليل ما بيه نجمة تدلچ على دربج ،بس تذكري … الله موجود، وقلب المؤمن أبد ما ينكسر. يمكن اليوم دمعتچ ثقيلة، وصوتچ مبحوح من كثر الحچي والكتمان ،

يمكن الأحلام تأخرت، والأمل صار مثل ضيفٍ نادر ما يزورچ بس لا يغرچ الضيم، ولا يخدعچ الحزن، لأن الله ما يترك عبد ناداه من قلبه. كل همّ إله آخر، وكل ليل يعقبه فجر، وراح تمر الأيام الثقيلة، مثل ما مرّت الي قبلها،

وتبقى بس الذكريات، تذكّرچ إنچ كنتِ قوية، وإن الله، كل مرة، كان أقرب الچ بطريقة ما مكن تتصورين شلون هيه لو ندري الله شنو مخبي النا ماكان ندبنا ولمنا حضنا على كل ذرة حز مرينا بيها

تجري دموعها وهي مركزة وي كل حرف
تسنيم:- الله شلون كلامج حلو والاحلى الحنية الي بصوتچ

رفعت ايدها ولزمت الوحمة
ام سطام:- شسويلج واعوضج عن ذيج الايام؟

حچت بهظيمة
تسنيم:- لتسوين خالة لتسوين الي مني وبيه ماسوو ولفو السبب بدماري بيتهم وانا الي ضحيت الهم بروحي شمروني ونسوني
عبالك مو بنتهم عبالك وحدة لاگيها بالشارع

ام سطام:- كلشي يصير

عقدت حاجبها
تسنيم:- شنو يعني مافهمتج

ابتسمت وحچت بشقى
ام سطام:- يجوز تطلعين مو بنتهم والج اهل غيرهم

ضحكت ضحكة من كل گلبها
تسنيم:- والله عليج سوالف ياخالة متأثرة بالمسلسلات

على اثر ضحكتها بتسمت اكثر
ام سطام:- بالله عليج لو طلعو الج اهل ام واخو يحبج واخت تتمنى لو تشوفج وعشيرة تفزعلج بالشدة بس ضعتي من عدهم من دون قصد شنو راح تسوين

وهي كاتمة ضحكتها صفنت تفكر وبعدها تلاشت ابتسامتها
تسنيم:- اول شي اعاتبهم ليش مادوروني ليش وليش وليش اووو كومة الحجي بس هاي حتى بالحلم ماتصير

ام سطام:- تمنى وحلمي بلكي تصير
جرت حسرة وهي تمسح على خد فجر
تسنيم:- خالة اذا اريد اتمنى راح اتمنى شي واحد وهو ياخذ حقي واشوف بعيوني كلمن اذاني وضلمني ينذل ويتعذب وبعدها اعيش انا وبنتي بسلام

ام سطام:- اسـ ااا تسنيم يمه واحد من جماعة سطام هو زكي مشالچ بمعاملة طلاق من مشعان

فتحت حلگها وعيونها سوى
تسنيم:- ط طلاق!!!

ام سطام:- يي يمه ماهان عليه اشوفج تضلين ويا وهو مأذيج

رجف كل جسمها وهي مو مصدگة
تسنيم:- بس بس شلون واوراقي

ام سطام:- يمه زكي يمه اوراقج ومشى بمعاملتج بطلب من عندي

شهگت وشمرت نفسها بحضنها
تسنيم:- يعني وافق راح يطلكني بس شلون وليش!؟

28

.
.
وكأن الفجر يُربّت على كتف الليل، يُخبره أن كل العثرات لم تكن إلا سُبُلًا للضياء. تنهض الأرواح من غفوتها، يزهر الصبر في ملامحها، ويبدأ العمر من جديد كنهرٍ غسلَ التعب في مجراه، ليعود أكثر صفاءً وانسيابًا نحو الأمل.


________
بعد عدة ايام
گاعد بالمكتب وصافن بالي صار اشبه بقصة من قصص الروايات لايصدقها الا كبير ولا حتى صغير
نفتح الباب ودخل سجاد ومبين جايب اخبار جديدة
سجاد:- هاا

زكي:- هلا بل بلبل الفتان

ضحك وشمر يمه اوراق
سجاد:- هاك البلبل الفتان جايب الك اسماء تجار مخدر**

زكي:- كفووو وهم من ضمنهم مو مثل ماتوقعت

سجاد:- مو بس الي ببالك لا حتى واحد من عمام تسنيم اقصد اسراء وياهم

اتسعت عيونه بصدمة وفتح الدفتر يتأكد وبدأ يقرأ بالسماء
سلام وماهر الاسمين موجودين
زكي:- هاي شني هاااي شلون لك شهور مراقبيهم حتى الزم زلة عليهم ماكو

سجاد:- والله مادري ياخويه

زكي:- مو مشكلة نجهز النا خطة ونقبض عليهم بعدها نعرف كلشي

بهاي الاثناء دخل الشرطي
الشرطي:-سيدي اكو شخص اسمة صلاح يريد يقابلك

بأستغراب
زكي:- صلاح؟! زين ماگال الك منو هو لو شيريد

الشرطي:-لا سيدي بس كال يريد يشوفك لامر مهم يتعلق بقضية قديمة

زكي:- شني هاي خلي يفوت

طلع الشرطي وزكي صابة الفضول

سجاد:- منو هذا تعرفة؟

زكي:- تراا گاعد يمك ماطلعت وشفت هسه يجي ونفتهم

سجاد:- لسانك خرب يومك

نفتح الباب ودخل شاب وجهة تعبان مبين المرض او التعب
على ملامحة

صلاح:- مرحبا
يباوع لشكلة ويتفحصه بستغراب وشك
زكي:- اهلا وسهلا تفضل ابني

صلاح:- سيدي صار يومين ادور على مكان عملك خصوصاً بعد مانكشف السر وعرفتو بنت عمك

اتسعت عيونة بصدمة وازداد حيرة واستغراب
زكي:- تعال تعال اكعد وسولف شعندك

اتقدم وگعد على الكرسي وسجاد وزكي يباوعون اله
صلاح:- سيدي انا صلاح ابن سلام الثاني الي يصير عم تسنيم

باوع على سجاد وعيونه كلها كلام غمز اله واشر على الجهاز بمعنى سجل سجاد فهم وفتح تسجيل
زكي:- يي ابني كمل شجابك وشتريد

صلاح:- سيدي انا صار الي محبوس بالبيت اربع سنوات قبل ايام سمعت ان سر تسنيم نكشف وان اقاربها واهلها يشتغلون ضباط وذكرو اسمك واسم شخص اسمه سطام هل شي ريحني وخلاني اتشجع و اقرر انهزم واجي احجي شي نايم على گلبي كل هاي السنوات لذالك شردت وبقيت ادور الى ان لكيتك

زكي:- يي سولف اسمعك بس انت ليش هيج حالك؟

صلاح:- سيدي انا مدمن مخدر***

ابتسم بأستهزاء
زكي:- وفرحان تحجيها طبيعي

صلاح:- مااخذتها برضاتي انجبرت عليها سيدي الي انا بي هو سبب سماعي الى جريمة قتل صارت

تبدلت ملامحة وركز اكثر
زكي:- مقتل منو؟

بلع ريگة ونشف عرگ الي يتسلل من جبينه
صلاح:- جريمة قتل همام

غمض عينه باسف وقهر
زكي:- كالها والله گالها شكه بمحله كمل كمل من غضب الله عله هل عائلة

صلاح:- سيدي همام تم قتلة عن طريق اعطائة ابر هلوسة خلته ينتحر

ضرب الميز بقهر
زكي:- لايا حيوانات

صلاح:- سيدي ماهر وابوي هم السبب الرئيسي بمقتلة وهم السبب بالي صار رادوا يموت بحادث لكنة بس تكسر

سجاد:- وليش هيج سوو

صلاح:- لان لزم عليهم خيط وبدى يحفر وراهم

گام من الكرسي وهو حاير ومقهور
زكي:- وشنو الي يثبت كلامك صح

صلاح:- قدموا طلب وافتحوا القبر وحللوا الجثة متاكد راح تلگون بيها نسبة مخد***

هز راسه وگال بأمر
زكي:- راح تبقى تحت الحجز

تكلم بقهر وهو يعصر بجسمة
صلاح:- سيدي مو مشكلة بس تعبان صار يومين مو ماخذ جرعة جسمي جاي يموتني

هز رأسه باسف
زكي:- سجاد اكتب بي تقرير وحوله للمستشفى وخلي علي حراسة
وجهز الي العناصر اليوم نهجم

سجاد:- اليووووم!

زكي:- ي نعم انا هسه طالع

بدون لا يسمعهم سحب سلاحة وجهازة وطلع
..
..
..
بين كتمان وحزن ام سطام بقت كل هاي الفترة ويها بالمستشفى واليوم قررو يطلعون للبيت الي اجرة الهم الشيخ عگاب واكفة وتلبس بيها بالعباية
باوعت الها بعيون مدمعة
تسنيم:- شلون بهل دلال لاتعوديني خالة لان مصيري عايفتج لاتعلقيني بيج اكثر الي بيه كافيني

بلعت غصتها وحجت بضحكة
ام سطام:- يي بالله وين تروحين؟؟ اصلا راح اشوفلج شغلة وتعيشين يمي شو وحدي بهل بيت من تزوجت بنيتي وانا اتصفن وابني بالسنة حسنه اشوفة وبلا هل سوالف امشي يالله خل نطلع

دخلت جمانة ووراها سطام
سطام:- ها حجية نتوكل ؟

ام سطام:- يي يالله يمه كملنا

بهاي الاثناء دخل زكي

سطام:- شجابك

زكي:- ماجاي عليك جاي على فجورة

اخذ الطفلة من السرير وگعد يناغي الها

باوعت الهم بأمتنان
تسنيم:- مادري شلون اشكركم

سطام:- واجبنا هذا خوية

تسنيم:- الاخوان مايسون سوايتكم والله

باوع الها بحنية
سطام:- مو كل اخوان خوان اصابعج مو متساويات

باوع الها بخجل
زكي:- ام فجر ممكن طلب

تسنيم:- اذا اكدر من عيوني تأمرني أمر

زكي:- سالمة عيونج بس شسمة الطفلة تربعت بگلبي يصير كل فترة امر اشوفها؟؟