نعت شریف

د نوم تکرار کي دي عسل غوندې خواږه پراته دي
حبیبه ستا د نامه توري مي پر زړه  پراته دي

ستا د الفت د سپارې باید ټول توري یاد کړم
شیرینه مینه کي دي ژوند لره هر څه پراته دي

سپيڅلې مینه یې ريښتیا کړه زلمو وپا لله
څو یادګارونه یې زما زړه کي میلمانه پراته دي

د یاد بیلتون دي زما د زړه پتنګ سوزلی په اور
تر شمعي لاندې یې وزر لکه سکاره پراته دي

یا چي تري ځار شم یا محسن دي تر کوڅې درشمه
دا دوه ارمانه مي زړګي کي بس پراته پراته دي

محسن احسان