🔴 سازمان پیمان امنیت جمعی: تقویت امنیت مرز میان افغانستان و تاجیکستان مهم است

⬅️منشی عمومی سازمان پیمان امنیت جمعی، تقویت امنیت در امتداد مرز میان افغانستان و تاجیکستان را نه تنها برای تاجیکستان، بلکه برای امنیت تمامی کشورهای عضو این سازمان مهم عنوان کرده است.

⬅️تاس، خبرگزاری دولتی روسیه ناوقت روز چهارشنبه ۲۹ جنوری (دهم دلو) از دیدار امام علی رحمان، رییس جمهور تاجیکستان با ایمان‌قلی تاسما گامبیتوف، منشی عمومی سازمان پیمان امنیت جمعی خبر داده و در گزارشی گفته است که دو طرف دربارۀ تهدیدات امنیتی ناشی از خاک افغانستان بحث و گفتگو کرده‌اند.

⬅️تاسماگامبیتوف پس از دیدار با رییس جمهور تاجیکستان گفته است که سازمان پیمان امنیت جمعی کار روی یک برنامۀ پنج ساله را برای تقویت امنیت مرز این کشور آغاز کرده است.

⬅️رییس این سازمان افزوده است: "کار عملی آغاز شده و این برنامه برای پنج سال طرح‌ریزی شده است. سال نخست برای اطمینان از اینکه این برنامه در سال‌های بعدی ویژگی‌های ملموسی داشته باشد، تهیه اسلحه و تجهیزات نظامی به هدف تقویت امنیت در امتداد مرز میان تاجیکستان و افغانستان بسیار مهم است."

⬅️او از تلاش‌های مقام‌های تاجیکستان به شمول رییس جمهور آن کشور به هدف ایجاد این طرح و عملی‌کردن آن قدردانی کرده و خواستار ادامۀ همکاری‌ها در این مورد شده است.
🔜 @tarjomanaf