عاشقان اباعبدالله الحسین(ع) و شیفتگان کربلا

✔️راه شام .....

شیعه بی باک ترین مکتبی ایجاد ایلیوب
شیعه ویرانه حریتی اباد ایلیوب
شیعه حزب شرفی قانیله بنیاد ایلیوب
شیعه چوخدان قوشولوب بیعت پروانه لره
اگمیوب اگمیجک باشینی بیگانه لره


شیعه مستکبر و طاغوتیله پیکاریده دور
رمز پیروزی بی وقفه سی ایثاریده دور
اوج پرواز و تجلاسی سر داریده دور
قلب میداندا گزر جاهد نستوه کیمی
شیعه ظلمین قاباقیندا دایانار کوه کیمین


شیعه بوینون نه سلاطینه نه تهدیده بورار
قاف غیرتده ابوالفضل کیمین خیمه قورار
شیعه نون باشیده گئتسه سوزونون اوسته دورار
شیعه تاریخ بشرده حرکت باعثی دی
یعنی یتمیش ایکی وارسته قانین وارثیدی


شیعه عالمده گرک عاطفه فریادی اولا
یتیشه بیر یره کی معرفت استادی اولا
ئوز زمانینده پیام آور آزادی اولا
دوشه زینب کیمی چولدن چوله حقدن دانیشا
گلمیه قمچی الیندن دیله حقدن دانیشا


کوفه دن شامه وورا باشه حسین وای چاغیرا
توش اولاندا آقاسی داشه حسین وای چاغیرا
باخا سر نیزه ده قارداشه حسین وای چاغیرا
دئیه ای فاطمه ریحانی فدا گوزلروه
اوخی قرآن باجوون جانی فدا گوزلروه


ای قلم شام یولوندان سوز آچیلدی غمه باخ
گئچمه سوزدن دایانوب بو محن اعظمه باخ
کاروان اسراده علم ماتمه باخ
ناگهان گوردیله گویده مه روشن دایانوب
نیزه شاه شهیدان حرکتدن دایانوب


نیزه ترپنمدی سعی ایلدی دشمن نه قدر
هامی حیرتده قالوب بیربیرینه ائتدی نظر
دئدیلر راز امامی تک امام اوغلی بیلر
گلدی سجاد باخوب وضعه اولوب حالی غمین
اسرادن دئدی یولدا ایتنی واردی یقین


اسرادن سان آلوب فورا او دم زینب زار
گوردی اول غم زده پروانه لرین هاموسی وار
جمع ماتم ده فقط یوخدی بیر اوچ یاشلی نگار
مضطرب اولدی اوشاقلار اوجالوب آه و نوا
زجر مامور اولوب آهوی گریزانی تاپا


گئتدی تاپسون دل ظلمت ده رقیه خانمی
دئمورم گوردی نه حالت ده رقیه خانمی
قیتروب فورا او ساعت ده رقیه خانمی
گلدی دوز گئتدی خانم راس شهیدانه طرف
باخدی نه زینبه نه جمع اسیرانه طرف


ئورگین قهریله دریای بلایه ووردی
راس سلطان جنانیله مقابل دوردی
گوردی بیر ایش کی هامی قلبیلری یاندیردی
محفلی محفل عشقیله صفا فرض ائله دی
چوخ ادبلن یارالی باشه سلام عرض ائله دی


دئدی ای شاه سنه روح و روانیم قربان
قوریان لبلروه سوز نهانیم قربان
باخ منه دردیم آزالسون سنه جانیم قربان
تیتریئن دل دوداقیم مشگله سالمیش ئوزومی
دانیشا بیلمیورم سن اوخی گوزدن سوزومی


آتسا هر بلبلی گر باغ و چمن والله ئولر
کیمی صحراده اسیر ائتسه محن والله ئولر
قورخودان من کیمی احواله دوشن والله ئولر
ئولمدیم گلدیم ئوزونلن بابا صحبت ائلیم
زجریدن محضر پاکونده شکایت ائلیم


وار یادوندا دئیریدون منه مرضیه مرام
ایندی بیر دقت ائله ای ئورگی داغلی امام
هر جهتدن باخاسان فاطمیه اوخشیورام
عمری تک خارین الیلن گل عمریم سولدی
بیر گوزوم قانی آزیدی اودا تکمیل اولدی


ثانی ِ ثانی بیابانیده تاپدی منی تک
من دئدیم یوخدی الیمده سند ملک فدک
دئدی تکرار اولا یثربده کی برنامه گرک
ووردی بیر سیلی او دم جانیمی سالدی خطره
یوخودی دوره ده دیوار یوزوم دگدی یره


اوچ گئجه سن ساچیمی هورمدون الان منه باخ
آخی آغوشیده یر وئرمدون الان منه باخ
کوچه ده گر آنووی گورمدون الان منه باخ
سپمیشوک حق یولونا هر ایکیمیز قان یارالی
فاطمه سینه دن اما من ایاقدان یارالی


سرنوشتی عجب اوخشور بو ننه ایلن نوه نین
اودا اللرده ئولوب ئولملیم منده یقین
ولی بیر فرق ائدروک عاقبت ای سرور دین
اونا حیدر ائلیوب غسل کفن بوکدی گئنه
من قرا معجر ایچینده گئدرم قبر ائوینه

#شیعه_بی_باک_ترین
#راه_شام
#تورکی_نوحه_لر
فایل صوتی 👇👇👇👇

حضرت زینب ( س ) در راه شام


ای یارالی  گوز  تیکوب   بو کاروان منه
     دوش قباقه ویر بو یوللاری نشان منه
چوخ یورولموشام دیندیرون منی  
        ناقیه     گلین       میندرین منی
کاروان گیدور  باغری قان گیدور
زینبون   حسین    ناگران گیدور


قمچی الده   باشیم   اوسته  ساربان  دوروب
ساق صولومدا شمر و خولی و سنان دوروب
بو    یارالارون    باغلیامادیم             
        ایل      قبیلمه      آغلیامادیم  
کاروان گیدور  باغری قان گیدور
زینبون   حسین    ناگران گیدور
کربلاده   آخدی   ظلمیله      آی     اولدوزون
جانه دویدی سینه ن اوسته خیرداجا قیزون
شامه و کوفیه  قافیلم   گیدور       
             زینبون   الینده    علم  گیدور
کاروان گیدور  باغری قان گیدور
زینبون   حسین    ناگران گیدور
گون   اوینده  بی کفن  یارالی  یاتموسان
بو یامان گون اهل بیتی گوزدن آتموسان
من مسافرم  خسته جان حسین       
   دور دالیمجا ویر بیر اذان حسین
کاروان گیدور  باغری قان گیدور
زینبون   حسین    ناگران گیدور
ناقه   اوسته   غم   کتابینی  وراقلارام
بو رقیّه نی گوز اوسته منده ساخلارام
قویمارام  بونا  قمچی لر دَیَه             
         بار  غم   بونون  قامتین  اَیَه
کاروان گیدور  باغری قان گیدور
زینبون   حسین    ناگران گیدور
قویمارام  جهاندا  بو آخان  قانون  باتا
گر ئولمده  قویمارام  بو  پرچمین  یاتا
دخت حیدرم ، زیب منبرم                 
       حافظ          مرام           پیمبرم
کاروان گیدور  باغری قان گیدور
زینبون   حسین    ناگران گیدور
اهل بیتین ال  قولوندا  قید و سلسله
شامه و کوفیه گیدور بو غملی قافیله
یولدا ناقه لر گوز یاشین الر        
                 اصغره   باخوب  آهولر ملر
کاروان گیدور  باغری قان گیدور
زینبون   حسین    ناگران گیدور
هر   دقیقه   قلبیمی   بو   غصّه   تازه لر
گون ایوینده عمری تازه ،گول جنازه لر
باخ بو باشلارا ، گوزده یاشلارا         
       نوک  نیزه ده  ، باغری  قانلارا
کاروان گیدور  باغری قان گیدور
زینبون   حسین    ناگران گیدور






فایل صوتی👇👇👇

‍یاحسین عشقوندن ازبس مست وشیدا
اولمشام
بی خیالِ هستیِ امروز و فردا اولمشام

ایتمشم عادت گئجه گوندوز نواخوان
اولماقا
لذّت دهر فنایه بی تمنّا اولمشام

یازمشام عطشان لبوندن گه غزل گه مثنوی
حلقۀ عشاقیده من بیر مُعمّا اولمشام

عشقوون میخانه سیندن قُومشام نامَحرمی
ورمشام هی نعرۀ مستانه رسوا اولمشام

زلفوون بیرتارینه مین جانی قربان ایلرم
مَسلَخ عشقونده حُرّ بی مُحابا اولمشام

عشق وخون بازاروون سوداگرعیّاریم
قطره مثلی واصلِ امواج دریا اولمشام

تانَفَس سینمده واردورسسلرم جانم حسین
"سیفی ام"درویش درگه بوس مولا اولمشام

استادسیفی اردبیلی

روضه حضرت زینب کبری سلام الله علیا




غساله گلوب گوز یاشیمی سیلدی گوزومدن

گوز یاشیمی پاک ایتدی ولی دوشدی دوزومدن

سسلندی خانملار داخی من گیتدیم ئوزومدن

معلوم اولونور بو خانمین نیسگیلی چوخدی

یول یول گوریبدی بدنی صاف یری یوخدی

اولسا جان اوسته باجی قارداشی قیدینده قالار

باجی تابوتینی ئوز چینینه قارداشی آلار

هر قدم آتدوقجا قبره طرف وای دیجک

باجینی قبره قویانان صورا لای لای دیجک

(الله هیچ باجینی قارداشسیز المه هیچ باجینی غریبه ئولدورمه خانم یانایانا دیدی حسین ئولورم ابوالفضل گل یامان گونومدی آی قارداش)

بیریرده حسین جان ویریرم سایه ده یوخدی

زینب سنه قربان اولا همسایه ده یوخدی

👆👆👆


سلام

دوستان اگه کامل این نوحه رو دارید لطفا بفرستید کامل کنم

من زینبم وفالیام مدینه نون مارالیام

آز قالور روحیم آیرلا حسینیمه عزالیام




گرک بوباشه غم گله اوصاحب علم گله

گزتلیرم ننم گله