روضه حضرت زینب کبری سلام الله علیا




غساله گلوب گوز یاشیمی سیلدی گوزومدن

گوز یاشیمی پاک ایتدی ولی دوشدی دوزومدن

سسلندی خانملار داخی من گیتدیم ئوزومدن

معلوم اولونور بو خانمین نیسگیلی چوخدی

یول یول گوریبدی بدنی صاف یری یوخدی

اولسا جان اوسته باجی قارداشی قیدینده قالار

باجی تابوتینی ئوز چینینه قارداشی آلار

هر قدم آتدوقجا قبره طرف وای دیجک

باجینی قبره قویانان صورا لای لای دیجک

(الله هیچ باجینی قارداشسیز المه هیچ باجینی غریبه ئولدورمه خانم یانایانا دیدی حسین ئولورم ابوالفضل گل یامان گونومدی آی قارداش)

بیریرده حسین جان ویریرم سایه ده یوخدی

زینب سنه قربان اولا همسایه ده یوخدی