بمناسبت میلاد حضرت علی اکبر و
گرامیداشت روز جوان

شعر جدید اکبره باخ  ( محمد عابد )

یا حسین  گردش گردون  فَره باخ  اکبره باخ
گلشن    عشقیده   غارت  گَره باخ  اکبره باخ
🌹
باغبان   کیمدی  بو سیماده  صنوبر  یارادیب
گوز  یاشیلان  سواریب  نوگل احمر یارادیب
ائله   استاده   ماشاالله   بئله  منظَر  یارادیب
قادر   الله    اوزی    پیغمبره    بَنزر   یارادیب

قویمیوب  نقص  یوزونده  یارادان دلبره باخ
نایب     منتخب     حضرت    پیغمبره     باخ
🌹
دِئنه   بَه بَه   بو گوزل  گوزلری  الله  یارادیب
عاشقم   من  بو   ملک منظَری  الله  یارادیب
آدی   دیللَرده     علی  اکبری    الله   یارادیب
ائله  بیل   حضرت    پیغمبری   الله  یارادیب

گلشن  حضرت زهراده  بو خوش  منظره باخ
وجهیده    خاتم    پیغمبره    باخ    اکبره  باخ
🌹
الله  الله   بو که   اکبردی    پیمبر  نه  ائمیش
بو   وجاهت   اونا  بَنزردی  پیمبر  نه  ائمیش
هامی   زیبا لره   رهبردی   پیمبر   نه  ائمیش
بو که   گوننّدَه    منوّردی   پیمبر   نه  ایمیش

بونه یوسف دی  نه عیسادی  خدا  اکبره باخ
شرف   آئینه سی   ،    آئینه یِ    پیغمبره باخ
🌹
دُر    پُر    قیمت    زهرادی   که   بَنزر   شاهه
گَه   باخور   زینبه   ساری   گهی   شاهنشاهه
شه اوزی  گوزگوزه  تیکمیشدی  بوگون  اَللهه
گوئیا    حضرت    حیدر دی   باخور   درگاهه

اکبرون   دل   آپارور   نازیله   گَل  دلبره  باخ
باخما سَن  گوز  گوزه  اللهه حسین اکبره باخ
🌹