روايات يمنية📚🇾🇪

.

البـارت 28 ☆

مشـاعـر مسمـومـة 💜


👌🏻👇🏻 😍
📚 @rewayatyamania  🇾🇪


اياد ويزن ماعاد يروحوا البيت واصبحوا واصل في بيت عمهم عشان داليا تاخذ راحتها، داليا فهمت حركتهم بدون ما يتكلموا وتضايقت بس تجملت منهم واصبحت علاقتها معاهم جيده شوية يعني اصبحت تكلمهم بدون خجل

درسوا الشهرين والنص وجان كل ماله يتعلق بداليا اكثر واليز اتفقت مع جيم انه يلعب بعقل لينا وفعلا بدا يهتم بلينا بزيادة وهدايا وحركات وغزل صريح يزن كان يحاول يتجنب انه يفعلها لان يزن يعرف حدوده كيف يحب بينما جيم استغل مشاعر لينا ويفعل اشياء ما فعلها يزن، اما اياد ويارا علاقتهم تمام، وداليا غافله عن قصة الحب اللي بين الكل وياسر ما زال للان ما لقي البنت اللي تستحق قلبه ولا بحسه من هذا الموضوع ولا جاء بباله...

وفي اليمن امير وابوه كل ما مشاكلهم تزيد اكثر واكثر وملاك تتعقد اكثر واصبح كل لحظة لها داخل البيت خوف، اسيا مستمره تدرس ومستمتعة وتعرفت على صديقات في الجامعة وفي واحد بدفعتها بدأ يعجب باسيا وشخصيتها وهو ما يعرف عن حسام او انه يقرب لها يعرف انه بس بالدفعة، اما سارة ورانيا مافيش اي تغير بحياتهن كذلك هاني ورامي عايشين حياتهم ببساطة، ابو هاني وام هاني مشاكلهم تكثر
وانتهى تجهيزات عرس روان والان الجميع يحتفل بعرسها

نجاة دخلت وبيدها فستان الغسل: روان بخرت لش الفستان البسيه امد اجهز لش...

ما كملت كلامها الا وسكتت بخوف ورعب
بعد دقيقة من الاستيعاب صرخت: رووواااااان

رجمت الفستان من يدها وهي تشوف أختها مدوخة وحولها عدد هائل من الأدوية اللي قدها فاضية حملت لعندها وهزتها: روان روان ياروحي روان ردي عليا روان
-صرخت بأعلى صوتها: أمااااااااه أباااااااااه
-رجعت تشوف روان: روان قوا روان قوا جاوبيني جاوبيني أنا فدالش

شافت شي أبيض يخرج من فمها وصرخت بخوف أكبر: أمااااااه أبااااااه أمااااااااه تسمعوني جاااوبوني جاوبوووا وينكم وووييييننننننكم مااالكم ما تسمعووووووووش

تذكرت إن أبوها في المستشفى في عمله وأمها سارت لعند المخيطة عشان تخرج جرز يوم الذهب وإنه مافيش أحد في البيت جننت ما عرفت أيش تسوي لبست بسرعة وخرجت لبيت صالح

وصلت وشافت الباب الخارجي مفتوح دخلت بسرعة للباب الداخلي شافته مغلق ودقت بيداتها الثنتين بكل هستيرية: ررامي حساااام رررامي يا راامي هاااني ياعم طه

رامي قام بسرعة: أيش في

رانيا خرجت تحمل بخوف: هذا صوت نجاة

سارة خرجت بعدها بسرعة وخايفة: هاني وحسام في الجامعة

رامي نبع بعد رانيا وقف بخوف لما شاف لنجاة وهي ترجف وتبكي بهستيرية

رانيا ماسكة لنجاة: نجاة مالش مالش أيش في إتحاكي

نجاة شافت لرامي وتجنن: يا رامي الحق أختي أختي عتموت بيخرج من لقفها حاجة بيضاء أختي تسممت إلحق يا رامي مافيش أحد في البيت

رامي ما كمل يسمع كلامها إلا وقده في بيت روان كان يدور في كل مكان وينها، ونجاة لحقته بسرعة ورانيا طلعت تلبس وخرجت بعدهم

أم هاني: سارة وين رايحة

سارة بخوف: بسير أشوف روان

أم هاني بجدية: إدخلي كملي سوي الغداء لو جاء جدش قولي له رانيا تضحي أي شي مش ناقصين مشاكل ليش تخرجين من راسكن

سارة أقتهرت ودخلت المطبخ: حاضر

رامي فتح باب غرفة روان وشافها زي المسممة خاف ما دري ما يسوي البنت بشعرها ماقدر يتصرف

نجاة دخلت من جنبه ومسكت أختها: إسعفها

رامي شاف لرانيا: بسرعة لبسنها شنزل أشغل السيارة

نزل ورانيا ونجاة لبسين روان حاولين يشلنها ما قدرين

رانيا نزلت وبدموع: ماقدرناش نشلها

رامي نزل من السيارة ومقهور: وخري

طلع شافها مسترة راح حط يد روان على رقبته وشلها بحضنه ونزل دخلها في السيارة وشاف نجاة: إطلعي بسرعة

وشاف لرانيا: وأنتي روحي قبل ما يجي جدي

رانيا تروح: طيب وطمنوني

رامي طلع فوق السيارة وفحط للمستشفى

@rewayatyamania المصدر الأول للروايات

فــــي أمريكـــــا
جون مد للينا قلص عصير: إشربي الجو حار

يزن أخذ القلص قبل ما تأخذه لينا بغيرة وشربه: الجو جميل والعصير بارد ستمرض إن شربته

إياد كاتم ضحكته: أيوة صح

داليا مع مرور الأيام بدأت تركز: يحبها؟!

إياد: يموت فيها

داليا أبسرت ليزن ولينا: يستر يستر

لينا أبتسمت من تصرف يزن: هلق إعطيني بدلو

يزن: عيوني بس لا تتسممي من يده لو تشتي تتسممي تسممي من يدي عادي

الكل: هههههههههههههههههه

جون: ماذا تتحدثان؟!

إنجي: يجب علينا دراسة اللغة العربية

إليز: أوافقك الرأي

يزن شافهم بنص عين: يا منعاه مش ضروري تلاحقونا بكل شي ما أفتكينا منكم إلا باللغة

يارا و إياد وياسر وداليا ولينا: هههههههههههههههههههه والبقية مش فاهمين شي

فكيتور: يزن ماذا يحدث عندما تتحدث الجميع يضحك؟!

جان: يبدو إنه يتحدث عنا بمرح

يزن راح عشان يشل عصير للينا: لا شيء هل تريدون العصير؟؟

الجميع: نعم

جان شاف لداليا: هل أحببتِ أمريكا؟.....





📚 @rewayatyamania  🇾🇪

.

البـارت 26 ☆

مشـاعـر مسمـومـة 💜


👌🏻👇🏻 😍
📚 @rewayatyamania  🇾🇪


رانيا ابتسمت وتضحك بخفيف عشان محد يحس وسارة واسيا كل واحده تدكمها عشان تسكت

حسام توتر كمان: ولا شي

صالح شاف هاني: وانت مالك تنتف شعرك امتليت قمل؟؟

رانيا ما قدرت تكتم وضحكت بدون شعور والبنات يضحكين ويدكمنها بدون محد ينتبه

صالح شافها: خرجي الضحكه لا تحبسيها

رانيا مسكت ضحكتها: آسفة

طنشها ورجع يشوف للشباب: وضعكم اليوم مش عاجبني مالكم

ابو هاني شك فيهم وسكت سكته

هاني: جوعنا اول واكلنا خارج

صالح اشر لعند رامي: وماله هذا جاء مفجوع (هور)

حسام يرقع لكذبهم: اكلت انا وهاني بس هو ما يحب اكل خارج

البنات ضحكين بصمت وهن عارفات ان رامي يقش الاخضر واليابس بس الحمدلله الجد ما يعرف عن حياتهم خارج لذلك صدق ان رامي ما يحب اكل خارج قام وحذرهم ان بعد العشاء كل واحد يروح ينام

اسيا قامت ترفع: انا شبدأ انظف كملين ورفعين

رانيا وسارة: حاضر

ام هاني قامت: الله اعلم ما قد سويتوا لكن انتبهوا، تصبحوا على خير

الكل: وانتي من اهله

@rewayatyamania المصدر الأول للروايات

ام اياد قامت وراحت غرفتها وكذلك ام حسام والبنات رفعين وكنسين ورجعين دخلين المطبخ عند اسيا والعيال راحوا لعندهن

ابو هاني خرج من الحمام (وانتوا بكرامة) وراح للمطبخ وشاف للعيال

ابو هاني: خزنتوا اليوم

العيال توتروا وما ردوا

ابو هاني تأكد: يا ويلكم لو يعرف جدكم ثاني مرة تعيدوها شاكلمه

هاني: بإذن الله اخر مره

ابو هاني يخرج: انا حذرت

اسيا مصدومة: خزنتوا

رانيا: وانا اللي داني دانا دان واويلو اقرب من الشر يا قلبي وغني لو

سارة: مجانين انتوا

حسام: وطين اصواتكن ما بسرونا نسرق بسرونا نتقاسم

سارة جلست فوق الماسة: كم تحاسبوني وما اكلم جدو

رامي: بدأ الاستغلال

سارة صرخت: ياجد.....

هاني غلق فمها: اصصصص اصصصصصص
وشد على فمها اكثر: اصااااااه

حسام خرج ألف: هاه

سارة بقزازه: ألف

حسام خرج ألف ثانية: اقسم بالله ما ازيد غيرها

هاني خرج ألفين: هاه

سارة تأشر لرامي: ايش عادك مريع

رامي خرج ألف: حرام ما ادي غيرها قد صرفتها واكلت

سارة اخذتها: اصلا صدمة حياتي لما قال حسام انك ما تحب تاكل اكل الشارع

رانيا مقهورة: كلنا نعرف نتكلم والا بس تعرفوا تحاسبوا سارة

اسيا تصيح: ياج.....

حسام: صيحي واسير اسحب ملف الجامعة

اسيا سكتت بقهر: تافه هذا حين مستقبلي بيدك

هاني ضحك: ايوة هنا احنا نهدد مش انتي

رانيا: بس انا مافيش شي تهددوني فيه

رامي شاف للعيال: متى عرس روان بنت عمي كااامل

العيال: بعد شهرين ونص صح

رامي: صح صح جدي ايخليهن يسيرين

الكل: لا

هاني شاف رانيا: اذا ما تكلمتي وعد نخليكن تسيرين بأي طريقة

رانيا اقتهرت: طيب بسكت وبشوف

رامي يخرج من المطبخ ومنعس: تصبحوا على خير ملاني نوم

هاني وحسام انصدموا كيف هو عكسهم ياكل خيرات وجاه نوم بعد القات وهم لا

حسام: ماله هذا

هاني رفع يده: مدري

بعد ما الكل كمل عمله كل واحد في غرفته البنات رقدين ورامي في سبات اما هاني يقلب اليوتيوب والتيك توك والفيس وغيره بملل وحسام جالس يكلم بنات خلق الله

رفأ: يعني الآن ما تقدر تفسخ خطبتك من اسيا

حسام بقهر: لا كم حاولنا انا واسيا مافيش فايدة

رفأ مقهورة: طيب سوي مثل عمك شرف

حسام ضحك: عشان تكون نهايتي مثله مطرود منبوذ

رفأ: مش مهم المهم تعيش مع اللي تحبها نفسه

حسام: انا مش مثله، عمي ترك اسرته وهو راكن بس انا احب امي ومستحيل افلتها

رفأ: خذها معانا

حسام ضبح: اخلي امي تفلت ابوها؟؟
وبعدين جدي ما قصر معي ابي مات من واحنا اطفال وجدي علمنا كبرنا درسنا صرف علينا ربانا وعاملنا مثل عيال خالي طه وافضل ويدي العالم لبين يدنا مدري انتوا كيف تشوفوه ظالم بس الحقيقة هو مافي اطيب منه وهو معيشنا صح وخايف على مستقبلنا

رفأ تضايقت من كلامه: ما يهمني، تصبح على خير

حسام تضايق من الموضوع: وانتي من اهله

خرج من دردشتها شاف بنات كثيرات مرسلات له رد على الاوله: حيااا بروحي حيااا يووووو كم انا فاقد لش

البنت ضحكت: هههههه حيا ملان الدنيا

شاف ياسر رسل له ترك كل البنات وجلس يكلمه

ياسر يضحك: كم جابرت بنات اليوم

حسام: ثنتين

ياسر مصدوم: كيف لوما اقتصدت هكذا

حسام ضابح من كلام رفأ: ضايق يا خوك

ياسر: من ايش تحاكى

حسام شرح كل شي لياسر وياسر واقف معه بس كعادته يضبح الكل بضحكته بالذات بالمواقف الجدية
.
.

فــي بيـــت ابو اميــــر

امير دخل وعلى طول مشي صلا غرفته

ابو امير صرخ: امير تعال

امير راح لقدام ابوه: هاه

ابو امير: خزنت افتهنت

امير: الحمدلله

ابو امير: اسكه تلفونك

امير جابه له بدون نقاش: ليش اتفتشه

ابو امير اخذ التلفون ورماه: لا اكسره

امير شاف التلفون مكسر: ليش كسرته

ابو امير: اشوف التلفون اللي خلا زياد يلعب لك بعقلك ويمكنك اتصالات.......





📚 @rewayatyamania  🇾🇪

.

البـارت 24 ☆

مشـاعـر مسمـومـة 💜


👌🏻👇🏻 😍
📚 @rewayatyamania  🇾🇪


حسام يكلم رفأ ويشوف همدان وهو يضحك

أمير صرخ: ترمسس يا حسام ترمسس

رامي: ماهي إلا لك وحقك يا حسااام

الشباب: حقك

حسام ضحك وتركهم وخرج

رفأ تضحك: مالهم هذولا يزفوك؟!

حسام: مجانين ما عليش منهم تخديرة قات

رفأ أستغربت: مخزن؟؟

حسام ضحك: أيوة

رفأ ضحكت ومش مصدقة: وريحهم ويا ليت جدك يشوفك

حسام: ههههه ما عليش مننا المهم وحشتيني يا روحي

رفأ بإحراج: وأنت أكثر
.
.

فــــي أمريكــا

إياد: يزن وين وصلت

يزن صحصح من تفكيره: شباب!!

ياسر وإياد: هاه

يزن بجدية: تعتقدوا لو سافرت اليمن وحاولت أصلح بين أبي وجدي بقدر

إياد ضاق من الموضوع: أيش تشتي من جدك أنت بعقلك أنت بتروح لواحد راجم لك

يزن: أنت إسكت يا معقد

ياسر: والله مدري إياد معه حق يكره جدي وأنت معك حق إنك تحاول ترجعهم لكل واحد منكم موقفه وتفكيره بس اللي أعرفه من كلام هاني وحسام ورامي طبعه صعب وعرز يعني مهما حاولت قسوته أكبر من أي صلة دم أو ترابط

يزن مقهور: طيب وكيف أنتم مرتاحين هنا بأمريكا وبعاد عن أهلكم وناسكم جدكم عمكم عماتكم وعيالهم
شاف لعند إياد: بالذات أنت يا إياد

إياد يشوف للبحر: والله يا يزن من رجمنا ما نشتيه، واللي يسموها أمي تركتني لأبي ولا أهتمت ولا سألت، بينما اللي تقولوا عنها زوجة أبي هي اللي أعتنت بي وسهرت وربت وهي أمي والأمومة مش إنجاب الأمومة أفعال تربية تحمل حب حنية، أما أختي عمرها ما حاولت تسأل عليا أو تحنن قلب جدي على أبي تكون أمي المتخلية عني علمتها وهي مصدقة وراها، أما جدي هو رجم ولا عاد أهتم ويجي بأيام يقول يكلمني وأنا مش قادر أتكلم مع واحد ظلمني هذا الظلم، أهلي اللي باليمن محد منهم أهتم بنا، أنت مهتم ليش؟؟

يزن ما جاوب عليه: وأنت يا ياسر

ياسر تنهد: أنا أتمنى أعيش شعور إنو يكون عندك أهل وعائلة اللي معدومة مابين أبي وأمي بس عشتها معاكم واكتفيت

يزن وقف ومشي لقدام البحر: بس أنا ما أكتفيت، ولا قلبي مرتاح من هذا الجفى برجع كل شي وبرجع أسرتنا أسرة واحدة وهذا وعد أقطعه من شان أبي

ألتفت لهم: ما شفتوا عيون أبي يوم تكلم كيف الحنين بعيونه والشوق لأهله والحب لأبوه اللي ظلمه واللهفة والحسرة على مجتمعه اللي عارضه إن كان مصير أبي الهرب من شان هذا الحب أنا برده وبرد المحب لوطنه

@rewayatyamania المصدر الأول للروايات

فـــي صنعــــاء

ملاك جالسة مع رنا: والله إني ضبحت يا رنا العيشة بهذا البيت قلق

رنا: وأنتي دعممي

ملاك ضبحت: لمتى بدعمم لمتى قدك تشوفي ممنوع أخرج ممنوع أدخل ممنوع التلفون ممنوع أتكلم ممنوع حتى أدخل أجلس مع أمي مابلا محبوسة لما تجي وتسلي على قلبي شوية وعادش تخرجي وأمي تسمعني كلام ما قد تحاكيتين ما سويتين إنتبهي مدري ماهو لا تكثري بهدار معاها، عيشة ضنك وربي وعادها تميز أمير ريت وهي تدافع عليا ربع ما تدافع عليه

رنا أستغربت من كلامها: أنتي تحبي أمير

ملاك: ومن قال إني ما أحبه وما دخله هو إذا أمي تميزه أنا قصدي من أمي زي نسوان زمان اللي عندها الرجال كل شي والبنت بكل شي عورة وكأني مدري ما فعلت لهم يا ربي وأنا حتى اسمي والله محد عارف فيه ولا أنا اللي معي تلفون ولا مسموح لي أخرج طيب دام مافيني شي ليش تعاملني هكذا وكأني شاسوي العيب وأنزل رؤوسهم

رنا مقهورة مادرت إيش تقول: لا تزعلي هي تخاف عليش

ملاك ضبحت: كل الأمهات يخافين على بناتهن بس مش هكذا!!!!

سكتين لما سمعين صوت أم ملاك

أم ملاك دخلت: ملاك تعالي

ملاك قامت: دقيقة يا رنا وأرجع

رنا: طيب مورعة لش

تركتها وراحت تجاوب على أمها

أم ملاك بهمس: ما جالسات تتجابرين من أول

ملاك ماعاد تتحمل وبهدوء: يعني يمه فلتي أم البنت وضيوفش عشان تسأليني أيش بنتجابر؟؟!!

أم أمير: بس لقانة وجاوبي

ملاك: بنتكلم على أي حين بترجع المدرسة وعلى صحباتنا بالمدرسة

أم أمير: بس كثرة هدار

ملاك: أطردها؟!

أم أمير ضبحت من كلام بنتها ومشيت وملاك رجعت لرنا تشتكي لها أسلوب  أمها
.
.

فـــي المغــــرب
نجاة وروان خلصين كل التجهيزات النهائية وروحين وهن تاعبات وأول ما وصلين لباب بيتهن بنفس الوقت وصلوا هاني ورامي وحسام وفي هذه اللحظة نجاة شافت هاني وعيونها عليه وعلى ضحكته اللي يجذبها دقت في حجرة ونكعت وتناكعين من يدها كل الأغراض وصرخت بألم

روان جلست ومسكتها: بسم الله عليش مالش؟؟!

شافت إن أختها محرجة وتشوف لمكان شافت إنه هاني وقبصتها: عمى يعمي عيونش نهاية الحب هذا بيوديش بداهية
رفعت أختها، وهاني والشباب راحوا صليهن أول ما سمعوا صوت صياحها لما نكعت

هاني جلس يلقط الأغراض لداخل الدعاية: سلامات يااختي ضرش شي؟

نجاة بتلبك ومش مستوعبة لأول مرة هاني يكلمها: لا لا

رامي يساعد هاني وحسام رفع شنطتها: كوني إنتبهي

روان: عادي مش مشكلة احنا.......




📚 @rewayatyamania  🇾🇪

.

البـارت 22 ☆

مشـاعـر مسمـومـة 💜


👌🏻👇🏻 😍
📚 @rewayatyamania  🇾🇪


رانيا بقهر: ليتني ولد وأخرج من باب هذا البيت وأنفخ لحاااالي مش لو خرجت أخرج للضروره ومعي الحراس الثلاثة

سارة تصفي: لو يسمعك جدي بيكون هو شخصيًا الرابع

آسيا بضيق: لو جينا للصدق ضقت ما معانا إلا هذا البيت حتى لعند روان ونجاة ممنوع نروح إلا إذا جين هن أوووف ليش كل هذا!

سارة رفعت يدها: يااارب حول لنا بمن يفك كربتنا

رانيا: العريس مابلا هو

آسيا ضحكت بقهر: أحمدين ربكن نصيبكن لخارج هذا البيت مش مثلي طول عمري عايشة بهذا البيت وبتزوح لهذا البيت وبندفن بهذا البيت مابش خراج مادام حسام عايش

رانيا ضحكت: وأنا يا سعم أيش، صدقيني إن جدي بيديني لرامي، سليفتش يا عيني سليفتش قد ربي رحم سارة وخلص شباب العائلة وبتنقلع من هنا

سارة تمسح: اللهم لا حسد
.
.

فــــي أمريكــــــا

يزن وإياد نزلوا بسرعة من فوق السيارة وأسرعوا أكثر لما دخلوا الخان دوروا بين الرقص والديسكو وعيونهم تدور على ياسر وأول ما شافوه جنب الشباب وإليز وإنجي راحوا لعنده بسرعة ووقفوا قدامه والكل يشوفوا خوفهم ومستغربين

إياد بخوف: شربت

ياسر شرب العصير وحابس ضحكته: كالعادة عصير

يزن نفخ: الحمدلله

ياسر ضحك: ههههههههههههههه  ماناش مجنون

الكل: ماذا يحدث؟؟!

إياد: لا شيء

ياسر يشوف خوفهم وهو يضحك على أشكالهم: ههههههههههههههههههههههههههه

يزن ضربه: إضحك وبعدين قول لي ليش أنت هنا

ياسر: وين أروح

إياد: مسكين أخي الوحيد ماعاد معه أحد في أمريكا

ياسر بجدية: يي ولا شجلس في بيتكم وداليا عندكم سلامات أضيق على البنت

يزن وقفه: بالأول خلينا نخرج من هنا وبعدين نتكلم

إياد خرج وشغل السيارة، ويزن طلع ياسر وطلع جنبه وياسر يموت بيزن لا عصب يجلس يتضحوك

يزن عاقد حواجبه: زيد ضحكة عشان أهر لك أسنانك

ياسر يضحك: طيب مالكم

إياد: تغلق التلفون وتجي الخان وتقول مالنا

ياسر بروحه المرحة المعتادة تمسك بيزن ويتهيبل: يا الله كم أنا غالي في قلوب عيال عمي يااخي شوف ويقولوا ليش يا ياسر تشوف نفسك

يزن ضبح ودهف ياسر من فوقه: يااخي وخر من فوقي تعلمت حركات بنات أمريكا

إياد وياسر بدون شعور ضحكوا: ههههههههههههههه

ياسر: شباب لا تقلقوا بكون مع جون وجان وفيكتور عشان خلاص ما ينفعش أضيق بنت خالكم

يزن أقتهر: إحنا أنشغلنا مع خالي وما قدرنا نخرج حقك علينا وإحنا والله معك

إياد بصدق: نخرج جَمعة ونروح إن شاء الله آخر الليل جَمعة ومحد بيضيق عليها بس أنت ما تتصرف من رأسك

ياسر: ليش خايفين

يزن خايف عليه: بيستغلوا ضيقتك ويجرجروك وراهم أشوفك قدك حق خمور أنت مش جاهل كم يحاولوا معانا نشرب

إياد: قول إنه ما حاولوا معاك

ياسر يضحك: إلا الصدق حاولوا

يزن: خلاص إسكت إحنا لو جينا للخان نجي عشان بس نجلس مع الشباب ونشرب عصير لكن هم نواياهم تختلف نواياهم ننجذب لحياتهم ونستمتع معاهم

إياد: ما نقول إنهم يشتوا يستغلونا ويبعدونا عن ديننا بس يشتونا نستمتع كلنا لأنهم يحبونا وإحنا أصحابهم

ياسر يشتي يشوف يزن معصب: إليز فرحت لما شافته

يزن ضربه: يلعنك ويلعن اليوم اللي عرفت فيه إليز

ياسر يحانبه وهو ميت ضحك ويزن يستفز ويضربه

وصل إياد لقدام شاطئ ونزلوا أخذ لهم سندويشات لحم من أحد الرجال اللي يبيع في الشارع أمام الشاطئ وأخذ لهم عصير وجابه للشباب وجلس جنبهم يشوفوا للبحر

إياد بهدوء: ياسر لا تعيدها إحنا أخوتك وما نتركك وإذا عشان داليا والله ما يطب رجلنا البيت إلا على رجلك

يزن: بنلف شوارع أمريكا ونذاكر في بيتكم ونسوي كل شي بس لا تروح لهم لحالك

ياسر مقدر خوفهم عليه: طيب أقلقتكم ومافي شي

رجعوا يأكلوا ويتجابروا وهم علاقتهم قوية ويحبوا بعض بشكل قوي وكل واحد خايف على الثاني

@rewayatyamania المصدر الأول للروايات

فــــي صنعـــاء

هاني وحسام ورامي وصلوا ودخلوا: سلاااااام عليكم

الكل: وعليكم السلام أرحبوا أرحبووووا

هاني دخل يسلم عليهم واحد واحد بسلام اليد والخد كمان حسام ورامي، همدان وأمير وزياد يرحبوا بهم وجلسوا جَمعة

زياد: تخزنوا

هاني: مالك يا نخزن والله نروح شهداء القات

أمير: يااخي خزنوا بدون ما يعرف جدكم هذا أبي بيمنعني من كل شي ونسوي كل شي

حسام: مش قصة، تعودنا جدي خلانا نكره القات على أم أمه للقات وإحنا ما قد جربناه

همدان: جربوا

رامي متحمس: هيا شباب بالله نجرب

همدان رجم له علاقية: ما عليك منهم جرب وكيف

هاني عصب: رامي مدهده أنت حق مصايب أنا أيش ربي بلاني بواحد يجيب مصايب وثاني يجيب نص بنات الشعب

حسام يأشر لرامي: بحق كلامه هات أخزن

أمير رجم علاقية لحسام: خزن وخلي هذيك لرامي

هاني بقهر: لا أصحاب واجب وفزعات

همدان: محجور بحجر الله يا هاني خلينا أصحاب نجتمع ونخزن ونكيف لكن ماهو هذا ثلاثة مخزنين وثلاثة مع كأنو كل واحد جالس......




📚 @rewayatyamania  🇾🇪

.

البـارت 21 ☆

مشـاعـر مسمـومـة 💜

للكـاتبـة: صفـاء السـامعـي

👌🏻👇🏻 😍
📚 @rewayatyamania  🇾🇪


ملاك جلست وهي تعرف أبوها يحبها بس إذا عصب ما يعرف أحد بالذات إذا جلست أمها جنبه هي تزيد تسكب فوق النار زيت من ناحيتها، لكن من ناحية أمير تهدي الوضع
.
.

أمير خرج تلفونه بضيق ويرد: هلا

زياد عرف من صوته: تصايحت مع أبوك ؟

أمير من قلبه: أقسم بالله لو يمر يوم بدون ما يصيح لخزن لكل الشباب واستأجر فنان وأسوي عرس و أنا أمير إذا قلت فعلت

زياد ضحك بدون شعور: أرجم الهم وتعال اليوم همدان جاء وبنخزن جَمعة

أمير: كلمت الشباب؟

زياد: عادو

أمير: طيب بتصل لهم أنا وأكلمهم
.
.

فــي بيــت صالــــح

الكل على سفرة الغداء ورن تلفون حسام والجد شافه بنص عين وحسام على طول حطه صامت بعد ما شاف أن المتصل أمير، أمير شافه ما رد رجع يتصل لهاني ونفس الخبر رجع يتصل لرامي والكل على السفرة خايفين ومتوترين

صالح ضبح: كم مرات أقول لكم محد ينزل تلفونه معه وقت الأكل وكم مرات أقول لكم حطوه صامت!

حسام: آسفين يا جد خرجنا من الصلاة وما أنتبهنا

صالح أكتفى بهذا العذر وسكت يكمل أكله والكل رجع يكمل أكله بهدوووء
.
.

فــي المستشفى

أبو روان يوقع على الملفات: اليوم بتسلم الملفات

أبو همدان: أيوة

أبو روان شافه: متى بيسلموا لنا الأجهزة ؟

أبو همدان: بأقرب وقت الموضوع مش سهل هذه أجهزه حديثة للعلاج النفسي

أبو روان: يمكن حركة متهورة مننا نكتفي بعلاج الأطباء بس في عندنا حالات مستعصية بنحتاج لهذه التكنولوجيا الجديدة

(الأجهزة عبارة عن أدوات كاشفة عن تطور المريض لحالة أفضل أو تدهوره للأسوأ ، بعض الحالات يصعب أنه يحددها الدكتور المعالج من خلال الجلسات ولكن تسهل الموضوع من خلال إختراع أجهزه حديثة + أجهزة يسترجع المريض للماضي عندما كانت حالته مستقرة، والأعراض من هذه الأجهزة أنها قد تستنزف من حالة المريض أو تعرضه للأسوأ، بس مهما كان الإيجابيات أكثر... هذه الأجهزة مش موجوده وإنما من وحي الخيال)

أبو همدان: إن شاء الله تنفعنا

أبو روان بإهتمام: أيش عاد عملتوا بمشكلة الثأر؟

أبو همدان تنهد: أنا تعبت من الثأر وكل شي يخصه بعد مقتل حفيد الشيخ سحبت نفسي وسحبت أولادي بس الآن أخوتي دهدهوا همدان واليوم بيرجع صنعاء

أبو روان أستغرب: بأيش دهدهوه الموضوع حليتوه؟ أنا سألتك لأني سمعت أنه رجع الموضوع

أبو همدان: كانوا مجبروين على الصلح وعشان الحقد المعمي على قلوبهم رجعوه الآن بعد سنين على موضوع أرض

أبو روان أقتهر: أرض أيش كان ثأر قتل!

أبو همدان: يداوروا على طبزات وطبزوا بالأرض وأخوتي وعيال عمي ما قصروا عيالي واعيين وأنسحبوا من قصة الثأر، بس أخوتي لعبوا بعقل همدان وتعرف همدان لحد كلمه ما يرد أحد وحق فزعات أستغلوا هذا الشي

أبو روان رجع يشغل نفسه بالملفات وهو كل ما ذكروا موضوع الثأر يذكر نجاة ويقتهر ويعيش بعذاب ضميره لذلك مهتم بموضوع الثأر هذا وهو ماله أي دخل فيها

أبو همدان يفهم صديق عمره بس ما يفهم أيش يعيشه: تفكر بنجاة

بدون شعور نكع أبو روان القلم من يده وبتوتر وخوف: كيف؟

أبو همدان أستغرب ردة فعله: مالك خايف، يعني أنت تفكر تسلمها المستشفى بس قلق عليها، ودام قلق عليها ليش تسلمها المستشفى؟

أبو روان حاسس إن قلبه بيوقف وضاق من طول الموضوع: مااقدرش أعتمد على غيرها ماعاد معي أحد غيرها ، روان بتتزوج وتشوف حياتها

أبو همدان: متأكد من قرارك؟

أبو روان وقف قدام الطاقة وشاف لحوش المستشفى وتجمعت دمعه فقط على طرف عينه وهو يشوف خيال نجاة قدامه: متأكد

@rewayatyamania المصدر الأول للروايات

فــــي أمريكــــا

إياد شاف يزن جاء: وين ياسر؟

يزن دخل: مش موجود في البيت

إياد: وين بيروح؟

يزن: إتصل لجون والا فيكتور يكون معاهم تلفوني خلص شحنه

إياد خرج التلفون وأتصل لفيكتور

فيكتور: مرحبا

إياد: مرحبا فيكتور هل تعلم أين ياسر؟

فيكتور: أجل إنه هنا نحتفل يا صديقي

إياد: أين؟

فيكتور: في الخان

إياد على طول غلق وخرج بسرعة ويزن لحق بعده وطلع فوق السيارة بعد ما شغلها إياد

يزن بخوف: مالك؟؟؟!

إياد خايف على ياسر وفحط بسيارته: بيحتفلوا بالخان

يزن يهديه: طيب اهدأ ياسر ما بيشرب، كالعادة كل ما رحنا شربنا عصير

إياد خايف: هذاك لما إحنا معه وقدك تشوف كم يحاولوا عشان نشرب أخاف الآن يستغلوا ضيقته ويخلوه يشرب

يزن سكت وهو قلق فعلا لأن ياسر لما يضيق يغلق تلفونه وأول ما أتصلوا له وشافوا مغلق عرفوا أنه متضايق دوروا عليه والأفكار سارت ورجعت
.
.

فــي صنعـــاء

حسام: شباب ما يشتي أمير

هاني: همدان جاء وأيخزنوا جَمعة

رامي: بسرعة ألبسوا خلونا نخرج

لبسوا وخرجوا والبنات يغسولين

رانيا بقهر: ليتني ولد وأخرج من باب هذا البيت وأنفخ لحاااالي مش لو خرجت أخرج للضرورة ومعي الحراس الثلاثة.......





📚 @rewayatyamania  🇾🇪

.

البـارت 18 ☆

مشـاعـر مسمـومـة 💜

👌🏻👇🏻 😍
📚 @rewayatyamania  🇾🇪


هاني سنة ثالثة إدارة مشاريع ورامي سنة ثانية ترجمة والآن حسام وآسيا سنة أولى صيدلة)


يزن خلص: خلاص أمورك جاهزه اليوم أول محاضرة لك بس قد راحت عليش بكرة معش محاضرتين

إياد جاء ومعه عصير ومد لياسر وأخده ويزن أخذ ومد لداليا وداليا أخذته بعد إحراج

داليا: تسلم

يزن مركز على خجلها القوي: داليا أنتي في أمريكا مش في اليمن بتبقي لحالك أو مع صديقات وتكوني بأمان هنا الشباب أغلبهم ما يخافوا الله يعني توقعي بأي وقت يجي ولد يطلب منك محاضرات توقعي يسألك عن إسمك توقعي يعزمك لميلاده يحاول بتداخل معك، لذلك هنا أنا وياسر وإياد أخوتك لا تستحي مننا، وبالنسبة للبنات هنا أبردي منهن ما تشتي صداقتهن لأنه تجلسي معاهن وأيجي ألف ولد يجلس معاكن بحكم أنهم أصدقاء وأنتي بتتضايقي في هنا بس بنات مسلمات لينا ويارا صاحبيهن هن وقد أحنا جمعة

إياد ضحك: فجعت البنت خذ نفس يااخي

داليا أبتسمت بإحراج وهي فعلا خافت من كلام يزن

ياسر: شوفي يا داليا يزن قالها إحنا أخوتك ويزن ما كلمك إلا لأنه عارف إنه هنا مجتمع غير المجتمع اللي عشتي فيه لذلك خايف تختلطي ببنات أمريكا

داليا: فهمت فهمت بس أنا شفت تجلسوا مع عيال لذلك مااشتيش أزعجكم ولا قادرة أكون معاهم

يزن: بالنسبة لهم هم أصحابنا محد منهم بيكلمش ولما نجلس جمعة أنتي إنسي وجودهم وأجلسي مع يارا ولينا لكن إليز وإنجي هذولا ما تشتيهن ولو تدعسيهن تفعلي خير

إياد وياسر فطسوا ضحك: هههههههههههههههههههههههههه

فاهمين  كيف يزن مغدغد منهن وداليا بدون شعور ضحكت من كلام يزن ويزن شرب العصير وهو قلبه ملاااان من إليز وانجي
.
.

فــــي صنعــــاء

زياد يتصل: همدان وينك يااخي؟

همدان: أنشغلت بمشاكل الأرض يااخي والله عقدوني

زياد ضحك: الحمدلله خارجت نفسي وما تدخلت بس طولت والله نشتي يوم هكذا تخزينة من روحه مع الشباب

همدان: أي شباب أمير بس، أما هاني وحسام ورامي هذولا لا تقول تخزينة بالله

زياد يضحك: أنت بس تعال وأنا ولا عليك إلا أمسخهم وأخليهم يخزنوا

همدان: يلا هذه اليومين جايي صنعاء

زياد: مريع لك

@rewayatyamania المصدر الأول للروايات

آسيا متحمسة: لا هفكر ولا أحتار

رانيا وسارة متحمسات معاها: لو إن شاء الله أخطفك خطف وهرب لو لعبت بالنار.....

قاطع حماسهن دخول أم هاني: يا نار ، وطين الصوت لا يجي جدكن يوريكن اللعب بالنار على أصوله

سارة: أمااااه أمانه خلينا مستمتعات جدي ما أيجي إلا بعد صلاة الظهر لما يخرج من الجامع

رانيا تقطع الخضرة: يشرب القهوة مع أصحابه جيل الطيبين شيبات الستينات

التفتت وهي رافعة السكين وبنبرة تهديد: ليكون يشرب شيشة معاهم بالله راقبوه لو يشرب نعاقبه بالحوش ونعنقله مثل ما يعنقل العيال

آسيا ضحكت: قطعي لا تتحمسي

أم هاني تخرج من المطبخ: والله لو تقطع لسانها إنه أجر بدل السلطة هذه
.
.

أبو روان: أمور الزواج كله تمام؟

أم روان: أيوة باقي حاجة بسيطة مكياج ومدري مه يخرجين روان ونجاة يكملنها

أبو نجاة ما زال كل ما قالوا إسم نجاة ينقبض قلبه: باقي بس تطلع النتيجة وتتخرج نجاة

أم نجاة: ما فايدة ، درسنا روان جامعة والآن بتتزوج وبعدها نجاة مصيرك تغصبها على الزواج من جيز أختها

أبو نجاة إقتهر: بالأول روان غصبتها لأن كلام الناس بدأ يطلع عليها من كثر ما ترفض ومن بعد ما غدرها ولد أخوش وهي متعقده أنا أشتي بنتي تنسى اللي فعلوه فيها أخوش ومرته بسبب محانبتكم وروان باقي بس سنة وتتخرج من الجامعة ومحد أجبرها تترك دراستها، ثانيا نجاة ما بزوجها هي بتمسك المستشفى بعدي

تركها وراح وهو متضايق قوي
.
.

فـــي المطبـــخ

نجاة تغسول: أمي قالت اليوم نخرج نشتري الباقي أسبوعين وتتحجبي

روان بضيق: طيب

نجاة حست فيها: روان خلاص إنسي الماضي أنا عارفة أنك عادك ما نسيتي وليد

روان غدرتها دمعتها: أنسى أيش يا نجاة أنسى أيش؟ أنسي كيف فعلوا بي أيام عرسي وفسخوا الخطبة وخلوا كلام الناس كلها تطلع عليا

نجاة مقهورة: كلام الناس والا غدر وليد لش؟؟

روان ماعاد تحملت: أيوة أيوة غدر وليد ، غدر ولد خالي اللي أوهمني بحبه لي  وبالأخير لحق بعد كلام أمه خليني بحالي يا نجاة

تركت الطبخة وطلعت وهي ماعاد تتحمل ونجاة زاد قهرها على أختها وكملت الطبخة هي
.
.

فــــي أمريكــــا

يزن قلق على داليا: معي محاضرة والشباب عادهم ما خرجوا من محاضرتهم

داليا حست إنها السبب: آسفة يا يزن حنبتكم

يزن أقتهر منها : داليا يا أختي أنا مش منش أنا من هذولا الأنذال عارف إنهم خرجوا ، بس الآن يكونوا يتهابلوا مع الشباب

ألتفت وشاف ياسر وإياد يضحكوا مع جون وفيكتور اللي هم من دفعتهم بينما جان من دفعة يزن

يزن شاف داليا وأشر لعندهم: شوفي قلت لش..
شل حجرة ورجم إياد وجت فوق راس إياد لفوق راس ياسر......




📚 @rewayatyamania  🇾🇪