🔰ڕووداوەکانی ئەم کتێبە لە سەردەمی محەممەد ڕەزای پەهلەوی و ساڵانی پێش شۆڕش ڕوودەدەن. چیرۆکەکە لە شارەکانی مەهاباد و ورمێ ڕوودەدات و لە نۆ بەشدا گێڕدراوەتەوە. "زیندەخەو" بەدوای چیرۆکی ژیانی کوڕێکی هەرزەکاردا دەگەڕێت تا تەمەنی گەورەیی. کارەکتەری سەرەکی ڕۆمانەکە کە ڕۆڵی گێڕەرەوەش دەگێڕێت، هەرزەکارێکی ئامادەیی لە خەڵکی شاری مەهاباد، کە چیرۆکەکە لە دەوری ئەوان ڕوودەدات و لە کاتی چیرۆکەکەدا، کوڕە گەورە دەبێت، دەچێتە ناو زانکۆ، بەشێک لە ڕووداوەکانی چیرۆکەکە لە خەونی گێڕەرەوە ڕوودەدەن و لە شوێنێک لە چیرۆکەکەدا خەون دەبینێت کە کارمەندی ساواک لە ورمێیە و بە ئازەری قسە دەکات. لە خەودا خۆی لە دۆخێکدا دەبینێت کە لێپێچینەوە و ئەشکەنجەدانی تێکۆشەرانی سیاسی دژ بە دەسەڵاتی پەهلەوی دەکات.
نووسەر لەم چیرۆکەدا بە کەڵک وەرگرتن لە گێڕەرەوە ڕووداوەکانی سەردەمی پەهلەوی لە ڕوانگەی خۆیەوە دەگێڕێتەوە. بەڵام لەو بەشانەی چیرۆکەکەدا کە نووسەر مامەڵە لەگەڵ ڕووداوەکانی جەنگی جیهانی یەکەم و هەندێک ڕووداوی مێژوویی ناوچەی کوردستان دەکات