قصائد منبريه مكتوبه 📚

#تراث
مولاتي العقيلة تخاطب مولاي الحسين روحي فداهما


لايرضا الگلب ينسه و لا ترضه لعيون اتنام
ولا طيفك يفارگني و لا تنسيني الايام
وحشه تاكل ابروحي و دمع ما ينگطع سجام
وونين أهلك يذوبني ويهزني من الايتام اصياح
ــــــــــــــــــــــــــــــــــــــ
#إنچان اتريدني أنسه و أبطل النوح وونيني
إخذ ذكراك من گلبي و إخذ صورتك من عيني
أيام الچنت وياك أناغيك وتناغيني
اشبيدي عايشه وياي من ذيچ الايام اشباح
ــــــــــــــــــــــــــــــــــــــ
عمر ما فارگيتك بيه تذكر يوم احنه اصغار
من حضن أمنه الزهره الجوانح حيدر الكرار
عيني اتبحر ابوجهك وروحي اوياك ليل انهار
بسماتك بعيني نور و صوتك بالسمع صداح
ــــــــــــــــــــــــــــــــــــــ
يا ثغر الرضعت اوياه الخوه من ثدايا امي
ويا وجهه العله ملگاه يزول و ينجلي همي
ويا جسم الذي برداه ريحة والدي وعمي
و يا عشرة عمر راحت و كل عمري عگبها راح
ــــــــــــــــــــــــــــــــــــــ
يا تالي هلي يحسين ما تنشد بعد عني
يا ضيها الذي بالعين يصبيها وگع مني
لا غير لهدوم السود و لا يضحك بعد سني
إنچان إنته رحت يحسين حزنك بالگلب ماراح
ــــــــــــــــــــــــــــــــــــــ
جنت من أبچي ما تقبل تنشف اعيوني من اتسيل
وعن الحر تظلل لي و صوب الشمس ليه اتميل
گلي اشلون ياخويه أشوفك عالرمال أجتيل
ولا أگدر أظلل لك وجسمك بس سمر وارماح

الشاعر المرحوم
الدكتور الشيخ أحمد الوائلي

قناة الرجوع الى الله    @h_ameer1
قصائد منبريه مكتوبه  @h_ameer2
قصائد منبريه مكتوبه  @h_ameer3
قصائد نسائية مكتوبه  @h_ameer4

ويّه خدري  موتتي  ويّه خدري
نعشي يسري اعالهزل نعشي يسري
جنازه وبسوگ •• اتشيّع النوگ

……………………………………………………………


توم انه وخدري . ابهيبه انولدينه
عد ضنوه حيدر  . ابزود اتربينه

ورده انا والماي الخدر  . وتروه منه واشرب
ومن فرهدوا ماي الخدر . معناها ماتت زينب
من سلبوا ثوب الولي . خدر اخته هم اسلب
وانداس خدري وي الجسد . برجل الخيول اتگلب

ويه جسمه المنطرح ويه جسمه
خدري همّه اعله الارض خدري همّه
صدره مسحوگ •• اتشيّع النوگ

……………………………………………………………


عشنه انا وخدري  . نسمه بأنفاسه
ريشات انرفرف  .  شايلنه ابراسه

من طاح بيرغ كافلي . وياه هوينه وطحنه
شفناه لا چف لا نظر . وبصوت واحد صحنه
ناداني خدري ومنجرح . يم عون رحنه وضعنه
عدلين جنه وي الگمر . حِسبي يزينب متنه

ياهو بعده ايحامي الج ياهو بعده
ماكو رده الكافلج ماكو رده
تحجي الحلوگ •• اتشيّع النوگ

……………………………………………………………


ميته ودفنوني . من ليل الوحشه
من ذيج الهيمه.  ابلا خيمه وفرشه

ما تظل روح وانا اصد . ازغار وحرم مرعوبه
واعبايتي خيمه ستر . الهن صفت منصوبه
مهدود حيلي من الضرب . من الركض متعوبه
ستريتهن بس جثته . وبلا ستر مسلوبه

وينج امي يم حسن وينج امي
جسمه لِمي المنثر جسمه لِمي
ثوبه مبيوك ••اتشيّع النوگ

……………………………………………………………


ميته من احجايه . الوادم گالوها
وين المسبيه   .   زينب طلعوها

وعيونهم رشگة نبل . بذاك الصبح ذبحني
واحبالهم صارت چفن . وابلا رحم لفني
صعديت عالهِزّل نعش . للمگبره زتني
واسياطهم حفرن گبر . زرگة متن دفنني

نعشي غبشه شيعوا نعشي غبشه
وحشه وحشه ابلا اخو وحشه وحشه
عيوني ليفوگ . اتشيّع النوگ

……………………………………………………………


ميته اعله الناگه . بس عيني تناظر
لرقيّه وسكنه  .  يكسرن كل خاطر

مالت الناگه وعالترب . من عدها طاحت سكنه
مامش اسم الله و لن شمر . بالسوط ليها اتعنه
من راس الحسين اسمعت . صوت وطلع بيه ونه
جاوبته يحسين العذر . حيل الحبل چاتفنه

بالخرابه  ارقيتك  بالخرابه
لا گرابه  ولا عرف  لا گرابه
چفها محروگ •• اتشيّع النوگ

……………………………………………………………


نعش وفروني . بالشام و سوگه
واحجار الوادم . ظل يمطر فوگه

نعش او وصل ميت تعب . بيه الشموس امأثره
مو وصله خضره اعل النعش . اعليه العبايه الحمره
ما حسّن ابضرب الحجر . من كثر چوي الجمره
والما شمر بيده الحجر . بلسانه سب الزهره

يابو فاضل واندبت يابو فاضل
انت كافل  للخدر  انت كافل
ترد الحگوگ •• اتشيّع النوگ

……………………………………………………………
✍️ ( سيد خضر الزاملي )

قناة الرجوع الى الله    @h_ameer1
قصائد منبريه مكتوبه  @h_ameer2
ملا ابو امير الفاطمي   @h_ameer3
قصائد نسائية مكتوبه  @h_ameer4

[[ بلا حموله ]]




لأستشهاد مولاي موسى الكاظم ع







يشيعه اتلاحگوله -- وحيد بلا حموله

◾◽◾◽◾◽◾◽◾

ضل بغربته  وبــچفه گيده 
وين اليشيعونه

وليد الزچيه  ومثل السبيه
امزورگه متونه


فوگ الجسر ضل النعش
مــــحد فــزع مـــن اهله

منهو اللي غمضله الجفن
يبــچي منــــو وينــحبله


غريب ولا يجوله -- وحيد بلا حموله

◾◽◾◽◾◽◾◽◾

طاموره ضلمه   مثل الخرابه
البيها عــماته

الكاظم ليــالي   مرت هــوايه
ما عاف وناته


باله يروح لكــربله
يستذكر الـــذباحه

وللشام يتوجه يرد
ما شاف ذرة راحه


ذبلان صاير طوله -- وحيد بلا حموله

◾◽◾◽◾◽◾◽◾

انفتت چبدته   سم ومآسي
واگيوده بچفوفه

بماي اليشربه   يندب الكافل
والدمعه مذروفه


هينه السلاسل صـاح الي
بس للطــفل مــو هيــــنه

مچتوفه الايـــتام بحـــبل
وهيه الاچفــوف احنــينه


ماكو رحم عد ذوله -- وحيد بلا حموله

◾◽◾◽◾◽◾◽◾

يا شيعه صعبه   الما يمه اهله
وتغمض اعيونه

الميت يــتاني    ولـده واخوته
يمه يحضــرونه


وتتباهـه الاجنازه بأهل
مـــوش بوسط عدوانه

هنانه تنوح اهله وتون
تلطــم اعليــه هنـــــانه


بالغـربه حشـموله -- وحيد بلا حموله

◾◽◾◽◾◽◾◽◾

اربع حمامـيل  جابو الكاظم
والشيعه مفجوعه

صارت نواعي   وذيچ البواچي
لوعه بأثـــــر لوعه


حيهم يشيعة ابو الرضا
مــتعوب مـــن اسجونه

ميـــــت ودمـه بمعصمه
وتـــدير لــهـــله اعيـونه


دگو الصدر وابچوله -- وحيد بلا حموله

◾◽◾◽◾◽◾◽◾






          عبد العليلـه
✍حيدر ابو كيان الفاطمي

قناة الرجوع الى الله    @h_ameer1
قصائد منبريه مكتوبه  @h_ameer2
ملا ابو امير الفاطمي   @h_ameer3
قصائد نسائية مكتوبه  @h_ameer4

ياناس == احتار ابن اخوها والجنازه اثجيله
ياناس == زينــب نعـــشها مـــحد ايتجـيله
ياناس == الشــام مــابيها زلـــم وتــشــيله

نعش الحبيبه خالي
لامن هله ولا عرفه
ماصح متن شيعها
وسفه والف ياوسفه

جنازت ام عون  === عوزها امتون
وعوزها اخوان === الهه يبجون

========•===============

ياناس == أهل الجنازه فوك المسنايه
ياناس == الفاتحه مابيها راعي الرايه
ياناس == الشام تعّبها العقيلة اهوايه

متعوبه عمت اساده
واهون عليها ماتت
تحن اليالي الماضي
لبيهن كفاله عاشت

الماضي والشام === اوذيج الاخيام
كلشــي يلـــجم ===  حـــته الاحلام
========•===============

ياناس == زينب نعشها استثكلتّه الغربه
ياناس == بالشام ماصح غيره تلجم كلبه
ياناس == مطروح تابوت الحبيبه صعبه

يهل اجفافي الخضره
حيكم تره عمتكم
استثكلتها الغربه
وضلت تره جنازتكم

ماكو زاتوت ===  ولا كو صوت
وسفه بشام  === زينب اتموت

========•===============

ياناس == المفروض مدفنها بكرب خوتها
ياناس == بلغربه وجروح الغرب شيبتها
ياناس == زينب تراهي احتارت ابدفنتها

مال الدهر ويزينب
ميته ويعلعل بيها
حيرها وكت العازه
لعازت اخو يباريها

لكربله كون === بيهها يمشون
يم كمرهه === مدفن ام عون

========•===============

ياناس. ياكون ماي الجربة اليغسله
ياناس. ونسوان خوتها الذي اجابله
ياناس. بثغيب ومتون الكمر تحمله

ياكونه هيج الميت
بنص اهله تغمض عينه
موش ابغرب ولوادم
بمنيه ومشيعينه

عل مثلهه === كون اهلهه
عل جنازه ===  تميل كلهه

========•===============
الخادم  مصطفى الجبوري

قناة الرجوع الى الله    @h_ameer1
قصائد منبريه مكتوبه  @h_ameer2
ملا ابو امير الفاطمي   @h_ameer3
قصائد نسائية مكتوبه  @h_ameer4

عند استشهاد السيّدة زينب ( عليها السلام )
كأني بالإمام علي السجّاد ( عليه السلام ) يقول :


ما طايب بعده لهسة جرح حسين
وماتت عمّتنا وردينا الأيتام
____

شوغات الوداع .. واجروح الضياع
ماتت عمتي وانعادت علينا
يومية يموت .. اليبچي بسكوت
مثل ما تنعى اعليها نعينا

مثل الزهرة بس ابلا بيت احزان
تبچي الوالد أمها وهيَ الخوان
ابن من ادم من يعطش يرويه الماي
شنهو يرويه للخوه الظل عطشان

والفاگد ما يرتاح إلا امن يموت
و اتمر چنها اسنين بعمره الأيام
____

أعلام الحِداد .. وكل ذاك السواد
الحزن اعله حسين امخليتها چانت

چنه صايرله روح .. و وياها ينوح
وظل ينعى بحرگه مِن هيَ ماتت

ظلّت تنعى اعليها بحرگه الرايات
ومِـن اترف رفتها بونّة وآهـات
راحت التبچينا وتنعى اعله حسين
ومن ذاك اليوم لـ هاليوم الحسرات

ماتت بس خلّت للدمعات آثار
وحرگه تچوّي النار بگلب الخدّام
____

نار بنص خيام .. وأطفال بظلام
هالمشهد يوم الوفاة يعيده
بينا شگد جروح .. تتركها وتروح
جروح حسين الخلّاها عضيده

عالعاشت كل الأيام بعاشور
والچانت من ابعيد حسين تزور
امن اربعينه ولحد يوم التابوت
ظهري وگلبي يا هالوادم مكسور

الفاگد حي يتعذب ، ميت يرتاح
آلامه بگلبه عن الوادم ضام
____

ودّاني التشيع .. للمرمي الصريع
الحضرت بس اچفوف ابنه بتشيعه
والدفنة بسكوت .. تظل ظلمة البُيوت
و لأم حسين نردها الوديعة

ردتلچ زينب بس متغيّرة هواي
تعبّها افراگ حسين وراعي الماي
وتعبّها اليسأل عنها المرأة امنين ؟
المرأة امن الغربة لا مو زينب هاي

ما يرحم ابن آدم هذا الإحساس
متعرفك خوّانك مِن الآلام
____

الشام الأليم .. والذنبه عظيم
من الشّمات الحضّر الها جيشه
على قيد الوفاة .. مو قيد الحياة
تموت بكل يوم ولا ما تعيشه

بالعاشر ماتت عمتي يالتبچون
ولو شفتوا الشافت بالطف تموتون
شافت منظر يا ناس ايطلع الروح
يم روس اخوتها الچتاله يهوسون

هالمنظر ما يرحم گلبك تدريه
يتعّب گلبك أكثر من درب الشام

____
حسين علي الدليمي

قناة الرجوع الى الله    @h_ameer1
قصائد منبريه مكتوبه  @h_ameer2
ملا ابو امير الفاطمي   @h_ameer3
قصائد نسائية مكتوبه  @h_ameer4

ويّه خدري  موتتي  ويّه خدري
نعشي يسري اعالهزل نعشي يسري
جنازه وبسوگ •• اتشيّع النوگ

……………………………………………………………


توم انه وخدري . ابهيبه انولدينه
عد ضنوه حيدر  . ابزود اتربينه

ورده انا والماي الخدر  . وتروه منه واشرب
ومن فرهدوا ماي الخدر . معناها ماتت زينب
من سلبوا ثوب الولي . خدر اخته هم اسلب
وانداس خدري وي الجسد . برجل الخيول اتگلب

ويه جسمه المنطرح ويه جسمه
خدري همّه اعله الارض خدري همّه
صدره مسحوگ •• اتشيّع النوگ

……………………………………………………………


عشنه انا وخدري  . نسمه بأنفاسه
ريشات انرفرف  .  شايلنه ابراسه

من طاح بيرغ كافلي . وياه هوينه وطحنه
شفناه لا چف لا نظر . وبصوت واحد صحنه
ناداني خدري ومنجرح . يم عون رحنه وضعنه
عدلين جنه وي الگمر . حِسبي يزينب متنه

ياهو بعده ايحامي الج ياهو بعده
ماكو رده الكافلج ماكو رده
تحجي الحلوگ •• اتشيّع النوگ

……………………………………………………………


ميته ودفنوني . من ليل الوحشه
من ذيج الهيمه.  ابلا خيمه وفرشه

ما تظل روح وانا اصد . ازغار وحرم مرعوبه
واعبايتي خيمه ستر . الهن صفت منصوبه
مهدود حيلي من الضرب . من الركض متعوبه
ستريتهن بس جثته . وبلا ستر مسلوبه

وينج امي يم حسن وينج امي
جسمه لِمي المنثر جسمه لِمي
ثوبه مبيوك ••اتشيّع النوگ

……………………………………………………………


ميته من احجايه . الوادم گالوها
وين المسبيه   .   زينب طلعوها

وعيونهم رشگة نبل . بذاك الصبح ذبحني
واحبالهم صارت چفن . وابلا رحم لفني
صعديت عالهِزّل نعش . للمگبره زتني
واسياطهم حفرن گبر . زرگة متن دفنني

نعشي غبشه شيعوا نعشي غبشه
وحشه وحشه ابلا اخو وحشه وحشه
عيوني ليفوگ . اتشيّع النوگ

……………………………………………………………


ميته اعله الناگه . بس عيني تناظر
لرقيّه وسكنه  .  يكسرن كل خاطر

مالت الناگه وعالترب . من عدها طاحت سكنه
مامش اسم الله و لن شمر . بالسوط ليها اتعنه
من راس الحسين اسمعت . صوت وطلع بيه ونه
جاوبته يحسين العذر . حيل الحبل چاتفنه

بالخرابه  ارقيتك  بالخرابه
لا گرابه  ولا عرف  لا گرابه
چفها محروگ •• اتشيّع النوگ

……………………………………………………………


نعش وفروني . بالشام و سوگه
واحجار الوادم . ظل يمطر فوگه

نعش او وصل ميت تعب . بيه الشموس امأثره
مو وصله خضره اعل النعش . اعليه العبايه الحمره
ما حسّن ابضرب الحجر . من كثر چوي الجمره
والما شمر بيده الحجر . بلسانه سب الزهره

يابو فاضل واندبت يابو فاضل
انت كافل  للخدر  انت كافل
ترد الحگوگ •• اتشيّع النوگ

……………………………………………………………
✍️ ( سيد خضر الزاملي )

قناة الرجوع الى الله    @h_ameer1
قصائد منبريه مكتوبه  @h_ameer2
ملا ابو امير الفاطمي   @h_ameer3
قصائد نسائية مكتوبه  @h_ameer4

(( #سورة_الخدرِ ))
……………………………………………………………

لو چان الوحي موجود . و ايات الذِكر تسري
چان ابزينب الحوراء   . نزلت (سورةُ الخدرِ)

……………………………………………………………


سوره ابفخر جبرائيل . ابيت الوحي ينزلها 
يوگف وضع الاستعداد . يتوضه و يرتلها
بصوته العالي مو بهداي . كل يثرب يزلزلها
سوره وبعد بسم الله . اسم ام عون أولها

وبيها اللفظ يتكرر
وما ادراك بت حيدر
خيط ومن عباة ام عون . خيرُ من الف شهري

……………………………………………………………


سوره اوراقها خضراء . و الخط اصفر امذهّب
عبايه وتلبس الكلمات . وكل احروف تتحجّب
فاعل للخدر مرفوع . اسم اخت الگمر يُعرب
الله يحب اسمها اهواي . في كل ايه اسم زينب

اليقرأ الاسم و يمدّه
شفافه و تنگلب ورده
في وسط اللسان يصير . نهر امن العسل يجري

……………………………………………………………


سوره و واجب النسوان . في كل فرض تقراها
استاذات الشرف يغدن . بيهن حور تتباها
امن اقماش العرش لـ ام عون .الله اعبايه گصاها
والخيّاط جبرائيل . بالجنحين سوّاها

وميكائيل كل حيله
لزينب يصنع الشيله
من زينب الجنه اتگول . آخذ هيبتي و عطري

……………………………………………………………


اليستشكل على العنوان . شويه اتأدب انگله
روح اتفحّص القران . الله يخاطب النمله
زينب مو فقط ايات . مصحف الها يتخله
زينب ثبّتت هالدين . من وكفت على التله

مو من خوف من ركضت
الدين ولحگته و گظت
لو ما ركبت اعل النوگ . الدين بيا كتر مدري

……………………………………………………………


مثل جده الرسول حسين . عن الهوى و ما يحچي
وشاء الله يراهُنـ نه . سبايا و بالحبل تمشي
زينب يعني الها الدور . مثل حسين نفس الشي
عطشان الشرع وام عون . تشربه العذب من تبچي

الهيج اوصافه مذكوره
بي تنزل الف سوره
ثورة كربلاء تمتد . من الخدري الى النحري

……………………………………………………………


سوره وقام بالتفسير .  زين اعباد هالامه
يا عالمه ابلا تعليم . يعني اوصلتي للعصمه
توزن كوكب المريخ . منج تطلع الكلمه
همه اصواتهم دخان . وانتي احجايتج نسمه

مو لن فاطمه امج
صرتي بزودج و علمج
اميره اعالخدر و التاج . امصمم بس الج حصري

……………………………………………………………


لو مو فاطمه الزهراء . زينب هي رقم أول
مو مره و عشر مرات . من مريم ام عون أفضل
مريم تاكل ابرطبات . و زينب واكفه اعل التل
مريم بالقدس وتبات . وزينب تمشي عالهز زل

اليصبر عالأذه و يرضه
الله يرفعه و يعوضه
زينب باعت الدنيا . و مرضات السماء تشري

……………………………………………………………
✍️ ( سيد خضر الزاملي )

قناة الرجوع الى الله    @h_ameer1
قصائد منبريه مكتوبه  @h_ameer2
ملا ابو امير الفاطمي   @h_ameer3
قصائد نسائية مكتوبه  @h_ameer4

علي يا اغلى كل غالي.....علي يا اول و تالي
علي وبس انته تحلا لي...علي وبس انته تحلا لي
ــــــــــــــــــــــــــــــــــــــ
همت و الشوكَــ جنني.....يبو السبطين
يداحي الباب مو وحدة.....الـــك بــابين
باب ابمعركة خــيبر...و باب الجنة يا حيـدر

غـرام الروح نسـانــي.....ذكـرت اثنين
بعـد لـك بـــاب ناسيها.....يضـــي العين
تعال اكَبالي و اتصور...اراوي لك عشكَـ اخضر

الك يـالعايش اببالي.....افتحت لك باب دلالي
علي وبس انته تحلا لي...علي وبس انته تحلا لي
ــــــــــــــــــــــــــــــــــــــ
الك تــاريخ عن خيــبر.....يليـــث الغــاب
بطل معروف و ابجفــك.....قلعــت البـــاب
قلعتها و انصرت دينك...يحيدر عاشت ايمينك

اعله راس الموت تتخطه.....حسبت احساب
غـضب فتــــاك يـا نازل.....على الاحــــزاب
بطل ثبتت مــوازينـــك...الك شهدت ميـادينك

علي و راسك يظل عالي..... علي و بالشدة متبالي
علي وبس انته تحلا لي...علي وبس انته تحلا لي
ــــــــــــــــــــــــــــــــــــــ
مثل هالحال يا حيـدر ..... حصــل ويـــاي
اشوف اجيوش مجموعة.....ابضمير احشاي
صحت ويلاه و الهفي...غرامي بالكَلب مخفي

لكَـيت الباب مسدودة.....و ادور اهـــواي
قلعت الباب من كَلبي.....ابعزم يمـنــــاي
قلع باب الكَلب جفي...ندهتك فوت يا ولفي

يمن وجهك تهيا لي.....شمس و اتغازل اهلالي
علي وبس انته تحلا لي...علي وبس انته تحلا لي
ــــــــــــــــــــــــــــــــــــــ
يبو السبطين بالمحشر.....الـك اســرار
تكَف عالبــــاب بـالجنة.....يحامي الجار
دخول الجنة يتقدر...الك يا ســاقي الكــوثر

نشوف البـــاب مفتاحه.....بيمينك صار
التمسك بيك تشفع له.....يبـــو الاطهار
الك رب العرش قرر...شفيع ابساعة المحشر

و اقدم صفحة اعمالي.....الك يا كعبة امالي
علي وبس انته تحلا لي...علي وبس انته تحلا لي
ــــــــــــــــــــــــــــــــــــــ
دخلت ابباب دلالي.....و سكنت الروح
اجيك اهناك و اتعنه.....ابجفن مشبوح
و اكَل لك يا علي انته...دخلت ابكَلبي و اسكنته

اريد اليوم تشفع لي.....و تكَل لي روح
الك هــالباب للجنة.....و درب مـفتوح
امل عنــدي و تأملته ...احـقق هـالامـل يــمته

عبير الفرحة يصفا لي.....و انول ابجفي سلسالي
علي وبس انته تحلا لي...علي وبس انته تحلا لي
ــــــــــــــــــــــــــــــــــــــ
وعد مـوعود عالكوثر.....وعدنا اهناك
ابرحيق الكاس تروينا.....و تمد يمناك
الــه اللــــي رفــع مجدك...خلق جنة عــدن لــجلك

سحر معـناك هيمني.....سحر معناك
الك اوصـاف ما واحد.....حملها اوياك
علي و بس النبي ايشبهك...علي و لمن شفت وجهك

وجه طه تراوا لي.....و اسمعه يهتف ابدالي
علي وبس انته تحلا لي...علي وبس انته تحلا لي

الاديب جابر الكاظمي

قناة الرجوع الى الله    @h_ameer1
قصائد منبريه مكتوبه  @h_ameer2
قصائد منبريه مكتوبه  @h_ameer3
قصائد نسائية مكتوبه  @h_ameer4