نيردات البكالوريا 📚🎓

🔷 الموضوع الإجباريّ في اللّغة العربيّة 3 أفكار ، فكرتان من شـواهد الكتاب والثّالثة خارجيّة (قد تكون من القراءة التمهيديّة أو تكون خارجيّة تعتمد على نفسك في كتابتها).

🔵 المُقدمة : طول المقدمة يجب أن يكون بين الـ 3 إلى 4 أسطر، ولا نخرج فيها عن مضمون سؤال الموضوع  فَـ خروجك عن المُقدمة سيخسرك (3 درجات) ، نبتعد عن المُقدمة الثابتة ❌ ويجب حفظ مُقدمة لكل وحدة (والتعديل عليها في الإمتحان حسب نص سؤال الموضوع وقد لا تحتاج إلى التعديل إذا كانت مناسبة تماماً).

🔵 الفكـر : توضيح الفكرة الواحدة يجب أن يكون بين (الـ 4 إلى 5 أسطر مع الشَّاهد).

⚜ ما يجب معرفته قبل كتابة الفكرة :
1 - الإلتزام بتوظيف الفكرة حسب ورودها في السؤال مع الشاهد المُناسب .
2 - نُراعي الترتيب في الفكر حسب ورودها في نص السؤال (أي لا يجب تقديم فكرة على فكرة ) .

3 - الفكرة يجب أن تتضمَّن التَّالي :

1• عبارة ربط مُناسبة.
2• تسمية الفكرة كما وردت في نص السؤال.
3• شرح عام للفكرة ولا نشرح البيت نهائياً.
4• تسمية الشاعر، مثلاً .. وهذا الشاعر'نكتب اسم الشاعر'.
5•التمهيد للشاهد، نشرح البيت دون التعمّق بالشرح، فقط بضع كلمات.
6• فيقول : 'نضع الشاهد'.
7• الربط بين الخطوات السابقة ببراعة وبدون تكرار.

🔸 مثال : الفكرة الواردة في السؤال هي :
• الدعوة إلى نُصرة وإنقاذ البلاد.

⬅️ الحل وفقَ ما تحدثنا يكون  :

أولاً» عبارة ربط : و كمـا

ثانياً» تسمية الفكرة : دعوة الأُدباء إلى إنقاذ البلاد من الخطر.

ثالثاً» شرح للفكرة : المُسارعة إلى تنبيه الأُمّة لواقعها المؤلم الناجم عن الغفلة والجهل و التخلّف أيضاً ، مُـدركين أن من واجبهم نشر التوعية في نفوس أبناء أُمتهم .

رابعاً» تسيمة الشاعر : وهذا الشاعر (جميل صدقي الزهاوي) أو نذكر فقط  (الزهاوي) تُقبل .

خامساً» التمهيد : استنهاض أبناء الأمة وحثّهم على إغاثة الوطن من الخطر المُحدق الذي يُهدده.

سادساً» فيقول :
أغث بلداً منها نشأت فقد عدتْ ....... عليها عوادٍ للدَّمار تُعجّلُ

⬅️ نربط بين الخطوات الـ 6 فينتج :

و كـما دعا الأدبـاء أبناء الأمة إلى إنقاذ البلاد من الخطر، وسارعوا إلى تنببه الأُمّة لواقعها المؤلم الناجم عن الغفلة والجهل و التخلّف أيضاً ،  مُـدركين أنَّ من واجبهم نشر ثقافة الوعي في نفوس أبناء أُمتهم ، وهذا الشاعر الزهاوي يستنهض أبناء أُمته ويحثّهم على إغاثة الوطن من الأخطار المُحدقة التي تُهدده فيقول :
أغث بلداً... إلى نهاية البيت ..

🔴 هام جدا : قد يكون للشاهد الشعري عدّة أفكار ، أنت تحفظ فكرة واحدة وعندما يأتي في الإمتحان فكرة لم تحفظها فكّر بما يشببها ، كل بيت قد يأخذ عدّة أفكار .

🔵 الخاتمة : إبداء رأي مُلخِّصاً فيه العناصر والأفكار التي وردت في نص الموضوع مبرزاً دور الأدباء وذلك وفق صيغة تُظهر من خلالها  الإبداع مُعيداً صياغة سؤال الموضوع على ألا يُنقل حرفياً .

⚜ تعلّـم ما يلي :

1⃣ تجنّب التكرار في الموضوع وخصوصاً أدوات العطف.
2⃣ تجنّب الوقوع في الأغلاط (النحويّة، الإملائية، اللغويّة) وخصوصاً التنوين، الهمزة، وحالات الرفع و النصب و إلخ ..
3⃣ التركيز على أدوات الترقيم.
4⃣ وضع التضعيف والتركيز على بعض الحركات التي قد تُخلُّ المعنى.
5⃣ الربط المناسب بين المقدمة والأفكار والخاتمة.
6⃣ التدرُّب جيداً على الصيغ الإمتحانيّة وكتابة مواضيع قدرَ المُستطاع.
7⃣ كتابة الشاهد الشعري كما ورد في الكتاب بكلِّ مافيه
8⃣ عدم وضع شواهد من خارج الوحدة المطلوبة
9⃣ دراسة الأبيات الخارجية والتدرّب عليها أكثر يساعدك على توظيف الفكرة الخارجية بسهولة أكبر .
🔟قراءة الملاحظات الموجودة في سلّم تصحيح الموضوع الوزاري فهي (هامة جداً جداً جداً ) تنبهك على كثير من الأمور .

🛑 اعتمد على نفسك في كتابة الموضوع بكل محاوره فهذه الطريقة الوحيدة لتنال الدرجة التَّامة فيه.
#Laith

بوست رقم 5
#تحمل_الصعاب

البحث عن عمل مريح هو اول ثقب في سفينة طموحك ..

لو ان الناس كل ما استصعبوا أمرا تركوه ما قام للناس دنيا ولا دين.. ومَن آثر الراحة فاتته الراحة ..لهيك النعيم لا يدرك بالنعيم ..

مين حاكيلكم انو النجاح بيجي بالشغف و الحماس وصوت العصافير والقهوة وفيروز على الصبح...

النجاح بيجي لما تفيقو من النوم مو طايقين حالكم و لا حياتكم و تروحو المدرسة وتعملو اللي عليكم أو لما تخلصو يومكم و بدل ما تنامو تقعدو تدرسو وكمان مو طايقين حالكم ولا طايقين حدا ..

وما عليكم إلا حُسن السعي، ويسدد الله لكم ما يشاء..
اعملو كل اللي بتقدرو عليه وربنا رح يدبرلكم اللي مابتقدرو عليه...
وتذكرو دايمًا إنكم مسؤولين عن السعي مش عن النتيجة...
وخليكم دايما فخورين بنفسكم 🩶🩶

اللهم ‏انا نسألك من فضلك وتوفيقك أن لا ننوي شيئًا إلا نلناه ..ولا نسلك طريقاً إلا وصلنا لغايتنا منه، ولا نطرق باباً إلا فُتحت لنا أبواب الخير فيه، ولا أجتهدنا في شيء إلا باركت لنا به، اللهُمَّ أنت القادر فبشّرنا وبلّغنا تمام فرحتنا على خيرٍ 🩶

#عيلة النيردات 🩶
#Nedal @NerdatBac

أستاذ شو رأيك بالدراسة ع المنصة؟؟ 🌝
أي أحسن معهد ولا منصة؟ 🌝


كل شي الو ايجابيات والو سلبيات
شوف خلينا هلق بالايجابيات
اول شي بتختصر طريق الروحة والرجعة

تاني شي فيك تعيد الدرس اكتر من مرة
فيك تسرع الدرس حسب وقتك
ايمت بدك ووين بدك بتشوف الدروس

والمنصات بتخليك تتواصل مع الاستاذ في حال عندك سؤال عن المادة
واخيرا اسعارن ارخص بكتير من المعاهد
وممكن يكون في ايجابيات تانية بس انا نسيتا🌚
طيب نجي للسلبيات
اول الشي النت اذا ماعندك نت او نتك ضعيف مارح تقدر تفتح الدروس
تاني شي الارادة
ف اذا ماعندك ارادة قوية رح تلتهى كتير
تالت شي المنصة عالموبايل يعني بأي لحظة بيجيك اسعار بتلتهى عن الدرس وبتشرد فبدك تكون مركز وارادتك قوية
رابع شي الدروس عالواقع افضل كونك بتقدر تتواصل مع الاستاذ مباشر وتقلو عالنقطة يلي ما فهمتا بتمرين او سؤال
كخلاصة للكلام
اذا بتقدر تلتزم ومجرب التعليم الذاتي وشايفو مناسب الك سجل منصة
اما اذا كنت بتشرد كتير وبتضيع وقت ع الجوال فالخيار الانسب الك هو المعهد
قارن بين الإيجابيات والسلبيات وشوف يلي بناسبك
Dr. Ahmed sh

⚪️‏الأيام البيض لشهر شعبان :

▫️‏الأربعاء : 13 شعبان/1446هـ -الموافق- 12/ 2/ 2025 م
▫️‏الخميس : 14 شعبان/1446هـ -الموافق- 13/ 2/ 2025 م
▫️‏الجُمعة : 15 شعبان/1446هـ -الموافق- 14 / 2 / 2025 م
‏
‏عن أسامة بن زيد قال: "قلت: يا رسول الله لم أرك تصوم من شهر من الشهور ما تصوم من شعبان قال: ذلك شهر يغفل عنه الناس بين رجب ورمضان وهو شهر تُرفع فيه الأعمال إلى رب العالمين فأحب أن يُرفع عملي وأنا صائم"

‏إن لم تصم فذكِّر ربما يصوم أحدهم بسببك و يكتب لك أجر ذلك في ميزان حسناتك♥️.

بوست رقم 4
#تحفيز

كيفكون يا نيردات 💓🎀
ليش عم شوف كتير ناس مكتئبة.. وين الهمة متخيلين انو بعد كم شهر معد حدا يناديكم بأسمائكم لان رح يقولوا يا دكتور ويا مهندسة وياصيدلانية❤️‍🩹🥹
مو صعب ابداً بس شيلو فكرة انو الباكلويا هي وحش ومستحيل حدا يسكرها لان منهاج الفيزيا والعلوم وحتى العربي بالباكلوريا اسهل من العاشر الحادي عشر بس المشكلة بالوهم .. متخيلين اذا درستو هاد المنهاج السهل ممكن تحققو حلمكن 🥹❤️‍🩹
ويلي بقول لسا ما بلشت وخايف ،ع فكرة انا بالفصل الاول ما كنت ادرس دراسة جدية وهلق انا اعلى علامة بالعربي والرياضيات بالفصل الاول بس لاني درست قبل الفحص بتركيز .. ما يغركن يلي بيدرس عشر ساعات لان هوي عالاغلب بيدرسن بدون تركيز انتو جهزوا الكتب وفنجان قهوة وشيلو كلشي من بالكن واشرحوا لحالكن معلش هاد الشي ما بيدل انو انتو مجانين بالعكس هاد بدل ع الذكاء😇معلش حكو حالكن واشرحو بصوت عالي لان اكيد كلكن مجربين انو بعد ما تسألو الاستاذ تخطر الاجابة على بالكن صح .. لان الفكرة هيي موجودة بعقلنا بس لازم نسأل حالنا بصوت عالي لحتى يطلع الجواب وحتى فيكن تشرحو لرفقاتكن الدروس يلي ما فهمانينا وصدقوني رح تفهموها اكتر وهالشغلة مجرّبة .. خليكن قويين 💪متخيلين انو هون في ٣٠٠٠٠ ألف شخص بالغروب رح يكونو اطباء ومهندسين لحتى نعمر البلد ،كنا قبل ندرس بس مشان الاسم والمصاري بس هلق كلشي تغير صرنا لازم ندرس لحتى نعمر البلد❤️‍🩹🥹 "وبالحب بدنا نعمرها"
الله رح يكون معنا دائما متل ما انقذنا اول مرة من هالانانيين يلي كانو رح يلغو الاتمتة بعد ما درسناها كل هالفترة ويضيعو مستقبل هالطلاب بس الحمدلله خلصنا منن ..الله رح ينقذنا بالمرة التاني والتالتة 💓🎀
نحنا مو طلاب عاديين نحنا دفعة النصر ✌️💚نحنا دفعة الاتمتة❤️‍🩹نحنا للي رح نعمر البلد ❤️

#Nedal @NerdatBac

❆أدوات النفي [ لم، لما ، لن ، ليس ، ما ، لا ]
• لم + لما +لن⇦عاملة
• ليس ، ما ، لا ⇦غير عاملة

•〘لم〙
عملها : جزم نفي قلب
دلالتها : نفي حدوث المضارع في الماضي

•〘لما〙
عملها : جزم نفي قلب
دلالتها: نفي حدوث المضارع في الماضي ، واستمرار النفي لوقت التكلم ، مع توقع حدوثه في المستقبل.

•〘لن〙
عملها : نصب المضارع
دلالتها : نفي حدوث المضارع في الزمن المستقبل .

•〘ليس 〙
مثال : ليس يدرسُ الطالبُ «=» لم تعمل ، لدخولها على الجملة الفعلية ، فعلها مضارع ولم تحتوِ على ضمير =» تعرب حرف نفي

ملاحظة : إذا اقترنت ليس بضمير يصبح اعرابها فعل ماض ناقص.

•〘ما〙
مثال : ما درس الطالب
مايدرس الطالب
لم تعمل، لدخولها على الجملة الفعلية ،
فعلها╗• ماض
╝•مضارع

•〘لا〙
مثال : لايموت الحق مهما لطمت...
لم تعمل ، لدخولها على الجملة الفعلية ، فعلها مضارع.

✓ملاحظة : إذا دخلت ( لا ) على الماضي :

╗ وكررت وعطفت عليها أفادت النفي ،
╟لا درسنا ولا نجحنا ، لا =حرف نفي
╟أيضا
╝ ولم تكرر ولم يعطف عليها =» أفادت الدعاء

مثال : لا وفق الله الكسولَ ، لا = حرف دعاء
#قواعد_عربي
#Laith

بوست رقم 3

#نصيحة

نصيحة لاي حدا حابب يعمل اي شي بحياتو سواء كان دراسة او عمل او اي شي حذوف كلشي في عندك مواقع تواصل إجتماعي لانها بتسحب طاقتك بدون اي فائدة تذكر
بالنسبة للاشخاص اللي عم تقول انو مرح تلحق او ما بدي قدم السنة الجاية عندي الك تجربة شخصية انا مريت فيها من كذا شهر
ب ٢٦ حزيران كان عندي لعبة طابة بعد انقطاع عن اللعبة اكتر من ٥ سنين لاسباب صحية ما بتمنى اي حدا يمر فيها انكسرت ايدي اليمين اللي بكتب فيها من اول نص ساعة
حطيت الجبصين شهر ونص ما درست فيهن ولا حرف نهائيا
خلصو الشهر ونص رحت لعند الدكتور عاساس شيل الجبصين قلي اسا شهر يعني شهرين ونص وانا ما دارس ولا حرف وكلشي طلاب حواليي مشيانين بالمنهاج ماحلاهن
راح عليي ٦ وحدات رياضيات ١٢ درس علوم مغناطيسية فيزيا واسا شو بدي عد لعد
اليوم انا مخلص كلشي راح عليي وبامتياز
اخوي او اختي بتمنى ترجع تقعد مع حالك ساعتين زمان بعيد عن الموبايل تجيب ورقة وقلم وتترك الموبايل برا الغرفة وتكتب كلشي في اشياء بتلهيك سواء انستا فيس مسلسلات افلام اخبار حتى وتحاول تضبط كلشي
اكيد مو المقصد تلغي كلشي من حياتك لا بالنهاية انت بني آدم بدك شي تروق عليه
(مثلا حلقة مسلسل باليوم او ساعة انستا اخر اللي ما بتضر )
بالنهاية لا هالرسالة ولا ١٠٠ غيرا رح يوصلوك لحلمك
الرسالة طويلة شوي بس انشالله تكون مفيدة
سلام🙋
#Nedal @NerdatBac

ملاحظات كتابة الموضوع الابداعي 😍🤩«ع طريقة استاذي»🌸🌸🌸

هلق اول شي بتعمليه بتحددي الأسئلة المطلوبة بنص السؤال 🌸
مثلا:.

🩶 أهمية العلم
🩶دوره في رقي المجتمع
🩶دور الاسرة في تعزيزه

تمام هلق بتجي ع كل فكرة لحال بتقعدي بتسالي حالك...مثلا شو اهمية العلم؟؟ 🐣🐣... كلشي بيخطر ع بالك بتحطيه كل فكرة سهم تمام.
وبعدها ع الفكرة التانيه
وبعدها التالته وهكذا😍😍

هيك صار انتي عندك هيكل «أرضية وافية» لموضوعك... بس مشفاية... عضام بس... انتي شو بدك تعملي بدك ترمميها 🌝🌝
كيف؟؟ هون بيجي دور الربط.. الأسلوب.. وتطلع المواهب والفصحنه الي جواتك «نركب طائرة الإبداع ونحلق »

بتربطين بأسلوبك وهيك بكونك امنتي ع العرض 🥳🥺
شو بقي... بقي الطول والارتفاع 😂😂
عم امزح بقي المقدمه والخاتمة 💜💫

المقدمه بتشوفي شو هو الشي الي طالبين منك تكتبي عنه بنص السؤال وبتبدأيي فيه تمام🐣
مثلا عن العلم... بتبدأيي العلم.. وهون قص سير وسوالف وشطح.. العلم هو... العلم هوو.. العلم يعمل.. العلم يساوي والخ..... شطح شغلة شي سطر سطر ونص وبعدين بتكتبي ع العكس🔥🔥
يعني شو عكس العلم «الجهل» 🌝
هون بتكملي سطر ونص تانيين عن الجهل وبتكسفي فيه طبعا مع اسلوب ربط حلوو 🤎🐣
هون بكون التناقض اشتغل شغله وعطى رونق للمقدمة 💜💜

وهيك بكون أمنتي ع العرض والمقدمه🥳🥳
بقي الخاتمة 🌸🩷
الخاتمه هون بقا خلاصة الشطح.. بسردة سطرين... قال انو رأيك.... بقا اذا شي ايجابي بتكتبي رأيك بايجابيه ❤️😍
مثلا العلم.... بتكتبي ايجابي
اذا سلبي بتكتبي سلبي 🥺🥺
مثلا اذا عن الغربه 🤎🤎

وختامها مسك 💜🦋
وكل ماتدربتي اكتر بيساعدك هالشي بانك تكوني اسرع بالامتحان... واذا ماعرفتي تكتبي كبداية انو ماعندك جمل براسك.. اقرأيي.. اقرأيي مواضيع من رفقاتك من استاذك من النت لحتى يصير عندك مخزن كلمات تستعيني فيه وتسرقي منه 😁🌸
#Lutfea

*🌼ملاحظات هامة في الإعراب...🌼*

♥️1) تعرب إنما : كافة ومكفوفة أينما وجدت .
♥️2) يعرب الاسم بعد إنما : مبتدأ مرفوع .
♥️3) يعرب الاسم بعد لولا : مبتدأ مرفوع خبره محذوف وجوبا" .
♥️4) يعرب الاسم بعد حبذا : مبتدأ مؤخر مرفوع .
♥️5) يعرب الاسم بعد (كل - بعض - من - سوى) : مضاف إليه مجرور .
♥️6) يعرب الاسم بعد (ابن - ابنة - ام - أب ) : مضاف إليه مجرور .
♥️7) تعرب كلمة (ابن - ابنة - ام - أب ) : نعت{صفة} إذا وقعت بين اسمين علمين [ قال أحمد بن وليد ] .
♥️8) يعرب الاسم المنصوب بعد ( اسم التفضيل - نعم،بئس - حبذا - العدد - سما - كفى - كذا ) : تمييز .
♥️9) تعرب هنا : اسم اشارة مبني على السكون في محل نصب على الظرفية المكانية .
♥️10) تعرب أيها : {اي} {ها} ؛ منادى نكرة مقصودة مبنية على الضم في محل نصب على النداء والهاء للتنبيه .
♥️11) يعرب الاسم بعد أيها : بدل إذا كان جامد < مثال > [ أيها السيف ]
صفة اذا كان مشتق < مثال > [ أيها الطالب ] .
♥️12) تعرب قد : حرف تحقيق مع الفعل الماض ، حرف تقليل مع الفعل المضارع .
♥️13) تعرب ( نعم - بئس ) : فعل ماض جامد لإنشاء ( المدح - الذم ) مبني على الفتحة .
♥️14) يعرب الاسم المنصوب بعد كم : تمييز ، والاسم المجرور بعد كم : مضاف اليه .
♥️15) يعرب الاسم المعرف بعد اسم الإشارة : بدل .
♥️16) تعرب لكن《 ع النون في سكون بالكيبورد أنا م عندي أنتو حطوا 》: حرف إستدراك .
♥️17) تعرب لكن 《 ع النون في شدة وفوقها فتحة 》: حرف مشبه بالعفل .
♥️18) تعرب الواو قبل لكن《 ع النون في سكون 》: حرف استئناف .
♥️19) تعرب يا : أداة تنبيه إذا جاء بعدها حرف .
♥️20) تعرب ما التعجبية : نكرة تعجبية مبنية على السكون في محل رفع مبتدأ .
♥️21) تعرب أن بعد لما : زائدة مهملة لا عمل لها .
♥️22) تعرب إن بعد ما : زائدة مهملة لا عمل لها ..
♥️23) تعرب كان بعد ما التعجبية : زائدة مهملة لا عمل لها .
♥️24) تعرب طوبى : مبتدأ مرفوع وعلامة رفعه الضمة المقدرة على الألف ويكون خبرها جار ومجرور .
♥️25) يعرب الاسم المنصوب بعد أسلوب التعجب : تمييز .
♥️26) تعرب منذ إذا جاء بعدها فعل : مفعول فيه طرف زمان مبني على الضم في محل نصب .
♥️27) تعرب منذ إذا جاء بعدها اسم : حرف جر .
♥️28) تعرب ( سدى" - بغتة" - فجأة" - فرادى" - قاطبة" - عوضا" - خلافا" - دائما" - معا" ) ( أولا" - ثانيا"...عاشرا" ) ( يدا" - وجها" ) : حال .
♥️29) تعرب ( إذا - كلما - لما ) : اسم شرط غير جازم مبني على السكون في محل نصب على الظرفية المكانية .
♥️30) تعرب ما بعد إذا : زائدة مهملة لا عمل لها .
♥️31) يعرب الاسم بعد إذا : فاعل لفعل محذوف يفسره المذكور بعده .
♥️32) تعرب حيث : معفول فيه ظرف زمان مبني على الضم في محل نصب .
♥️33) تعرب إذن حرف ناصب إذا جاء بعدها فعل مضارع .
♥️34) تعرب إذا" : حرف جواب وجزاء ♥️ويأتي بعدها اسم .
♥️35) تعرب مع : مفعول فيه ظرف مكان مبني على الفتحة .
♥️36) تعرب (خاصة" - خصوصا" ) : حال
وإذا سبقت بالواو تعرب : مفعول مطلق .
♥️37) تعرب عبر : مفعول فيه ظرف مكان مبني على الفتحة .
♥️38) تعرب الجملة بعد (إذا - كلما - لما ) : في محل جر بالإضافة .
♥️39) تعرب الجملة بعد الاسم الموصول ( الذي - التي - اللذان - اللتان - اللذين - اللتين - اللاتي - اللائي - اللواتي ) : صلة الموصول لا محل لها من الإعراب .
♥️40) تعرب الجملة بعد الظرف : مضاف إليه .
♥️41) تعرب الجملة بعد ( أن - أي ) : تفسيرية لا محل لها من الإعراب .
♥️42) تعرب ضمائر الرفع المنفصلة ( أنا - أنت - نحن ) : في محل رفع مبتدأ .
♥️43) تعرب ضمائر النصب ( إيانا - إياك - إياهم ) : في محل نصب مفعول به .
♥️44) تعرب ( الهاء - الكاف ) : _إذا اتصلت بالاسم : في محل جر بالإضافة
_ إذا اتصلت بالفعل : في نحل نصب مفعول به
_ إذا اتصلت بحرف جر : في محل جر بحرف الجر
45)الاسم المرفوع بعد(إنَّما. أنَّما. لكنَّما. ليتما. لعلما) يعرب مبتدأ مرفوع بالضمة الظاهرة على آخره.

#قواعد_عربي
#Laith

بوست رقم 2
#تشجيع

هلا أنت كطالب هاين عليك كل هاد يلي عم يصير فيك؟
هاين عليك انت عندك دراسة وضغط وفوق كل هاد حاطط حالك بهموم
هاين عليك كل هااد؟؟
انتو هلا بمرحلة تكوينية افهمو انو انتو هلا بمرحلة تكوينية يعني انت وين حابب تشوف حاالك بعد سنتين تلاتة
حابب تشوف حالك ناجح؟؟
يلاا هلا وقتكك
بدي ياكم تكسرو الدنيا تصيرو وتعملو وتدرسو وتتميزو
عفكرة كل يلي اتميزو مش احسن منكم .. لك ولله العظيم شو هي بكالوريا
لك ولله نااس درست باخر كم شهر وليكهم بالكليات الطبية والهندسية وغيروا بس حَطو عقلهم براسهم وقالو يارب
لك ولله اذا كنتو ناويين عنجد اقعدو عكتاب العلوم فترة قصيرة مع استراحات بسيطة بكون خالص ولله ..ولسا بتقلولي مامنلحق ومابعرف ايش هي حجج يلي بدو عنجد بقول يارب وبيبلش
ولله العظيم رح تمرق هالبكالوريا بلمح البصر
انتو بس قومو وادرسو واجتهدو لانو يلي درسو وجابو مو احسن منكم
ولله مو احسن منكم

#Nedal. @NerdatBac