#معلومة_سريعة

🌼🌼 #تربية_الاطفال🌼🌼

اكو وحده موظفة ⁦👩‍💻⁩ تشتغل بكل امانه واخلاص.. لكن كلما يبدر منها أي خطا حتى لو مطبعي يصيح لها المدير ⁦🕴️⁩ويعاتبها على الخطأ ..

بالمقابل ما فد يوم صاحلها وشكرها على جهودها ..🙍

للاسف هواي من عدنا هيج يعامل الطفل

يوكفله ع الزله بحجه أنه يعلمه.. بالمقابل كل الاشياء الصح الي يسويها ميشكره ولا يثني عليها ..⁦☹️⁩

✨من أبسط اسس التربيه الي تبدأ بعمر مبكر جدا بحوالي ال٦ شهور هو أن تشكر الطفل وتشجعه على كل شي صح وجميل يسوي .. وتمتنع عن التفاعل معاه من يبدر منه شي خطا..

وطبعا الطفل العنيد هو بالحقيقه يبحث عن التفاعل بان يسوي الاشياء الغلط لان يعرف من يسويها حيحصل انتباه واهتمام..

فإذا بدينا وياه صح وحسسنا بالاهتمام بكل عمل صحيح .. حيبقى يسوي اشياء صح وحلوه حتى يبقى يحصل اهتمام.. 🤗

مثال: كعد الطفل يلعب بهدوء واحترم أنه دتخابرين.. مجرد تكملين مكالمه احضني وشكري .. ولتكولين ميفتهم .. يفتهم احسن من عدنا 😂

مثال اخر: فتي للحمام وطلعني ومسوى حفله وبجي ونواح.. ايضا احضني واشكري وكليله شكرا ماما بقيت هادئ من ماما مشغوله وهكذا

ملخص: الاكثار من مدح الطفل والاهتمام بي باوقات الأفعال الحسنه حيخلي يحبها ويزيد منها .. 👏

مودتي 🌷

د. اسماء