MEDICIN STUDENTS💉🌡🧪🦠🧬🩺💊

.

.

..

هو شنو المزعج من يصير عندك طفل ؟
تعرفون شنو المزعج من يصير عندك طفل ؟
المزعج هو حجم التدخل من كل أفراد المجتمع بهذا المخلوق الجديد بحيث الناس و الاقارب تصير كلها خبيره بكل شيء عدا مصلحتها
كانت بنتي الكبيره رشيقه مو ناصحه
و سمعت كل شيء حرفيا
و انتوا هم اكيد سمعتوا
ابنك كصير
بنتك ضعيفه
هاي شنو شو اخرس
شو أحول
اكول شو ابنك بيه توحد يمكن
بنتك بيها فرط حركه
اكول رجله مو مسطحه
هاي شنو بعده يلبس حفاظ
هاي ليش بنتك كصيره
شو بعدها ما بلغت
هاي شنو ما يحجي
و بعدين
نوصل لمرحله إبراز العضلات
ابني عمره ٦ أشهر و يمشي
و ابني عمره ٩ أشهر و يسولف قصص
و ابني عمره ساعه و يضحك
تعالوا نسولف حقائق بطب الاطفال
عزيزتي الأم عزيزي الاب يوجد اختلافات طبيعية بين طفل وآخر و الموضوع اله علاقة بالوراثة وبالفطرة والبنية، ورب العالمين وضع لكل شيء مجال طبيعي وأي ظاهرة خارج المجال الطبيعي تكون خارجة عن المألوف وتحتاج لدراسة واهتمام.

❤فقطر اليافوخ عند الوليد قد يتراوح بين ٠.٥ - ٥ سم، ويختلف زمن انغلاق اليافوخ الأمامي بين طفل وآخر وللوراثة دور في ذلك، والعمر الوسطي لانغلاق اليافوخ الأمامي بين عمر ٩ و ١٨
❤ يوجد عند الأطفال حول كاذب وخاصة عند النظر لهدف قريب جدا من العينين كاليدين وهذا يزول عادة في عمر ٦ اشهر وإلّا يحتاج طبيب عيون.

❤لا نقول بأن الطفل تأخر بالتسنين إلّا إذا لم يظهر أي سن بعمر سنة و نصف
❤ مشية الطفل عملية آخذة بالتطور ولاتنضج حتى عمر ٤ سنوات وكذلك القدم المسطحة الفيزيولوجية والتقوس الفيزيولوجي بالساقين ووضعية القدمين والركبتين لا تأخذ الشكل النهائي والصحيح قبل عمر ٤ سنوات وأحيانا حتى ٧ أو ٨ سنوات.
❤ لا نقول بأن الطفل تأخر بالجلوس إلا إذا لم يجلس لوحده بعمر ٩ أشهر.
❤ لا نقول بأن الطفل تأخر في تثبيت الرأس إلا إذا لم يثبت رأسه بعمر ٤ أشهر.
❤ لا نقول بأن الطفل تأخر بالوقوف بالاستناد إلا إذا لم يقف بعمر سنة.
❤ لا نقول بأن الطفل تأخر بالمشي إلا إذا لم يخط أي خطوة بعمر سنة ونصف.
❤الزحف عادة بين ٨ و١٠ أشهر وبعض الأطفال لا يزحفون وخاصة من يعتاد على المشي بالحجله
❤النطق : يختلف بين طفل وآخر بالوراثة وحسب البيئة المحيطة : بعمر سنة ينطق الطفل كلمة بابا أو ماما أو الاثنتين، وبعمر سنة ونصف ينطق عدة كلمات وبعمر ٢ سنة يمكن أن ينطق ٢٠ كلمة وجملة من كلمتين ويقول جملة صحيحة بعمر ٣ سنوات.
❤ السيطره على الخروج و الادرار : تبدأ السيطره على الخروج و الادرار بالنضج بعد عمر سنة ونصف وتتم السيطرة على الخروط قبل السيطرة على البول والسيطرة النهارية قبل الليلية.
❤ يعتبر الطفل متأخراً في ضبط الخروج بعد عمر ٣ سنوات والسيطرة على الادرار بعد عمر ٤ سنوات. ويبدأ بعلاج سلس البراز بعد عمر ٣ - ٤ سنوات وسلس البول بعد عمر ٥ - ٦ سنوات.
❤يعرف البلوغ_الباكر بظهور أي علامة جنسية قبل عمر ٨ سنوات عند الإناث وقبل عمر ٩ سنوات عند الذكور أو ظهور الطمث عند الإناث بعمر أقل من ١٠ سنوات.

❤ يعرف تأخر_البلوغ بغياب أي صفة جنسية عند الإناث بعمر ١٣ سنة وبعمر ١٤ سنة عند الذكور، وعدم ظهور الطمث عند الإناث بعمر ١٦ سنة.
د. سيف سمير البياتي اخصائي طب الاطفال

لم يراك احد وانتي ترضعين طفلك الصغير 10 مرات في الليل وربما اكثر
لم يراك احد وانت تحتوين نوبات قلق طفلك بفقدانك
وربما لاحظوا انك تصطحبين طفلك مرارا وتكرار للحمام ,
قد يضنون انك تغسلين له يداه
ولا احد يعلم انه يشاركك حتى اوقات قضاء الحاجه 😅

لم يراك احد
وانت تحملين طفلك بيد
وتعملين بالاخرى وكلك قلق ان لايسقط عليه شيئأ يؤذيه

قد يروك وانتي تسرقين دقائق قليلة تتصفحين الجوال
وقد يروك وانت تجاهدين لتناول طبقك المفضل الذي لايزال ممنوعا على طفلك الصغير

وبين هذا وذاك
لطالما سيكون هناك من يصفك ب (المهمله) و (الانانيه)
ولطالما هناك من يراك بعين (المبالغه) و (المتشدده)

ولكن لايهم

كل ما يهم هو ماتفعليه انت من قلبك من ذاتك
من صفاء روحك
من اعمق نقطه في عطائك
وخلاصه معلوماتك وخبراتك

ما يهم هو كل هذا الذي تفعليه لاجل طفلك فقط ♥️
فهو الذي يستحق
ولطالما سيكون محظوظ لانه ابنك انتِ💕

.
.
.
.
.
د.اسماء

رتب غرفتك.....
الجواب غالبا .... رفض او تذمر

نجرب نكول :
تحب تكون غرفتك مرتبة ومنظمة ؟
يلا تعال نرتب سوه

نبدا ببعض المهام المشتركة ثم ننسحب ونشجع على اكمال المهمه

من الملاحظات كلما كانت الاغراض اقل ... كلما كانت الترتيب والتنظيم اسهل واسرع واسلس

نشيل الغراض الي منحتاجها كل فتره ونخلي اهم الاشياء

نحاول كل مهمه نوكلها للاطفال نخليها تبدو كسؤال للتفكير ... وليس ك امر خصوصا بالاعمار الي يكون العناد بيها سيد الموقف

د.اسماء

.

تجي الاب 👨 تشوف ابنك صاير بحاله هيج وتبدي النصائح ودي فلان مركز وفلان طبيب 👨‍⚕️وسفره بره وووو وتذب مبلغ من هذا الزين ولو يتعالج ويصير زين لو لا ويبقى الولد فاقد قدراته ! 😔

خوب من البداية يامسهلها

رتبوا وضعكم وتعاونوا
ودرهم 💰وقايه خير من قنطار علاج

وتذكروا هاي فتره مؤقته تأخذ حوالي اول ٣ سنوات من حياة الطفل .. وبعدها حيبدي الطفل يستقل كثيرا وحيل يقل الضغط ..👍
هاي في حال مشيتوا صح.. ✔️ والطفل كبر بشكل طبيعي وصحي ..
أما إذا كله خرابيط بخرابيط يلحك يصير عمره ١٠ سنين وامه توكله وتشطفه وتسبحه وتاتي تواتي 🤦

اتمنى وصلت الرساله 💌

ويارب اسمع قريبا الفرق الحاصل من تطبيق جزء من هذا الكلام ..

ختاما .. الأمهات الي متحملين كل الضغط وحدهم..
وكدروا يسيطرون على أعصابهم ٨٠٪ من الوقت ..
وكدروا يطلعون اطفال اصحاء سعيدين . انتن عظيمات 😍
وافتخرن بنفسكن انجازكن ..
انتي ساهمتي بنمو انسسان سيكون له بصمه على هذا الكوكب باذن الله ..
واخلصن النيه لله تعالى 💞
والجنة تحت أقدامكن 🤗

مودتي 🌷

#تربية_الاطفال

#الام

لاتعصبين. 🚫😡
لاتصيحين.🚫🤬
لاتضربين. 🚫✋

هل هذا واقعي؟🤔

الامومه مهمه صعبة وشاقه.. وتتطلب الكثير من المهارات حتى نقوم بها بشكل جيد..

فكره الام الي "دائما" ريلاكس ومتصيح ومتتعصب فكره وهميه

واذا وجد فهي ام لطفل واحد👶 .. مع الكثير من المعاونه 👍

الحل ليس كبت مشاعر الام ..👎

الحل هو التعامل معها ..🙏

اكو فرق بين المشاعر الي تحس بيها وبين التعبير المتطرف

التعبير المتطرف يصير "احيانا" من الام تفقد وميبقى عقل برأسها.. أو بسبب عدم قدرتها على اداره الغضب

حاليا احنا مو بصدد معالجات نفسيه وطرق السيطره على الغضب ..

حنتكلم عن الام الطبيعيه الي ماتشكو من مشاكل نفسيه لكن مضغووووووطه 🗜️
وبالتالي تفرغ ضغطها على الأطفال .. 🤯

صح او غلط هذا واقع حال ميحتاج إنكار !✋

وخلي نعوف اسلوب الوعظ الي مابي فائده مجرد الام تحبط وتحس نفسها مقصره ومقصره ..👎

⁦◀️⁩من تشكي يكلولها يمعودة حمدي ربج غيرج يتمنى اظفر طفل..🙄
⁦◀️⁩أو شدعواكم مو خلفنا قبلكم ١٠ وماشكينا!😏
ويتناسون قبل جان اكو ١٦ شخص بالبيت متعاون .
وووو الكثير من النصائح الي ٧٠٪ منها مجرد حجي ومابي اي فائده

نرجع للواقع ..
اكو رسائل ✉️ دتوصل على الخاص من عوائل ل٣ اطفال وأكثر ..

الام تكول بيها وبكامل قوتها العقليه: (اكرررره اطفالي)!

دتتخيلون حجم الكارثه؟
الام الي هي مخلوق الرحمه وأكثر شخص يحن على أطفاله دتوصل مرحله متطيق أطفالها ..

رجاءا رجاءا

اتمنى هذا البوست ينتشر ويعمم

الاب 👨

وينك .. مرحبا .. اهلا ✋

انت تعبان وشغل ولود وووو
بس تره مسؤوليه زوجتك بالبيت اضعااااف

اغلبنا موظفات وشايفين الدوام
و اكو نساء تشتغل اعمال حره ووو يعني الشغل برة البيت مجربي كلش زين وماكو مقارنه بين شغل برة البيت وشغل بالبيت مع الاطفال حصرا.. شكد مايصير شغل بره البيت يجي وقت نرتاح منه .. (عطله.. نهايه دوام..اوف.. إجازة .. ووو)

هذا الكلام لايعني أن نغير الحقائق ولا نبدل الأدوار

كل الي نريده تفهم وتفهم ومساعده صغيره جدا تسوي فرق شاسع

شنو هاي المساعده؟

انت اختار حسب وضعك وحسب قدرتك

زوجتك محتاجه راحه صغيره جدا تخليها تكدر تواصل وي الاطفال بكل حب وموده

1️⃣ساعة يوميا تكعد انت مع الاطفال وتخليها هي براحتها .. تريد تنام 😴 تريد تقرا 📖تريد تسبح 🛀.. انطوها حريه

2️⃣ متكدر يوميا ومشغول فل .. فرغ يوم واحد بالاسبوع📅 او نص يوم اخذ الاطفال وياك واطلع ...أو وديهم يم اهلك او أهلها أو اي احد تثقون بي وانطي زوجتك مجال راحه أو اطلع وياها وغيروا جو

3️⃣متكدر لا هاي ولا هاي اتفق وي امك او اختك 👵👱‍♀️ او اي معينه تجي للبيت سواء اسبوعيا مره او يوميا ساعة🕓

4️⃣ماعندك فلوس 💸 ومالك مزاج انطي مجال لزوجتك تسوي اتفاق وي صديقاتها أو اخواتها أو قريباتها يقسمون الايام بيناتهم وحده بيهم تعتني بالأطفال والبقيه ياخذون استراحه وتداول هاي الايام بيناتهم .

5️⃣كل هاي مامتوفرة .. اكو حل أيضا سحري الي هو الكلمه الطيبه والتقدير.. 🤗
يعني كول لها الله يساعدج .. لوما انتي جان شصار بحالنا
الله يخليج النا وميحرمنا منج ومن جهودج💞
عاشت ايدج الطبخ يجنن 😍 والبيت مريح بوجودج🥰 ووجود الاطفال 👶
الحياة بلياج صعبه 💛
جهودج واضحه على الأطفال ما شاء الله .. الله يجازيج كل خير على تعبج💘

بدل ما تجي تسم بدنها بعبارة (ليش تعبانه ليش شجنتي تسوين 😏) 👊🤬

هذا الكلام مو رفاهيه ولا تفلسف ..

هاي ضمن الامانه..

امانه تربيه اطفالكم 👶👶

مدام جبتوهم للدنيا لازم تحسنون تربيتهم

التربيه مع كميه ضغوط وتعب محتصير تربيه ..

الطفل مع ام متعبه ومنهكه 😩 و(شبعانه ملامه وانتقاد) محيحصل اي شي من حقوقه ..🚫

يحصل فقط الصراخ والتوبيخ 😡

حيطلع جيل ملئ بالعقد النفسيه والعاهات 😞😔

ارجوكم ارحمونا .. وارحموا اطفالكم 🤗
هذا الجيل حيكبر..وابنك حيتزوج.. وبنتك حتتزوج.. 👰💍
اذا بقى الحال هيج ٨٠٪ حيرتبطون بشخص عنده مرض نفسي ..
ترضاها على بنتك تأخذ واحد يكفخ بيها وميقدرها؟🤕 ترضيها على ابنج يأخذ وحده مخبله متسمعه كلمه طيبه وبس انتقاااد انتقاااد انتقاد؟😐
خلونا نصحى شويه ونسوي الي علينا لخاطر الجيل القادم ..

تدرون الي ديصير شنو؟ 🤔
الام 👩‍🦰دتتهرب من هذا التعب بالاستعانة بالتلفزيون والتاب والموبايل .. 📱📺📳
احنا مو ضد استخدام الاجهزه الذكيه..
لكن ضد اكيد الاستخدام المفرط والاستخدام العشوائي ..

ونزلت بوست شرحت أدق التفاصيل شلون تتعاملون مع التلفزيون والطفل وحسب الفئات العمرية المختلفة

الواقع ديكول قله قليله جدا جدا الي ملتزمين بالضوابط .. والسبب الام تكول ما اكدر اسيطر عليهم وحدي ! 🤷
وهذا صحيح وواقعي 🙍

والنتيجه الاطفال ديطلعون بأمراض وعلل وتأخر نمو وتأخر كلام وتأخر تعبير وإدراك .. 😣

يعني طفل بعمر ٤ أو ٥ سنوات ميحجي ! وبس يأشر!⁦☹️⁩

مساء الخير

تخيلوا ان الأم المسكينة من يوم ما طلت بالابيض وهي ما ماخذة حقها حتى بالحزن اللي هو ابسط حقوقها البشرية ‼️

بفترة الحمل اذا زعلت شوية .. يگلولها ديري بالج تضوجين ✋ و مو زين عالجنين وممكن يصير بي شي 😲

بعد الولادة اذا اخذت على خاطرها شوية 🙁
يگلولها حرام عليج .. الحليب يتأثر ومو زين عالطفل ‼️

زين اوكي ما ابچي بس ممكن اگعد ويه نفسي شوية ⁉️
لا يبوي شلوووون .. ما دام اخذتي قرار الخلفة فلازم تستحملين وتشمرين احساسج بأي صندوق وتقفلين عليه 🤫

يله ميخالف لعد من يكبرون الجهال عود اضوج وابچي واعيط براحتي 🥹
يرجعون يگلولها لا .. هم تتأثر نفسية الاطفال ..آسفين عيني هذا الخيار غير متاح ❌

زين خلوني ابچي بس خمس دقايق وارجع سترونگ مرة ثانية 🙏

لاااااا ماكو .. ويله كافي نكد وگومي كملي الـ ٦ الاف شغلة اللي عندج بالبيت ..

صدك هو انتي شمسوية ⁉️⁉️⁉️.

..

.

نصيف لو نبقى مشتين؟
لو مجرد نخفف ملابس ؟
نشيل الزوالي و الكاربت لو بعد وكت؟
اول شي خل نتفق على شي
البيوت اللي اولادهم عدهم تحسس شيلوا الزوالي طبعا
حتى يقل مستوى تحسس الاطفال
أذكر بالجمله اللي دائما اكولها للعوائل اللي اطفالهم عدهم تحسس قصبات او انف او ربو ( انتوا اخر ناس تفرشون و اول ناس تشيلون الفراش )
و انتوا اقل ناس تفرشون كمساحه
هسه نجي لباقي الناس اللي ما عدهم تحسس
ضبط الحراره في هذا الجو ممكن يكون صعب شويه لاختلاف درجات الحراره بين الليل و النهار و حتى بين مناطق العراق المختلفه
و لكون درجه الحراره هي القياس
نكول انه الاطفال يفضل ينامون بدرجه حراره غرفة بين 18 الى 22 درجه مئوية بكل المواسم
اللي هو الجو حاليا ببغداد بره بالشارع حسب مقياس الحراره
❤ نجي لمشكله المشاكل
الخدج
و نظريه انه الطفل لازم ينحبس بغرفه حاره بعيده عن كل شيء
سنويا
اشوف ما لا يقل عن 100 حاله لاطفال مصابين بحمى الجفاف
حمى الجفاف حقيقيه
و تصير لما الطفل يوضع في مكان حار فيتعرق و يفقد سوائله و بعدين كرد فعل تزيد الحراره اكثر بجسمه مما يستدعي احيانا دخول المسشتفى لاضافه المغذيات( هذه الحاله خاصه بالاطفال حديثي الولاده فقط )
لذلك نكول
درجه الحراره حاليا مناسبه لملابس واسعه مريحه بدون اي غطاء او غطاء خفيف واحد
❤ شون اعرف درجه الحراره عاليه او اني مغطيه الطفل زايد؟
ببساطه المسي صدر طفلك او خلف رقبته
لا تعتمدين ابدا لا على حراره اليد و لا على القدم لطفلك في قياس الحراره ( فهي بارده حتى لو الطفل حرارته 40 )

علامات اخرى؟
الطفل يكون منزعج متململ
وجهه محمر
و حتى نومته صعبه
❤ لا تبالغين بكثر الملابس و بالاخص هذه الموديلات الحديثه من الملابس المليئه بالرسومات و البطانات الخشنه اللي تزعج طفلك اكثر مما تريحه
❤ بمناطق جنوب العراق حاليا و حتى ببعض مناطق بغداد بدوا الناس بفتح المراوح
هل ممكن افتح سبلت شويه؟
نكول اكيد ممكن
بس الافضل حاليا اذا تحس بالحر تعتمد على المراوح فقط
حاليا اني شمسوي ببيتي؟
الزوالي السنه ما انفرشت اصلا
معتمد على المراوح بين فتره و فتره
و الاطفال لبسوا صيفي هاهيه
و نوم هانيء الكم و لاولادكم
د. سيف سمير البياتي اخصائي طب الاطفال

..

🔶 فائدة ...

🔵 وإن كان العلماء يحتملون أن ليلة القدر واحدة من ثلاث ليالي أما ليلة التاسع عشر او ليلة الواحد والعشرون أو ليلة الثالث والعشرون . وانما نعمل بجميع هذه الليالي علّنا ندرك ليلة القدر الواقعية .

🔴 ولكن توجد بعض الروايات تؤكد أن الثلاث ليالي كلهن لهن أثر بالتقدير والامضاء فليلة القدر أصلها ثلاث ليالي وليست واحدة من ثلاث ليالي .

🔶 ففي صحيحة زُرَارَةَ قَالَ ( قَالَ أَبُو عَبْدِ اللَّهِ عليه السلام التَّقْدِيرُ فِي لَيْلَةِ تِسْعَةَ عَشَرَ وَالْإِبْرَامُ فِي لَيْلَةِ إِحْدَى وَعِشْرِينَ وَالْإِمْضَاءُ فِي لَيْلَةِ ثَلَاثٍ وَعِشْرِينَ )

🔶 وما ورد عَنْ أَبِي عَبْدِ اللَّهِ الصادق عليه السلام قَالَ ( فِي لَيْلَةِ تِسْعَ عَشْرَةَ مِنْ شَهْرِ رَمَضَانَ التَّقْدِيرُ وَفِي لَيْلَةِ إِحْدَى وَعِشْرِينَ الْقَضَاءُ وَفِي لَيْلَةِ ثَلَاثٍ وَعِشْرِينَ إِبْرَامُ مَا يَكُونُ فِي السَّنَةِ إِلَى مِثْلِهَا لِلَّهِ جَلَّ ثَنَاؤُهُ أَنْ يَفْعَلَ مَا يَشَاءُ فِي خَلْقِهِ )

🔴 فماذا يعني التقدير . وماذا يعني الامضاء . وماذا يعني الإبرام ؟

🔹 التقدير هو التخطيط للعمل مثل الذي يريد أن يبني داراً فأول مرة يخطط لها

🔹 الإمضاء . هو تحضر المواد التي من شأنها اتمام العمل .

🔹 الأبرام هو اتمام العمل .

🔴 فالنتيجة التي اردت الوصول اليها هي أن لكل هذه الليالي دخل في القضاء والابرام والتقدير فلا نتساهل في أي ليلة منها…

ما هي علامات الابوه السيئه او الامومه السيئه؟
بالحقيقه ماكو فعل او تصرف او نهج يكول على التربيه الفلانيه هي سيئه او جيده
بس اكو علامات و مؤشرات تعني انه انت متجه بالاتجاه الخاطيء للتربيه
الاتجاه الخاطيء للتربيه هو عندما تتصرف او تتجاهل بشيء ما يؤثر بصوره سلبيه على صحه عقل طفلك النفسيه و الجسديه و احساسه بالأمان داخل البيت و اهتزاز ثقته بنفسه
على عجاله تعالوا نشوف شنو هذه العلامات !
1. معاقبه طفلك رغم وعدك اله انه اذا كالك الحقيقه ما راح تعاقبه
من يجيك طفلك و يعترفلك بتصرف ما و انت تعاقبه او تحاسبه بشده رغم شجاعته باخبارك باللي صار وياه
2. انت تصرخ او تهين او تضرب طفلك أمام الاخرين !!!
من ابشع طرق التربيه هذه و تهز الطفل و وجدانه الداخلي
3. الكثير الكثير الكثير من النصائح و القليل من التشجيع
4. انت لا تعطي الكثير من الاهتمام رغم ان طفلك يطلبه منك بصوره مباشره او غير مباشره
5. لا تساعده عندما يحتاجك
6. تقارنه باخرين!!!!
و تجعله يشعر بأنه غير كفء
7. انت لا تفخر بانجازاته مهما كانت بسيطه
8. نبره الانتقاد لا تبارح صوتك
شويه دير بالك
9. انت لا تعطي اي جهد لفهم طفلك و معاناته و لا تشعر باحساسه
10. انت ما صاير المثل لطفلك
دائما بالتربيه خليك ال IDOL
و الا طفلك استحاله يسوي شي اذا ما يشوفك تسويها
11. انت تعطي لطفلك مثالا سيئا
مثلا انضربت رجلك بالباب راسا تسب و تشتم الباب و ألفاظ خل نكول مو حلوه
طفلك راح يلتقطها مثل اللاقطه
او لما تعصب تتعارك و تصيح
طفلك راح يصير مثلك
دير بالك
12. لا تعطي طفلك الخيارات ابدا
كأنما خادم مطيع
استخدم لغه الحوار
القميص الاخضر لو جوزي
البنطلون الجينز لو القماش
اعطيه بعض الخيارات
13. الجواب بجمل قصيره غير مهتمه للسؤال
14 . و خليت النقطه الاخيره لاهميتها
انت تضرب طفلك
ضرب الطفل مو بس سيء و انما سيء للغايه
مجرد التلويح بالكف او البوكس فأنت واصل لمنعطف خطير في التربيه
د. سيف سمير البياتي اخصائي طب الاطفال

( أتقدم لسيدنا ومولانا صاحب العصر والزمان أرواحنا لتراب لمقدمه الفداء بأحر التعازي والمواساة ولكم بذكرى إستشهاد سيد العدل سيد المساوى قسيم الجنة والنار ابا الاحرار الإمام علي {عليه السلام} .. وعظم الله أجورنا وأجوركم بهذا المصاب الجلل الذي حل بالأمة الأسلامية.)
{اَلسَّلامُ عَلَيْكَ يا صاحِبَ الْحَوْضِ وَحامِلَ اللِّواءِ، اَلسَّلامُ عَلَيْكَ يا قَسيمَ الْجَنَّةِ وَلَظى، اَلسَّلامُ عَلَيْكَ يا مَنْ شُرِّفَتْ بِهِ مَكَّةُ وَمِنى، اَلسَّلامُ عَلَيْكَ يا بَحْرَ الْعُلُومِ وَكَنَفَ الْفُقَراءِ، اَلسَّلامُ عَلَيْكَ يا مَنْ وُلِدَ فِي الْكَعْبَةِ، وَزُوِّجَ فِي السَّماءِ بِسَيِّدَةِ النِّساءِ، وَكانَ شُهُودَهَا الْمَلائِكَةُ الاَْصْفِياُءَ، اَلسَّلامُ عَلَيْكَ يا مِصْباحَ الضِّياءِ، اَلسَّلامُ عَلَيْكَ يا مَنْ خَصَّهُ النَّبِيُّ بِجَزيلِ الْحِباءِ}
=::- تهدمت والله أركان الهدى -:: =

مرحبا ✋

طفل رضيع صغير جداً وضعيف

عنده سوء تغذية ( جلد وعظم )

الأم نفسياً منهارة وتگول ابني ما زاد وزنه وماعرف ليش⁉️

ما عنده إسهال .. ما عنده قيء 😕

يرضع حليب صناعي 🍼

⭕️ بعد اخذ التاريخ المرضي والفحص عرفنا السبب 💡

السبب لان هي تخفف الحليب 😠

لأن عيالها گالولها خففي الحليب حتى متصير عنده غازات ولا قبض‼️

طريقتها بالتحضير : تخلي مكيالتين حليب و ٥ ارقام ماء ‼️

يعني الطفل المسكين كان عايش عالماء و شوية حليب وبقى طول عمره جوعان 😥

وما كان ياخذ العناصر الغذائية الضرورية للنمو

⚠️ الله يخليكم .. الحليب لا يتخفف ولا يتثخن ❌

كل #مكيالة_عادية يقابلها #رقم ماء 👍

مع ملاحظة اكو شركات حليب قليلة يحطون #مكيالة_دبل .. يعني مو مكيالة عادية .. بهاي الحالة المكيالة الدبل يقابلها #رقمين ماء 👍

انتبهي رجاءً واتركي النصائح الخاطئة .. الطفل أمانة ☹️