ሰው መሆን በቂ ነው!

አንድ ቀን አንድ ሰው በድንገት በአንድ ጉድጓድ ውስጥ ወደቀና መውጣትም አልቻለም፡፡ ከብዙ ጥረት በኋላ ደክሞት በጉድጓዱ መካከል ቁጭ እንዳለ …

• ከንፈር መጣጭ ሰው አየውና - “ሁኔታህን ሳስበው በጣም በሃዘን እሞላለሁ” ብሎት ሄደ፡፡

• ተመራማሪ ሰው አየውና - “ይህ ጉድጓድ ከተማ መሃል ሆኖ ሰው መውደቁ አያስደንቅም” ብሎት ሄደ፡፡

• ፈራጅ ሰው አየውና- “ክፉ ሰዎች ብቻ ናቸው እንደዚህ ሊወድቁ የሚችሉት” ብሎት ሄደ፡፡

• ሂሳብ አዋቂ ሰው አየውና- የጉድጓዱን ስፋና ርዝመት ደምሮና ቀንሶ ሄደ፡፡

• ጋዜጠኛ ሰው አየውና - ሰበር ዜና አቀናብሮ ሄደ፡፡

• የአገር ውስጥ ገቢ ሰራተኛ አየውና- “እዚህ ስትታገል የግብር መክፈያ ጊዜ እንዳያልፍብህና እንዳትቀጣ” በማለት አስጠንቅቆት ሄደ፡፡

• ነጭናጫ ሰው አየውና- “እኔ ወድቄ የነበረበትን ጉድጓድ አላየህ” ብሎት ሄደ፡፡

• ሳይኮሎጂስት አየውና- “ላለህበት ሁኔታ ተወቃሾች አባትና እናትህ ናቸው” ብሎት ሄደ፡፡

• የስኬት አስተማሪው አየውና- “በራስህ ብታምን ከዚህ ትወጣለህ” ብሎት ሄደ፡፡

• ዘረኛ ሰው አየውና - “የምን ሃገር ሰው ነህ?” በማለት ከጠየቀው በኋላ የእርሱን ቋንቋ ስላልተናገረ ጥሎት ሄደ፡፡

• በመጨረሻ ይህንን ሁሉ ድራማ ሲመለከት የነበረ አንድ ጨዋ ጎልማሳ ከብዙ ጥረት በኋላ እየሳበ አወጣው፡፡

ማብራሪያውን ለአንባቢዬ እተወዋለሁ፡፡

በቅንነት ሼር ያድርጉልኝ 👇
http://t.me/psychologypages