كأني مگدرت اوصلة شعوري اختنگ وصدري ينقبض

بمشاعر غريبة وصعبة جدا مااگدر اوصفهة

لو شگد محاولت بس الي فقد شخص يحبة وعجز

انو يتواصل وياه راح يگدر يفتهمني

حسيت هاي الفترة الي غاب بيهة كبرتني

وخلتني اوعى على تصرفاتي

نوبات اكو مواقف تحسهة تكبرك
وتخليك تتغير هواية

جوان : رفعت ايدية واني الدموع تنزل من عيني

مااريد انتحر يارب والله مااريد اموت على هاي

الحالة بس انتَ اعلم بوضعي سامحني توني

دضرب روحي ولزم ايدية من ورى ضل يتلاوى

وياية حتى اهد القطعة مال گزاز بلاخير دارني

عليه وضربني راجدي بكل قوتة واني من الضربة

فقدت الوعي مگعدت غير على صوت اذان قوي

فتحت عيوني بتثاقل گعدت واني مفتحة تك

عين باوعت علمكان لگيت نفسي علفراش نفسة

بس مبدل الشراشف وحتى اني ملبسني ملابس

بس ملابس نفس ذوقة السز

شعري مبلل حسيت برطوبتة من وگع على چتفي

باوعت بصفي شفتة نايم والدنيا ضلمة يعني

احتمال ديأذن المغرب او العشا البردة مسدودة

مجاي اگدر اشوف بيا وكت هسة احنة

رجعتلي كل الذكريات الصعبة الي عشتهة

فكرت بأهلي ياترى هسة شنو حالهم وشراح يفكرون

اكيد هسة يفكرون لو انخطفت لو انهزمت وية واحد

باوعتلة شلون نايم بهدوء مدي اذبحة نايم بكل

اريحية ممفكر بلسواه بية الله ياخذك الغرفة دافية

حيل وظلمة جوهة يساعد علنوم بس يانوم هسة

لازم احاول وياه بلكت يرضى يرجعني لبيتي

فكرت اصيح عليه بس مااعرف اسمة شگلة

هسة يامنو سكتت بعدين گلت خل اعسة بلكت

يگعد عسيتة بصدرة نوبتين وهو تحرك ورجع انگلب

على الجهة الثانية هفففف ضجت حيل گمت اني

واللبس العجيب مالتي انداريت من الصفحة

الثانية عسيتة اكثر من مرة وهو فتح عيونة

باوعلي بتركيز بعدين رفع حاجبة وحك خدة

بهاء : شتريدين مگعدتني

جوان : شريد يعني

بهاء : هيييج عوفي احچي شكو

جوان : وديني لبيتنة عفية الله يرضى عليك

بهاء : شيرضى بعد هو العندة مثلچ شيريد من ربو

اكثر من الي هو بيه

جوان : الله يخليك هسة اهلي يضل بالهم

بهاء : ميضل لتخافين

جوان : شلون يعني شسويت احچي گلتهة بعصبية

واني مخلية ايدي على صدري من الصدمة

بهاء : هسة مو چنت دشوف منظر يخبل ليش

سديتي علية الرؤية شلون اوادم تغث

جوان : مو وكت سوالفك هسة بس گلي شگلت لاهلي

بهاء : رحت لابوچ وگلتلة بنتك يمي وصارت مرتي

رسمياً وبعد ماالك اي حق بيهة

جوان : لطمت على خدي وصرخت عليه ليييش سويت

هيج بية شنو شايفني جاية من الشارع حتى

اتزوج بهاي الطريقة حرام عليك يامجرم والله

تروح فدوة للمجرمين

بهاء : ابوچ اصلاً كيف انتِ شكو گالبتهة مناحة

علعرس والزفة عادي البسچ بدلة واخلي جماعتي

يزفونة ها رضيتي گمغيتي

جوان : انتَ چذاب هسة اكيد ضغطة صعد

وتمرض من سمع بالخبر الله لاينطيك

دمرت حياتي خربتلي الاول والتالي

بهاء : هووس دوختيني دگلچ ابوچ رضى وكيف خلص

منچ لتدوخينة عاد بسوالفچ مال عجايز

كلساع لاطمة لو املخة خدودچ هم لو شاگة زيجچ

چان اشرف هم چان شفنالنة شي يسر گلبنة

جوان : شگلتلة احچي

بهاء : گلتلة بنتك مراقبة من بقايا العصابة مال سراج

وديحاولون يكتلوهة واني تزوجتهة وخليتهة بحمايتي

جوان : وهذا الكلام صدگ

بهاء : طبعا لا بس شگلة يعني غير هيچ

جوان : وهسة شنو لازم اعيش حياتي وياك

بهاء : هل عندكِ... شك

جوان : اريد اسبح وين الحمام

بهاء : محاجة سبحتچ

جوان : اي هو لأن سبحتني اريد امسح لمساتك

القذرة من جسمي

بهاء : هاي اذا كل ماالمسچ تروحين تسبحين

لعد حطي كرسي اباب الحمام لان اني عريس جديد

وراح اشبعچ لمسات گمغيتي

جوان : باوعتلة صفح ورجعت تمددت بصفة ونطيتة

ضهري بس شوية ارتاحيت لأن ابوية اطمن عني

بس معقولة بابا هيچ صدگ بكلامة ومفكر يدور

وراية يشوف مكاني هو صدگ تزوجني لو لا

اكيد جاي يچذب بس شبيدي اني مضطرة اصدگ

چذبة ماعندي خيار ثاني اول بديت اغفى حضني

ولف ايديه على خصري بقوة

اورين : مثل كل يوم اسوي عشا وانتظر مقداد

بس اليوم تأخر هواية رودينا تعشت ونامت

لان تعبت من الدوام بس اني ضليت انتظرة

ساعة تجر ساعة وهو مبين گلبي لعب دگيت

علية اكثر من مرة يطلعلي مغلق تخبلت ليكون

صارلة شي بس اني وين اروح المن اسأل يارب

ضليت گاعدة وانتظرة لل 10 اكلت شوية

وضليت بلمطبخ وعيني علباب اريدة بس

يجي ماكو خفت هواية لايطلع سراج ورطة بشي

لل 12 واني ادگ وهو ميجاوب فكرت اخابر اهلي

بس گلت لا مااشغل بالهم بابا ميتحمل هبطات

بسرعة يتمرض من يسمع خبر يغثة

لل 12 ونص انفتح الباب دخل مقداد بس يتطوطح

كل ضني مسوي حادث ومجاي يگدر يمشي عدل

فتحت باب المطبخ وطلعتلة شفتة مابي شي بس

مبين شارب تقربت سديت الباب وراه واخذتة

للحمام واني ساندتة فوتة للحمام وفتحت المي

عليه اريدة يصحى تخبلت من شفتة سكران صح

هو ميصلي بس عمرة مشرب ولا سوى هاي السوالف