قصص💜✨

﴿ ‏إِنَّ اللَّهَ يُبَشِّرُكِ ﴾ أختَرْ فَراشة :

🦋        🦋        🦋.

الحجي:شتريد لعد ابقى اتفرج عليكم وانتو تدمروها

يله جدوا امشي ويايا واريد اشوف منو يمنع زواجكم

نورزان:جدوا اني مااتزوج اذا ابويه ماوافق شلون تريدني اكسره حتى اني افرح

زيد:وهو يباوع على رافي... كله منك ياعار انته واحد ماعندك كرامه كم مره طردناك وبعدك لازك

رافي:مو لسواد عيونك جاي ولا متمسك بيك جاي علمود نورزان

زيد:لو عندك غيره وكرامه حتى بعد متكلبها
صارت الغيرك وشبع بيها وتريد تاخذ فضالته

رافي:لا ياس*ط يان*س ،اكو واحد هيج يحجي على اخته انته ألي ماعندك غيره وشرف
على عرضك بس شنو اترجى من واحد يمشي ورا مرته

نورزان :زيد تخبل كلشي ولا يجي طاري رفل تلازموا وكوه فاككوهم ماحسينه ألازيد طلع بسرعه عبالنه
استسلم وعافنه اشو هذا فات للصاله مثل الاعصار دخل مثل الاعصار ومن دون مقدمات حط سكين ببطن رافي

كانت لحضات مجرد لحضات صار كل شي بيهه
اباوع وتايهه بين ألي سوا زيد وبين رافي ألي غرك بدمه.

يتبع....

نورزان:انفعلت وطلعت ألي بكلبي من غير حتى تفكير اذا هل شي صح لوغلط....

_عن اي حقيقه تحجين ،عن حقيقة اخويه سوه بيه لعبه حتى ياخذ بنيه يحبها وينطيني لأخوها
عن حقيقة جبرني وهددني يأذي اهم انسان بحياتي حتى اوافق وخله اهلي كلهم يوكفون ضدي عن طريق لعبه حقيره كلها شاركت بيها حتى يزوجوني بالغصب ويبعدوني عن الشخص ألي تكولين خنت طليقي ويا

لو حقيقة تزوجت وأنذليت وأنهانيت ووصلت للموت كذا مره،،، لو حقيقةاخر مره انتهت بدخولي بغيبوبه لمدة شهر ونص وفقدت وحده من.كلايه وبداخل راسي زرعولي صمام

اي هي هاي الحقيقه رجعت من الموت بسبب هل الانسان على اثرها هو هسه بالسجن بتهمة التهديد والابتزاز ومحاولة قتلي عمدا

كله لان ردت اتطلك منه ،وبعد ألي صار كدرت اتحرر منه وعفت بيت اهلي لأن همه ألي دمروني وعشت يم بيت جدي حتى ألكي الامان ألي فقدته من اهلي

واذا قصدجن على رافي هو الانسان الوحيد ألي وكف ويايا والوحيد ألي تمسك بيه رغم كل ألي صار ويايا ومن اجىه هنا وحجى لان اهلي رفضوا ومعارضين زواجنا واني بسببهم ابتعدت عنه لان مهما يصير مااتزوج بدون موافقة اهلي،هسه افتهمتو شنو الحقيقه؟

ماخليتولي حتى خصوصيه احتفظ بيها واحافظ على مي وجهي ارتاحيتن هسه من خليتني بهل موقف وخليتني احس بهل الاهانه؟

دكتور هشام:ماعاش ألي يذلج كلنا نعرف شنو اخلاقج

دكتور كريم:بنتي انتي انسانه قويه ألي تحملت كل هل شي اكيد ماراح تتاثر بكلام تافهه بحقها

نورزان:والله العضيم تعبت وماكو احد حاس بيه والضغط من كل مكان وكل مكان امشي بي اسمع كلام يسم البدن

سيف:دكتور اني قريبها وشاهد على كل ألي عاشته
وصدكني الكلام ميجي شي كدام الحقيقه المفروض يراعون ،احنا جايين ندرس مو حتى واحد يتجاوز على الثاني ونتدخل بالخصوصيات وفوكاها يتهمنهه بشرفها صار اربع سنوات نداوم وانتو والطلاب كلكم شاهدين على اخلاقها وتربيتها وشطارتها الانسان من يوكع بشده المفروض يوكفون ويا مو يتهموا ويألفون عليه كلام ماأله وجود بسبب الغيره

دكتور كريم:امشن ويانا للعميد احنا بجامعه محترمه مو بالشارع

نورزان:صارن يتوسلن ويتعذرن بس دكتور هشام اصر يروحن

ساكار:شفتي استاذ روميو شلون حمه لو بيده يكطعهن

سيف:شنو قصدج مافهمت؟

ساكار:اني ادري بيك مطفي ومتشوف بس يله اني افهمك

نورزان:سدي الموضوع

ساكار:سكتي انتي، شوف عيني دكتور هشام عاشق ومتيم بنورزان من عدنا محاضره كل شويه تجي عينه يمنه الاخ واكع ومو من هسه من قبل بس من سمع متزوجه بطل ،وهسه من تطلكت هم رجع

سيف:يعني هو حجه شي؟

ساكار:استاذ واله هيبته مال سوالف مراهقين وحبيات هذا ميحجي بس اكيد يكدر يتقدم وخصوصا هسه تأكد الطريق فارغ لأن هذيج المره كلتله نورزان مخطوبه وهسه طلعت الكذبه مالتها

سيف:لا يالله خ**ه بحضك رافي

نورزان:عوفوا سوالفكم وامشوا ترا دخت واحس نفسي راح اوكع ،ساعة السوده لو مامداومه احسن ألي

ثاني يوم سمعت من ريام بابا مريض وتعبان ردت اروح اشوفه مهما يكون هذا ابويه

رحت ومن شافني كلش فرح بس استغربت رفل راجعه للبيت من شفتها ضجت قررت ثاني يوم ارجع لبيت جدي

ابو زيد:وين رايحه بابا هذا بيتج مو بيتج هناك

نورزان:تمنيت يكون هذا بيتي بس الحقيقه مو هيج

ابوزيد:ليش هيج تحجين مهما يصير بينه يبقى هذا بيتج

نورزان:اسفه بس مااكدر اني تعبانه ومامتحمله اي ضغط هناك ارتاح اكثر

ابوزيد :لخاطري ضلي السبت عود روحي قبل الدوام

نورزان:وافقت بس ماكنت مقتنعه حاولت اتلافى الكل ضليت لو يم ريام لو ابويه

ثاني يوم اجه جدي ياخذني بس مو وحده هو وخالي واقرباء جدي وانصدمت من شفت رافي واحمد وسيف وسامر وياهم

خليت ايدي على گلبي مااعرف ليش حسيت بخوف غريب وتوتر امي ضاجت بس جدي كللها لتدخلين ولاتجين يمنه واذا تدخلتي لاانتي بنتي ولا اعرفج

كعدوا وحدهم بالصاله واني تملكني الخوف
ضلوا يحجون وساعه ترتفع الاصوات ومره يهدون
واني وريام حاطين اذنه على الباب

الحجي:ابو زيد اني اعرفك انسان حقاني وتخاف الله
لتخلي سوالف قديمه تخليك تضلم بشر ماألهم ذنب

ابو حافظ :الولد رايدهه واللبنيه سمعنه موافقه ومااضن رافي بي شي يمنع زواجهم نطيني سبب لرفضكم

زيد:هل العار حبسني وتجاوز عليه اكو اكبر من هذا سبب

الحجي:انچب وألصم حلكك ،واحترم الكاعدين وابوك هو ألي يجاوب مو انته

زيد:ألمن احترم وانتوا واكفين ويا

ابوزيد:زيد سد حلكك واحترم همه ببيتك

زيد:ماانطي اختي لواحد مثل هذا

سامر:ليش بلله متفهمنه شنو بي معاجبك حتى نفهم؟

زيد:ماكو داعي للفلسفه ماننطي وخلص مامجبورين بنتنا وأحنا حرين بيها

الحجي:اني ألي عليه سويته وهاي كدام الكل ماكو احد بعد يلومني على اي شي لاهي صغيره ولاهو صغير وانتو ماعدكم سبب براسه حظ حتى ترفضون

نورزان راح اطلعها عروس من بيتي ولحد يلومني
نورزززان ،وينج تعالي يابه

نورزان:اسمع جدي يصيحني واخاف افوت اخر شي اجه فتح الباب وشافني جرني وفوتني وكلي يله امشي ويايا

ابو زيد:شنو السالفه حجي اشو سويتها صدك؟

ساكار:هذا هم مبين حاط عينه عليج واذا الاء درت تنجلط هسه تكلج بواكة الزلم ماخذتهم من قلوب العذارى

نورزان:ههههه ،خ**ه ببليسج ،ضحكتيني واني ماألي خلك

سيف:اي اضحكي وهذاك مشعوله صفحة الخلفو

نورزان:سييييف!!

سيف:اي نورزان خانوم ليش استغربتي
تعالي فهميني شنو ألي صاير؟ هسه سمعت وهذاك اتصل بي ميرد ودزلي رساله( عوفوني بحالي ولحد يلح عليه لا اهج ومتشوفوني بعد)

نورزان:مااعرف شنو اكلك ،بس اجه وصاير مثل البركان

سيف:وانتي اكيد ماقصرتي واستفزيتي وخليتي ينفجر والحمم تتطشر ومنا الناس بلله شلون بيكم انتو ثنينكم ،راح اتخبل من وراكم ،كرهتوني حتى بالحب هذاك راجع مراهق وانتي تتعززين واني واكع بنصكم

ساكار:وانته شعليك همه بينهم ،شكو مدوخ نفسك

سيف:اي حقج ولج صاير دادا أله اطبخ وانضف
ومن يزهك من وراها يفلش البيت وتعال ياسيف رتبه والخاتون تحرك بدمه ويرتفع ضغطه وتعال ياسيوفي اسهر علي للصبح ليصير بي شي لأن اعرف لو يموت ميحجي ويكول بيه شي

ساكار:ههههه ،لا حقك لعد

نورزان:بماانو اتفقتوا عليه تعال فهمني شنو يكسر البيت هاي شوكت وليش؟

سيف:من كلج نتزوج وانتي نهديتي بي وكلتيله كلشي انتهى...

رحنا للبيت ونسمع بس صوت التكسير وفوكاها مروه ويانا شكد عيب،لكينا مفلش الغراض وايده مدمايه ومن يومها ضغطه ميرضى ينزل وبس يحرك چكايروانتي ولا يمج

نورزان:ليش تصور هينه عليه كل ألي ديصير بس شنو بيدي ،مااريد أئمله على شي ماراح يصير واخلي يتعذب طول عمره وينتضر بدون نتيجه ،اني انتهت حياتي مااريد هو هم تتوقف حياته

سيف:شوكت تفهمين رافي حياته وياج مو ويا غيرج ،، ليش هذا كلامج تتصورين هو ميعرفه ؟لا يعرفه بس ميكدر افهمي انتي اول حب بحياته وألي بينكم عمر،، ميكدر يمحي بسهوله اسالج سؤال وجاوبيني بصراحه انتي تزوجتي ليش ماكدرتي تنسين رافي وتكملين طبيعي؟

نورزان:بس اني انجبرت

سيف:وهو هم مجبور يعوفج وراح ينجبر على انسانه ثانيه اكيد ميحبها ولايريدها وتنضلم ويا لأن مشاعره وياج زين شنو ألي فرقنا عذاب بعذاب

كافي تضحكين على نفسج لا انتي تكدرين تكملين بدونه ولاهو،،، كافي تكابرين وكافي تأذي ترا كل ألي سمعتي وألي صار ميجي شي كدام ألي عاشه من سافر بس هو منعني احجي لأي احد لتتصورين هو كان عايش طبيعي ،لترجعي لنقطة الصفر ،وهل مره منكدر نلحك علي وبوكتها تكولين ياريت ماسويت ألي سويته

نورزان:لتخوفني الله يخليك

سيف:اني ما جاي اخوفج جاي اوعيج على اشياء انتي غافله عنها، وتايهه بنص كبريائج،، ليش هو هينه عليه هو هم عنده كبرياء وكرامه واهلج يوميه يهينو ويذلوا وهو متحملهم حتى يحصلج وانتي تعرفين كلش زين رافي كلشي ولا كرامته ومع ذلك تنازل علمودج وانتي كلمه طلعت بلحضة غضب نهيتي كلشي

نورزان:اليوم اكتشفت الانسان مهما يشوف الامور صح من وجهت نضره المفروض يتناقش مع الشخص المقابل لأن احتمال هذاك الشخص هو هم صح ،اختلاف وجهات النضر متعني اكو صح وغلط

احتمال بالمشاركه نوصل لحل يرضي جميع الاطراف

اخذت موقف من رافي واذيته بدون ماافهم شي
وماقدرت هو هم ديعاني بيومها قررت ارجع اتصل بي واحل ألي صار بينا بس مع الاسف مارد عليه
بيومها سمعت ضغطه مرتفع الضاهر ضغطت علي
بكلامي اتصلت على سيف يجي ياخذني حتى اشوفه بس رفض وكلي عوفي مو وكتها لتزيدين تعبه لأن اكيد راح تتناقشون ويصير عصبي

ارسلتله رساله على امل يتفهم ليش هيج سويت واكيد مااتنازلت ولا راح اتنازل عن قراري بخصوص الزواج ميتم الابموافقة اهلي

ضلينا ايام على هل الحال واني اعرف اخباره من سيف وسمر لو براء

وبالكليه كلهم يتهامسون عليه وهواي بنات كنت اعتبرهن مقربات مني اكتشفت عدهن غيره وحقد اتجاهي ومره كنا كاعدين اني وساكار وسيف
واجوي بنات نعرفهن فاتن من يمنا وسمعني كلام

كالن...

_اي اكو بنيه مسويه نفسها بريئه وشريفه طلعت تخون زوجها ويا كرايبها وبالاخير طلكها وشمرها

نورزان: كلش زين واضح عليه لأن يباوعلي حاولت اتماسك واسوي نفسي ماسمعت بس صار الكلام علني

راما:،اي نورزان سمعنا اهلج طارديج وساكنه بغير مكان ياترى ليش ؟

نورزان:كالت هل الكلام بطريقه مستفزه والمشكله هواي طلاب موجودين واساتذه واكفين حسيت نار بدت تطلع من راسي من الغضب كمت وكفت

وجاوبتها...

_انتن شنو من بشر ليش تريدن زله على غيرجن حتى توكفن وتهينن وتجاوزن شنو ألي سمعتوا وألي افتهمتوا حتى تتهمني بالخيانه شنو تعرفن عن حياتي وعن ألي عشته

تقربوا الدكاتره وضلو يسألون عن ألي صاير والطلاب كلها تباوع حسيت بالاهانه واني مامسويه شي كل هل شي لأن تكتمت عن الحقيقه حتى احفض مي وجهي وبالنهايه اتهموني بشرفي

سيف:عن اي خيانه تحجن شنو هل الحقاره والتفاهه ليش صارت الضحيه هي الملامه والجاني هو الزين،، شنو افتهمتوا وتسولفون بكيفكم

دكتور كريم :فهمونا شنو الصاير هنا لااخذكم للعميد هسه

ساكار:دكتور ،البنات يحجن على نورزان ويكولن خانت زوجها ويا قريبها واهلها طردوها وهنه اصلا ميعرفن شنو السالفه

سماح:ليش تضوجون من الحقيقه

_اجل هل الكلام ترا فضحتنا ،بعدين نحجي بهل موضوع

رافي:شوكت بعدين من يجبروج اهلج تتزوجين واحد ثاني وبعدها يوصلج للموت واني اتفرج عليج

بعتيني علمود كلمتين وفضلتي اهلج ألي دمرونا

هسه صار رافي موخوش اادمي،، واهلج همه الزينين وتخافيين على مشاعرهم ليزعلون عليج

نورزان:اني مابعتك ولافضلت احد عليك،انته ألي محيت كلشي بكلامك وخليتني احس نفسي بلا قيمه وقدر ودست على كرامتي

رافي:ولج انتي شنو فهميني شنووو؟

نورزان:كافي لخاطر الله كافي صوتك انفضحنا
روح منا اطلع من حياتي افهم احنا مو لبعض مراح ننجمع حاولنا وفشلنا لخاطر كلشي حلو كان بينا لخاطر سنينه الحلوه روح وعيش حياتك وخليني اكدر اعيش وانسى

رافي:انسى واعيش موو؟،انتي شكد انانيه بكيفج تخططين وبكيفج تقررين

نورزان:عن اي انانيه تحجي اني ضحيت بحياتي وعشت ويا انسان مااطيقه بس حتى احميك وهسه صرت انانيه؟

رافي:كلشي تسوي بدون متشاركيني بي تاخذين مني حق القبول او الرفض ومتفكرين شنو شعوري وكأنما حجر مو بشر ويحس

تدرين لو سائلتني بوقتها كان فضلت يموتوني الف مره ولا اعيش ألي عشته وانتي تنزفين لغيري

وحتى هسه تنازلتي عني بكل سهوله ومافكرتي غير بنفسج وكبريائج وماكلتي شلون يعيش من دوني مافكرتي وكلتي هل الشخص ألي المفروض تعرفيني وتعرفين مااسوي اي تصرف ولا اكول اي كلمه بدون مااوزنها واشغل دماغي،ماكلتي
شلون صايره تصرفاته هيج وكلامه غير موزون؟

اني اعترف كلامي ماكان صح بس حجيته بدون وعي افهمي الموضوع من يخصج افقد عقلي وابتعد عن المنطق بسبب خوفي من انو اخسرج
زعلي مني وعاتبيني وكلشي سوي مو تدورين عليه الزله حتى تبتعدين عني

،بعد قاره كامله وحسيت بيج وبتعبج
واني كدام عينج متحسين بيه ولا تراعين مخاوفي من خسارتج مع الأسف عليج.

نورزان:حجه هل الكلام وعافني وراح،واني مااكدر بعد حتى اوكف على رجلي لزمني البنات وكعدوني
واجوي زملائي وزميلاتي عليه يطمئنون واكيد اشخاص جابهم الفضول

يحجون ويايا واني بغير عالم ،احس كلامه وعاني على اشياء ماكنت فاهمتها او حاسه بيها هنا حسيت نفسي فعلا انانيه ،كان رافي شبه متهستر ومنهار،، كان خايف ،

كان المفروض مني احس بخوفه ألي وصله درجة
يطلب مني نتزوج رغم رفض اهلي،فعلا رافي ألي اعرفه بضروفه الطبيعيه ميطلب مني هل الطلب
هو اعقل واركز من هل الكلام ،الضاهر الضغط ألي ديعيشه خلا بعيد عن المنطق مثل ماالشي ألي عشته خلاني اعصابي تتعب من اي موقف

والمشكله اني بدال مااخفف عليه واوكف ويا واطمنه انو اني أله وماعوفه سويت العكس،

من غير مااحس صارت دموعي تنزل حسره وألم
على ألي عشته ودااعيشه اني ورافي،

جسمي صار يرجف...

ساكار:نورزان شبيج ليش هيج ترجفين اهدي ليصير بيج شي

نورزان:ليش هيج صار بينا ،ليش الحياة هيج اذتنا وليش الكل مصر يفرقنا شنو ألي سوينا وبأي ذنب
دنتعاقب،؟

ليش وصلنا لهل مرحله بعد ماكنا واحد يحس بالثاني واحد يوكف للثاني هسه صرنا واحد يطلع عيوب الثاني

لانكدر نكمل سوا ولا نكدر نبتعد ،عايشه بين نارين
مين ماادير وجهي احترك

ساكار:هو هم مبين تعبان ،لتضغطين علي اذا صار علي شي لاسامح الله عود شنو تسوين؟

نورزان:الله ليكولها والله اموت ورا

ساكار:أهدي ورجعي احجي ويا وفكروا بحل الى ان الله يفرجها لتتخلين عنه ترا اليوم حسيته منهار مو هو ألي اعرفه ترا موهينه عليه ،ماكول غير الله يهدي النفوس

الاء:يعني شنو مافهمت هو يريدج لو شنو بالضبط؟

تقى:صحي النوم ،بعد وكت مو الكليه كلها فهمت همه واحد رايد الثاني واهلها رافضين وبسبب هل شي صايره مشكله بينهم

الاء:بربج بدينج هو هذا واحد يعوفه لو بمكانج اعوف الدنيا كلها واروح ويا

ساكار:اشو انتي متستحين ولا تعرفين تحجين،وبعدين ألي مابي خير لأهله مابي خير لأحد،،، شلون تتوقعين تدوس على اهلها وتروح ويا

الاء:اني صوجي احجي وانصحها،وهو هم صوجه وألا على شنو كاتل نفسه ،خلصت البنات ،الف وحده تتمنى وهو جاي على نورزان هم مطلقه وهم مريضه ،بنات بيوت مالاكيات زلم وانتن تتفلسفن وتتفيكن والله بخت

ساكار:لا ياحقيره ولج انتي شكد صلفه واكفه كدامها وبوجها تحجين هل الكلام وعود نكول عليج صديقتنا

نورزان:عوفيها ساكار ،كافي فضايح اليوم
وامشي نروح خلي يخلص هل اليوم عاد ونولي للبيت

نمشي والكل يباوع ويتهامس عليه،وكملت من دكتور هشام وكفنا

هشام:خير نورزان شنو الصاير؟ شنو هل الكلام ألي سمعته شنو طليقج جاي متعرضلج؟ ،اذا محتاجه شي اني حاضر

نورزان:شكرا دكتور متقصر ،بس هذا مو طليقي ،هذا خطيبي وصار بينا سوء تفاهم بسبب اهلي ،واجه حتى نحله بس شويه صار عصبي وانفهم غلط والا هو اكثر واحد يخاف عليه مو نوب يتعرضلي

هشام:خطيبج؟!!شوكت لحكتي تنخطبين؟

نورزان: موضوع يطول شرحه واني عندي محاضره من رخصتك وشكرا على السؤال

عفنا ومشينه شنو هل التطفل؟

ساكار:ههههه ،كون الاء هنا وتسمعه كان ملختج

نورزان:وليش بلله؟

سمر:راح عليهم وحاول وحتى الحجيه هم حجت وياهم والجماعه قافلين وكالوا خلي ينسى ويسد الموضوع ماكو نصيب وماعنده مره يمنا

رافي:حسبي الله ونعم الوكيل بيهم
ادري اني شمسويلهم وشنو ذنبنا حتى هيج يتصرفون،شنو من بشر وشنو من حقد بگلوبهم
عبالهم بهذا كلامهم راح اعوفها واتنازل والله لاأخذها من عيونهم ،عبالهم بهل سهوله اعوفهم يبيعون ويشترون بيهه واني اتفرج ،سكتت مره بس هسه لا

سمر:رافي اني اكول ابتعد وانسى وعيش حياتك نورزان مو ألك

عاط بيه....

رافي:انتي شنووو تحجين لخاطر الله؟،شنو هذا كلامج؟ من كل عقلج اعوفها لو اموت مااعوفها ،نورزان متصير غير ألي لو اعرف اسويها دم ويا اهلها

سمر:بس هي ألي طلبت هل شي

رافي:مافهمت شنو قصدج؟!!!

سمر:من رحنا كالت كلشي انتهى بينا وخلي يشوف حياته وبعد مننجمع والبارحه هم اتصلت بيها وكان نفس الرد

نورزان تعبت وكلامك خلاها تتخلى وقررت تنهي كل شي،لأن عرفت انتوا ماكو نصيب بينكم

رافي:اي مو هو بكيفها ، يوم اريدك ويوم لا
لهنا وبس اني اعرف شنو راح اسوي وراح احاسبها على هذا كلامها !!!

يتبع...











.........#بارت٤٠

**

سمر:شنو السالفه رافي شنو هل الكلام ،انته دتعرف شنو تحجي وعن منو؟

رافي:اي فاهم كلش زين فاهم

سمر:تصرفاتك وكلامك بدا يصير مو طبيعي ،رافي ارجع لعقلك وبطل تهور

رافي:اي عقل ألي تحجين بي؟ ،ليش اني ضل عندي عقل اصلا،خبلتني طيرت عقلي رافي ألي تعرفوا ،، بح،،، راح ،لتتوقعون مني بعد ابقى واكف اتفرج وهي تروح مني مره ثانيه

***

نورزان:بعد ألي صار قررت اكرس وقتي لدراستي
رجعت للدوام واول ما داومت كلها فرحت برجعتي ،طبعا ألي صار ويايا اكثر الناس عرفوا بي واكيد ألي بالجامعه هم

ساكار:لو تعرفين شكد اليوم فرحانه بيج ،مشتاقتلج ومشتاقه لكعداتنا وسوالفنا سوا

نورزان:صدكيني اني هم مثلج بس لتشيلين هم رجعت خلص وان شاء الله نضل سوا

ساكار:شنو اخبار العاشق الولهان

نورزان:،ساكار رجاءا بعد لتحجين بي ولتجيبين طاريه

ساكار:ياا ولج شصاير مو هذا ألي كنتي تبچين علي؟

نورزان:اذا تحبيني صدك مااريد احجي بي ساكار اني تعبانه ومن اذكره گلبي يوجعني واريد انسى ترا تعبت

ساكار:هاهيه لتضوجين مااكول غير الله يهدي سركم

نورزان:داومت هل يومين ثاني يوم شفت سيف
بس من بعيد سلمت علي مااريد افتح اي موضوع ويا حتى ليجيب طاري رافي

ثالث يوم داومت خلصت محاضرات وطلعنه اني وساكار وويانا كم بنيه ردنا نروح ناكل

ساكار:نورزان ،نورزان ،ولج باعي هناك هذا مو رافي؟

نورزان:درت وجهي وشفته بس شنو حيلي كله صار يرجف مااعرف شنو بيه عبالك اول مره اشوفه بحياتي ،كاشخ وطالع يجنن احس گلبي يريد يطلع من مكانه ويركض أله

تقى:اكول هذا مو اخو سيف لو اني غلطانه؟

ساكار:اي هو

الاء:ماشاء الله

نورزان:اول مره بحياتي كلها احس بغيره غريبه اتمنى افكس عيونهن من يباوعن علي ،اتمنى اعيط بيهن واكلهن هل شخص ملكي وحدي ومامسموح تباوعن علي،تقرب ووصل يمي

رافي:السلام عليكم

الكل:،وعليكم السلام

رافي:نورزان ممكن نحجي عندي موضوع وياج

نورزان:اسفه مااكدر بعد شويه عندي محاضره

رافي:بعصبيه مكتومه... مو وقت عناد هي كلمتين نحجي وبعدها روحي لمحاضراتج

نورزان:مابينا كلام اضن سمر وصلتلك كلامي

عفته ومشيت خطوتين ماحسيت ألا أيدي نجرت وألتفتت نص جسمي وكنت ناويه انفجر بي بس ألي سكتني نضرته وغضبه ماابالغ من اكول اول مره بحياتي كلها اشوف رافي بهل غضب حسيت عيونه راح تطلع من العصبيه ودمراته كلها بارزه ووجهه محتقن احسه راح ينفجر

رافي:انتي شتريدين هااا؟ فهميني بهاي تصرفاتج وين تريدين توصلين؟ ،بكل بساطه تحجين كلامج وتعوفيني وتمشين ومتكلفين نفسج تسألين
وتكولين هل الانسان ألي رابط حياته بيه شديفكر وشنو يحس لو اني اخر اهتماماتج

هااا،،، احجي،، لتسكتين فهميني شنو هل الكلام ألي كلتي لسمر

نورزان:ليش مستغرب مو كلته ألك قبل سمر شنو عبالك اتشاقه لو شنو بالضبط،كافي نضحك على نفسنه ونكابر احنا مو لبعضنا روح شوف حياتك
وياغيري بس بالأول اتاكد ماعدها اهل مثل اهلي حتى متنجبر تقرر تتزوجها غصبن عنهم

رافي:انتي شكد حقوده ولج ياناس يابشر هي كلمه وطلعت بلحضة غضب كفرت خوما كفرت
معقوله تبيعين كلشي بينا علمود كلمه؟

نورزان:لو غيرك حاجيها يمكن مااعبركلامه وامشيها وانسى بس مو انته،،، انته اكثر واحد بالدنيا يعرفني او يمكن كنت متصوره تعرفني
لأن الضاهر كلشي بحياتي عشته طلع وهم

حجيت هل الكلام صار عصبي اكثر كزز على اسنانه
ولزم ايدي من ساعدي وضغط عليها

وكال...

رافي:طلع كلشي وهم مووو؟؟؟ ،كل حبي ولوعة گلبي وألي صار بيه ،كله وهم؟ نورزان انعدلي وبطلي هل السوالف التعبانه لتطلعيني من طوري وحطي عقلج براسج ،ولتتخيلين بهاي تصرفاتج وكلامج تخليني ابتعد عنج،، عفتج على راحتج مره الى ان وصلي خبر زواجج

نورزان:يحجي بعصبيه وصوت وحركة گلب،انتبهة الكل يباوع علينه

،كتله..

سامر:بس اني لسه احبج ومتغير شي

سمر:هسه اني ألي تغيرت ،قبل لو ادري بمشاعرك كان وافقت لأن گلبي كان فارغ اماهسه مشاعري مو ملكي

سامر:بس هو مات من فتره طويله

سمر:صح مات بس حبه بداخلي مامات ومانسيته ولا راح انسى ،وماراح ادخل اي شخص بحياتي ياخذ مكانه ،صح انته عزيز عليه بس اني وياك منرهم سوا وميجمعنه غير بس صلة الدم والقرابه

حجيت هل الكلام وترخصت وكمت من يمه لأن اعرف اذا اضل كاعده راح يحاول يقنعني واني رافضه السالفه صح راح يضوج من كلامي بس افضل حتى ينسى ويكمل حياته ،وهاي الحقيره لينا اكيد راح يعرف شلون يعاقبها على ألي سوته،هي تكرهني من قبل لأن واكفه بوجهن هي ووسن عبالهن اني مانعه رافي ياخذ وحده منهن
بس بالشي السوته ماضرت غير اخوها ونفسها

*
ريام:داومت بالكليه بعد ماخلصت المحاضره طلعت اني وصديقاتي واثناء منمشي لمحت شاب جاي من بعيد بس من تقرب انصدمت بي هذا خالد!!

بس شنو من الارتباك والتوتر حيلي صار يرجف
تقرب وسلم

خالد:صباح الخير ،شلونج ريام؟

ريام:صباح النور ،شنو هل المفاجئه اليوم بكليتنا؟

خالد:جاي اشوفج واحجي وياج ممكن نكعد بمكان ونحجي؟

ريام:ارتبكت ماعرفت ارد.... هاا اي ممكن تفضل
من رخصتجن بنات روحن وبعدين اجي اني

خالد:تحبين نكعد هنا لو نطلع بمكان ثاني اكو مطاعم قريبه

ريام:لا مااكدر اطلع بعد شويه عندي محاضره نكعد هنا

خالد:ريام اني حجيت ويا رافي وأضن وصلج كلامي بس ماوصلني ردج

ريام:اسفه يمكن طولت عليك بالرد بس تعرف عندي ضرف بالبيت

خالد:ادري ومقدر هل شي ،بس بنفس الوقت محتاج اعرف شنو مصيرنا سوا واعرف اليوم سببت احراج ألج بجيتي هنا بس الموضوع مهم ومحتاج نحسمه فياريت اعرف جوابج،اني رايدج وشاريج وانتي هم تعرفين عني معلومات عامه واذا صارت الموافقه اكيد نتعارف اكثر

ريام:شوف خالد انته شخص مناسب ألي صح اكو.فرق بالعمر وهل شي خوفني بالبدايه بس فكرت بالموضوع وشفت هذا مو سبب حتى ارفضك عليه وانته بيك مميزات هوايه غيرها

المشكله هسه مو بموافقتي المشكله بأهلي ألي اكيد راح يرفضوك لأن انته من طرف بيت عمو نبيل

خالد:واني شعليه بيهم احنا مجرد نسابه وياهم
هذا مو سبب للرفض

ريام:شوف خالد اهلي رفضوا رافي واكثر من مره ورفض قطعي لحد البارحه واجه جدي وبيبي هم حجوا ويا اهلي وهم رفضوا ،فلتتوقع راح يوافقون عليك وانته تخصهم حتى لو من غير عائله
تبقى اكو.صلة ربط بيهم

خالد:والحل شنو برأيج؟

ريام:الحل ،،،،ننهي كلشي قبل منبدي بي

خالد:بس اني معجب بيج وحابج واعرف كلش زين انتي هم معجبه بيه يعني بنضرج هل شي مو سبب كافي حتى نحاول ونحارب الى ان يوافقون؟

ريام:اكذب اذا اكلك كلامك غلط
بس بنفس الوقت اعرف اذا كتلك موافقه،معناها راح انطيك امل ومشاعرنه تصير اقوى وتعلقنه اكبرونهاية هل موضوع معروف وهو الفراق

تدري نورزان ورافي شكد يحبون بعضهم وانته كنت شاهد على كل ألي صار ولأي مرحله وصلوا بمشاعرهم،وهسه انتهى كلشي وتخاربوا

اني لحد قبل كم يوم كنت مقرره اجازف وشيصير خلي يصير بس البارحه لو سامع نورزان وحرگت گلبها بقرار اهلي النهائي وأصلا انفصلوا هي ورافي
تدري شكالت؟

خالد:شنو كالت؟

ريام:كالت الكتاب مبين من عنوانه والمفروض منبدي بدايات نعرف نهاياتها عذاب وألم
املت نفسي ورافي وعشت وهم نهايته طلع سراب

فياخالد الأفضل ننهي كلشي مادامنا مشاعرنا بأولهاحتى ليكون مصيرنا مثل مصيرهم،ونتدمر ثنينا

خالد:مستعد اجازف وشيصير خلي يصير

ريام:صدكني الكلام مو مثل الحقيقه،اني كدامي ودااشوف شنو صار بيهم

اختي انتهت وضاعت ورافي مواقل منها وانته على ايدك حتى صحتهم راحت شنو بقى بيهم بس كلي
صدكني اني مااكدر اتحمل ألي عاشته نورزان
شكد ماكون قويه موبقوة نورزان وتحملها
ومع ذلك انهارت

ارجوك احترم قراري وابتعد لأن اصرارك راح يأذينا ثنينا

خالد:راح انتضر فتره الى ان يهدا الوضع وبعدها اتقدملج واذا رفضوا اوعدج انهي كلشي وابتعد عن طريقج للابد

ريام:خلص مثل متريد واذا وافقوا اوعدك اني هم راح اوافق

خالد:بابتسامه... اي هذا الكلام الزين
امشي اوكلج او اشربج شي قبل لدخلين المحاضره

ريام:ادري لعد اني صار ساعه شنو احجي ،مو اكلك لنتعلق

ارجوك خالد ابتعد عني هل الفتره منا لحد منشوف حل لموضوعنا مناقصه كسرت گلب
اني كسرتي على اختي كافيه

خالد:ولو هاي تعتبر طرده بنزاكه ،بس امري ل الله اني رايح واطلبج عزيمه وهل المره انتي ألي تعزميني يالبخيله مايرد الكريم الاالبخيل ،يله اودعناج،،،،باي

ريام:هههه،الله وياك ،ياحاتم الطائي

خالد:هههه هيج صار الحجي موو الله كريم

**
سمر:احمد فدوه وديني لبيت رافي ضروري

احمد:يله امشي بس ماابقى اوصلج واروح عندي شغل

سمر:اي تمام

وصلني اول مشافني استغرب وعرف عندي كلام ويا

رافي:ها سمر احجي ،اسمعج مبين كلامج مهم وجايه لهنا توصلي

سمر:صح كلامك، ،،فهمتني اتصل بيك الحجي لو لا؟

رافي:لا مااتصل بعده ،ليش صاير شي؟

سمر:انته مو طلبت منه يروح لبيت ابو زيد

رافي:اي

سمر:لا مابيها شي بس نفسيتها تعبانه ترتاح وتفاهموا

رافي:يعني هيه هيج كالت؟

سمر:(بلله هذا شنو اكول اله اذا كلت كلامهاهسه يفوت ويفضحنا )

هاا اي هي هيج كالت مرادت تحجي بالموضوع خلي ترتاح وبعدين تفاهموا

رافي:عالعموم اني حجيت ويا الحجي وكال راح اخذ الحجيه ونروح نحجي وياهم بلكي يقنعون

سمر:الله كريم ان شاء الله خير

رجعنه للبيت ولكينه بيت عمي ايهاب جايين يمنا
همزين بلكي يلتهي رافي ويا الولد ويبطل استجواب ويايا

سلمنه عليهم وهاي بنت عمي من تشوف رافي تضل بس تتموع وتتلوك المسكينه عبالها ياخذها
متدري رافي غرگان ولايب على نورزان
صار فتره كل مايجون بيت عمي انتبه سامر يباوعلي بنضرات غريبه

وكل ماانتبه يدير وجهه ويحاول يتلافى نضراتي
بالبدايه كنت اكول يمكن صدفه بس ممعقوله صارت كذا مره قابل كلها صدف

ضلوا لليل وتعشينا والولد اصروا عليهم يباتون
وهمه وافقوا اخر شي كلمن راح نام ورافي راح لبيته

واني ضليت كاعده بالحديقه افكر شلون راح اوصل كلام نورزان لرافي

واثناء تفكيري سمعت صوت...

سامر:هيج المسأله عويصه ومدوختج؟

سمر:ههه،،، فززتني تدري

سامر:ليش قابل بع بوع

سمر:ههههه والله فزيت

سامر:ألي ماخذ عقلج يتهنى

سمر:ياريت الله يسمع منك ويتهنى مشلوع گلبه واني هم صرت بالرجلين

سامر:خير ياساتر

سمر:الله جابك اريد أسالك وساعدني وشوفلي حل

سامر:احجي اسمعج

سمر:اسمع••••••••••••وحجيتله كل ألي صار

سامر:بس تصرف رافي غلط

سمر:ادري هو اني كايله صح بس المشكله هسه هيه قافله

سامر:يحجي وياها ويرضيها وينتهي الخلاف

سمر:حقك مو انته متعرفها هاي من تقفل تقفل مره زعلت علي ،سبع اشهر ماخلته يلمح حتى خيالها مو يشوفها،الكلام ألي حجته مو بلحضة غضب لا هذا قرار وراح تنفذه

سامر:وعادي تبيع كل هل الحب؟ والله انتوا النسوان غريبات عجيبات خبلتنه وخليتنه منعرف راسنه من رجلنه

سمر:على كيفك يمعود اخذتني حاصل فاصل وجمعت كل النسوان،، اني شعليه رافي ونورزان اني شكو

سامر:ااااه ياضيم گلبي هو انتي الأكو والماكو.اكوم انام احسن ألي ونصيحه خبري رافي وخلي هو يتصرف احسن

سمر:تمام راح اخبره ،وقبل لتروح فهمني شنو قصدك من كلامك

سامر:معقوله مفاهمه شنو قصدي سمر كل هل السنين وبعدج تغشمين نفسج؟

سمر:والله مفاهمه شنو قصدك من هل الكلام

سامر:اخاف احجي وترجعين تصديني مثل قبل وارجع اعيش خيبة امل جديده

سمر:عن شنو مافهمت وشوكت صديتك؟

سامر:لازم ناسيه حقج اني منو وشنو بالنسبه ألج حتى تتذكرين شي يخصني

سمر:رجائا سامر بدون لف ودوران فهمني لأن صدقا مفاهمه قصدك

سامر:شوكت تحسين بيه والله تعبت حتى من الصبر،، حسي بيه يابنت الناس قبل كلتي اكو شخص بحياتي واحترمت قرارج وكلامج وابتعدت هسه بعد شكو

سمر:انته تريد تخبلني ياقرار ياكلام؟ وشوكت حاجيه وياك؟ واصلا شوكت انته رايدني؟ اول مره اعرف بهذا كلامك واعرف انته رايدني

سامر:سمر انتي تعرفين كلش زين شكد احبج ومانسيتج ولا لحضه كل هل السنين حتى من تزوجت اتخذت هل القرار حتى ارجع كرامتي ألي اهنتيها بطريقة رفضج ألي

سمر:دقيقه سامر لتخبلني وفهمني الموضوع
اصلا اني حاليا متفاجئه بكلامك
معقوله ؟يعني انته تحبني لو اني داافهم غلط؟

سامر:من اول ماشبينه واني احبج واتخيل اليوم ألي تصيرين بي حبيبتي وزوجتي ،بس من دزيت لينا حتى تحجي وياج وتعرف شنو رأيج بالموضوع
رفضتيني بطريقه قاسيه وحجيتي بحقي كلام صعب اي رجل يتحمله وكلتي انتي تحبين شخص ثاني
صح هل شي كلش اذاني بس احترمت قرارج وابتعدت وسافرت بس صدكيني ماكدرت انساج ولا يوم وللان احبج

سمر:كلامك صدمني اول مره اعرف انته تحبني
ولينا ولامره اجتني وكلتلي انته تحبني
واصلا اني وخطيبي الله يرحمه ماكان بينا علاقة حب اني من شفته وشافني وراها تقدملي وشفته شخص مناسب وعجبني وبعدها حبيته وتعلقت بي

انتفض وصار عصبي.....

سامر:انتي شنو تحجين تريدين تخبليني!!؟
يعني لينا مكالت ألج سامر يحبج ويريد يخطبج؟ وانتي ما رفضتي وكلتي عليه وهذا منو سامر حتى اوافق عليه اصلا اكرهه واحب واحد ثاني

سمر:انته تحجي صدك؟ اصلا ولامره صار بينا هل الكلام وحتى لو اريد ارفضك تتوقع مني احجي عليك بهل طريقه ،وانته ابن عمي

سامر:لا ياالله،،، معقوله؟معقوله كل هل السنين واني لينا ضاحكه عليه معقوله اختي دمرت حياتي ،ليششش؟

شنو السويته ألها وخلتني اعاني كل هل السنين

سمر:اهدى سامر يجوز انته فاهم الموضوع غلط

سامر:ولج ياغلط اصلا حجت كلام اكثر من هذا
خلتني اكره نفسي وأخذ منج موقف خلتني اكره حبي وضعفي اتجاهج،حسيت بالأهانه،وطلعتي اصلا متدرين بيه ،وطلعت عايش بوهم

سمر:صدكني سامر ماادري بكل هل شي ولا ادري بيك تحبني

احجي ويا لينا بهدوء وافهم منها ليش هيج سوت

سامر:ياهدوء اختي دمرت حياتي ،بسبب حقارتها وانانيتها

سمر أسالج سؤال واترجاج جاوبيني بصراحه
لو بوقتها لينا موصلتلج كلامي كان وافقتي عليه لو لا؟

سمر:بصراحه قبل كان وافقت وبدون تردد لأن ماألكه احسن منك وانته اكيد اولى من الغريب

نورزان:مابيه شي ليضل بالج بس محتاجه ارتاح وانام

الحجيه:نامي بنيتي نوم العوافي

نورزان:الله بيبي على هل الكلام تدرين طول عمري اتمنى اسمعه من امي بس بحياتها ماسوتها

الحجيه:الله يبرد گلبج ويهدي امج

نورزان:راحت بيبي واني نمت بفراشي طبعا بعد اتصالي برافي غلقت جهازي

حاولت انام بس ماكدرت احس ألم بگلبي وخنكه
اول مره تصير عندي هل الحاله مااعرف شنو بيه

ثاني يوم اجه رافي وام رافي ومنال وسمر لبيت جدي بس اني ماطلعت ولاشفتهم قبل ليطلعون اجت سمر دكت الباب عليه توترت خفت ليطلع رافي وعيب من بيت جدي بس سمعت صوت سمر تكلي نورزان أفتحي الباب ادري بيج جوا اريد احجي وياج

فتحت الباب وسلمت عليها

سمر:هيج صارت نورزان نجي ومتسلمين علينه

نورزان:سمر انتي تعرفين واني اعرف ليش ماطلعت سلمت فلتعتبين عليه وانتي تعرفين ألي بيه

سمر:ادري حبيبتي والمحب يعتب
ادري انتي ضايجه من رافي وزعلانه عليه بس عالأقل فتحي تلفونج خلي يحجي وياج او نزلي خلي يشوفج والله من البارحه لليوم روحه مفرفحه عليج ومحروك گلبه ترا صدكيني ماكان يقصد بكلامه بلحضة غضب حجه هل الكلام

نورزان:نزلت دموعي.... اي غضب هذا ألي يريدنا نزوج بدون موافقة اهلي شنو.شايفني؟ صح اني احبه ومستعده اضحي بروحي علموده بس مو معناتها يستغل هل شي ويتزوجني بهل طريقه

كلشي ممكن اتحمل علموده بس من الموضوع يخص كبريائي وكرامتي اعذروني لهنا وكافي

سمر:شنو قصدج؟

نورزان:بما انو هو خلص صبره وبعد ميتحمل خلي يشوف غيري والله يسعده

سمر:تحجين صدك نورزان؟ هو هذا كلام؟ وبعدين منو كلج هو خلص صبره ومستعجل على الزواج هو يريدج انتي وبس ويخاف يخسرج

نورزان:ماكوداعي بعد لايصبر ولايخاف على شي اني ويا خلص انتهى كلشي بينه موكوه هيه حاربنا وحاولنا ومدترهم هو كلشي قسمه ونصيب والضاهر مامقسوملنه ننجمع فالأفضل يشوف حياته وينساني واني هم انسى ،تصرف رافي فهمني شنو قدري عنده وكرامتي بعد متسمحلي اوافق عليه حتى بعد لو اهلي وافقوا

سمر:صدك،، چذب،، كولي ياالله ،غير يتخبل اذا سمع هذا كلامج انتي الضاهر اعصابج تعبانه راح اعتبر نفسي ماسمعت شي ارتاحي وبعدين نتفاهم

نورزان:مابيه شي واعصابي زينه وميحتاج افكر بعد
وياريت توصليله هل كلام

سمر:الله كريم خلي اروح هسه والله يحلها

نورزان:سمر ضاجت من كلامي ،سلمت وراحت شويه وكلهم طلعوا ،اعرف قراري صعب عليه وعليه بس افضل ألنا ثنينا هل شي سببه احقاد الماضي دمرت حاضرنا وأنحكم علينا انو مننجمع

اعرف راح نتأذى ثنينه وراح نعاني بس لمصلحتي ومصلحته انو نبتعد ومنضل عايشين بأمل ماراح يتحقق رافي الضاهر تعب واختار الحل الأسهل وهل شي جرح كبريائي وكرامتي مو اني ألي اخلي الناس تحجي عليه وتكول سوت مثل عمتها وانهزمت من اهلها وتزوجت غصب عنهم

ولاممكن اعيش ابويه هل شعور مهما سوا بيه
مااريده ينكسر بيه مثل ماانكسر بعمتي لليوم وعمتي غصه بگلبه ونار مدتطفى وألي سوته صح حلال وبشرع رب العالمين

بس حرام بحق اهلها ألي لليوم الناس تاكل وجهم ويخجلون من ينذكر اسمها واني وحده من الضحايا ألي تأذوا بسبب اللي سوته

اهلي يكرهوني لان اشبهه يشوفون بيه عمتي
وكل تصورهم راح اقلدها واسوي ألي سوته

اصلا اذا سويت هل شي اختي راح تتدمر ويايا اكيد تجيها سمعه وتنجبر تتزوج واحد من اهل ابويه
وحتى اعيش سعيده اختي تدفع الثمن

مهما بلغ حب رافي ألي يجي يوم وتصير مشكله او شي منعرف الحياة شنو ضامه ألنا من يصير هل شي وين اروح وألمن التجئ واني عفت اهلي وماخليت خط رجعه

المفروض اي بنيه متمشي ورا عواطفها ومشاعرها
مهما سووا اهلها وياهاوتهرب وتتزوج بدون رضاهم لأن لاهي راح تتوفق ولا اهلها راح يرتاحون وخصوصا اذا عدها اخوات

واكبر واحسن رجل بالعالم يجي يوم وبلحضة غضب يعير زوجته لو احتمال متنسعد ويا وتنجبر تبقى لأن ماضل عدها اهل ترجع ألهم

بالنسبه ألي من هل الدقيقه قررت اطوي صفحة رافي واكمل حياتي ودراستي

****

سمر:كلام نورزان غثني بدون تفاهم قررت تنهي كلشي صح كلام رافي كان غلط وحجا بلحضة غضب وتراجع عنه بس المفروض متسد الابواب
بوجهه وتمنع اي تفاهم بينهم مهما صار حبهم يستحق تتنازل شويه وتكعد تتفاهم ويا الى ان يوصلون لحل

اول مادخلت الصاله باوع عليه يحاول يفهم شنو ألي صار واذا شفتها ولا لا كان ملهوف
،اااخ لو يدري شكالت يمكن يعوف الكل ويصعدلها

حاولت اتلافه نضراته ألي حتى ليفهم
شويه واستأذنه وسلمنه وطلعنه
اول ماصعدنه السياره دار وجهه وباوع عليه

وكال

رافي:هابشري شفتيها،،، لا؟

سمر:اي شفتها موجوده فوك

رافي:موجوده ومانزلت سلمت،،، هاي سوتها صدك،،،، زين شكالت هم حجيتي وياها؟

سمر:،اي حجينا ،هسه امشي وبعدين بالبيت نسولف

رافي:بربج بدينج ،تريديني اصبر منا للبيت اني لو بيدي اصعد يمكم كل شويه اريد اسويها واتماسك اكول عيب،،،فضيني واحجي لتشلعين گلبي انتي هم

سمر:اني اكول عوفها هل الايام ترتاح مبين نفسيتها تعبانه وبعدين تفاهموا

رافي:شبيييها اخاف مريضه لو بيها شي؟

٣٩_٤٠

**

سيف:يمه اني اليوم راح اروح ابات يم رافي ليضل بالكم

ام رافي:الله وياك وسلمنه

احمد:امشي نوصلك اني ومروه هم طالعين نغير جو وبطريقنه هم نسلم على رافي بما انو.سيارتك عطلانه

سيف:اي والله ياريت...

رحنا لبيت رافي دخلنه الكراج اول ماوصلنه الباب الداخليه سمعنه صوت صياح وتكسير انصدمنه!!!
وضلينه واحد يباوع عالثاني،ورجلنه بعد متشيلنه
دكينه الباب ومحد يفتحها اخر شي اتصلنه على جهازه مغلق

رجعنه ندك بالباب شويه وانفتحت وصار رافي بوجهنا

بس شنو شكله يخوف الشعر مخربط ووجهه احمر وايده مجرحه وتذب دم شهكنه كلنا
بدون كلام وسلام باوع بوجهنا وعاف الباب مفتوحه وفات

دخلنه بعده وأنصدمنه بحال البيت صاير حطام مكسر الغراض ومخربط احوال البيت

احمد:هاي شصاير هنا ليش هيج حالك وحال البيت؟

مروه:احمد شوف ايده بيها دم

رافي:مابيه شي جرح بسيط

سيف:انته ضل بهذا طبعك كل منحجي وياك تكول مابيه شي،ادري وهذا الخراب ألي صاير هنا شنو معنا اخاف عجبك تغير ديكور البيت وأحنا مندري

رافي:سيف لو تلصم حلكك لو تطلع لأن ماألي خلك لأي مخلوق بشري

احمد:غير نفهم شصاير وشنو بيك؟

رافي:يرحم والديكم عوفوني بحالي ولوحدي ماالي خلك للكلام وراسي يوجعني

احمد:تمام اني ومروه طالعين وسيف هو اصلا جاي يبات يمك واذا احتاجيتوا شي اتصلوا بيه

رافي:اخذ سيف هم وياك راح يكابلني ويصرع راسي

سيف:شنو السالفه اشو تجيب وتطرد بينه شنو ماعدنا كرامه وتطرد بينا،،، بس لتخاف اليوم راح اترك كرامتي صفح ومااعوفك لو تسحلني وتطلعني لأن اساسا مطرود مناك وماكو.مكان اضل بي

احمد:بهمس... عاشت ايدك زين سويت هيج يله يوافق اني رايح

احمد :رايح اني في امان الله

سيف:الله وياكم محروسين

رافي:شوكت تبطل سخافه اني ماردت افشلك كدام مروه ولتتوقع فلمك مشه عليه وعقوبه ألك يله كوم رتب البيت واني طالع

سيف:موافق ارتبه بس كلي شنو صاير؟

رافي:شنو صاير قابل يايوم حضي انصفني حتى هسه ارتاح

سيف:كول يالله وفهمني

رافي:اني مشعول جد جدي وحاير ارضي اهلها حتى يوافقون وهمه قافلين عبالك بايك مالهم لوقاتللهم واحد عجزت وهمه قافلين ميرضون ينطوها ألي

من حرگت گلبي وضيمي زهكت وكلتلها احسن حل نتزوج وغصبن عنهم وهي تخبلت عليه ماخلت حجايه ماحجتها وتكلي مااريدك بعد وانساني ولتتوقع انزل راس اهلي

سيف: ، ادري يااخي شتتوقع بعد هذا كلامك تكلك موافقه وتنهزم وياك وتتزوجون بنضرك هل شي طبيعي

صاح بيه....

رافي:موطبيعي وادري بهل شي بس شنو اسوي مو روحي راح تطلع هم اكعد اتفرج الى ان يزوجوها مره ثانيه والله بوكتها اموت رسمي اذا صارت

وبعدين الحجي كلي اذا اصروا على قرارهم اضغط عليهم وازوجكم.غصبن عنهم ومن هل المبدا كلتلها هل الكلام وهيه فهمتني غلط ومنطتني مجال للكلام وتالي سدت الخط بوجهي

سيف:مشكلتك من الموضوع يخص نورزان تصير شخص متهور ومتعرف تتصرف وبعدين افتهمنا كلشي هسه البيت شعلي كسرت الغراض من شوكت تحل امورك بالعصبيه هاي عود انته العاقل والراكز

رافي:كلشي ممكن اتحمله بس المشكله تكلي اني بعد مااصير ألك مره وانساني وعيش حياتك ويا وحده ثانيه يعني بكل سهوله باعتني علمود اهلها ألي دمروها

سيف:هي مو علمودهم هيج حجت ترا الموضوع مو سهل واكيد ماكانت متوقعه منك هل الكلام هسه تهدا وترجعون تحجون عادي نورزان تحبك ومتكدر تتخلى عنك بهل سهوله

رافي:الله يسمع منك ولو اعرف راسها يابس وعنوديه

سيف:هسه كوم ارتاح لحد ماارتب البيت والله طيحتوا حضي خليتوني اصير بنغاليه من وراكم

***

نورزان:بجيت لما روحي طلعت ،شكد حاولت استوعب كلامه واتقبله ماكدرت اي شخص بالحياة ممكن اتاثر بكلامه بس رافي غير شكل وكلامه اليوم ذبحني وحسسني ماألي قيمه عنده وبنضره انسانه سهله ويكدر ياخذني بدون تعب ،ادري هواي صبر بس اذا صدك يحبني يضل يحارب الى ان ياخذني مرفوع راسي ومااطلع ذليله من بيت اهلي

اعترف كبرتهه وكتله انساني وبعد مااريدك بس صدمتي بكلامه خلتني اخذ منه موقف قوي من اي شاب اتوقع هل الكلام بس رافي من يحجيهه معناها قاصدها لأن اعرفه موشخص متهور وعقله هو اليتحكم بي

الحجيه:يمه نورزان شبيج افتحي الباب اشو مالج حس

نورزان:فتحت الباب من شافتني بيبي شهكت واني من قهري شمرت روحي عليها وحضنتها وابجي

الحجيه:ولج ليش هيج شبيج يابعد بيبيتج شو ارفعي راسج خلي احجي وياج شنو الصاير فهميني؟

نورزان:بيبي بعد مااريده ولا اريد اهلي مااريدهم كلهم ،كلهم كرهتهم دمروني ودمروا حياتي لا الضحيت علموده حس بيه ولا اهلي فد يوم راعوا الله بيه والله العضيم تعبت ياريت لو بيومها ميته وخلصانه ياريت ماصحيت وضليت نايمه للابد

الحجيه:اسم الله عليج يمه ليش هيج تحجين
وتشلعين كلبي اااااخ هاي امج واخوج كون هسه يمي لا اكطعهم تكطع ،فهميني شنو الصاير؟

نورزان:بيبي اني رايحه انام بعدين نحجي احس نفسي تعبانه

الحجيه:يمه بيج شي نوديج طبيب لو مستشفى؟

رافي: شايفه الانسان من يضوج ويروح للبحر حتى يضيع همومه ويرتاح، انتي عيونج هيه بحري ألي اضيع بي وانسى الدنيا ومابيها، سبحان الخالق من خلق لون البحر بعيونج من اشوفها اروح لغير عالم

نورزان: انته هم عيونك حلوه وهم ملونه صفارهن حلو بلون العسل

رافي: حلو اكو واحد هنا اول مره يتغزل بعيوني

نورزان: يووو رافي انته ليش كل مااحجي شي تخجلني

رافي: بالعكس اصلا كلش فرحان واول مره اعرف انتي منتبهه عليه،،، الله شكد حلو لو يجون اطفالنا يشبهوج ولون عيونهم مثلج

نورزان: اني سامعه اذا الاب والام ثنينهم عيونهم ملونه يجون اطفالهم هم عيونهم ملونه لأن الجينات تكون قويه

رافي: فدوه للي كاعده تحجي باطفالنا وجيناتهم
يوم عيد وحلم عمري تصيرين ام اولادي

نورزان: لا الضاهر بدينه ندخل بالعميق خلي افلت لمن احجي وياك انسى نفسي واصير اجفص بالكلام،،، يله باي

رافي: باي ياحبيبتي ومرتي وام اولادي

نورزان: ههههه هاي صارت صدك ام اولادي ومرتي يمعود ألي يسمعنه عباله متزوجين بالسر استر علينه

رافي: هو راح اضل اطلبج منهم ومن تبزع روحي اخذج من عيونهم وغصبن عليهم بس اصبريلي
يله رايح محتاجه شي؟

نورزان: لا سلامتك

نهينا اتصالنه واني احس گلبي يزقزق من الفرح
مجرد صوته كافي حتى تدخل الفرحه لكلبي
اتصلت على ريام ومن درت بسالفه خالد ضلت تتبلعم وصوتها ارتبك

هسه فضينا يمعوده موافقه لو لا؟

ريام: بس هو اكبر مني ب ١٢سنه

نورزان: يعني هو هذا عذرج هسه اني ورافي مو فرق ١٠سنين هل شي مو عذر هو عاجبج لو لا
حتى ينتضر الى ان يجي الوقت المناسب حتى يتقدم!

ريام: افكر وبعدين ارد

نورزان: تمام يله باي

استمرت ايامنا بين مد وجزر ويااهلي،،،، وحب وهويام ويا رافي

ورجع بعد فتره هم خطبني مره ثانيه وكان ردهم اعنف من المره الاولى ورفضهم قاطع

هنا رافي جن جنونه وكلي راح اتفق ويا الحجي ونتزوج سواء وافقوا ولا لاء

هنا اني رفضت رفض تام الموضوع

وكتله

_كل عقلك شلون تطلب مني هل الطلب شلون تريدني انزل راس اهلي واخلي الناس تاكل وجهم
زين واني شيكولون عليه وباجر عكبه شنو اكول لأولادي تزوجت ابوكم من غير رضات اهلي
هو هذا حبك ووعدك تصبر الى ان تاخذني بهل طريقه راح تنفذ وعدك يعني؟

اعذرني رافي بعد هل الكلام تأكدت انته متكدر تصبر ولا تتحمل ومادامنا عالبر روح شوف حياتك ويا غيري لان اني بعد مااريدك وماصيرلك مره لو شنو يصير

يتبع....

نورزان: والله جدو تعبت من كل شي حتى من الصبر اني اعرف راح يسون هيج بس كلت بلكي ضميرهم يأنبهم بعد ألي سووا بيه ويقررون
يتنازلون علمود راحتي وسعادتي، بس اني مااهمهم
مو كوه هيه

جدي: وبشر الصابرين،،،، مو اني اكولها رب العالمين،، يعني اكيد ان شاء الله يعوضج بعد صبرج وتعبج وصدكيني اذا ضلوا على هذا موقفهم اوكف بوجهم كلهم وازوجج غصبا عنهم وخصوصا ابوج احسه شبه مقتنع اسحبه لجهتي ونزوجكم

نورزان: الله كريم هي بقت على الله

هدى بنت خالتي: ها يالمضروبه طلع الأخ مستقتل حتى من تطلكتي هم معافج للان رايدج شنو هل حب يابه

نورزان: الله يستر هاي اذا انتوا عرفتوا شنو المريت بي وهيج تكولون لعد الغريب شيكول؟

هدى: هسه قابل حاسديج احنا، هو مجرد كلام
قابل مثل حضنا بنات بيوت محد داك الباب علينه

الحجيه بيبي: ولج هديوه شنو هل الكلام الماسخ
اشو فاكه حلكج على اللبنيه وبعدين لو بيج حظ جان دكو بابج قابل نورزان مانعتهم صفي النيه حتى الله يباوع عليج وثكلي ترا الثكل زين،، الزلم ماتحب اللخفيفه يحب الصعبه

هدى: يووو يابيبي هسه احنا شحجينه اخذتينا حاصل فاصل قابل سبينه العنب الاسود
شدعوه احنا مو احفادج ليش تفرقين؟

نورزان: اسمع كلامها ونكرتها ويا بيبي وكلت ويا نفسي خ***ه بحضي وين مااروح اكو ناس حاقده ومؤذيه لا وحاسديني على صخام وجهي هو اني البيه كافيني

عفتهم ورحت للغرفه اتصل على رافي
اتصلت كذا مره ميرد، اخر شي كتبت رساله وارسلتها

(حبيبي وفرحت عمري، سندي واماني، قوتي وضعفي لومهما صار ومهما حاولوا يفرقونا ويبعدونا تبقى انته الوحيد ألي ساكن گلبي وروحي، لتضعف وتستسلم حتى مااضعف وياك، اعرف هسه انته متضايق وتعبان بس وغلاتك عندي لو الدنيا كلها توكف بوجهنا ماراح اكون لغيرك، اذا بعدك متمسك بيه فخلي نخلي ايدنه بأيدين بعض ونمشي هل الطريق الصعب سوا الى ان ننجح بعدك متمسك بيه لو انسحبت من اول مواجهه)

ارسلتها شويه واتصل بيه

رافي: انسحب؟ كل عقلج اي لو اعرف موتي يصير من ورا هل شي هم مااعوفج اضل لو العمر كله احاول هم مااستسلم

نورزان: اعرف ومتأكده من هل شي، بهيج حاله ماكو داعي تأذي نفسك وتضوج اخاف يصير بيك شي

رافي: لتخافين عليه مابيه شي

نورزان: رافي فدوه مو مال مكابره ترا اني اعرف ضغطك مرتفع وتعبان لخاطري لتضل تغث نفسك
والله مااتحمل يصيرلك شي

رافي: نورزان اني مامتحمل فكرة متكونين الي ألي عشته هذيج الفتره بغيابج كان صعب عليه

نورزان: كل شي قسمه ونصيب والله شكاتب نشوف وان شاء الله يكتبلنه ننجمع سوا

رافي: امييين، الله يسمع منج كلشي يهون لعيونج المهم تحررتي من حسام وكمتي بخير وسلامه الباقي كله سهل...

صدك اكلج هذا خالد اخو مروه حجه ويايا يريد يطلب ريام للزواج

نورزان: هههه والله عرفت راح يسويها لا واختي الثوله عبالها كلامه شقه

رافي: بس كتله اجلها شويه لأن يعتبر خالد من طرفنه وهمه هسه ضايجين منه فأكيد يرفضوا

كتله اوصللها خبر ونشوف شنو رد ريام واذا موافقه ننتضر فتره تهدى النفوس ونطلبها

نورزان: اي زين تسوي

رافي: ترا خالد كلش خوش ولد وميتعوض وحابها لريام ولو اني بالبدايه ضجت منه

نورزان: ليش؟

رافي: ضم عليه ألي صار وفوكاها كاعد يتغزل بيج ومبين بالبدايه كان خال عينه عليج ووراها كلب على ريام

نورزان: يااااعزززه، شلون يصير هذا سالفته مترهم

رافي: لا هو كان معجب بيج وبشخصيتج يعني مبين مجرد اعجاب بس من شافج مرتبطه انعجب بريام وحبها وهسه يريدها ولو اني كل مااشوفه واتذكر كلامه لوبيدي اكفخه واطير وجهه بس شسوي يعني راح يصير عديلي ولازم اتقبله

نورزان: هههههه، حلوه هاي مال عديلي

رافي: ليش عيني نورزان خانوم لازم موبعينج اني وعديلي الدكتور خالد

نورزان: ههه لا يابه بعيني ونص ادري هي وافقت وسويته عديلك

رافي: لتخافيبن موافقه تعلميني بريام اصلا هيه هم واكعه من زمان غير انتي كنتي نايمه ومتدرين بالدنيا والدكتور واختج بينهم غمز ولمز ونضرات حب واعجاب ينلام سيف من يكول نايمه ورجليج عالبسيم

نورزان: ادري اني سامعه نايمه ورجلج بالشمس مو عالبسيم

رافي: مو هذا سيف مصري متأثر بيهم مسامعه المصريين من يحجون عالبسيم يعني عالبحر
فهو حورها خلي نشوف يا فطيره راح ياخذ

نورزان: اي والله سيوفي يستاهل ان شاء الله يلكه بنت الحلال المناسبه اله

رافي: اكلج اشو انتي صايره فد مره،،، تدلعين بالكل واني تحجين ويايا برسميه ولايوم سمعتج دلعتيني

نورزان: ترا دااشتم ريحة غيره بالموضوع

رافي: ياغيره اصلا اني اكبر من هل السوالف سوالف غيره مااقتنع بيها

نورزان: اي سوالف الحب هم متقتنع بيها وهسه صرت روميو

رافي: ها بدينه بساميرج خلي اروح احسن ألي

نورزان: اي انهزم ماعجبك كلامي استاذ روميو

رافي: ولج نورزان راح اجي ابتلي بيج

نورزان:ههههه اي تعال شكو بيها انتضرك ببيت جدي

رافي: اااااخ،، ياريت والله اكدر هسه اجي واشوفج لو تدرين شكد مشتاقلج ومشتاق اتمعن بسحر عيونج

نورزان: هلكد تحب عيوني وطول الوقت تتغزل بيها؟

اذا تحبيني صدك لتأذيني بيج حاولي تقوين نفسج
وتأكدي لو الدنيا كلها تخلت عنج راح ابقى سندج بعد رب العالمين ومستعد اوكف بوجه الدنيا كلها مو بس اهلج

مو عبالج مفاهمج وفاهم مخاوفج صدكيني اعرفج حتى اكثر من نفسي، يله حبيبي كوني بخير
اني رايح سلميلنه

نورزان: الله يسلمك، باي

نهينا الاتصال واني اجتني نوبة البجي، ألي صار فتره ملازمتني الضاهر صاير عندي اكتئاب

صعبه الانسان من يحس بنفسه وحيد بوجود كل هل الناس عنده، المفروض هسه اني عايشه عيشه مختلفه دلال وراحه بوجود اهلي وحياتنا المرفهه

الناس تتصور انو المال هو مصدر السعاده
ميدرون فلوس الدنيا كلها متجيب السعاده وراحت البال

تذكرت اليوم ألي طلعت بي من بيت اهلي امي كالتلي

ام زيد: اخاف عبالج بهاي تصرفاتج تاخذين ألي تريدي فلتحلمين رافي امسحي من حياتج كلها لأن لو تنطبك السما على الارض متزوجون فلتحلمين هوايه لأن لو يضل اخر رجال بالدنيا منخليج تاخذي يجوز بعد منجبرج على شي بس بنفس الوقت احنا هم ممجبورين نتقبل رافي

نورزان: انتي ليش هيج تصرفيين ويايا شنو ألي سويته ألج ليش طول العمر محسستني اني مو بنتج، وليش كل هل حقد على رافي كانت حجتج عمو نبيل وهسه تغير والرجال حاول يصلح غلطه وفعلا لوماهو ماكان رافي كدر يوكع حسام، انتوا ليش بعدكم حاقدين ؟

ماجاوبتني... بيومها عرفت جمعتنا اني ورافي صعبه او يمكن مستحيله يمكن بسبب ألي سوا بزيد؟ خلص اذا هل شي راح اطلعه لزيد بلكي يحنون عليه

اصلا زيد متوقف وللان ماحولوا اوراقه للقاضي رافي موكف شغلته لأن يطلع بسهوله وهو يريد يربي فتره يله يطلعه

اتصلت على امي وابويه وبلغتهم راح اطلع زيد وحاولت اكون وياهم مسالمه ومحبه
وفعلا بعد كم يوم طلبت من رافي نطلعه

رافي: انتي تحجين صدك بهل سهوله تطلعي نسيتي كل ألي سوا بينا ؟

نورزان: اولا هذا اخويه مهما يسوي بيه اني اصلا بكل الاحوال ماكنت ناويه ابقي هوايه اذا هو نذل اني مو مثله

وثانيا يارافي هل شي ديولد عداوات واحقاد
مااريد اهلي يحقدون عليه وعليك ويشدون ويانا
يعني بالعقل ساجن ابنهم تتوقع ينطوك بتهم بهل سهوله فكر بيها زين

رافي: اني لعيونج مستعد اي شي اسوي وحتى تصيرين ألي مستعد عن كلشي اتنازل
بس المشكله زيد ميستاهل واحد حقير

نورزان: ميخالف حبيبي لخاطري

رافي: اوكفي!!، اوكفي، !!شكلتي الله عليج؟

نورزان: خجلت... يوووه يارافي واكفلي عالكلمه وتخجل بيه

رافي: بداعتي عندج عيديها

نورزان: حبيبي وحياتي وعمري وسندي واماني
واحلى شي طلعت بي من هل الحياة

رافي: اشتعل حسام بنار وحطب على هل الكلام
هسه مستعد اطلع سجناء العراق كله مو بس زيد
ولو بيدي اسوي عفو عام

نورزان: هههههه، هيج كلامي اثر بيك لعد كل يوم بعد اكلك هل الكلام

رافي: راح اروح لأهلج واعيش الدور براسهم واطلع زيد حتى اصير صاحب فضل بلكي يقنعون بيه،، شفتي هاي من وراج راح اصير لوكي مال ماما وبابا حتى يرضون عليه

نورزان: ههههههه

رافي: اشتعلوا مو شليتي حالي بهاي ضحكتج
والله اذا بعد تبجين ابتلي بيج، ضلي اضحكي
ضحكتج ترد الروح بيه

نورزان: حاضر ويله باي ولتروح زايد بالغزل حضرت المهندس رافي

رافي: هههه زين الله وياج

نورزان: وفعلا طلع زيد وحقد الكون كله بعيونه
اني لارحت ولاوصلت بعد لبيت اهلي كل الاخبار توصلي من ريام

حاولت احسن علاقتي ويا بابا وامي على امل
يحنون عليه ويتغيرون كل يوم اتصل واسأل عليهم
واعتذرت لان ماسمعت كلامهم وطلعت حسام وفهمتهم وجهت نضري وكل ألي سوا بيه حسام
ابويه اقتنع بكلامي وكلي هاهيه لعد يستاهل وخلي يتعفن بالسجن

اماامي ماعجبها الكلام بس سكتت
ومرت فتره طبعا رافي كدر يرتبلي وضعي بالكليه وامتحنت الكورسات بس ماكدرت ادوام طبيعي رتبها ويا العميد

هل الفتره ابد ماعافني ويحسسني كأنما ملكه
خوفه وحرصه ومحبته كل شي بي يخليني اعشقه

اجه على جدي وفاتحه بموضوع خطوبتنا
وجدي كان مرحب بهل شي وقرروا يروحون همه والولد وخالي لبيت اهلي يخطبوني

بس ألي صار امي وزيد وكفوا بوجهم وكالوا ماعدنه مره ألك

حاول جدي وياهم ورافي وحتى عمو نبيل ابويه بين المقتنع وبين لا

بس امي وزيد سووها هوسه وقضيه وكان اسلوبهم بي شبه الطرده

اني من سمعت كلش ضجت بس اني كنت متوقعه
هل شي بس كلت بلكي الله يهديهم

اما رافي كان وضعه سيء حتى من رجع ضغطه ارتفع طبعا سمر بلغتني لأن هو اعتكف وماحجه ويااحد

رافي طبعه من شغله تضوجه يعتكف ويبتعد يهدء يله يواجه ميحب يجرح احد بكلامه اثناء غضبه
كان قبل الكل يتصورون هذا تصرفه برود وقلة احترام ألهم

بس اني كنت قريبه عنه واعرف شنو هو وشنو كل تصرفاته مثل ماهو يعرف عني ادق تفاصيل حياتي اصلا حتى هوايه نتشابه بتصرفاتنه

، البعض يتصور رافي هادء وبارد هو بالحقيقه من يعصب يصير مثل الاعصار بس هو انسان كتوم وهل شي يخوفني عليه لأن الكتم يأذي صاحبه
اني وافكر اجاني صوت جدي

جدي: باباتي لتضوجين يجي يوم وكل شي ينحل
بس اصبري

وبكل عين صلفه يريدوني اطلع ابنهم والمشكله امي وابويه وافقوا وانطوهم وعد

هنا ماضل عقل براسي همه وكاعدين يمنه اتصلت على رافي واجوي هو والولد والبنات
كدام الكل كلت تنازل مااتنازل واي ضغط اعتبره تهديد ألي وابلغ عليكم ومادامكم مشتاقيله اخليكم تنامون يمه

خلوا وطلعوا وامي وابويه تخبلوا وحتى رادوا يضربوني بس عمه ام رافي ورافي وكفوهم

وبسبب هل شي صارت مشكله وذبوا اللوم برافي لأن هو ألي سجنهم انتهت المشكله بطرد رافي من بيتنه

اتصلت على جدي وخليته يجي يشوفلي حل
ولميت ملابسي، لأن اعرف ميفيد وياهم

اجه جدي وحجه وياهم وراد يوصل لحل وياهم

ابو زيد: حجي شتفاهم، فشلتني كدام الناس
واني نطيتهم وعد اطلعه

الحجي: محد أله حق يفرض عليها هل شي
هيه ألي تأذت وكانت راح تموت، كافي هواي سكتت عليكم وعلى ضلمكم ألها

نورزان: نقاشهم طويل بس مو كله سمعته
هنا رحت لجدي

وكتله

اريد اروح وياك ماابقى،، هنا مااستبعد يأذوني حتى انفذ طلبهم واني بعدني تعبانه

( بجيتلي دمعتين خليت جدي يثور عليهم)

اعترضوا وماقبلوا اروح بس جدي ماعبرهم اخذني وطلعنه وامي وابويه يتوعدولي بنضراتهم
بس اني كلت لهنا وبس شيسوون خلي يسوون
طفح الكيل

بعد مارحت لبيت جدي ابتعدت عن الكل وجدي منع الكل يفوتون بيته الى ان تنتهي العده مالتي ولو ماعليه عده بس للأحتياط ومن كلام الناس
الكل احترم قراره

ضليت اتواصل ويا ريام، وطبعا براء وسمر يوميه يتصلن اعرف روحه لايبه عليه ويريد يعرف اخباري ويخليهن يتصلن

خلصت العده مالتي وثاني يوم من الصبح واني ونايمه رن موبايلي من فتحت الاتصال اجاني صوته؟!!

يتبع...










......#بارت٣٨
****

نورزان: بعد ماخلصت العده ثاني يوم واني نايمه
رن موبايلي اول مافتحت الاتصال اجاني صوته
ألي صار اشهر ماسامعته

رافي: صباح الورد

نورزان: صباح الخير

رافي: ااااخ واخيرا سمعت صوتج، لو تعرفين شكد مشتاقلج وروحي مفرفحه عليج، شوكت اكدر اشوفج؟

نورزان: رافي اني صح انفصلت، بس وضعي ميقل صعوبه عن قبل وتصرفاتي محسوبه عليه
وخصوصا اني هسه ببيت جدي واي تصرف منه
عيب بحق جدي ألي وكف بوجه اهلي وجابني يمه

رافي: ليش اني شنو مسوي، ليش هيج تحجين؟

نورزان: اعرف كل شي مامسوي يمكن قبل كان وجودك بحياتي وسوالفنه سوه طبيعيه
بس هسه الكل عرف انته تريدني وصار لقائنا صعب

رافي:ليش جاي احسج دتصعبيها عليه؟

نورزان: ماكو هيج شي انته فهمت كلامي غلط

رافي: نورزان شوكت تفهمين اني شكد احبج ومتعلق بيج واتمنى اليوم قبل باجر نتزوج
وبما انو انتي انفصلتي وخلصت العده مااضن اكو بعد مانع

نورزان؛: انته كلتها انفصلت، يعني اني مطلقه
ومريضه، يعني ماعدت مثل قبل حاليا
اني مو نورزان ألي تعرفها كلشي بيه اتغير
حتى داخلي تغير

رافي: كل شي ميهمني من الحجيتي ألي كلتي، يهمني شي واحد اعرفه،، من كلتي داخلي تغير يعني شنو بطلتي تحبيني؟

نورزان:(بداخلي) اااه لو بس تعرف شكد احبك واتمنى انجمع بيك بس ادري صعب ومستحيل
مااريدك تتأمل وتنتضر شي نهايته مستحيله ومتصير

رافي: وين صرتي، مو احجي وياج ؟

نورزان: موجوده وين اروح

رافي: لعد ليش متردين، هيج سؤالي صعب وماعندج اله اجابه؟

نورزان: رافي اني اعصابي تعبانه ودماغي للان مامستوعب ألي عشته واحس نفسي مشتته
ومااعرف شنو اتصرف فرجائا لتضغط عليه
وقدر وضعي

رافي: خلص لتضوجين يجرالج كل ألي تريدي
يالوعة گلبي

نورزان: ليش دائما تكلي هل الكلمه، معقوله لهل درجه مأذيتك؟ جاوبني بحزن....

رافي: الضاهر مكتوبلي اضل معلعل وصابر ومتلوع بحبي ألج هاي صار ٣سنوات ونص
واني منتضر تصير معجزه وتجمعنا

نورزان: رافي شوف حياتك لتنتضر وحده ماضل منها بس الرماد اني انتهيت وانته المفروض هسه عندك بيت وعائله واطفال تشيل اسمك لتضل تركض ورا وهم اسمه نورزان

رافي: ليش هيج تحجين ليششش؟
ليش كل مااخطي خطوه اتجاهج ترجعيني الف ورا
معقوله هيج ترخصين حبي ألج وتريدين تبيعي وتستسلمين بهل سهوله وين قوتج اني ماربيتج حتى تكونين ضعيفه

نورزان: اخذوا قوتي مثل مااخذوا كلشي حلو بحياتي،،،نزلت دموعي...

افهمني اني تعبانه كلشي بيه تعبان اكلك ماضل مني بس الرماد انته تفهم كلامي لو لا

رافي: كافي حبيبتي لتبجين الله يخليج مااتحمل دموعج احسها تنخر بگلبي اهدي وارتاحي واني مستعد اضل طول العمر واني انتضرج لتصدكين يجي يوم واعوفج

والرماد ألي تحجين بي متأكد راح يجي اليوم ألي ترجعين بي نورزان ألي اعرفها وتوكفين على رجلج
والى ان يجي هل اليوم اني راح اوكف وياج وانتضرج

نورزان: مااريدك تزعل مني لأن اني فعلا تعبانه

رافي: اعرف حبيبتي ومتأكد من هل شي واني ازعل من الدنيا كلها ومنج لا

كتلج حتى لو تريدين تبعديني بعد ماابتعد لان اعرف مو من كل گلبج

هسه كومي صحصحي واكلي لتضلين بلا اكل وديربالج على نفسج صدكيني اي شي تمرين بي واي تعب اني وياج أتاذى

رافي: لتدوخين نفسج بهل السوالف ولتخافيين حسام بعد ميطلع سجنه مطول يعني خلصتي منه
فكري هسه بس بصحتج وراحتج، ومن تصيرين زينه افهمج كل شي

واني يمج ماراح اعوفج الااذا انتي طردتيني وكلتي مااريدك واطلع ومع ذلك هم مااعوفج يعني بأختصار راح اوغف على گلبج شتكوليين تتحمليني؟(بغمزه)

نورزان: كلامه خجلني احسه صاير جرىء بأسلوب كلامه صح هو ماكال شي بس طريقة كلامه واسلوبه غريب

احنه ونحجي منشوف الا براء دخلت علينه

براء: ها عصافير الحب ماخلصت سوالفكم وانته ياخالي بعدها ماصحت احتكرتها بس ألك
تزوجها وكابلها واكعد مو من هسه تتكرصون وحدكم

رافي: ولي لج عوبه عود هي تبسمر

نورزان: اجت حضنتني وصارت تسمع رافي كلام وتطرد بي اشو اشوف عمه ام رافي هم جايه ومنال
كلها فاتت بعدهم بس اهلي ماكو
سألت ريام عليهم؟

ريام: ماكلت ألهم للان ارتاحي واتصل بيهم كلت اخاف تضوجين هسه
وبعدين شنو اني ماماليه عينج قابل، مو اني موجوده

بعدني ماكملت كلام واسمع صوت

د خالد: اذا انتي متملين العين منو اللي يمليها لعد

ريام: درت وجهي وشفته اشو هذا خلص كلامه وغمزلي واني احس روحي سخنت من الخجل

د خالد: الحمدا الله عالسلامه نورزان
تنذكر ومتنعاد ان شاء الله

نورزان: الله يسلمك واتمنى حتى مااذكر ألي صار

سيف: اعتبري نفسج مثلتي دور بفلم اكشن والبطل توم كروز وعنوان الفلم مو المهمه المستحيله لا الحب المستحيل، وتايتل الفلم نخلي اغنية كاضم الساهر مال الحب المستحيل

رافي: خلصت تفاهه، اسكت وبطل سوالفك لااشمرك من الشباك واخليك تعيش الدور على اصوله مال الفلم شلون توم كروز تسلق ناطحة السحاب انته تنشمر مو تتسلق

نورزان: هههههه، هيج احسن ألك ألا تترزل

ام رافي: يمه الحمد لله والشكر من رجعت شفت ايام مداهركم وشقاكم يوم عيد عندي الله يديم هل اللمه

ريام: بعدها اتصلت بأهلي وامي وابويه صدك حسيتهم فرحوا واجوا ملهوفين عليها
بس نورزان كانت بارده وياهم

ثاني يوم وبعد ماتأكدنه من صحتها طلعنه للبيت
بس طبعا لازم بعد مراجعات طبيب ولازم نتابع حالتها اول باول

وهنا وبدت العزايم والخطار، ابويه ذبح فجران دم
الذبايح وجاب طباخ وعزم اهله واهل امي وطبعا بيت ابو رافي صارت لمه كبيره

ناس فرحانه وناس شمتانه بلي صار ويا نورزان وزيد گلنا للكل مسافر محد يدري متوقف

نورزان: كل الناس موجوده بس احس نفسي غريبه بنصهم، اريد رافي يجي يمي بس هو يحسسني بالامان، اصلا نصهم ماقصروا متشمتين بيه لان رفضت ولدهن وتزوجت حسام وفضلته، همه ميدرون شصار بيه،

اول ماطلعت من المستشفى رفعت دعوة طلاق
صار الوقت اتحرر من سجني

بيومها اتصل عليه رافي وفهمني كل ألي صار وشلون كدر يتخلص من حسام ويسجنه
وعتب عليه لأن استهانيت بي وماشاركته ألي صار بيه

ضليت ايام وناس رايحه وجايه تشوفني
واهلي شايليني مثل المي بالصينيه دلال ماشفته بحياتي كلها

ريام: انتبهتي امي وابويه شلون يداروج الضاهر صحوا على زمانهم وعرفوا الله حق

نورزان: هههه تدرين تأكدت انتي فطيره

ريام: شلون بلله يالفهيمه

نورزان: هو طبيعي امي وابويه يهتمون بيه خصوصا بعد ألي صارلي بسببهم واكيد ضميرهم انبهم
بس دلالهم اوفر ومبالغ به

ريام: يعني مافهمت؟

نورزان: كم يوم وتعرفين شنو مقابل هل الدلال
اني اعرف شنو بس اريدها تطلع منهم

وفعلا بعد اسبوع من طلعتي من المستشفى
اجوي عليه تعالي اتنازلي وطلعي زيد وحسام

هنا اني جن جنوني، معقوله لهل درجه اني حياتي رخيصه عدهم رجعت من الموت وهمه بكل بساطه تعالي اتنازلي وطلعي زيد وطلعي حسام لخاطر رفل شميكون اخوها وهي چنتنا وهو ندمان ومستعد يطلكني بدون مشاكل

جاوبتهم

لا والله متفضل عليه حسام بيك وراح يطلكني بدون مشاكل لاخلفت عليه، اصلا راح اتطلك منه بأول جلسه وراح اخلي يتعفن بالسجن وهاي رفل ألي لخاطرها اطلعه ليش هيه وينها
؟
من كنت اموت وحدي بالغرفه وين كانت هيه وامها؟ ليش ماساعدوني

وبالنسبه لزيد ماطلعه الى ان يتربى

ام زيد: طايحة حظ ومتصيرلج جاره اكو وحده هيج تسوي بأخوها

نورزان: ههههه، هسه انتي امي ألي اعرفها واني عبالي مبدليج صار اسبوع

هاي الاخوه وين كانت من اخويه دمر حياتي
وانتو تتفرجون عليه وماوكفتوا عند حده
هسه هم ضلوا تفرجوا بس الفرق تبدلت الادوار

ريام: كافي تضغطون عليها وتعرفون بعدها تعبانه

ام زيد: عرج ميطكها شبيها عايشه دور المضلومه
راح اعوفها هسه والباجر حضري نفسج نتنازل عنهم

نورزان: بيومها تمنيت لو ميته وخلصانه
اني كنت اعرف هل شي راح يصير، وكلت لريام
بس تأملت وكلت بلكي اطلع غلطانه

هنا ماتت نورزان وأنولدت وحده ثانيه وقررت احرگ الاخضر واليابس، صنعوا مني وحده قاسيه وحاقده وانانيه وصار لازم افكر بس بنفسي لان ماكو احد يهتملي،،، ضلوا كل يوم يلحون عليه واني قافله

تطلكت من حسام غيابي ومن اول جلسه
تحررت من الانسان ألي دمر حياتي وان شاء الله للابد

بيومها وصل الخبر لحسام ومتخبل، للعصر اجوي اهله وعمامه كوم زلم وامه واخته

للفجر حسيتها بدت تستوعب هي ويين وعرفتني
نزلت دموعها وبدت تذكر ألي صار، اجه الطبيب نطاها مهدىء بس موقوي ميريدها ترجع تنام نوم ثكيل

طلع الصبح وطلبوا نسوي رنين ومفراز للدماغ
طبعا اني وحدي وحايره وبنفس الوقت مااريد اتصل على اهلي لان مضارهم اكثر من نفعهم واريد رافي اول واحد يشوفها، قبلهم، اجت الممرضه ساعدتني ورحنا للفحص

*
رافي: يله سيف فضنا اسرع بعد

سيف: هسه نوصل بس انطي صبر يمعود خبلتني
مو راح نسوي حادث

سمر: وصلنه للمستشفى وأحنا الدم نشف بعروگنه،، اول مافتنه الغرفه هنا كانت المفاجئه

رافي: ياربي دخيلك ليكون ألي بالي صار
وينها وين راحت؟

سمر: نورزان ماموجوده وسريرها فارغ وين راحت
وريام ماكو، وهذا رافي تخبل فسر عدم وجودها صار بيها شي

رافي: مامستوعب ألي ديصير وگلبي مو راضي يقنع
يهدء سمعت صوت ريام، ولما اندار كانت هنا الصدمه

شهر ونص واني انتضر اشوف عيونها واسمع صوتها واشوف ابتسامتها

شهر ونص كنت اموت بي كل ثانيه ودقيقه واني اشوفها شبه الميته هسه كدامي كاعده على عربانه
وريام تدفعها رفعت راسها واجت عيني بعينها
واخيرا الله كتبلي اشوف عيونها سبحان ألي خلق
البحر بعيونها وصورها بأجمل صوره

احس مشاعري صارت متضاربه وجسمي يرجف
وگلبي يريد يركض يحضنها وبنفس الوقت جسمي تربط

ريام: خلصنا ورجعنا اجت ويايا الممرضه والدكتوره حتى يجيكون وضعها ويخلولها مغذي لان داخت اول مادخلت الغرفه واشوف سمر وسيف ورافي واحمد بوجهنا

اباوع الكل مصدوم وبنفس الوقت الابتسامه اعتلت ملامحهم

بس رافي من الصدمه احسه تصنم وايده ترجف
اصلا هو من يوم صار بي جلطه عنده رجفه بأيده اليسار

أنقطعت افكاري من نورزان كالت بلهفه (راااافي)

هنا رافي استوعب ألي صار من نطقت حروف اسمه ونزلت دمعه من عينه خلت الكل يدمع
ونورزان شي ثاني دموعها صارت شلال
هل الموقف بحياتي ماراح انسى

هنا نورزان ورافي توقف بيهم الزمن ونسوا وجودنا
ونسوا كل اعتبارات الحياة وماأهتموا لأي احد
مشاعرهم طغت وسيطرت عليهم خوفهم وألمهم ولهفتهم وعيونهم همه ألي عبرن عن كل شي

تقدم رافي وحنى جسمه ولم نورزان بحضنه الى درجه احس راح يفوتها بگلبه وصاروا ثنينهم يبجون
ويتعاتبون

واحنا دموعنا وياهم حتى الممرضه والدكتوره بجوا ويانا عليهم لحضات صعبه وحلوه بنفس الوقت
بيها كمية مشاعر لاتوصف

بعدها شالها وحطها على السرير وقررنا كلنا نطلع
ونعوفهم على راحتهم

****
نورزان: بعد ألي صار بيه واتصالي بريام فقدت الوعي

ماحسيت ألا رافي فوك راسي وتحققت امنيتي انو اشوفه قبل لااموت حسيت انتهى عمري ويمكن هو هذا ألي تمنيته لأن هاي الطريقه الوحيده ألي تخلصني من حسام

حسيت بالامان بنص ألمي وتعبي وبعدها حسيت روحي بدت تطلع ورجعت غمضت عيني وصرت بغير عالم
.
.
صحيت مااحس بأي شي بس احس الالم ألي نمت بي كعدت علي او يمكن عقلي الباطن خزن هل الألم والافكار ببالي

حسيت نفسي بدوامه واصوات يمي ومن ضمنهم ريام بس مااعرف ليش احس نفسي تايهه
احس نفسي مو طبيعيه وضايعه ضليت على هل الحال فتره من الوقت وبعدها بديت استوعب وتذكرت ألي صار ويايه وصار عندي صداع قوي
ماتحملت احس نفسي بديت انهار

اجه الطبيب و انطاني مهدء وشبه ألي فقدت بس صاحيه

فتحت عيني الصبح وبلشوا فحوصات وغيرها
اخذوني بس من ردت اوكف على رجلي احس ماكدرت وحتى دخت كلت يجوز من ألي صار ويايا

من رجعت للغرفه واشوف الشخص الوحيد ألي اتمنى ماافارقه حتى ثانيه وحده بس حسيته انصدم من شافني عبالك صار سنه ماشايفني واستغربت من شفت دموعه نزلت

ماتحملت هل شي ولاشايفته رافي يبجي مستحيل
لاارادي صارت دموعي تتسابق على خدي

ماحسيت ألا ولمني بحضنه وصار يبجي مافهمت شنو صاير بس حسيته متأثر عليه يجوز بسبب الي صار ويايا، وصراحه اشتياقي ماكان اقل منه
صرنه ثنينه نبجي واسمعه

يكلي

رافي: ياعمري، ياروحي الحمد لله من رجعتي وشفت عيونج الحلوه ،، لوتدرين شكد جنت خايف ليش هيج سويتي بيه؟ ليش حرمتينه منج؟

ضل يحجي كلام هوايه بين ألي فهمته وبين الللا
شالني ونيمني على السرير وغطاني من رفعت راسي كلها اختفت وعافونا وحدنا

هنا استوعبت ألي ديصير وخجلت لان كلها شافتنا
بهل موقف

رافي: شلون صرتي، شدتحسين خومااكو شي ياذيج؟

نورزان: لا مابيه شي بس احس نفسي تعبانه ودايخه عبالك صار سنه نايمه وجسمي مكسر

رافي: طبيعي هل شي لتنسيين صار شهر ونص نايمه

نورزان: شنوووو، !!!!شنو شهر ونص نايمه مافهمت؟

رافي: اهدي ولتدوخيين نفسج بهل المواضيع المهم كمتي بالسلامه ورجعتيلنه وكلشي يتعوض

نورزان: الله عليك فهمني يعني صدك صارلي شهر ونص نايمه؟

رافي: انتي دخلتي بغيبوبه بسبب الضربه ألي براسج بس الحمد لله عدت وكلشي صار سوالف

نورزان: ياسوالف هاي ويا كلشي صار ويايا

رافي: لتشيلين هم كلشي انتهى وكلمن اخذ جزاءه،، حسام وزيد بالتوقيف واكيد راح ياخذون جزائهم على ألي سوا بيج

نورزان: يعني شنو ؟

٣٧____٣٨



.....#بارت٣٧

**

سمر: يمعود اتصلت بي بس ميرد وحتى دزيت مسج هم ماكو اخاف بي شي؟

سيف: لتخافيين ونصي صوتج لتسمعج امي وشيخلصنه، قابل صغير هو،، مابي شي هسه شويه ويجي

مروه: ها كدرتوا توصلوله لو لا؟

سمر: ماكو راح اتخبل وين صار

مروه: اخاف بالمستشفى راح يشوفها اتصلوا بريام وشوفوا

سمر: اتصلت عليها، تكول اجه وشاف نورزان وبعدها راح وهاي السالفه صارت قبل كم ساعه يعني المفروض هسه رجع

*
ريام: رفعت راسي وانصدمت بلي شفته ياربي رحمتك واخيرا اختي صحت

صرت مثل المجنونه من فرحتي ابجي واضحك بنفس الوقت ومااعرف شلون اتصرف
رحت ركض اشوف طبيب

اجوي الاطباء شافوها وهي توون مااعرف شنو بيها
نحجي وياها مترد فاتحه عيونها وتباوع بالفراغ عبالك بغير عالم فحصها الدكتور وهي مويمنه

الطبيب: الحمد لله على سلامتها الله قدر ولطف ورجعت

ريام: دكتور فدوه شبيها اشو مترد ومدري شلونها وضعها غريب؟

الدكتور : بابا صارلها شهر ونص بغيبوبه تريديها اول متصحى تكون طبيعيه وتاخذكم بالأحضان ويين احنا اخاف انتي بمسلسل هندي اول ميصحى المريض عبالك قبل ساعه كان نايم، انتضري عليها خلي تصحصح ويبدي جسمها ودماغها يعيد برمجته وتستوعب وشويه وتعرفكم، لتستعجلين وحمدي ربج لطف بحالها، وتوقعوا منا وجاي تكون عدها ردات فعل غريبه ونفسيتها تكون تعبانه بسبب ألي مرت بي فطولوا خلك وياها

ريام: عافني وراح واني من الفرحه نسيت حتى اتصل بأهلي

ردت اتصل وتذكرت كلت لا هل الخبر اول شخص المفروض يفرح بي رافي مااخبر احد غيره اريده اول شخص تشوفه ويشوفها

اتصلت بي كذا مره ماكو ميرد، اتصلت سمر عليه
الضاهر هي هم مدتوصله مكلتلها على نورزان
صحت،، رجعت ضليت اتصل على رافي وماكو نتيجه

**
سمر: ها شباب بشروا وينه مالكيتوا تأخر الوقت وين صار؟

احمد: ماكو بكل مكان دورنه ماكو فص ملح وذاب

سمر: اخاف صار بي شي او اتخربط وألا مامعقوله كل هل الوقت وين يروح

**
رافي
__

الكلام ألي سمعته كان صعب عليه الى درجه كل كلمه تكولها ريام احسها خنجر بنص گلبي
احس ناري ماجاي تطفى

شلون هيج اذوها؟ شلون گلبهم انطاهم يدمروها بهل طريقه وهي شلون تحملت كل هل الالم والضغط النفسي؟

شكد كنت اناني واني ألومها وهي بالمقابل دتحارب الكل حتى تخلص نفسها وتحميني،

طلعت من المستشفى لأن احس روحي اختنكت
وكفت السياره ونزلت على النهر بالجادريه

اباوع الناس كاعده كلمن ماخذ جهه واني وحدي
ضليت ادخن وعقلي يعيد شريط الكلام السمعته
كل شويه اكول راح اروح لبيت ابو زيد احرك البيت عليهم واتعوذ من الشيطان

يعني اذا اهلها هيج سووا بيها اكيد ماكو ملامه على حسام ولهذا استفرد بيها واذاها استغل الموقف

ضليت ساعات كاعد اريد ناري تطفى بس الضاهر ماكو شي يطفيها الناس بدت تروح
وضلت بس السكارى يشربون ويغنون

اني ولايمي البيه كافيني، ضليت للفجر على هل الحال وبعدها صعدت سيارتي وقررت ارجع لبيتي بس اجاني اتصال

احمد: يمعود لخاطر الله ويين انته مو متنه الف موته ماخلينه مكان مادورنه عليك بي

رافي: ليش شكو صغير وضايع؟! وبعدين موبايلي ناسي بالسياره

احمد: بلله هذا كلام، عالعموم مو وقت ملامه كلي ويين انته مو روحنه طلعت

رافي: راجع للبيت

احمد: تمام، خوما بيك شي؟

رافي: لا مابيه شي ليضل بالكم

سمر: ها احمد بشر

احمد: رايح للبيت، بس صوته ماعجبني اني اكول خلي نروحله

سمر: اي اني هم اكول هيج، وفعلا اني وسيف واحمد رحناله للبيت استقبلنه ببرود ومسوي نفسه طبيعي بس وجه وشكله تعبان ومصفر

سويت اكل وجاي بس مااكل بس شرب الجاي والجكاره مانزلت من ايده

رافي: شبيكم تباوعولي هيج عبالك مضيعين شي بوجهي وبعدين شكو كل هل خوف قابل شصاير
صغير اني وتدورون ورايه؟

سيف: يااخي رد على اتصالاتنه حتى نرتاح ووين متروح، روح شعدنه وياك قابل

هاي طلع الصبح وانته كاعد ووضعك مخربط وتكول شكو تدورون ورايه،

سمر: كاعدين نحجي ويا وهو اذن من طين والثانيه من عجين اصلا سارح بغير عالم واحنا محروك دمنه

اخر شي مل من كلامنه كال راح اروح للغرفه انام
وانتوا اخذوا راحتكم اخذ موبايله ديكوم
باوع بالموبايل وتوقف

رافي: هاي شنو هاي ريام حاركه الموبايل عليه
ياربي سترك اخاف اكو شي؟!

اتصلت عليها مترد ضليت اتصل وماكو رد وكلبي صار نار واحس من التوتر راح يوكف

سمر: اهدى رافي قابل شنو صاير الضاهر هي هم ضل بالها عليك

سيف: اهدى وكافي توتر ايدك رجعت ترجف

رافي: اوكفوا هاي دازه رساله هم

ريام: رافي من تقرا رسالتي تعال للمستشفى رايدتك بشغله لتتأخر

رافي: هاي الرساله من الليل دازتها واني ماادري
بس لا صاير شي لنورزان راح اروح للمستشفى

سيف: احنا هم جايين وياك

***

ريام: بدت تصحصح وتميز هيه وين اخذناها سولها فحوصات حتى يطمئنون على وضعها ويشوفون دماغها

سمحلنه الطبيب نشربها سوائل بس شويه شويه
هيه تباوع باللوجوه

فتت للغرفه لكيت رافي كاعد ويحجي ويا نورزان سحبت نفسي ووكفت بعيد حتى لااضايقه
سمعته يكول

حبيبتي اصحي خلي اشوف عيونج مشتاقلهن مشتاق اسرح وادوخ بيهن،، مشتاق اسمع صوتج، كافي تعبت من دونج وحق الحق ليلي مانامه مثل البشر عايش جسد بدون روح حسي بيه وارحمي بحالي

اليوم اخذت حقج من ألي دمروج وخلصتج من حسام ،، انتي خفتي عليه وضحيتي بنفسج واني جازفت بكل شي وخلصتج منه، اصحي حتى اكلج شكد عتبان عليج، لأن ماوثقتي بيه ماوثقتي انو اكدر اساعدج واخلصج من هذا الحقير

من شوكت صرتي هيج جبانه وتخافين وتستسلميين اني ربيتج عالقوه ليش ضعفتي

ريام: ضعفت لأن انته قوتها وضعفها،،، قويه بيك وضعيفه من دونك واذا صار عليك شي تموت وراك لهذا خافت تجازف بيك انته امير من صوبك تخبلت عليك ولليوم تلوم بروحها

هي مامستهانه بيك، بس حبها وخوفها عليك اقوى من اي شي فلتلومها، ولو انته بمكانها كان سويت اكثر منها حتى تحميها

رافي: ريام موبيدي جاي اموت والله العضيم اموت الف موته من اتذكر كل ألي صار ومن اشوفها هسه وهي بهل حال احس روحي عاجز مااكدر اسوي اي شي

ريام: انت سويت ألي عليك واخذت حقها والباقي على رب العالمين لتيأس انته انسان مؤمن اكيد رحمة رب العالمين راح تشملكم حاشى لله
وانته هم ديربالك على صحتك لتضعف تعرف هي هم تتأذى من انته تاذي روحك

تدري من سمعت بيك صار بيك جلطه وبالمستشفى أنهارت وتدمرت وملخت نفسها وحتى صار عدها انهيار عصبي بوكتها نقلناها للمستشفى ماتحملت ألي صار بيك، كل ألمك ومرضك وتعبك عليها هي هم عاشته وياك بس بغير مكان

مانستك ولاثانيه كل شي تسوي كانت تذكرك ادري هل الكلام بعد ميفيد وانتوا انتهيتوا بس ردت افهمك شنو انته بالنسبه ألها

رافي: اترجاج احجيلي كل ألي صار من يوم خطوبتها ولليوم اريد اعرف شلون دمروها ودمروني وياها

ريام: اخاف الكلام يتعبك ويأذيك اني اكول انسى اصلا ألي بيك كافيك

رافي: لخاطر نورزان احجيلي اريد اعرف

ريام: صرت احجيله كل اللي صار بالتفصيل من اول يوم خطوبتها ولليوم وكل شي احجي وكل ألم عاشته هو يتأذى ويتعب حتى وجها صار احمر
كلش تأذى عليها وعرف شلون عايشه واستغربنه بمراسلة زيد أله من كانت مخطوبه ومفهمه عود هو نورزان معقوله هيج وصلت بي الحقاره،

رافي: بعصبيه،،،، يعني سجنوها وضربوها واذوها وهددوها وبسببهم رادت تنتحر وغصبوها تتزوج وتعيش ويا شخص متحبه وكل هذا واجوي اليوم يتهددون يريدوني اطلع زيد

اخاف كان ألي نيه واحد بالمليون اطلعه هسه لو شميصير مااسويها، وكلهم حسابهم ماخلص بعد واحد واحد احاسبه

ريام: يمعود اهدى ليصير بيك شي شورطني وحجيت، ياربي اشوفه صار نار ويرجف وشكله ضغطه ارتفع الله لاينطيهم ثنينهم دمروهم ومرضوهم رافي من يومها شكل عنده ضغط وجلطه ونورزان فقدت كليتها وگلبها تعب والله واعلم اذا دماغها يرجع طبيعي اذا صحت
وفوكاها الدمار النفسي كل شي يسوي ويحجي حقه بس شنو بيدنا

جسمه صار يرجف خفت رحت ركض على خالد لكيته واكف يحجي هو وهاي الدكتوره ألي عالجت رافي تطلع بعمر خالد وهو ماخذ راحته ويسولف كلش ضجت من شفتهم سوه بس استوعبت ليش جايه اني

خالد: خير ريام شنو صاير شبيج؟

ريام: خالد عفيه تعال ويايا شوف رافي مااعرف شبي جسمه يرجف ووجها احمر

قبل لااكمل كلامي مشه مسرع والدكتوره هم لطشت ويا اللزكه، رحنا بس رافي ماموجود سمعنه صوته بالحمام يتقيء طلع مغسل وجها وشكله تعبان

خالد: خير رافي شنو صاير وياك شدتحس؟

رافي: مابيه شي ليضل بالك

خالد: شلون مابيك شي وانته وجهك اصفر وجسمك يرجف وتتقيء

رافي: مابيه شي

الدكتوره: خلي نقيس ضغطك اخاف مرتفع

رافي: شكرا ألكم بس اني راح اروح عندي شغل

ريام: عافنا وطلع وهو وجها ميتفسر شبعت قهر عليه ألي سمعه مو سهل علي،، كعدت يم نورزان ولزمت ايدها

_اكعدي عاد وشوفي حبيبج شنو حاله مو راح يموت عليج،، أكعدي ورحمي بحاله،

من حركت گلبي حضنتها وابجي بحرگت گلب عليهم صرت اشهك واني حاضنتها، وفزيت واني اسمع صوت ونه

ااه، ااه ممم، مم، أنصدمت من شفتها تفتح عيونها ببطىء

يتبع...

وقبل مااخذ حق نورزان راح اسحب الرتبه مالته واخلي ميكدر يسوي شي حتى من نحاسبه على ألي سوى بنورزان مااخلي يكدر يطلع منها

سامر: اني وياك بكل شي انته فصل واني ألبس

سمر: سامر انته اكبر منه المفروض توعي وترجعله عقله مو تأيده بقرار يمكن يدمره

سامر: يتدمر وهو يحاول يحقق ألي يريده ولا يضل طول عمره بحسرة الأنسانه ألي يحبها، وهو يشوفها تروح لغيره

سمر: سامر حجه بعصبيه وأحس كلبه محترگ هاي صار كذا مره انتبه لردت فعله بخصوص الحب

المشكله احس رافي مو اقل منه ثنينهم واكعين
بلله رافي معروف ليش بس ياترى سامر منوو ألي أباله؟

رافي: اني حجيت ويا الوالد وهو قرر يصلح غلطه ويا نورزان لأن كان سبب بدمار حياتها وراح نسوي كل شي حتى نرجع حقها ونخلصها منه وريام راح تساعدنه بكل شي وراح تكون شاهده بماانو نورزان بغيبوبه واحلى شي اتصال نورزان الأخير بريام متسجل لأن ريام جهازها يسجل مكالمات ونورزان اعترفت بنفسها انو حسام هو ألي سوا بيها هل شي اضافتا اكو شهود من الكليه يشهدون ضده من أخذهه من الكليه وهو يهدد ويضرب

سمر: تحركو الولد وبدوا ينفذون مخطط رافي وفعلا اول شي صار اعتقلوا حسام وبسبب تعاطي الحبوب والخمر وسوء استخدام السلطه وفتحوا سالفة الكمين ألي سوا لأخو ام زيد (خال نورزان) وسجنه أله

وتهديده لنورزان وألي ساعدنه وغير كل مجرى القضيه طلع عنده ملفات فساد وتزوير طلعت ورا بلاوي

كل هل شي كان كفيل انو ينفصل من عمله وبعد فصله فتحوا قضية نورزان ومحاولة قتلها عمدا والاضرار ألي سببها ألها

وكفوله جماعته واشخاض يعرفهم بالدوله بس هل مره ماكدر لأن ألي وكفوا ويانا منصبهم بالدوله يخلي حسام ينمحي يعني رافي لعبها صح

بس استغربنا من سمعنه ألقوا القبض على زيد
حجينه على رافي ومنعنا بس هو اصر يعاقب كل الأشخاص ألي دمروا نورزان عمدا

بيت ابو زيد من سمعوا تخبلوا اجوي على بيتنا وصارت مشكله بس رافي ردهم

رافي: لهنا وبس صار سنه ونورزان تتعذب ونهايتها
نايمه مثل الموتى صار شهر بالمستشفى وانتو تتفرجون ماحركتوا ساكن

اصلا شنو اترجى وانتو ألي شاركتوا بدمارها
من هي وصغيره وانتوا تفضلون الكل عليها خليتوها بوجودكم وتحس نفسها يتيمه

اذا تتوقعون نورزان ماعدها احد يوكف وياها لهذا تبيعون وتشترون بيها فأنتوا غلطانيين لأن لو الدنيا كلها تعوفها اني سندها بعد رب العالمين
وابنكم مااطلعه لاهو ولاهذاك وبعد مااسكت

سمر: مااخذوا منه لاحق ولاباطل خلوا وطلعوا بعد الرزاله اللمعدله ألهم، وهو هم بعد مااحترك دمه عافنه وطلع

****
ريام: سمعت بلي صار وألي سوا رافي فرحت من كل گلبي بس بنفس الوقت ضجت على زيد شميكون يبقى اخونا ولو دمرنا،،، شخص اناني وحقير بس الدم ميصير مي

واكفه وفرحانه درت وجهي وشفت خالد ابتسمت لاارادي اجه عليه وهو هم ابتسم

د خالد: مبروك سمعت بلي صار والحق رجع لأصحابه يوم ان شاء الله تصحى نورزان ونفرح بيها

ريام: امييبن الله يسمع منك ونفرح بيهم هي ورافي ان شاء الله

د خالد: اي ياريت وتنفتح الچبسه واني هم اتزوج

ريام: وانته شعليك بيهم متروح تتزوج

د خالد: شلون اتزوج واخت مرتي مريضه ومرتي حايره بيها

ريام: انصدمت وماعرفت شلون ابلع ريكي من التوتر كلامه وترني وبهذل احوالي

د خالد: ههه،، ها شبيج اشو وجهج صار ينطي الوان لتكولين مافهمتي اعرفج اذكى من هل شي

ريام: شنو قصدك ووين تريد توصل؟

د خالد: قصدي احبج واريد اتزوجج ووين اريد اوصل (واشر على گلبي) هنا اريد اوصل ادخل گلبج ولو ادري بنفسي شاب حلو وعاجبج بس تكابريين(بغمزه)

ريام: احد كايلك انته كلش جرىء

خالد: وداعتج ولاجرىء ولا شي اصلا من شفتج صرت اتجرء ادري لاالمكان ولاالزمان المناسب انتي فكري بكلامي منا لحد ماالله يفرجها علينا وتأكدي اني شاريج ادري اكو فرق بينا ١٢ سنه وصراحه بحياتي ماكنت متوقع اخذ وحده اصغر مني بهوايه لأن اني ادور انسانه ناضجه فكريا ولهذا كنت مقرر اتزوج وحده بعمري اوقريب من عمري

بس انتي واختج فعلا عقلجن اكبر من عمرجن وواعيات وشخصيتجن حلوه هسه عرفت ليش رافي متعلق بنورزان رغم فرق العمر بينهم

انتي صح صغيره بس ناضجه وواعيه هوايا شفت بنات بعمري وماعدهن نضوجج وقوتج وانتي بهل عمر وتحاولين تحاربين وتوكفين ويا اختج

ريام: دكتور بس اني مااعرفك شلون تريد اتزوجك

خالد: اولا ماكو داعي للدكتور بينا،، خالد وبس وثانيا اذا شفتي نفسج مقتنعه بيه كمبدأ اكيد راح اعرفج عني واخليج تحبيني لتخافيين اني براسج براسج عنست وانتي أبتليتي بيه

ريام: ههههه ادري انته ليش مقتنع بنفسك معنس ترا بعدك بعز شبابك ٣٠سنه بعدك شاب فلتبالغ

خالد: ها هذا الكلام اعتبره موافقه مبدئيه لو شنو بالضبط لو غزل ومديح؟

ريام: خجلت من كلامه،،،، خلي اروح اشوف اختي دكتور خالد وانته بطل سوالفك وكافي تخجل بيه
يله باي

عفته يضحك ورايه واني خجلانه وگلبي يدگ قوي
وأيدي تعرقت كلامه خبلني توقعت معجب بيه بس تفاجأت بحبه وطلبه للزواج، هو ميدري اني هم معجبه بي اصلا اول ماشفته عجبني