بهاء : سوي الي تريدي بس تأكدي بنفس اليوم

اخطفچ واغتصبچ ووراهة اشمرچ گدام باب اهلچ

هيچ احسن لو تجرين عدل وتنفذين الي طلبتة

جوان : متت بدمي مگدرت اجاوبة طلعت

من الغرفة واني دموعي على خدي احساس

بلضعف كرهت نفسي وامي وكوني بنية

كلشي كرهتة رجعت لبيتنة ودخلت لغرفتي

وقفلت الباب علية وضليت حابسة روحي

شكو دمعة محبوسة بداخلي طلعت انهاريت

الطم واملخ بشعري شسوي ياالهي ضاقت بية

كل السبل ومضل بس بابك مفتوح گدامي

ياربي نجيني من كل بشر يريد اذيتي ضليت

حابسة روحي مطلعت غير للعصر الوجوه مگلبة

وبابا اول مشافني ابتسملي وگلي ولا يهمچ بابا

من الاول مرتاحيتلة عرفت قابضين على ساجد

طه : هاي اخر مرة تختار وحدة بيچن الشخص الي

تتزوجة اني مااريد اجبرچن على شي بس

لازم ائمن عليچن وية الشخص الصحيح

لو مقابضين عليه چان هسة الله اعلم شصار بيچ

مااگدر حتى افكر بلموضوع

جوان : لتقهر نفسك بابا خل يولي چزت نفسي منة

وانتَ فصل واحنة نلبس

سمر : بابا مسألت عن قاسم

طه : اي سألت محد يعرف عنة شي

نهاد: اكيد هج من سوالفچ شبيچن كلچن مابراسچن

خير كل وحدة لازم تنخطب وتفسخ لو تتطلگ هيچ

فگر حظ بناتي

طه : هاي بدال متواسيهن جاية تزيديهة عليهن

نهاد : شواسي منهن هو اني يرادلي واحد يواسيني

شراح نگول للناس بتنة چان خاطبهة واحد مجرم

وياريت جريمة عادية لا دعا٫٫٫ة ياربي اني شوكت

اخلص من همهن وارتاح

جوان : انفجرت عليهة كلشي چنت حابستة

بداخلي من سنين طلع كل مشاعري السلبية

وكل كره وحقد وضغينة تجاه امي طلعتة

كافيي عاد دمرتينة كل الي ديصير بسببچ

دنذب رواحنة بزواجات فاشلة من وراچ

حتى بس نخلص من حچيچ وكرهچ النة

دمرتينة الله لايوفقچ الله لايوفقچ

تهسترت احچي والطم على وجهي بابا تخبل

من شافني هيچ صرت اخذ امي ودخلهة للغرفة

لأن چانت تريد تحچي علية وتشتمني

وتقرب حضني وهو يهدي بية اني احس انتهيت

وبعد بداخلي قهر مطلع تمنيت احچي كلشي

يخص هذا الضابط بس مگدرت خفت لا بابا يصير

بي شي بسببي حبست القهر بگلبي وسكتت

سمر : لحضات صعبة مر بيهة بيتنة الكل داخل

حالة انهيار دخلت لغرفتي ودموعي نزلت على اختي

الي جاي تتعذب بسبب امي وبسبب شخص نذل

دخل لحياتهة وخربهة وعلى حبيبي الي راح من قبل

متبدي قصة حبنة تمنيتة يرجع حتى اگلة كل

الي بگلبي بس للأسف مصار شي اسبوع يجر

اسبوع وهو ماكو واني بديت اتعود على غيابة

والتهيت بدراستي درجاتي تحسنت لأن مدرسة

اهلية وتدريس مكثف بس غيابة ترك فراغ بحياتي

افتقد غزلة وحبة واهتمامة افتقد مغامراتنة

كلشي مر على بالي وكلة يچويني البعد شي صعب

وچانت اول مرة اجربة من بعد عني قاسم

جوان : مرن 3 اسابيع واي خبر عن ساجد ماكو

والضابط هم متصل بية ارتاحيت گلت يجوز

چان ديخوفني وميسويلي شي من صدگ بس للأسف

كل امالي خابت من دگ علية واني بلكلية

جاوبتة واني ادية يرجفن واتلفت داير مدايري

احس عيونة علية او ديراقبني

بهاء : گمغيتي طالعة تخبل بلاصفر يولو گطعتي

گلبي الشغل شغلني عنچ طول هاي الفترة بس

فرغتلچ هسة اجة وكت اللعب

جوان : سيدي لخاطر الله عوفني مااريد

روح لغيري لتحطمني اني بعدني بنية

شلون اتزوجك بالسر لتفضحني الله يخليك

والله ابوية يموت بيهة احچي واباوع اريد بس

اعرف موقعة للحقير الله ياخذة

بهاء : لتتلفتين كافي وهسة اطلعي بساع انة

انتظرچ برى الجامعة اعد للعشرة الگيچ گدامي

والة كل المحادثات والصور الي لگيتهن بلابتوب

مال ساجد تصير على كل المواقع وخلي ابوچ يحط

راسو ويموت ساعتهة وهسة بدى العد واحد اثنين

جوان : سديتة بسرعة وطلعت اركض

جوان : طلعت اركض ادور وعيوني تدور

عليه رجلية تمشي ليگدام بس گلبي يتراجع

خايفة هواية من الي الجحيم الي جاي ادخلة برجلية

طلعت برى الكلية شفتة برى واگف بصف سيارتة

اول مشافني ابتسم واني ركضت عندة وبداخلي

كلي امل انو يعوفني بداخلي اتوسل انو ربي انو

يصحي ضميرة ويتركني وگفت گدامة

وهو عيونة اكلتني يباوع بنظرات وقحة

بهاء : گمغيتي شطالعة اليوم هانت اليوم شيخلصچ

مني منتظر جيتچ لحضني على جمر

جوان : الله يخليك عوفني الله يستر على خواتك

متخاف من الله متخاف تطلع حوبتي بأهل بيتك

بهاء : لا مخايف بعدين گمغيتي سوالفچ قديمة

كلش وانة مراح اغتصبچ لو اخذچ بلحرام

راح اتزوجچ على سنة الله ورسولو

جوان : بس افهمني شلون اتزوجك بالسر بعدني

بنية بت بيت شسوي ورى متعوفني والله اهلي

يذبحوني الله يستر عليك سويهة لله وعوفني

بهاء : سوالفچ باهتة مثلچ گدامي علسيارة بساع

جوان : اشرلي بعيونة علسيارة واني متت بدمي

ياربي بيش وگعت روحي تمشيت ببطئ للباب

واني اباوع عليه وعيوني تتوسلة بس مهتم

نزل مناظرة وصعد بالسيارة

سمر : مستواية الدراسي تحسن هواية امتحانات