١١_١٢



~•~•~•~•~•~•~•~•~•~•~•~•~•~•~•~•

اورين : رجعت للمطبخ واني خايفة حيل

مااعرف شسوي شلون اخلص منة يارب اعترف

لمقداد واتغدى بي قبل ليتعشى بية اي لازم

اخلص منة وميضل الي صار بينة بلماضي

نقطة ضعف وشي يبتزني بي بعد تفكير

مطول قررت اعترف لمقداد لأن هو يعرف اني

چنت مخطوبة وانفسخت الخطوبة بس ميعرف

تفاصيل عن الموضوع ولا اي شي يخص هذا

الشخص الي جان خاطبني ياربي مجرد التفكير

بلموضوع يرعبني شلون احچيلة كلشي

خفت هواية وقررت ائجل الموضوع لان احوالي

مخربطة حالياً ومراح اگدر اوصلة الفكرة

بشكل صحيح اكيد راح الوص الوضعية

سمر : مر اسبوعين وهو ماكو اخابر يطلعلي

مغلق ما الة اي اثر بس مخلي سايق يوصلني

ومن سألت بلادارة گالوا اجة قبل اسبوعين

دفعلچ اقساط المدرسة مال 3 سنوات

احس راح اتخبل ليش سوى هيچ وشنو الي

ناوي عليه مو فرح من وافقت علزواج ليش اختفى

فجأة من حياتي وخلاني ادور عليه حتى لبيتة

رحت خليت السايق ياخذني لگيتة مقفول وماكو احد

حتى الحرس مموجودين ردت اتخبل شنو الي

جاي يصير عافني يعني احس انهبطت رجعت للبيت

ابچي ودخلت بحالة صدمة وانهيار حسيت شي

نزل على رجلية شي حار ركضت للحمام شفت

الكالون متروس دم غسلت وطلعت حچيت لجوان

وهي شرحتلي انو هاي دورة شهرية وعلمتني شلون

اتصرف انقهرت اكثر وية وجع بطني

والصداع نمت مرضيت اكل اي شي مرت الايام باردة

ببرودة قلبي الي بكل لحضة يحن الة تمنيت يتصل

يطمني يشرحلي سبب غيابة ماكو مر شهر على

غيابة واني انسليت تمرضت حيل ضعفت هواية

شعري بدى يتساقط صار عندي فقر دم احس الدنيا

كلهة سدت ابوابهة بوجهي متت تمنيت بس اسمع

صوتة بس يرجعلي ماكو اختفى بيوم وليلة

جوان : تحضيرات المهر على قدم وساق امي فرحانة

راح تخلص من بتهة الثانية سمر جاي تذبل يوم

بعد يوم حاولت اهون عليهة بس عجزت اقنعهة

بشي بلاخص خطيبهة اختفى بدون مقدمات

واني كارهة روحي احس جاي اودع الحياة مو

استقبل حياة جديدة تمنيت اصرخ واحچي الي

بداخلي بس مگدرت بعد يوم للمهر چان يوم سبت

اخذت جنطتي وطلعت مااعرف ليش ردت اي

شي ينقذني من هاي اللعبة الحقيرة الي جاي

يلعبهة ساجد طلعت بوجهي للمركز نزلت من

التكسي اركض اريد بس شخص يحسسني

بلامان الي فقدتة من اقرب الناس الية

دخلت لمكتبة من دون حتى ماادگ الباب

جان شايل قلم ذبة من ايدة وأشر بعيونة

للضابط الي وياه وهو ترخص وطلع

عيونة اتابع الضابط الوياه شلون طلع من الغرفة

اول منسد الباب تحولت ملامحة الى ملامح

اقل صرامة وابتسم خفيف

بهاء : الله حيو الگمغية

جوان : تگدر تساعدني

بهاء : الة اگدر بس بلاول استغيحي

جوان : گعدت علكرسي واني اهز برجلي

حسيت بي قرفص گدامي ومدلي بطل مي

بهاء : اشربي يحلوة حرام العندو هلجمال

يزعل يولي اهلچ شلون طلعوچ لو منهم اضمچ

بغرفة ومااخلي بشر يلمح ضلچ

جوان : ممكن تبطل مغازل وتساعدني

بهاء : اول خطوة انزعي حلقتو الي بأيدچ

جوان : باوعت للحلقة وباوعتلة گلتلة بصدمة

شمدريك اني مخطوبة الة

بهاء : مراقبچ يگمغية ولو ماجاية اليوم چان قبضت

عليه وماخليتو ياخذچ

جوان : شتريد انتَ اعرفك مو احسن منة

بهاء : تجين للصدگ اي انة مو احسن منو بس

انتِ عجبتيني حيل انسة جوان واريدچ

الية تصيرين

جوان : شلون يعني

بهاء : اخلصچ منو بس بلمقابل تصيرين الي

جوان : تريد تتزوجني

بهاء : اي بس بلسر

جوان : شنووو ليش بلسر اشايفني حضرتك

بهاء : شايفچ گمغية

جوان : اني غلطانة ساجد احسن منك بهواية

على الاقل يريد يتزوجني گدام الناس

بهاء : اي فعلاً هو ناوي ياخذچ ويشتغل عليچ

جوان : شنو يعني

بهاء : ساجد يدير شبكة دعا٫٫٫٫٫ة وهو يريد يتزوجچ

ويشغلچ وياهم وغصباً عليچ تشتغلين لأن لازم

عليچ صور ومستندات اذا قدمتي بلاغ او لا احنة

لازم نقبض عليه اليوم بتهم ابتزاز واتجار بلبنات

جوان : دماغي افتر احس دخت حيل گمت ولزمت

الميز واني گوة متماسكة گلتلة ليش مگلتلي من الاول

بهاء : وبشنو تفرق بلاول والاخير مردودچ الي

وساعتهة العب بيچ لعب

جوان : لعبت نفسي من كلامة احس الدنيا جاي

تظغط علية هواية معقولة ربي كل هذا صار بية

واني الي چنت حذرة دوم بتصرفاتي وين چان

مضموملي كل هذا ياالهي

بهاء : يواش گمغيتي على كيفچ وية نفسچ

لتروحين تطيحين علية ساعتهة مااضمنلچ شسوي بيچ

وهسة يلة روحي لبيتكم وانتظري اتصال مني

جوان : قويت نفسي وگلتلة بصياح انتَ شحاسب

روحك والله اشتكي عليك اخليهم يفصلوك