٩_١٠




~•~•~•~•~•~•~•~•~•~•~•~•~•~•~•~•~•~•~•~•~•~•~

سمر : لا من اروح لبيتنة ابدل ماعندي هدوم هنا

قاسم : الكنتور مليان هدوم حبيبي حاسب حساب

لهيچ يوم دنفوشتي

سمر : اي اني ابدل قابل مگرمة

قاسم : دخليني اخذ راحتي وياچ

سمر : لا قاسم بعدنة ممتزوجين

قاسم : علاساس من نتزوج راح تبدعين

سمر : كلامك كلة الغاز

قاسم : تريدين افكهن الچ

سمر : يحچي وهو شايلني وانفاسة تضرب

وجهي مشاعر غريبة حسيت بيهة

تقرب اكثر وباس شفتي بهدوء

واني لاول مرة احس بلامان وية قاسم

ابتعد عني نزلني علچرباية ودار وجهة

قاسم : بدلي حبيبي درجعچ لبيتچ

سمر :حسيتة ابتعد مجبور كانو ديمنع نفسة عني

رحت فتحت الكنتور اشكال ملابس وكلهن
بلچياس والعلامات بيهن اخذت فستان وسترة

لبستهن وطلعتلة وهو باوعلي من فوگ ليجوة

قاسم : طلعت اعرف قياسچ كلش زين

سمر : اي والله جني فيت

قاسم : بلعافية يعمري

سمر : الله يعافيك بس اوگف لحضة شنو هاي

اللطافة اني مااحب اصير لطيفة

قاسم : تحبين الوكاحة سمرمر

سمر : هياتك تعرفني

قاسم : يلة حبيبي تأخر الوكت

سمر : اخذت الشال من التخم خليتة على راسي
وطلعنة وصلني للبيت وراح اول مفتت للبيت

شفت جوان بلمطبخ صافنة مدري شبيهة

هلايام ابد مو طبيعية

فتت للصالة شفت امي وابوية گاعدين سلمت

عليهم وفتت لغرفتي وامي فاتت وراية

نهاد : هاي شنو ولچ ليش مبدلة شسوالچ

سمر : شسوالي يعني بس تبللت هدومي من المطر

نهاد : متأكدة

سمر : اي ماما شبيچ ممصدگتني

طلعت امي وهي تباوعلي بشك اويلي ياربي

ميجي من ورى قاسم بس المشاكل

تذكرت بوستة وسرحت بأفكاري لحضات غريبة

علية استسلم الة واحب هذا القرب

جوان : حايرة شسوي ياربي وين اروح ابلغ

عليه بس اذا بلغت لازم ادخل بسين وجيم ومحاكم

واهلي اكيد راح يعرفون بالموضوع

من بعد تفكير مطول قررت اروح للامن الوطني

واشوف شنو اگدر اسوي بلكت يقبلون يساعدوني

بشكل سري ومن دون معرفة احد

تمددت والافكار تجيبني وتوديني وفكرة وحدة

مسيطرة علية وهي الندم اني ممتعودة اثق بأحد

ولا انطي الامان لبشر ليش صرت غبية وامنت بضحى

اورين : مثل كل يوم اطلع للدوام ووياية رودينا

وصلت يم محلة شفتة واگف يدخن بلباب اول

مشافني ابتسم نزلت راسي ومشيت بسرعة

سراج : حبيبي لا لا كافي وياي ابد مو صافي

وبحضن غيري غافي اوف يابة

حبيبي هد هد حيلي خلاني اسهر ليلي منة

صحت ياويلي اوف يابة

اورين : تنهدت وكملت طريقي للمدرسة

واني احاول اگطع الشباك العنكبوتية الي

جاي يبنيهة بعقلي كمحاولة انو يخليني
اضعف اعرفة مناوي على شي زين بس

رجع حتى يخرب حياتي ويروح مثل مخربهة

قبل بس هيهات سراج مااسمحلك تلعب بگلبي

مرة ثانية اني مو المراهقة العفتهة اني غير

انسانة كسرك الية حولني شخص ثاني

شخص اقوى واشجع واصلب ومستعد يسوي

المستحيل حتى يبعدك عن حياتة

جوان : طلعت كلعادة للكلية وية ابو الخط

من شفتة راح اخذت تكسي ورحت لمديرية

الامن الوطني واني گلبي يدگ سريع متت بدمي

خايفة لا بس اگللهم يجبروني اقدم بلاغ
وصلت واني رجلية تطگطگ من الخوف نطيت

الكروة للرجال ونزلت مكان كلة ضباط وناس

لابس لبس رسمي خفت هواية فكرت اتراجع

بس تذكرت كلام ضحى وتقويت گلت لازم مااخلي

يدمر حياتي ويتلاعب بيهة سألت عن المكان

اليقدمون بيه بلاغات ودلاني شخص شاب

لابس لبس رسمي تمشيت للمكان واني كلساع

اريد اتراجع بس اقوي نفسي

سمر : من الصبح اجة قاسم وصلني للمدرسة

الجديدة وهو طول الطريق يوصي بية عبك

طفلة وتوصياتة كلهة عبارة عن لتسوين مشاكل
صيري عاقلة وكوني صداقات وية البنات

من صدگ ضجت شنو اشايفني وگاعد يوصي

بية هيچ وصلنة واني نزلت ورگعت الباب وراية

وهو راح لمكتبة صدگوا لحد الان مسألتة شيشتغل

ولا اريد اعرف بس اسمع اهلي يگولون يشتغل

بلحكومة شنو شغلتة مفتهمت

دخلت للمدرسة والمديرة استقبلتني ترحب

بية لان قاسم موصيهم علية دخلت صفي والطالبات

كلهن مبينات لبسهن غالي وانيق

گعدت علرحلة وبديت يوم دراسي جديد

جوان : دخلت لمكتب الضابط الدلوني عليه
سلمت وگعدت علكرسي واني افرك بيدي

بهاء : اي تفضلي اخيتي شنو شكوتچ

جوان : اباوعلة گاعد على مكتب وبصفة گاعد

واحد على لاب توب حچيت مترددة

اااني جاية ابلغ عن ششخص يهددني

بهاء : منو هذا الشخص

جوان : مااعرف اسمة الثلاثي بس الاعرفة هو

اسمة ساجد ويداوم بكليتنة

بهاء : بشنو جاي يهددچ

جوان : بصوري

بهاء : يولو حسين غير لو تفض سالفة الصور هاي
يومية جاينة بلاغ شكل

جوان : بببس اني مااريد اهلي يعرفون بالموضوع

بهاء : ليش تخافين يعرفون شمصخمة