شنو نيتة وليش رجع شفتة بلطريق وهو غمزلي وسوا حركة

بأيدة على عيونة وبعدين ضرب على صدرة بمعنى عيونج ضربتني

بگلبي هاي الحركات الچنت اعشقهة صرت اكرهة كره العمى

لان تذكرني بلخذلان والانكسار العشتة من بعدة

وصلت بنتي للمدرسة وطلعت لان ماعندي درس

توجهت للمحل مالتة شفتة ديحاسب رجال چبير باوعلي

الرجال واني انداريت للعارضة اطلع شربت

طلع الرجال واني رگعت العارضة حيل وتوجهت عليه

وهو سند راسه على عكوسة ويباوعلي بترقب

سراج : گلي ياحلو منين الله جابك

اورين : شعندك بهاي المنطقة سراج ليش دتحاول تدخل

حياتي شرايد تهدم كل الي بنيتة

اني طلعت نفسي من الانقاض ورجعت بنيت نفسي

شتريد تهدمني مرة ثانية

سراج : خزن جرح گلبي من عذابك

اورين : ضربت علباتيرنا بيدي حيل وهو باوعلي

وابتسم وحچى بصوت هادئ

سراج : تدرين شگد مشتاقلچ

اورين : حقير

سراج : وعيونج مشتاق

اورين : اطلع من حياتي هاي اخر مرة اگلك

سراج : واني مااطلع حدما ارجع حبيبتي لحضني

اورين : تحلم بعد سراج حتى بأحلامك هم متحصلني بعد

سراج : احصلچ نفس محصلتچ اول مرة وثالثة وعاشرة

مادام الداخل صدرچ يدگ بأسمي

مقداد اخذ جسم بس بس گلبچ بعدة ملكي

اورين : گلبي نبض سريع خفت هواية على نفسي

طلعت من محلة اركض مااريد اوگع بلغلط واخون

مقداد هو ميستاهل غير كل خير

مشيت بسرعة للمدرسة واني كلساع اشرد وافكر بكلامة

داخلي متحطم لان بعدة يأثر بية وكلمة منة تگلب احوالي

جوان : يوم جديد بلكلية وبكل يوم اقترب من حلمي

اني اصير مدرسة الحلم الي حلمت بي من چنت طفلة

چنت اجمع صديقاتي واصير معلمة عليهن واشيللهن عودة

واعاقبهن اذا غلطن من وسط ذكرياتي صحاني صوتة

ساجد : الصفنة ملاگت لبشر گد مالاگتلچ

جوان : باوعتلة بغضب وگمت من يمة بس كلامة

خلاني اتسمر بمكاني

ساجد : صورتچ بلدشداشة الحمرة اخذت گلبي

جوان : باوعتلة مصدومة وعيوني بيهة الف سؤال

ساجد : غبية وينضحك عليج بساع

جوان : انت تعرف ضحى

ساجد : طبعاً ضحى حبيبتي

جوان : وشلون تساعدك اذا حبيبتك

ساجد : لازم عليهة صور نفس ملازم عليچ هسة

جوان : متگدر تسوي شي

ساجد : اگدر اسوي هواية شغلات

واولهة انشر هاي الصور بگروبات واخليچ حديث الساعة

جوان : الدموع تجمعت بعيني حچيت بترجي شتريد

ساجد : تقربت وگفت گدامهة وگلتلهة اريدچ

جوان : انت متخاف الله ماعندك خوات

ساجد : هوب هوب اريدچ بلحلال مو مثل ممفكرة

جوان : شلون يعني

ساجد : اتزوجچ اقصد

جوان : ليش

ساجد : انتِ غير كل البنات جوان

جوان : اني مااريدك

ساجد : غصبا عليچ ترضين

جوان : شتريد مني ساجد خاف الله بية

ساجد : لتفرحين وتتعززين اريد اجيبچ يمي حتى

اكسر خشمچ واعلمچ شلون تتكبرين علية

جوان : احس الدنيا افترت بية كمية چبيرة من الصدمات

تلقيتهة بدقايق حسيت كلشي انهار

سمر : اخذني لمطعم راقي واول مدخلنة صاحب المطعم رحب

بي وباوعلي ورحب بية وعبك يريد يحجي شي وقاسم

سكتة وگلة زوجتي

والرجال ضل يرحب بينة گعدنة وجابوا انواع المقبلات

واني ليش اچذب واگول صرت كيوت لا والله اكلت حدما

طاح حظي من الاكل انوب جابوا الغدا هن المقبلات وحدهن

شبعني رجعت اكلت النوب واني احس راح انفجر وهو ياكل

وميباوعلي عايفني براحتي اكل كملنة الغدا وجابولنة چاي

بس شنو طعمة يخبل چاينة ورك اشجار عليه

شربت استكانين دنزل الكرش الصار عندي

قاسم : هيچ تحبين الچاي

سمر : شغلتين بحياتي مهمات الاكل والنوم اعوف كلشي

ومااعوفهن احجي ومخلية ايدية علميز وائشر عبك دناقش

موضوع مهم وهو طگ ضحك علية

قاسم : اكلي ونامي براحتچ حبيبي بس وكت الاريدچ

لا اكل ولا بطيخ اريدچ جاهزة الية دائماً

سمر : هو زواجنة مساومة خلينة نتفق على نقاط

قاسم : اي خلينة نتفق احسن

سمر : اول شي دراستي اكملهة وبراحتي

قاسم : تمام وبعد

سمر : ثلاجة تنملي اكل وعصاير لان اني اجوع هواية

قاسم : ادلل دنفوش وبعد

سمر : اممم هاهية ماعندي غير طلب

قاسم : هسة اجة وكت طلباتي

سمر : اي تفضل گلت هيچ وهو غص بلضحك

مسح عيونة الدمعت على طريقتي بلكلام

ولزم ايدي وحچى وهو اميل راسة

قاسم : اول شي اريدچ ترگصيلي كل يوم

سمر : ملامحي بهتت وسحبت ايدي منة

قاسم : شبيچ غير اني هم عندي طلبات

سمر : طلباتك منحلة

قاسم : لعد من تسمعين الطلب الثاني شتسوين

سمر : گام وسند ايديه علميز وهمس بأذني بكلمة

غريبة حيل واني احس وجهي گام يطلع دخان

قاسم : ها شو تغيرت ملامحچ

سمر : الاتفاق ملغي مااريد كلشي

قاسم : ههههههه برضاچ غصب هذا الراح يصير

سمر : بطلت مااريد اتزوج

قاسم : مو هي لعبة اوگفي خل اشرحلچ وضعي

سمر : انتَ بيك مرض الانحطاط واضحة

قاسم : هههههههههههههههههههه لا ولچ راح اموت كافي

باعي سمر اني عندي مرض اسمة زيادة ........

يعني مو بيدي هذا الشي بس لازم يكون اكو مرية بحياتي

فلهذا دفهمج الوضع حتى متتفاجئين