هاليله زينب وين هلها
هاليله زينب وين هلها
:::::::
هاليله غريبه ام عون بالشام
عادت من جديد اعليها الأيام
بعد عباس ماتت حتى الاحام
نفسهم رجعو ورفعوها الإعلام

غريبه اختك غريبه
صفت بكبر مصيبه
ظلت زينب تصيح
كفيلي من اجيبه

چا وين العباس الكفلها
هاليله زينب وين هلها
:::::::
يدري الگمر هاليوم اربعيني
گلت چا ليش طول ما يجيني
نعم عندي عتب بينه وبيني
عيني تريده مشتاگتله عيني

اريد اشكيله منهم
علي رجعو نفسهم
مثل ما حرگو اخيام
بضريحي الليله كلهم

عن حالها محد سألها
هاليله زينب وين هلها
:::::::
اريد حسين يحضر الي هاليوم
اريدنه يجي بس موش مجلوم
اخوي من السحگ ما يگدر يگوم
مــالــوم الگــلب عباس مــالوم

الخنصر بعده مگطوع
الحسگ ما خله الضلوع
اكثر من الغيوم
انه بعيني الدموع

اختك غريبه ومحد الها
هاليله زينب وين هلها
:::::::
بالغربه وحيده ومالي والي
ليالي العاشر ومثل الليالي
ابد ما ينحسد عباس حالي
قبل جبريل ما ينظر خيالي

وكت انه امشي بالسوگ
سبوني واركب النوگ
علي تنظر الشمات
ما تنسد الحلوگ

احبال بچفي چا ياهو اليحلها
هاليله زينب وين هلها
:::::::
وحشه مرقدي وما بي زوار
علي رجعو الشتمو علي الكرار
غريبه زينب وما عدها انصار
الخيم ما ناسيتها وتلهب النار

صفيت بلا زياره
بقت ضلمه المناره
مشتاگه انه الكم
ردت منكم اشاره

لبوة علي بيكم املها
هاليله زينب وين هلها
:::::::
علي جبار الكعبي
الفاتحه لوالدي