الناشر مصطفى المياحي

عينك علـــي لــو نزلولي بلحدي
ما عندي غيرك واني ذنبي بگدي
:::::
حسين ما عندي انه غيرك تدري بيه
ذنوبي بعيوني ولساني وحتى اديه
احسبني خادم للخدم يا ابو رقيه
حلفيتك بختك الراحــت سبيه

بتراب زوارك مترب خدي
:::::
ادري من انزل حفرتي كلها ترحل
وانــه تايه يـا حسين وبيك اندل
المشكله يم بابك اعرف كلها تنحل
شحچي للمنكر اذا مولاي يسأل

مروتك يمولاي انه باچر وحدي
:::::
صعبه ساعات الگبر مولاي يحچون
المثلي باچر بالگبر يحسين وشلون
بکل عزاء تدمع الك مولاي العيون
حسين سجل اسمي وي الي يلطمون

اگضي العمر بالخدمه كلش ودي
:::::
حسين سوده أعمالي هاي اكبر مصيبه
لو سألني المنكر اعرف راح اجيبه
انـــه راح اقــراله زينب يا غــريبه
اعليك گلبي مستمر هو بنحيبه

جرح العقيله الهسه اعرف يدي
:::::
كلشي ما املك فقط املك خدمتك
حسين عايش انه مولاي بنعمتك
شلون بيه لـــو تگلهم ما عرفتك
وانه بالمحشر وتاني چف رحمتك

هناك الأمر مولاي اعرف حدي
&&&&
توگف الخدامك اعرف مو بعيده
حسين وانه بگبري اقرالك قصيده
خــاف للمنكر تگلهم مــا اریده
نادم وهذا الذنب لا مــا اعيده

مولاي انه ابابك ابقه مجدي
:::::
الشاعر علي جبار الكعبي
الفاتحه لوالدي

(نـــزلـــه ... طور بدوي)
ياشامخآ بالعزم... صگارِ كل الزلم   عباسِ مِنك كفو... يا فارسٍ ياشهم
=========@@@======1️⃣
ناخت لكَ الريح والريحِ خيالها
شامخ والأفعالِ تمتازِ برجالها
والرايه عباسِ بس چفك الشالها
اني ابا الفضل صوت الفخر گالها
يارافع المگدرا.... شمرة علي حيدرا
سوح الوغا نادتك... منك نِعم والنعم
=========@@@======2️⃣
تحصدهن الروس يوم الذي ترتجل
زايد بنا الشوگ نسمع ثنايا الفعل
يانسنه طرواك يامنصفن بالعَدل
تربات الأجوادِ ماينخفى هالنسل
والحومه للمرجله.... صاحت هلا وياهلا
والجدمك انته الترب... لو لامسو يبتسم
========@@@========3️⃣
يمأسر اليل واليلِ في قبظتك
للطفِ عباسِ أم الوفا جابتك
طاحنهم بيوم دارت رحا صولتك
والاف السنيني تحچي افخر هيبتك
ضاع الوصف ياگمر... والوصفِ نگطه ابحر
يومآ جوادك يهب... يعني الأمر منحسم
=======@@@=========4️⃣
حيا الله عباسِ يالجايب الغانمه
يم جدمك المايِ يركع يطفي الضمه
محتار الجيوشِ راهبهه سيل الدمه
ماندري عباسِ لو هذا حامي الحمه
حيدر بّحيدر فزع... والجيشِ منك جزع
دوخت العگولِ... ماواحد المفتهم
========@@@========5️⃣
الحومه ديوانِ يمحسب احسابها
يمعزب ابروسِ لمن دنه اغرابها
امصيحهم الغوثِ ياتالف اعصابها
ضاگت بالآكتارِ محتاره بالصابها
ابدمهم الحومه انسگت... بمثلك مره مطلگت.
تمشي اوترج الأرض... حتى الأرض تنهدم
========@@@========6️⃣
بيك انته الأوصافِ لاتنحصى اولاتِعد
لو طول السنينِ نحچي اونسولف بعد
عباسِ عباسِ هوه اليوصفك بجد
تربات الأفعالِ وانته اسد من أسد
عباسِ يبن الفحل... ياشامخآ ياجبل
طولك يتعب النضر... راسك يطخ بالنجم

للشــاعر✍️
ابو عبــد الله الشمــري

استشهاد الامام الصادق (عليه السلام)


حطب.. بالباب
حطب.. ومصاب
وصوت العلويات التنحب
بفاطم ذَكرَنَّك لو زينب
حطب.. ومصاب

يم بابك الجمعو حطب...ذيچ الـ (وإن) وِرثوها
والـ يا علي من تنذكر...تخنگهم ايحسوها
وشلون بيك وكل وكت... من عندك يسمعوها
واگبالهم وبكل كتر... بس يا علي يشوفوها

يا علي... طلابك تصيح
يا علي.. خدامك تصيح
بيا علي... كل ظالم يطيح

وبِدَو... بالنار
وبِدَو...عالدار
ومن شفت النيران التلهب
بفاطم ذَكرَنَّك لو زينب
حطب.. ومصاب
ــــــــــــــــــــــ١ـــــــــــــــــــــــ

شحالك يا مولاي انظرت... ابيتك النار اموجره
وشفت النساء اتراكضن... من حجره ولحد حجره
طفيتها وتبچي وصحت... ويلاه عمتي الحره
من حرگو اعليچ الخيم...جدمچ سحگ چم جمره

وعالجمر... تتراكض اطفال
عالجمر...وابلايه كفال
عالجمر...ودموعچ اثگال

بحرگ...الخيام
بحرگ...وايتام
ركض العلويات اليصعب
بفاطم ذَكرَنَّك لو زينب
حطب.. ومصاب
ــــــــــــــــــــــ٢ـــــــــــــــــــــــ

للباب تنظر محترگ... وسال عله ثوبك دمعك
وتتلمس بإيدك ولا... بسمار كاسر ضلعك
وتحچي اويه بابك بالألم... هواي انت أهون وضعك
ما شفت خلفك بت نبي... وحاقد عليها يدفعك

لا شفت...خد الـ يِسطروِه
لا شفت... محسن يذبحوه
لا شفت...سيد يگيدوه

بحبل...مچتوف
بحبل... وسيوف
اعله اطهر ناس ايصير الأعجب
بفاطم ذَكرَنَّك لو زينب
حطب.. ومصاب
ــــــــــــــــــــــ٣ـــــــــــــــــــــــ

لا ناسي لحظه ام الحسن... لا كربله ناسيها
بس من شفت نار وجمر... اكثر بچيت اعليها
وشيعتي اتعنولي گلت... يواسوني وانه ادريها
بس راس من فوگ الرمح... زينب بقى يواسيها

وعالرمح...راس اطهر الناس
عالرمح...سيد الاحساس
عالرمح...واخيَّه عباس

وركض...من خيل
ركض...لليل
حسراتك يا سيد المذهب
بفاطم ذَكرَنَّك لو زينب
حطب.. ومصاب
ــــــــــــــــــــــ٤ـــــــــــــــــــــــ

يالصادق بكل الطرق... المنصور صار ايعذبك
هجره وسجن مره بقتل...كل شخص شافه يحبك
چي باوعك بس النقي...والطاهر ايحب قربك
وبهالحقد سم دس إلك...الله يساعد گلبك

وبالدمع...مولاي ننعاك
بالدمع...نلعن العاداك
بالدمع...تقبلنه ننخاك

بوفه...بهاليوم
وفه...وللدوم
نسأل لوعاتك ما نتعب
بفاطم ذَكرَنَّك لو زينب
حطب.. ومصاب
ــــــــــــــــــــــ٥ـــــــــــــــــــــــ


أحمد البصراوي العبادي
نسألكم الدعاء والفاتحة لوالدّي
وخادمكم بأمس الحاجة للدعاء



@HxzEU1

#قناه_نشر_القصائد_المنبريه

.. #رحله
#من الذر #الى القبر


آنــه بالـــذر  ذكــريـاتي
أنت عنــدي كل حياتي
ارد اشوفك في وفاتي
يا أبا عبدالله

. ـــــــــــ ❁ ❁ ❁ ــــــــــــ

آنه من ذاك الزمن
بعالم الذر دورت
عنك ولمن لگيتك
         صرت حبي الأولي
.
آنه بيك اتولعت
بالعظيم توسلت
يالهي حسين أحبه
        هو لي اقدس ولي
.
رتل الهامه وسمعته
        ربي بين افكاري دار
چن يگلي دنيا عندك
              الك بيها اختبار
تگضي أيام بحياتك 
         بيها جنه وبيها نار
بالنوايب والمصايب
        والهظم والاحتظار
.
لو تخـطيــته امتــحانك
حسين يحجزلك مكانك
.
وآنه كل  هـاي امنياتي
أرد اشوفك في وفاتي
ياأبا عبدالله

ـــــــــــ ❁ ❁ ❁ ــــــــــــ

من الاصلاب انطلق
تبدي اول رحلتي
وبرحم أمي الحبيبه.
                   مستقر الطينتي
.
تسع تشهر انتظر
متاني چنت ومستعد
من يحل يوم الولاده
               الك انّدب عبرتي
.
ربي من لطفه خلق لي
              روح بيها افتديك
خلق بعيوني دموعي
       حتى اظل ابچي عليك
حيلي كله بجدمي خله
            حتى للطف اعتنيك
چفوفي وضلوعي خلقهن
              للطم مابين اديك
.
بالــــولاده يا امــامي
اهلي مافهمو كلامي
.
چنـــت انادي بنايـباتي
أرد اشوفك في وفاتي
يا أبا عبدالله

ـــــــــــ ❁ ❁ ❁ ــــــــــــ
.
صار حجر الوالده
بيت اليه وعندي ظل
وانت عبدالله تلوه..
              بالصحاري ابونته
.
الحليب الي يدر
منه اشبع وارتوي
وانت ماضاگه رضيعك..
             والعطش طر جبدته
.
طفل ما افهم جروحك
           وبمصابك ما احس
نايم بحضن الحنينه
            وانته نايم بالشمس
اعله صدري تلولي أمي
         وانت صدرك منرفس
بالمسك جسمي يتعطر
       ونبله جسمك منترس
.
ردت أكبر وي عزائك
حتـى انـدل كربلائك
.
تمحي بيـــدك سيـئاتي
أرد اشوفك في وفاتي
يا أبا عبدالله

ـــــــــــ ❁ ❁ ❁ ــــــــــــ

من كبرت وادركت
وبالعبــادة اتكلفت
هجمت اعليه ذنوبي..
             وچتفتني بسنسله
.
الدنيا دارت كالرحى
تطحن بعظمي وتذر
چن يتيم وچبده ضامي
             وضايع بأرض الفلا
.
غارك بروج النوايب
         درب الاظلم بي فتت
بخطوتي كلما گصدتك
             ذنبي بيهَ ظل يعت
تبتسم وتمدلي ايدك
              وآنه عنك التفت
بعالم الذر جنت اعرفك
      لچن من عندي ضعت.
.
يالگيــــتك ضيعـــيتك
من يدليني اعله بيتك
.
مستحي جيت بصلاتي
أرد اشـوفك في وفاتي
يا أبا عبدالله

ـــــــــــ ❁ ❁ ❁ ــــــــــــ

تيهت بابك  لأن
سيئاتي اتكاثرن
بياجهنم روحه ذبها..
             الي عن دربك يزل
.
لكــن انـتـــه دورت
ناس ولدربك جبت
ولتصدله بنظره مره..
               يستقيم ويعتدل
.
تقبل الحر الرياحي
             من اجاك ابتوبته
وهب وسط الصحره گاعد
         رحت تگصد خيمته
زهير عن دربك تبعد
           وماتمل من دعوته
وآنه احلفك ببوفاضل
           وبچفوفه وجربته
.
كون اصيرن مثل عابس
ضلعي اطره بالمجالس
.
برايتــــك ينلف رفـاتي
أرد اشوفك في وفاتي
يا أبا عبدالله

ـــــــــــ ❁ ❁ ❁ ــــــــــــ

الف شـــكراً ســـيدي
من جبتني لمجلسك
عبد رايد تشــتريني
         وابقى دوم بخدمتك
.
بعت عمري بلا نقد
عن ديـــــارك ما ارد
بس اريدك ترضى عني
             واستظل ابخيمتك
.
كون دخان  المخيم
        يصبح بريتي هواك
كون كلما هل محرم
    تذوب روحي بمحتواك
كون اتلاشى بوجودك
   واگضي كل لحظه فداك
وكون اموتن وآنه خادم
          يختلط دمي بدماك

من يحل يوم المنيه
انت التــــدور علــيهَ
.
تخط بيمـــينك نجاتي
ارد اشوفك في وفاتي
يا أبا عبدالله



حسن الموالي الفاطمي


.

ضامي حسين مذبوح بجسمه اهواي الجروح
الاصابع عنده مو عشره وعشره السحگن بصدره
****
تدري امامك روحه تعبت وظل ثلث تيام ضامي وما شرب ماي
انهدم حيله ويبس گلبه وفطّر اشفافه العطش وتعذب اهواي
ذبل وجهه وتغير حيل وگلبه من العطش نيران
ما صحتله شربت ماي يناس وينذبح عطشان

تعب من كثر الاسهام امامك عالرمل نام
قتيل الدمعه والعبره وعشره السحگن بصدره
****
هاي زينب يم اخوها تودعه اوداع المنيه وتهمل العين
اوداعت الله تگله خويه زينب اول مره راح اتفارك حسين
تشمه بمنحره مره ومره اتقبله من صدره
عزيزج ظل غريب اتصيح وينج يمه يالزهره

اخوي بأخر اوداع برقيه ايوصي كلساع
وداع بدمعه وبحسره وعشره السحگن بصدره
****
حسين حاير وعله مهره انحنه من صابه المثلث بصدره
گطع نفسه ومرد جبده وطلع ياناس السهم من خرز ظهره
طاح من المهر للگاع يويلي والسهم ماذيه
گامو بالحجر يرموه وذاك برمحه يطعن بيه

عليه التمت الگوم وسلبو حتى الهدوم
امامك منكسر ظهره وعشره السحگن بصدره
****
يجري دمه ويون وحده حسين من كثر الجروح البيه تعبان
مگطعينه معذبينه وعالترب نايم وظل ايصيح عطشان
زينب من بعيد اتصيح خويه شيوجعك يحسين
اذا مني تريد الماي خويه الماي اجيبه منين

ثلاثه ايگوم يطيح وثلاثه زينب ايصيح
دامي زينب اتنظره وعشره السحگن بصدره
****
الشمر گاعد فوك صدره لزم بيده لحيته وظل يحز نحره
اثنعش طبره طبر نحره گطع راسه وگام عنه ورفس صدره
ظل عله الترب جسمه وراسه عله الرمح صاير
وسحگن جسمه عشره الخيل وصدره طشره الحافر

اصبع ايده مگطوع وراسه برمح مرفوع
جرح مصيبته شكبره وعشره السحگن بصدره
****
انگطع نحره وراح صدره ومن حوافر خيلهم ما ظلت اضلوع
بالشمس ظل يجري دمه وظل ثلث تيام مرمي ونحره مگطوع
نايم بالشمس والحر ثلث تيام شيظل بيه
ظل بلا دفن وفياي وكل ساع الرمل يجويه

حسين تغير اهواي ومات بحسرة الماي
ضامي منگطع نحره وعشره السحگن بصدره
****
تمت
ميثم العمري

آنه وحميده ورقيه نسولف كعدنه سويه
اركض رحت فرحانه كلولي موش ويانه
*
الليله ما مرتاح گلبي ايگلي سفرتهم طويله
بساعج ولحسين اركضي لا يعوفج يالعليله
جنه ما حاسب احسابج اخذي زينب وعتنيله
وخلي عبدالله عله متنج من يشوفه ايحن دليله

گليله حن عله حالي بلكت يگلج تعالي
بدونك اموتن آنه كلولي موش ويانه
*
الليله حيرني زماني والله مدري شضام اليه
مدري اروحن مدري اظلن ومن اظل اشلون بيه
ومن اروحن خاف اتعبه وينكسر گلبه عليه
رحت بالمدري ودمعتي يم حميده ويم رقيه

شافني مكسوره خاطر وكللي كلنه نسافر
منعوفج احنه اهنانه كلولي موش ويانه
*
احنه التلاثه كعدنه انسولف عله السفر گمنه
نحلم احلام عله گدنه ازغار بس كلش تهمنه
ذيج گالت آنه ارتب من نسافر كل خيمنه
وهاي كالت انه باجر افرش العبدالله يمنه

عبد الله كلش نحبه اناغيله دوم ونلعبه
يمنه يصير امجانه كلولي موش ويانه
*
نتفق من هسه اكلجن انه ابوي اهناك اخدمه
خيمته اخليها تزهي وبيها اصيرن احله نجمه
ماي اجيبله الوضوئه وحته مهره اهناك اقدمه
ومن يريد الماي يشرب يلتفت يلكاني يمه

خليني اكلله يمك وبعيوني يابويه اخدمك
ماكول ابد تعبانه كلولي موش ويانه
*
والله لو وياهم امشي إله اصير الهم فراشه
وعالضعن بالماي افتر وما اخليهم عطاشه
والعزيز حسين بيدي من العصر افرش افراشه
وحته عبدالله اكمطه وما اقصر وياه حاشه

خدامه اصير بضعنهم بس لا يبعدونه عنهم
ما ريد اظل حزنانه كلولي موش ويانه
**
حضرت روحي ورحتله وشكبر جانت فرحتي
شافني ونزلت دمعته وكلي موش ويانه انتي
باوعتله وليش گتله كلي اخاف عليج بنتي
هالسفر مابيج حيله گتله اخذني شلي بظلتي

ماريد اظل بويه اريدك متعوده انام عله ايدك
والشوفتك عطشانه كلولي موش ويانه
****
تمت
ميثم العمري

#نعمة #المجالس
.
.......بحر طويل.........
.
.

الف شكراً يربي اعله  المجالس
ظلت عالـزمن أعظـم  مـدارس
بالسر چنّه نحييها
والزهـره نواسيها
.......من هاي المجالس....
.
.ـــــــــــــــــ ❁ ❁ ❁ ـــــــــــــــــ
.
قبل   2003       
         هاي الخدمه ممنوعه
على امتون الخدم چانت
       سياط السلطه مطبوعه
همس كلمتنه نلفظها.
       علينه اسيوف مرفوعه
حكمنه عد بني سفيان.
          عشنه بعبره وبلوعه

.
على باب الخدامه نخلي ناطور
خافن تدري بينه زمرة الجور
.
بهيده الدمعه نجريها
والزهره نواسيها
من هاي الجالس.
.
.ـــــــــــــــــ ❁ ❁ ❁ ـــــــــــــــــ
.
گبل چانت مجالسنه
    باب اعله الخدم مسدود
منبر چان ماعدنه.
.     كرسي ويصعد الرادود
جهاز الناعي حنجرته .
      چان بصوته كله ايجود
قصايد كلها مسموعه
        .نقراها اونرد اردود 
.
طعم الها الخدامه بذيچ الايام
نساهر للصبح مانغفى وأنّام
.
نحفظها  ابلياليها
والزهره نواسيها
من. هاي المجالس
.
.ـــــــــــــــــ ❁ ❁ ❁ ـــــــــــــــــ
.
قصه وكان ياماكان
حلم بي عشنه جيل بجيل
ترد تطلع مواكبنه
     برايه ومشعل وزنجيل
وكون بكل فجر عاشور
     . نطبّر والدماء اتسيل
يربي أهلك الظالم
     ذاك البلخدامه ايعيل
.
دعينه وابتهلنه بدمعة العين
يربي اهلك عدونه الحارب احسين
.
هاي الخدمه علّيها ....
والزهره نواسيها
من هاي المجالس
.
.ـــــــــــــــــ ❁ ❁ ❁ ـــــــــــــــــ
.

بعد      2003    .
             اللّه اهلك الظلام
ركضنه للحسين اركاض
          نقبل منحره والهام
اذا نخلص له بالخدمه
   من جسمه نطلع اسهام
وذا  نيتنه مو وياه
       نرد ونسلب الأيتام
.
عليكم لاتزعلون الشعائر
اخافن يوم أمس يرجعلي باجر
.
خدمتنه ونهم بيها
والزهره نواسيها
من هاي المجالس
.
.ـــــــــــــــــ ❁ ❁ ❁ ـــــــــــــــــ
.

المجالس هايه بيت الله.
          بيها من النبي نظره
يحظرها علي الكرار
       وتخصها البضعه بالعبره
اول مجلس اتأسس
          چان بساعة السطره
قصيده من دموع حسين
         قرتها الحره عالزهره
.
قوافي الغاضريه بيوم المصاب
نعت ضلع الزچيه بعصرة الباب
.
هاي القصه نرويها
والزهره نواسيها
من هاي المجالس
.
.ـــــــــــــــــ ❁ ❁ ❁ ـــــــــــــــــ
.

شعائرنه كرامتنه 
       ودولاب الزمان ايدور
اذا زعلت علينه ايجوز
      ترد تحكمنه اهل الجور
خل نخدمها إيد بإيد
    سوه چن حمزه والمنظور
سفر نكتبها للاجيال .
… . آيه من حروف النور
.
مجالس والله خصها بالكرامات
الخدمها يظل ثوابه حتى لو مات
.
عشنه كل مآسيها
والزهره نواسيها
من هاي المجالس
.
.
حسن الموالي الفاطمي

ندري اليحترگ بيته وعباته
يظل تفكيره بعياله وبناته
كل تفكيري چان بعمتي زينب
::::::
تفكيري مو بعيالي ما فكريت بحالي
خل تحترگ حتى بالدار
وبالي زينب مرت وتخيلتها فترت
ومچلبه بعباها النار

زينب بس مره واطفال سبعين
اول مره ركضت عمر خمسين
بناتي يمي ما دخلن دواوين
حداي الضعن ذباح الحسين

يمي عيالي كلهم داري محروگ
بناتي ابد ما صعدن عله النوگ
تسکت طفل ظل الثاني ينحب
:::::
يمي الحرم محميه عالجمر تمشي ارقيه
عماتي نص الهيمه
والمنظر تراوالي شاهدت ركض عيالي
لا جار هد لا غيمه


گدرت اجمع أطفالي وعيني تدمع
گلت عمتي العقيله شلون تجمع
عگب عباسها وي غرب تطلع
أشكال الحچي من شمات تسمع

هو اليحترگ بيته شیظل بي
يطلع عياله يركض لو يطفي
گلبي مثل بيتي وياه عطب
:::::
ما داخل بسوگ انه بس عمتي تعبانه
ما راكب اعله الهزل
يختلف وضعي هوايه ما سمعوني احچایه
انجنبي يقود المحمل

مثل عماتي ما صار انه بيه
يمي اعيالي بس زينب سبيه
بناتي ما مشن مثلچ رقيه
ما شدو حبل بيهن اديه

بيتي احترگ بس والحيره حيره
حيــرة زينب الکلش چبیره
بالديوان حيدر ليش ينسب
:::::

ما عدها اخو تشكيله عمتي بذيچ الليله
چانت سوالفها انیاح

الما عنده اهل يحمونه ناس الغرب يولونه
طول الدهر ما يرتاح

الما عدها گمر يضوي بسماها
اكيد الشمر يضربها بگفاها
عمتي النار هم تركض وراها
دار الوكت للشام وخذاها

انه اجدامي ظل الأثر بيهن
عماتي الجمر حارگ عبيهن
اليظل وحده يا ناس يتعب
:::::
بحمايتي بنياتي يحدي الشمر عماتي
فوگاها یشتم عباس
ستر النبي يتشتم من الضرب يتألم
تتفرج اعليه الناس

ندري الينولي يفزعوله إخوته
شحاله ينادي ميسمعون صوته
نادو يمها كــل اخوتچ موته
گلبي مات من كثرة سكوته
وكفت عمتي بنص ال اميه
كـــل الشام نادوها السبيه
مثل قوس السهم ظهري تحدب
:::::
علي جبار الكعبي
الفاتحه لوالدي

((لا دمعه))


لادمعــــه ألا بــمجــلســــك
بنفاسي صــــــرت اتنفسـك
وين امشي گمت اتحسسك .. حسين
"""""""""""""""""""""""""""""""""""'''""""

ياغــيث يالنازل عطر يارحمه يل مــــاتنحسب
آدم سجدلك بالعشگ يل بالعرش يـــــالتنكتب
يالعاري باقي اعله الثرى ادريها مو قصةّ سلـب
بس ثوبك انطيته ستر تسترنه من عظم الذنب

حسيته من جـاع الستر
وكلته من ضعنك خـدر
ورشيته من دمك عطـر .. حسين

گلبي بحبالك مــــن مسك
بجنـــــــونه يفهم عـــابسك
وين امشي گمت اتحسسك .. حسين

"""""""""""""""""""""""""""""""""""""""""

خــل نتفق انت عدل وقابل خدمتي ومنبري
ومــامبتعد عنك ابد وانت النفس بل ناضري
لمن تلاگيني بدرب يالتدري كلشي بخاطـري
هم استحي من نلتقي چه تدري انته بضامري

تدريني مو كلش صدگ
ولاني هَـذاك المحترگ
بس وغـــــلاتك اختنگ .. حسين

بـــــــالحب يگلـبي واترسك
بــــــالخدمه لابس محبسك
وين امشي گمت اتحسسك .. حسين

"""""""""""""""""""""""""""""""""""""""""

ياحــادي خلگي بالسهر وانزف حكايات النحر
مـــــن العليله وتبتــدي من العطش حد النهر
مخليني اسولف عالدمع شما ينفذ تمدلي سهر
وابحـر بروحك والضعن واتلوه واتنفس قهـــر

كلهــــــــن يصيحلك ابـي
كلهــــــــن بنـاتك بالسـبي
وبالممشه والحادي اجنبي .. حسين

شافن بصــــــدرك يلمسك
الحـــــــافر يويلي يرفـسـك
وين امشي گمت اتحسسك .. حسين

"""""""""""""""""""""""""""""""""""""""""

من توصل افكاري بسبي اتنفس جروح الحبل
وتوگع قصيده الزينبك صورتها مو محمل هزل
واغرگ مسافه الخيمتك والنار تچويّ المايمل
واركع على جروحك ندى واتبعثر بحبك حمل

لاصيحه الا الخاطرك
لادفتـــــر الادفــــترك
سجلني خادم منبـرك .. حسين

اباب المجـــــالس حارسك
آنـــه العَبــــــــــد واتلمسك
وين امشي گمت اتحسسك .. حسين

"""""""""""""""""""""""""""""""""""""""""

وزينب براسي اول جرح من يبتدي حال الدمع
واخنگ الصوت بحسرتي وحتى اذني ماضن تستمع
گلولي جرحك ماشفه گتلهم شلونه الضلع
عنواني جرحك بالعشگ يحسين مو گلبي انشلع

وعيوني مـــــن يتصفحن
هلبت اشوف ابن الحسن
يسولفلي وشلـــون انسبن .. حسين

من ركضن بشوك الّ حسك
مــــــن الحبــــل بيهن مسك
وين امشي گمت اتحسســك .. حسين

عبد زينب
محمد الابراهيمي

من احترگ بيتي وشبت النار
عمتي تخيلتها تلم الصغار
بناتي تراكضن كلهن عليه  اظنها اعله الجمر ركضت رقيه
&&&
خل يحترگ بيتي سالمه اعيالي
حسين اطفاله ماتو عايشه اطفالي
بس الغالي يعرف لچمة الغالي
عمتي الحره صاحت بين اخيالي
صح انه اركضت بس جسمي بي حيل
عماتي اركضن بمزاحم الخيل
سبيه وظلت تلوذ بسبيه  اظنها اعله الجمر ركضت رقيه
&&& 
قياسآ بيه زينب ضيعت كلشي
ما عندي طفل فوگ الجمر يمشي
حسين بلا نعش وانه نحمل نعشي
گبل الراس ابيض گمت احس رمشي
تره محد فزعلي ويمي جيران
اخيامچ لهبت وما عندچ اخوان
انه وياچ هم نفس القضيه  اظنها اعله الجمر ركضت رقيه
&&&&
ما عندي خيم گدامي حرگوها
ولا طفله ابد من عندي ضربوها
ولا ترچيه من ابنيتي سلبوها
ولا نص الزلم عايلتي مشوها
خل يحترگ بيتي بنار الخيام
انه عيالي يمي وانتي بالشام
الله يساعدچ عالغاضريه  اظنها اعله الجمر ركضت رقيه
&&&
محد طفه نار اخيامچ التسعر
زينب گوه رگضت مره وما تگدر
ظلت تمشي زينب بالجثث تعثر
لا عباس يمها ولا ابو الاكبر
ركبت عله النوگ وتدمع العين
لا عباس يمها وحتى الحسين
تنادي يا علي حامي الحميه   اظنها اعله الجمر ركضت رقيه
&&&
الله يساعدچ من شبت النيران
وانتي مخدره وطبيتي بالديوان
مثلچ يا مره اخوتها عالتربان
لا تغسيل ظل حسين لا دفان
حسين بلايه راس وانتي عالنوگ
هضيمه شلون زينب تدخل السوگ
الخاص العام يتفرج اليه  اظنها اعله الجمر ركضت رقيه
&&&
علي جبار الكعبي
الفاتحه لوالدي

حزنان العلم هاي المسيه
لئن فاگد امام الجعفريه
***
الليله العلم ظل منكسر ظهره
لئن شاف المعلم ينحفر  گبره
ماكو مثلك ابدن حتى اعيش هواي
چنت فكرت حياتي وراحت الفكره
حزنانه عليه امه الزجيه
لئن فاگد امام الجعفريه
&&&&
حزنان النبي ومختنك بنفاسه
عله الصادق نعم مجروح بحساسه
حتى المرتضى موجود بالتشييع
ذب اعمامته ما ظلت براسه
حاضر بالعزه سيد البريه
&&&&
نزل حيدر علي ومدنك الهامه
منك ذكره ظلت هاي العمامه
جان العلم يزهر بيك لو موجود
يالصادق رحيك ذوب احلامه
محمول النعش هاي المسيه
&&&&
كلشي اليوم خايف مختلف لونه
القانون بعدك مات قانونه
غير الصادق مكون علم للناس
غيره شلون چا فنهم ينصبونه
بيك العلم من سيد البريه
&&&&
يمته نشوف سيفك عايف اگرابه
هاي الدنيا صارت تشبه الغابه
انت المنقذ لهاي البشر مولاي
غيرك يا ابو صالح ما ندك بابه
متعبه احوالك ادري الغاضريه
&&&&
علي جبار الكعبي
الفاتحه لوالدي

#شهادة_الامام_الصادق_عليه_السلام

رسالتنه الرســـــالة العَمَلية
أصلها من علومه الجعفرية
و لجل فقه المجـالس
فتح حوزة و مدارس
من عدها عرفنه نقره لطمية
ـــــــــــــــــــــــــــــــــــــــــ
شمس المعــــــرفة بين العَوَالم
أمام و چان هم لحسـين خادم
گال ابكل عزه موجـودة فاطم
و هيه أديـر بيديـــــــها المــأتم

هاي الونة گِلـــها سَجِّليها
يم الباب تگعد ندري بيها
و أمامك يَمــها جالس
فتح حوزة و مدارس
من عــــــدها عرفنه نقره لطمية
ـــــــــــــــــــــــــــــــــــــــــ
كُــل (أصل و فرع) ينبوعه منه
و آلاف الكُتُــب مـنقــــولة عنـه
دمعــة وحــــدة گــال و أَكَّـدلنه
بگد جنح البعوضة تصيــر جنه

دَمِعتَك من عله حسينك تهلها
أقل من جنة لتصــدّگ فضلها
أبشروا يالعَـــــــوَابس
فتح حوزة و مدارس
من عدها عرفنه نقره لطمية
ـــــــــــــــــــــــــــــــــــــــــ
مشاعر صادقة الصـــادق كتبها
مجالســــكم يگول شگـد احبها
يطلع خالي مــــن ذنبـه اليطبها
و يلگه شگد كرامة ابنص دربها

يتحول شخـــص جداً مثالي
و بجنح الخِدَامة يطير عالي
مثل طيـــر النـوارس
فتح حوزة و مدارس
من عدها عرفنه نقره لطمية
ـــــــــــــــــــــــــــــــــــــــــ
يخدام الحُســـــــين أحيـــوا أمرنه
قالَ الصـــــــادق و أحنـه ألتـــزمنه
مجالسهم شـــــــرف بالنســـبة ألنه
و يرخص كُلشي من خاطر شرفنه

أُمَرنه الصادق و گلـناله حياك
و ابلطم الصدر نكحلها عيناك
عله الخـدمة ننـــافس
فتح حوزة و مدارس
من عدها عرفنه نقره لطمية
ـــــــــــــــــــــــــــــــــــــــــ
عايـــــــش كربله ليـوم التـلاقي
و ابعينه الدمــــــع ما خَلّه باقي
صاحب ذوق و الاحساس راقي
و يحب نقراله بالطـــور العراقي

يسمع كل تفاصيــــل القصيدة
و يعجبه المُستهل كلما نعيده
ثياب الخـــدمة لابس
فتح حوزة و مدارس
من عدها عرفنه نقره لطمية
ـــــــــــــــــــــــــــــــــــــــــ
ثق يا مَنْ عليه دمعــك تِجــاره
عبـرتك هاية عنــــد الله تجارة
رضاة الزهرة حَصِّلها ابجــدارة  
و عِندْ ام الحسن ماكو خسارة 

دگ باب الزچية و گلها رايد
لجروح السبية ادموع فاگد
گلــــــبها بِينه حاسس
فتح حوزة و مدارس
من عدها عرفنه نقره لطمية
ـــــــــــــــــــــــــــــــــــــــــ
الحمدلله
#علي_حسين_الكناني

#ليلة_الجمعة
.
.

#ليلة_الجمعة

.
.


تحن لـجـروحـك اجروحي   حُـسـيـن وليـلـة الـجـمـعـة
تــاخـذ گـلـبـي مــن ايـــده   وتـجـيـك لـبـابـك الـدمـعـة

                              *---------------*---------------*

قـبـل لا اوصـل الـحـضــره   وأجي وأوگف على اعتابك
اروح اتــعــنــه لـلــغــيـــرة   عـطـر مـرشـوشـه بـتـرابـك
لـكـل شـي بـاب مـعـروفــه   وصـار انـتـه الـگـمـر بـابـك
هـــوى الاخــلاص اشـتـمـه   واتـوضـه وفـه مـن اسـمـه
الـعـشـگ كلمه وانـه كـلـمـة   اجـيـت انطيهـه لـمـصـابـك

الـتـبــده آهـــات لاحـزانـك   غـيـر اسمك فلا ايـجـمـعـه
تــاخـذ گـلـبـي مــن ايـــده   وتـجـيـك لـبـابـك الـدمـعـة

                              *---------------*---------------*

ارفــــع ايــدي بـالـحـضـرة   اسـلـم والـحـــــــزن يـبــده
السلامُ عَـلـيـكَ يـامـذبـوح   اگــــــول ودمــعــي يـتـبـده
اثنعش طبره ابگفاك انحط   حُـسـيـن الخنجر اشـعـنــده
الــخـنـجـر بيمن ايـطـلـبـك   ولـهـسـا تـشـكـي مـن تعبك
لأن فـاطـمـه ابـنـص گلـبـك   الـخـيـل ابـحــافــر اتـمـرده

اجي ارد اشكيلك اهمومي   واصـــد لـهـمـومـك وانـعـه
تــاخـذ گـلـبـي مــن ايـــده   وتـجـيـك لـبـابـك الـدمـعـة

                              *---------------*---------------*

احط راسي اعله شباچك   واريـد اشـكـيـلـك الـبـيـه
وانسـه اهمومي من اذكر   اهـمـومـك يـا أبــو رقـيـه
العطش والذبح بيك انته   وانـه الـكـلـشـي مــا بـيـه
الـگـلـب يمك نساه ضيمه   وانـتـه امـــــوذر بـهـيـمـه
الـسـبـي ما عـافلك خيمه   اخـذ خـنـصـر وتـــرچـيـه

احرگـوا اخـيـامـهـم كـلـهـه   يـصـيـح الشـمـر، واتسمعه
تــاخـذ گـلـبـي مــن ايـــده   وتـجـيـك لـبـابـك الـدمـعـة

                              *---------------*---------------*

تحن لجروحك اجروحي   وازورك يـابــو عـبـد الـلـه
واذكـرك وانته بـالـعـاشـر   وسـاده اتسـوي بـالـرمـلـه
طحت مـن مـهـرك اتخَيَّل   ودمعي صاح الـ اسـم الله
زيــــارة وارث افـتـحـهــه   وروحي الـهـظـم يجرحهه
يالـجـروحـك يـوضـحـهـه   العلـيـه رب الـعـرش صلّـه

حـسـيـنـاً مـنـي وانـه المن   حـسـيـن وزادتــك رفــعــه
تــاخـذ گـلـبـي مــن ايـــده   وتـجـيـك لـبـابـك الـدمـعـة

                              *---------------*---------------*

اجـي بـحـال وأرد بحال   مـحـد عرف مـوضـوعـي
اجـي واللهفه تـشـغـلنـي   وامـغـيـر الــدمـع نـوعـي
ارد وحــاجـتـي ابـأيـدي   وبيدي الثانيـه ادمـوعـي
اجي وارجع دمعتي اتدر   واعيش ايـامي مـتـصـبّـر
من سبتي لخميسي انطر   ويگضي بلهفتي اسبوعي 

ازورك وارجــــع وگــلــبــي   عـلـيـك يـريـد الـيــرجـعـه
تــاخـذ گـلـبـي مــن ايـــده   وتـجـيـك لـبـابـك الـدمـعـة

                              *---------------*---------------*

بخدمتك قيـمـتـي وآنــه   بدونك كـلـشـي ما اسـوه
طـبـع الـدنـيــه مـر لـكـن   اذا تـــرضـه عـلـي حـلـوه
يأول ظـامـي بـالـتـاريـخ   بـيــه الــــــزمــن يــتــروّه
يـبـوصـلـة الـــزمـن كـلـه   الـقـبـلـه شــافـتـك قـبـلـه
عـلـيـك الـمـقـتـدر صـلــه   بـعـظـمـتـه بـقـدرته بعلوه

وعلى سـاق الـعـرش بأمره   انـكـتـب اسمك بكل رفعـه
تــاخـذ گـلـبـي مــن ايـــده   وتـجـيـك لـبـابـك الـدمـعـة

                              *---------------*---------------*

✍️ خادم الحسين ع
الشاعر سعد هادي الشمري

@HxzEU1

#قناه_نشر_القصائد_المنبريه

قصيدة ( القربان )
نص توعوي دعوه للحب والعيش بسلام في ظل ولاية محمد وال محمد دون الانصات للاصوات النشاز والافكار المنحرفة

------------------------------

علي يريدك تعيش وتنفع الناس
تره القربان حتى بكلمه واحساس
حياتك اي مهمه
تعال استمع كلمه علي يريدك تعيش

---------------------------------------

علي ايعوفك اذا ما تهوى وتميل
جهاد النفس هذا وعقلك الحيل
علي يريدك مثقف عابد الليل
كل فكره دخيله تريد تحليل

شنو يفرح علي لو نفرض تموت ؟
حرام الانتحار استمع هالصوت
وجودك بيه رساله
اذا تترك حلاله شنو يفرح علي ؟


----------------------------------


ولي الله علي والصار معروف
هلك بيه المغالي التيه الشوف
ترى اليعبد علي مغلول الچفوف
بدنيا واخره بالنار مچتوف

ترى يريدك علي من شيعته اتصير
تأسس بالعمل كل سالفة خير
تكون انسان ناجح
لغيرك كون ناصح ترى يريدك علي

--------------------------------------

اقرء عن علي الفلاح والجار
تعال وشوف مجمل هاي الاخبار
علي ما منطوي ولا عايش بغار
علي واضح نشوفه بگلب الزغار

علي يريد اليعرفك يفتخر بيك
ويذكرك بابتسامه انجاب طاريك
لاهلك عيش برهم
علي يريدك سندهم علي يريد اليعرفك

---------------------------------------

خلي ايدك بدينه الفرج علباب
الامام المهدي رايد وگفة الشاب
بگلبك حب علي وحسين الاطياب
شنو يعجبك اذا تفزعله الاجناب ؟

دعاء الندبه موقف عمل وانجاز
تصبح من جنوده بدون اعجاز
ضم روحك قريبه
تشوف انته العجيبه دعاء الندبه موقف


----------------------------------------


امك وي ابوك شگد يعانون
تعب خلص عمرهم ما يگولون
تكبر ساعه ساعه شگد يتانون
لا تنسى الربى وليل اليسهرون

اكبر صير ناجح امك تريد
تگول الرفع الراسي ابن الاجاويد
وافي التعب وارباه
هذا وليدي محلاه اكبر صير ناجح


كلمات الخادم / رعد الفريجي
10 شوال 1446
ثوابها الى روح والدتي

صارت زماط وعگد خاچيته
وجفلت الخيل وكلهه تانيته
بس سمعو الحر دخنن ريشاته
الجيش فر من أوله التاليته

شردهه بكل كتر
خلاهه تنكسر
بدويه وهاشمي
ناذرته للخدر

يابا الفضل .. يابا الفضل
@@@@@@@@@@@@@@@@@@
رخاه رسنها وغارت المهره
وگللهه ياهو الرايده أنجره
وصهلت وغارت صوب الأكبار
وداست شوارب بيهم الشگره

گدامه أتلافتو
للشرده أتحزمو
وبطاري صارمه
بالحومه سربلو

يابا الفضل .. يابا الفضل
@@@@@@@@@@@@@@@@@@
شعشع ضواه وزينب أتشوفه
فوگ الكتايب تمطر أجفوفه
البيهم شجاع مطول الشارب
بشواربه ربطهن أچفوفه

بالحومه ضل يهز
والميت هم يفز
شيرده الوصته
بدويه طب يحز

يابا الفضل .. يابا الفضل
@@@@@@@@@@@@@@@@@@
سابگ الريح وطگ عرچ هاشم
وسبعين الف رجفهم الصارم
صارم علي خلاهه عالـگـاع
تتطفح أسيول وحير الوادم

بعيونه جم علي
طگ عرجه الهاشمي
وجراهه من الهرش
گللهه أتحزمي

يابا الفضل .. يابا الفضل
@@@@@@@@@@@@@@@@@@
فوگ النخل خله الزلم لبدت
ورداهه روس العالنهر هدت
يازلمه هذا اليلوه اله ذراع
وزينب بخوها الكافل أتنخت

ناخيته من الخيم
حط جوده والعلم
بمتونه وللنهر
طباله ونگسم

يابا الفضل .. يابا الفضل

رسول رياض

(قصيدة للبقيع)

ينبض الوريد.. بدونك أضيع
انه وياك أريد.. أزور البقيع
نطب للحسن زوار
دعائي يراعي الثار
انه وياك أريد.. أزور البقيع

_ ١ _
إذا بالمقبره وشفنه گبر منهد
طبيعي نگول ماكو من أهل بيته أحد
الله يساعدك من تمشي للغرقد
وتشوف أهلك وناسك مالهم مرقد

بگبرهم وحيد.. دموعك تسيل
يمهدي وتزور.. الحسن والعليل
احط بيتي يمهم جار
دعائي يراعي الثار
انه وياك أريد.. أزور البقيع

_ ٢ _
يامولاي هم تغفه على وساده
وبعيونك دموع بكل وكت عاده
الله يساعدك ويصبّر الساده
شلون تنام عينه الهدمو اجداده

صباح ومساء.. بعيونك دماء
الصبح للبقيع.. المسه لكربلاء
أون مثلك وأنهار
دعائي يراعي الثار
انه وياك أريد.. أزور البقيع

_ ٣ _
الحسن روح النبي وبلا گبر وسفه
علايم ماكو حتى الزاير يعرفه
إخذني وياك لو ليه الگبر وصفه
أريد أقره نواعي كربله بصفه

دمع للحسين.. أهل يمه أريد
واگله العيال.. خذوها ليزيد
بنواعي أقره كل الصار
دعائي يراعي الثار
انه وياك أريد.. أزور البقيع

_ ٤ _
الحسن باب الحوائج والكرم عطره
والينخاه بشده ينگضي أمره
المثله يشيدوله من الذهب حظره
مو محد يزوره وينهدم قبره

ترابه البقيع.. يمهدي وتشوف
شوكت تبني ليه.. قبب كالطفوف
ضريح وقبب تنزار
دعائي يراعي الثار
انه وياك أريد.. أزور البقيع

_ ٥ _
نستنكر أفعال الوادم التحقد
بأيات الكتاب نريد نستشهد
لاهل الكهف وبقصتهم نردد
بكتاب الله عَلَيْهِمْ نَتَّخِذَ مَسْجِد

الحقد هذا ليش.. عله ولد البتول
تهد ودها جيش.. اعله قبر الرسول
بظهورك تطفي النار
دعائي يراعي الثار
انه وياك أريد.. أزور البقيع

مصطفى الشافعي